السفارة تحتفى بالراعى وتُصلّح الساعات!! شاهد صورة لأناقة السفير!!
فيصل الباقر
تحكى القصّة أو ” النكتة ” الشائعة ، أنّ (ساعاتيّاً ) يُدعى كوهين ، مات إبنه ، فكتب نعياً ، ونشره فى الجرائد قال فيه ( كوهين ينعى ولده ويُصلّح الساعات) والمثل يُضرب عادة فى من يستغل حدثاً بعينه ( حزيناً أو مفرحاً ، للترويج لأمر آخر، أى يعمل (إعلان )، وسنحاول أن نشرح رغم أنّ شرح الشعر يفسده ، كما يقولولن !.
وأصل الحكاية أنّ مواطناً سودانياً يعمل بالممكلة العربية السعودية ، إسمه الطيّب يوسف الزين أحمد ،قدّم نموذجاً عملياً ودرساً بليغاً ، فى الأمانة ومخافة الله ، حينما ظهر فى مقطع فيديو، فى حديث مع شخص يطلب منه أن يبيعه نعجة من القطيع الذى أُؤتمن عليه ، مُقابل أن يعطيه 20 ألف درهماً ، ولمّا رفض ، حاول مُصوّر الفيديو عبر حوار قصير شراء ضميره وإفساده ، ولكنّه رفض واصر على موقفه ، فضرب بهذا الموقف مثلاً رائعاً فى الأمانة ، وقد إنتشر المقطع فى الميديا الإجتماعيّة ( اليوتيوب ) والوسائط الأُخرى ، وأشاد أكثر من 4 مليون مُشاهد بأمانة الراعى السودانى ، وتبارى الناس فى مدحه والثناء عليه ،وذهب البعض إلى حد إعلان تحفيزه ….إلخ .
وبقيّة القصّة وتداعياتاها منشورة فى كُل أشكال الميديا ، بما فى ذلك ، قناة (الشروق) التى دخلت الخط بطريقة ” مشاترة ” وحاولت إفساد فرحة الناس بالحدث السار ،عبر التشكيك المُتعمّد ، وإثارة الغبار حول صحّة الحدث ، ولكنّها ، أُلجمت حجراً ، من صحيفة ( تبوك الحدث) السعوديّة، حينما بذلت مجهوداً صحفياً ممتازاً ، ووصلت إلى الراعى ، فى واديه ، وأجرت معه حواراً على الهواء، أثبتت فيه الواقعة ، وانتهى الدرس فى الجبهة الإعلاميّة ، بفضيحة الشروق وسقطتها الداوية !.
ويعد كُل هذا وذاك ، قرّرت سفارة السودان بالرياض ، دخول المُعترك ، فقرّرت الإحتفاء بالحدث بطريقتها ، فأتت بالراعى من البادية فى ريف أبلج إلى الحضر فى الرياض ، و ” هاك يا صُور ” وهاك يا مديح ” و” هاك يا وعظ “….. إلخ . وحتّى هنا ، رُبّما ، ليس هناك فى الأعراف الدبلوماسيّة ، ما يمنع ، سفارة ما ،على وجه البسيطة ، من أن تحتفى بمأثرة حقّقها أحد مواطنيها ، أى إحتفاء الدبلوماسيّة الرسميّة ، بإنجازات ، ما يُطلق عليه ، ” الدبلوماسيّة الشعبيّة ” وهذا جائز .. وعموماً ، لست من الذين يرفضون أن تتنافس سفارات البلدان فى الإحتفاء ، بمواطنيها وشكرهم على حُسن سلوكهم ، وخير صنيعهم ، وليس هناك – بالطبع – ما يمنع ، أن تتبرّع سفارتنا فى الرياض للراعى السودانى الأمين – أى تحفيزه – على أمانته ، من حُر مالها أو من مال منسوبيها أو مال الدولة ، ولهذا لم نستغرب حينما قرأنا وشاهدنا على الوسائط الإعلاميّة ( إعلانين ) الأوّل جاء فيه أنّ السفير ، ( فلان الفلانى ) ” أعلن أنّه سيتم تكريم الراعى بمبلغ 200 ألف ريال ( من الجالية السودانية ) تقديراً لهذا الموقف النبيل ، ” خلال الأيام القادم ” ، ولعلّها فرصة ذهبيّة أمام الشروق لمُتابعة التغطية هذه المرّة ، ولكن نرجوها أن تكون بطريقة أكثر مهنيّة ! ..
وعموماً ، لم أفهم ماجاء فى الإعلان ، عبقريّة أن يُعلن السفير ، عن تبرّع ستقدّمه الجالية ، وهنا يقفز سؤال مشروع : أليس للجالية ” الرعيّة ” قيادة تتحدّث بإسمها ، أم أنّ الراعى ، يقوم مكان الرعيّة ، ويحل محلّها بعد حذفها ؟!. وعموماً، هذا الخلط فى المهام والأدوار – فى هذا المقام بالذات – يذكّرنا بالمثل السودانى (الخيل تجقلب والشكر لى حمّاد ) .. أمّا الإعلان الذى يشبه إعلان كوهين صاحب القصّة الشهيرة والتى أصبحت مثلاً ، فيتجسّد فى قول السفير – أو النقل عنه – أنّ تكريم الراعى سيتم بحضور وزير الإستثمار، و للأسف سكت ( الإعلان / الخبر ) عمّا إذا كان الوزير سيتكبّد مشاق السفر من الخرطوم إلى الرياض لهذا التكريم ” خصّيصاً ” ، أم أنّ إقامة حفل التكريم ، سيتزامن بالصدفة المحضة أو بالترتيب الدبلوماسى الدقيق ، مع زيارة السيد الوزير ، وإن بدا من التصريح الصحفى أنّ الحدث ، سيُستثمر للترويج لبرامج الوزارة وبنات أفكار الوزير الهمام .وعلى كُل حال ، فإنّ الرسالة وصلت ، وهاهى السفارة السودانية فى السعوديّة، تُجدّد قصّة كوهين الذى يُصلّح الساعات !.
ولطالما المسألة ” جابت ليها ” أخبار وشمارات سفارات ، فلعلّها فرصة ، أن نقرأ ما يحدث ، فى الرياض ، بما حدث هناك فى كمبالا ، حينما طفح خبر السفير الذى ينشط فى تمثيل ورعاية مصالح قناة ” خاصّة ” ( الشروق ) فى منافسة قناة ” عامّة ” ( النيلين ) ، وهى قناة ممكلوكة للدولة !. والغريب فى الأمر أنّ قناة ( الشروق ) ، حاضرة ، فى الحدثين ، كما فى غيرها من الأحداث و التغطيات الصحفية للمناشط التى تتم فى بعض السفارات أو التى تكون السفارات السودانية فى الدياسبورا طرفاً فيها .. وعموماً ، كما للشروق فى تغطياتها الخبريّة شؤون ، فإنّ لبعض ? أقول حتّى إشعار آخر ? ” بعض ” السفارات فى إعلاناتها ونشاطاتها فنون !.
[email][email protected][/email]
فعلاً أناقة السفير زي شفق المغارب – أحمر أخضر ابيض ….. ألخ
والله ماعندك موضوع كيسك فاضي
جنس مبالغات طوالي عملتها 20 ألف درهم .. أول حاجة المطوع عرض عليهو 200 فقط وليس 20 ألف وثاني حاجة المبلغ بالريــال وليس الدرهم … أوعى يكون باقي موضوعك نفس الحكاية
شكراً أخي الباقر هذا وهو الأعلام الذي نرتضي علينا جميعاً مقارعة هولاء بما أوتينا وعلى الحميع أن لا يتفرج ويقرأ ويعلق فقط وأعتقد جل قراء ومعلقي الراكوبة من النخب لذلك هي الموقع الأول في السودان … وكما قال بروف بوني إن إعلام الأثير صار يتفوق على الأعلام التقليدي .. لأنه أعلام لا مجال فيه لتزييف الوعي ولا مجال للهندي والضياء والبلال…
مقال ظريف
اتمنى ان يدفع اي مقيم سوداني في السعوديه وفي دول الخليج مبلغ 10 ريال فقط لهذا الراعي حتى يعود للسودان ونكفيه شر الغربه وعذابه وشر رعي الاغنام في هذه المناطق الوعره وانا عارف مسألة السفارة تدفع حاجه ده من المستحيلات اتمنى من السفارة ان تقوم بجمع هذا المبلغ ان وجد القبول من الاخوه السودانيين .
والله تشعر بعد مرات أنو الواحد لقي مكان ويكتب فيه يعني كلام في كلام فاضي نحن نستفيد شنو من كلامك دا سفارة وراعي والموضوع اصلاّ انتهي هذا يدل علي الفراغ الكبير الذي نعيش فيه بس نكتب علي كل شيء صحيح نحن شعب لايعجبنا العجب ولا الصيام في رجب يا خي كوم نوم ولا شوف ليك صحن فول
هو ده السفير ولا النائب الاول…النظاره يا ولد.
وأنت كمان كوهين صغييييييييييييير
لا سمح الله لو حدث لهذا الرجل الطيب مكروه في فيافي الغربة هذه ، هل كان سيجد هذا الإهتمام من قبل السفير شخصيا؟ و كما معاه وزير الإستثمار ، ؟
اللوم اكثر على مراسلى الشروق يبدوا انهم كوادر غير مؤهله كما فى العديد من قنواتنا الرتيبه الا النيل الازرق اقل رتابه حتى التلفزيون الحكومى هذا قصه لوحدها ابو الرتابات فى الدنيا
هسه الراعى ياتو فيهم فى الصورة؟ خخخخ
الكرفته الخدرا والبدلة البنية والشراب الاحمر .. الشتره شنو يا سفيرنا الشكية ل الله ؟؟؟؟ قال دبلوماسي قال …
الطفل المعجزة + السفير عبدالحافظ ابراهيم + جمال الوالي هم قمة الفساد والافساد الطفل المعجزة هو من مهد لنقل السفير عبدالحافظ من نواكشوط الي الرياض وذلك للزوم البزنس اضافة الى المفسد جمال الوالي وهم الثالوث يمثلون قمة الفساد واللغف والبلع اضافة لمدام وداد اما عن السفير عادل شرفي وهو مغلوب على امر بعد ذاق الويل وهو دبلوماسي وتشهد وزارة الخارجية بذلك تم تاخيره في الترقيات ومضايقته وحاليا هو الوحيد من ال شرفي الثلاث بوزارة الخارجية وقد سبقه السفير عبد الرحمن شرفي باللجوء السياسي الى كندا حينما كان يمثل السودان في فينزويلا فالرجل مغلوب على امره
افهم يا رجل وزير الاستثمار دا جيبو تقيل.
مش لما يكون في افتتاح ( صرح ) بعزمو كبارات.
مرة خالي بسبب وجد نفسه ضمن كومة مدعوين لحفل جماهيري رسمي.
قال له أحد ( التماسيح ) انت اتبرع ب 5000 مليون كانت أيامها مبلغا ضخما.
خالي رجف كاد يغمى عله قال: انت عارفني ما عدي من وين أجيبن ما تدخلني في الورطة دي ( تخيل )
قال ( التمساح ) أنت مالك بس قول هو في زول بدفع حاجة؟؟؟
الله أكبر الله أكبر الله أكبر . ( التماسيح ومن ورائهم بعض المغفلين والناس الطيبين الصادقين)
اللللللللللله أكبر الللللللله أكبر ( اخوات نسيبة )
عندها عرفت لما يجونا ناس حكومة ويتبرعوا لينا بشئ نطارد لما نعب وما نقدر على المطارة ما نحصل عل الحبة دي.
أحيانا حق الضيافة ما نطلع بيه.
لأن الراعى يمثل الشعب السودانى وليس المؤتمر الوطنى بل إنه احرج المؤتمر الوطنى لما يعلم عنه من فساد داخليا وخارجيا فإن السفارة ووزير الإستثمار يريد أن يستثمر أمانة الراعى لصالح النظام وسحبه من صالح الشعب السودانى .
السفارة لو قامت بعملها المؤكل اليها تكون ماقصرت ….
التجاره بالدين عرفناها
التجاره بأمانة الطيب يوسف الزين
لسع ما سمعنا بيها ،غايتو يالكيزان
شغلكم ده،،،كله مشاتره.
القارىء صحراوى
أشكرك على تصويبى ، فالرقم المعروض هو 200 ريال ( بالريال وليس بالدرهم )،وهو خطأ فادح يستوجب الإعتذار عنه بالصوت العالى،لك ولبقيّة القُرّاءبل ، ولكل الأطراف المعنيّة بالأمر..أمّا” باقى موضوعى” فإنّنى أتركه لحكمتك ولرجاحة عقلك .. مع الشكر الجزيل على التصويب والتعليق
فيصل الباقر
عايزين مقالات من ذوي الأختصاص
فى علم النفس والأجتماع والانثروبولوجيا
يتكلمو لينا عن ظاهرة (الراعى لوجيا)
شنو الحصل لوجيا
فى الدنيالوجيا
زول سودانى لوجيا مسلملوجيا رفض رشوةلوجيا
دا مش عاديلوجيا
طيب ليه الجوطةلوجيا !
مش حاجة غريبة لوجيا
ولا انا
عويرولوجيا؟
الامانه والشهامه والرجوله والكرم من شيم واخلاق السودانيين منذ الازل وهنالك امثله كثيره نعلمها جمعيا ولكن هذا المقطع الذي ظهر في الوسائط المتعدده واستغراب واندهاش كل الذين شاهدوه (من سودانيين وغيرهم ) يدل علي معني واحد لاغير وهو تغيير كل الصفات الحميده التي ذكرتها انفا بضدها
لذا ظهر هذا المشهد غريبا علي الذين شاهدوه واللبيب بالاشارة يفهم
فشخره وعدم موضوع من السغير
دا منو القاعد جبنو دا السفير ولا موظف فى السفارة
السفير لا بس أخضر وأحمر وبني وما عارف شنو .. بمجرد رؤية السفير تذكرت الزي الرياضي لفريق الكمرون .. ياربي يكون دا المدرب لا شنو… بالمناسبة الزي الرسمي للدبلوماسيين في المناسبات الرسمية المفروض يكون أسود وأبيض في حالة إرتداء البدلة .. الفل سويت
يا جماعة كفاية قصة الراعى نحن بالضبط شهر فى موال الراعى
بقى زى مباراة الهلال و المريخ كفاية كفاية كفاية
السفير ده مرتو وين وكيف خلتو يطلع من البيت كده والله انا شايف الراعي لابس احسن من السفير
انا والله يا جماعة في شي محيرني ولو كنت غلطان قولو لي
من المعروف انو المطاوعة كما يطلق عليهم السعوديين هم السلطة الاعلي في الدولة و ذالك عن طريق ما تسمي بهيئه الامر بالمعروف والنهي عن المنكر و الراعي جاتو الحكومة في مكانو فهل تفتكرو انو يقوم يسوي المنكر لي ناس النهي عن المنكر ويبيع ليهم نعجة ب 200 ريال هذا المبلغ الزهيد عشان يقطعو يدو وحاجات أخرى ,ولا يكون أبو الامانة ويقابل السفير الما عندو شغلة غير يجمع الضرائب و يقابل المشاهير ( الراعي طبعا)
قودوني الي النور… الحائر والمعذب من الحكومة م. ه. ع
يا ناس لينا 25 سنة فى البلد دى نسمع بالجالية ولا نراها
من وين بتجيب الفلوس البتتبرع بيها دى؟؟
وبعدين السفير بأى صفة يتبرع بإسم الجالية ! هل هو رئيسها ؟
فهمونا ياجماعة
ده سفير شنو ؟؟؟
جزمه بنيه + شرابات حمراء + بدله بنيه
+ قميص ابيض + كرفته خضراء
احمر بني ابيض اخضر
ياخي ندي القلعه ما عملتو
وبعدين الراعي ده انسوه بعد كده
الرجل عمل شي عادي جدا وهو الامانه
اي زول ما شايف انو ال عملو عادي
يراجع نفسو ويراجع امانتو
المفروض الحكومة والسفارة والشعب السودانى يحتفلوا بهذا الراعى ايما احتفال ليه لانو ملأوا الدينا وشغلوا الناس بكسل السودانيين حين من الدهر فعلى الناس استخدام هذه الصورة التى جاءت على طبق من ذهب لتلميع صورة السودانيين حيث اننا ساقطين اعلام ولا نعرف ان نسوق أنفسنا ويسهل علينا الهوان مع اننا من اطيب خلق الله على وجه البسيطة ولكن لا نستطيع تسويق انفسنا مع ان شعوبا اشتهرت بكل المساوىء تسوق نفسها وترمى أهل السودان بالكسل وعليه فعلى الامة السودانية انفاق كل غال ورخيص لنشر هذه الصورة على اوسع مدى ويمكن ان يرمونا بصفات ليست فينا ولكن لا يستطيعون ذلك كل الوقت فهذا هو راسمال السودانى فى كل مكان فابقوا عليه عشرة .
سفيرنا دا طبعا راجل موظف لا بحل ولا بربط كعادة اهل السودان
السفراء والمدراء والولاة في كل السودان هم مجرد موظفين لدى حكومة الخرطوم ولا يملكون القرار لان السلطة هناك عند اناس من هناك اقصى الشمال مركز القرار الخرطوم اي منهم لن يصرف فلس إلا بعلم حكومتنا الرشيدة عشان كدا لابس لبس غير نظامي يجب ان افضل من كدا مليون مرة .للاسف الشديد القرارات في البلد بيد فئة معينة من مركز القرار الخرطوم فقط . ولا حد يستطيع تغيير سرواله بدون علمها .
شرابك شين
أفضل تكريم منكم للزول دا إنكم تصوره وتعلقوا صورته في مكاتبكم يمكن تردعكم أمانة مواطن طالما ما ردعكم الخوف من اللي خلق الراعي.
يا جماعة السفير دا ما واجهة بلد دايرنو يلبس شنو, وبعدين في لبس اليومين ديل ما بيتلحق لي أي زول كان داير
إنت عارف يا أستاذ فيصل، لما السفير قال الجالية حتتبرع بالمبلغ المذكور وحيسلموه للاخ الراعي بحضور وزير الاستثمار (مصطفي عثمان)، هو قاصد كلامو دا! لانو المبلغ سيتم جمعه من الجالية بطريقة ترعتي كنانة والرهد! وليس من خزينة السفارة. وانشا الله يصل لمليار ريال. في النهاية اخونا الراعي حياخد الـ 200 الف بتاعتو، والباقي عبارة عن أتعاب العاملين عليها! بفقه الشر بخص والخير بعم. وتستمر الحكاية، رسوم الراعي .. دعم الراعي .. زاد الراعي .. اشتراك الراعي …… وهكذا.
يا مسورالوجيا انت مش عويرولوجيا وبس انت طيرولوجيا كمان
عمك ابو شرابات حمراء دة يكون من قدامي ﻻعبي المريخ الالفين في الخليج
انعلو دا سفيرنا اللابس اشتر دا ؟ هذا زمانك يا مهازل فامرحي ! بجيبوهم من وين ديل ؟
جميل أن يشع نور الأمانة في الخلاء والصحراء وربوع الأودية، ورائع أن لا تغري مائتي ريال راعي لبيع ما لا يملك، فتموت الشريفة ولا تأكل بثديها، لكنني أحسب أن الموضوع يستحق النقاش من زاوية أخرى، واختلاف الرأي لا يفسد للود قضية، ولا يقلل بالطبع من قيمة الراعي، ولا حسن نيته، فقط دعوني أتساءل هل وصلنا إلى زمن يكافأ فيه صاحب الأمانة بمبلغ 200 ألف ريال، وهل بلغ بنا الحال للاحتفاء بأمانة راعي رفض الحرام، فهل بات نموذج الحرام هو الغالب في الدنيا، ووسط السودانيين، صحيح أن الأمانة لها مكافأة في الدنيا لكنها بركة وسعة رزق، وفي الآخرة رحمة ومغفرة وجنان واسعة، لكنها ليست من باب المكافأة التي أراها الآن، صحيح أن الطفل يكافأ على أمانته جزئيا وحتى أمام زملائه لتحفز الآخرين، وصحيح أن القوانين تجيز لمن يسلم أمانة وجدها في قارعة الطريق 10% من قيمتها، كن الأصح أن البعض يتنازل عن المكافأة لأنه يريد وجه الله، أكرر لا ألوم راعي مسكين وهبه الله من السماء مالا حلالا طيبا، من حق الراعي أن يتسلم المكافأة، ويفخر بها، لكن ليس من حقنا أن نصمت على دراسة الظاهرة، علما أن بلادنا فيها عشرات الألوف من الرعاة الشرفاء، لم يكافأهم أحد، حتى السفير نفسه، لم يكلف نفسه، بأن يحمل ولو 10 آلاف ريال، ويذهب إلى بلاده ليطعم البائس الفقير، فإذا كانت الـ 200 ألف ريال مكافأة متواضعة تستحتق أن تستطقب وزير الاستثمار (مصطفى عثمان) والذي لا أعرف علاقته بالموضوع نهائيا لا بصفة شخصية ولا اعتبارية ولا وزارية، اللهم إلا بصفة (استثمارية) معروفة، إذا كانت كذلك، أفلم يكن من باب أولى أن تتسارع الخطى لدعم رعاة في بلادي يموتون جوعا، ويتحلفون التراب، ولا يسرقون من المدن، ولا يغيرون عليها بوابل من الأحجار، وهم يرعون الإبل والأغنام، أم أنهم لا يستحقون، أم أنهم بعيدون لا يمكن أن يراهم أحد، أم أن هذا المبلغ 200 ألف لا يمثل شيئا لهؤلاء، يعلم الله أنني بت أشفق على حال وطن تكافأ فيه الأمانة عبر وسائل اعلام وسفارات وتهلل له الألسن، فإذا كان من حق الراعي استلام المكافأة أفمن حقنا أن نسأل السفير من أين تأتي بهذه الأموال أليست من عرق جبين رعاة آخرين ساقتهم الأمانة إلى بيع كل ما يملكون من أجل تأشيرة وصولا لهذه البلاد الطاهرة، أملا في سعة رزق، وصدق الله العظيم “ومن يهاجر في سبيل الله يجد في الأرض مراغما كثيرا وسعة”، مرة أخرى مبروك للراعي ما سقا ورعى، ومبروك للسفير ما أخذ وقدم، ومبروك للأعلام ما ملأ واستعلا، أما نحن فلا حول ولا قوة إلا الله، فللأمانة سعر في زمن النخاسة
كونو الراعى دا يكون أمين دا شى عادى لأنو المهنة دى مارسوها الأنبياء عليهم الصلاة والسلام ، لكن الما عادى إحتفاء الناس بهذا الموضوع وأظن دا ناتج من العك والخمش الحاصل جوة البلد من أى زول مسكوه وظيفة ليها صلة بالمال العااااااااااااااااااام المتعب المراجع ، العجيبة الدولة ذاتا إحتفلت بالراعى وهى ذاتة ما أمينة ، حكمتك يا الله
شكرا ا فيصل الباقر مقال جميل ومعبر وتسلم يدك
المهله نضوقا ونطلع سوقا ,,, بس خلاص !!!!!!!
السفاح من زمان منع تعليق صورته الكريهة فى السفارات والوزارات عشان ما داير الناس تتف فى وجهه وينعلوا سلسليفو،، طيب خليهم يعلقوا صورة الراعى دة ويكتبوا تحته مثال للإنسان السودانى الأمين،،
***هوى يا الطيب يوسف الزين أحمد…أسمع اللحدثك!!أوعك تصدقهم!!!طبعا وزير الاستثمار طبيب الرحى الثالثة والسفير حيسألوك :- عندك فكة ياالطيب…وانت حتقول ليهم :- فكة كم؟؟…يقوم الوزير والسفير يقولو ليك:- خلاص جيب العشرين ألف ريال الأداها ليك الحصينى عشان نحنا ماعندنا فكة وحنسلمك 220 ألف ريال صم يعنى قروشك زايد تبرع الجالية!!!!ويقوم الوزير يقول فى المكرفون يوم حفلة التكريم :- وقبل أن أغادر موقفى هذا لابد لى من شكر المواطن الطيب يوسف الزين الذى تبرع بمبلغ 220 ألف ريال تبرع لمفوضية(الوثبةالوطنية الشاملة)!!!؟؟؟!!!!
***انتو السفير ده جزمتو مغبرة كده يعنى هو سافر للراعى فى الخلا…ولا الطيب جاهو فى السفارة…!!!
***والسفير (نظامى)وملتزم ماشايف (الكرفتة الخدرا)….عمك الصادق يومته جا يسمع خطاب البشير لابس جزمة خدرا وعزبة طرفه أخدر وزحه التربيزة عشان يفتح الطريق …ماقالو ليهو حنعملك رئيس وزراء…وفى اللون الأخدر دوبت شبابى!
***هيع يا الطيب…ناس السفارة ترسوك عصير قونقليز …لمن بقيت تعاين…آآآآزول حلال عليك وقروشك مبروكات وشرفتنا….ونغنى ليك: تسلم لى عوض الليلة!!!
رائع :
تعديلاً لما قلت في ريفي املج الواقعة على خط الشمال طريق ينبع البحر تبوك .
نقلآ عن قناة الجزيرة :
هيفاء وهبى تبحث عن رقم الراعى السودانى.
لاعبوا فريق برشلونة يضعون صورة الراعى السودانى
فى غرفة تغير الملابس بالنادى.
المخرج الامريكى كاميرون مشغول باعداد فيلم يحكى
قصة الراعى بأسم ( النعجة تايتنيك).
المخرج السورى نجدت انزور منهمك فى اعداد مسلسل
عالمى يحكى قصة الراعى باسم( ليلة القبض على الشريف).
البرنس هيثم مصطفى يطالب بتعينه مدربآ للمريخ بديلآ لكروجر.
مسيرة هادرة فى عاصمة البشير الخرطوم
النسوان تزغرد والرجالة تقول الله اكبر
الله يلعن القال ليك ألبس شراب أحمر يا تعاسة السفير
تحية وإحترام أستاذ فيصل الباقر
كفيت ووفيت ووضعت الملح علي الجرح
سفير الهنا .. البدلة بنية والكرفتة خضراء والشراب احمر .. غايتو ربنا يهون .. واخونا الطيب ربنا يرزقه من وسع قدم صورة مشرفة للسودان لن يستطيع هذا السفير ولا وزارةالخارجية مجتمعة تقديمها
بالتحديداليوم قامت أندونيسيا بتحديد شروط خدمة العاملين بالمملكةالسعودية من تأمين صحى ….ألخ نفس الشئ قامت الحكومة الهندية بالتوقيع مع ملك البحرين(الزائر للهند) على كمية من الأتفاقات المفيدة للعاملين بتلك الدول .لو فكيتو قصة الراعى والسفارة وألتفتو لى حاجات من هذا النوع بيكون أفضل لحقوق المغتربين و للراعى نفسه بدلآ من اللت والعجن ،وفى السفير اب لباسآ أخدر.
لبس السفير المشاتر يدل على أن وزارة الخارجية قد تم احتلالها بالكامل من شتات الدفاع الشعبي وملاقيط الأمن ……يعني كلو فاقد تعليمي وتربوي ،،، البنطلون بني محروق والشراب أحمر عنابي والكرفتة أخضر زرعي !!!!!! لبس هذا المسمي بالسفير يوريك الدرك السحيق الذي وصلنا اليه !!!! بعدين ما دام المكافاءة للراعي الأمين ستجمع من أبناء الجالية ما يقوم بالجمع والتقديم أبناء الجالية عبر جمعياتهم وروابطهم … دخل السفير والوزير وزعيط شنو في الموضوع ؟؟؟؟؟؟؟
وزير الإستثمار يحضر بعقليتة الإستثمارية ليستثمر قصة الراعي وشخصة الأمين ودراسة أبعاد وفرص إستثمارهما..هم هكذا سريعو القفزات يقفزوا من مربع إلى آخر ويروجوا ويستثمروا كل موقف وظرف سلبا كان أم إيجابا..ديدنهم الغاية تبرر الوسيلة لذلك تجدنا اليوم مواجهين ومحاطين بكم من الأحزاب الإسلامية مختلفة الوجوة لكن متوحدة فى الهدف. رهنوا الشعب والوطن ولسان حالهم يقول..مفاجأة..لا مناص البحر خلفكم والعدو أمامكم.
قضية الراعي كانت عفوية وبسيطة وجميلة ولكن دخول الحكومة والسفارة خربت الحكاية وبهدلتها وافقدتها تعاطف الناس وافقدتها بسطتها نكهتها الاساسية وعفويتها في الخلاء وهو يرفع اصبعه مشيرا الى الواحد الاحد ..
خلاص الموضوع انتهي وبقى بايخ لانه تسيس ومع (الإخوان) تخيل يجي مصطفى اسماعيل القابع في كرسي الوزارة منذ 25 سنة عشان يشكر الراعي على امانته طيب اين امانتك انت يا وزير الاستثمار؟ ان حكومتك عاصرت حكومة كلينتون الذي ضرب مصنع الشفاء وحكومة بوش الاولى والثانية وحكومة باراك اومباما الاولى والثانية ثم إنكم تخططون للحكومة القادمة أين الامنة هل تخيل ان ان حكومتك بقت في الحكم اكثر من عهد الرسول صلى الله عليه وسلم من هاجر الى المدينة وحتى حكومة عمر بن الخطاب واكثر من عهد الخلفاء الراشدين الاربعة زائد فترة حكم الخليفة الخامس عمر بن عبد العزيز ثم بعد ذلك تتحدثون عن الامانة.
***البيجرجر فيهو الطيب ده….بريف ولا بوكسر!!!!!
مسكين السفير ده … عندو الظار.
الراعي مواطن سوداني اصيل ولكن السرقة التي حدثت في عهد الانقاذ والفساد الذي استفحل لن تسبقنا عليه اي جنسية من جنسيات العالم .
الله يقـرفــك ..
شــرطت عينا .. كرفته خضراء ، وشــراب أحـمـر .. ومـنديل أصـفـر ، ســفير ولـلا باذنجــان ( مصــقـع ) ؟؟!!.
ياناس البلاوي دي إتحــدفت عـلينا مــن وين .. مــن اين أتــي هــؤلاء ؟؟!!.
يـعـني نحـنه ناقصــنك ؟؟!!.
مش كـفـاية عـلينا .. ( تحــت جــزمـتي ) وأخــواتـهـا ؟؟!!.
يازول ياسمح يازين ياراعي ياواعي لقد جعلوا ماقمت به من عمل جليل ساحة للمناكفات الممله حكومة ومعارضة ملعون أبوها سياسة وملعون أبو الساسة الفاشلون والمدمنون للفشل وعاش كل زول أصيل ونبيل بالافعال لابالقول .
جيتوا لي شكر الامانة …يخص …!!!
القاعد جمب الراعي ده منو ؟؟
لو كريستيان ديور شاف السفير المهرج ده لابس كيف سيصاب بسكتة دماغية أو جلطة.
GRASSCHOPPER GREEN LOCUST
الجرادة الخدرا
يا جماعة ركزوا شوية في لبس السفير لون البدلة رمادي مايل للكبدي والشراب ليس أحمر وانما كبدي والجزمة لونها كبدي وليس أحمر ماتشنج مع البدلة بس خربها بالكرفتة الخضراء . علي كل حال نتمني له التوفيق واستقباله للراعي يدل علي أنه انسان ابن ناس ومتواضع .
اسمعوا ياجماعة وزيرو زاتو شاف اللبس وين جا من حجر العسل الس المدينة ولحدي حسي هو مخلوع ومامصدق العز الهو فيهو دا
خطوه عزيزه يا “سفرفر”
خطوه عزيزه بالأخضر
خطوه عزيزه بمنديل اصفر و شراب أحمر .
(ملحوظه : “الاخدر” لزوم الدولار و السعوديه و كده !).
والله إنها لسفاهه…اسف (أقصد سفاره) !
والله الرياض دى تفتش للتراب فى الشوارع بفتاشة ماتلقاو السفير ده جزمتو دى الملاها تراب كده شنو يكون اخر مره لبسها فى الخرطوم ودقس ولبسهاالليلة بس قبل مايورنشها ياخ كان تلبس ليك جلابية وعمة احسن من لبس البدل المابتعرفو له ده واناقة الرجل تظهر من جزمتو وشرابو زى مابقولو الانجليز ياخ الورنيش فى محل ابو ريالين فى — نرجو من افراد الجالية ان يقومو بحملة تبرعات من اجل ورنشة جزم السفير وبرضو يطلعو لينا دمغة جديدة اسمها دمغة ورنيش جزم السفير احنا راضين
هوي ما تدوا القروش السفارة!!! كفاية حفلة التكريم بتكون الفواتير طلعوها بمية الف ريال ريال ولهفوا الباقي والطفل المعجزة بكون جاي يستثمر في الراعي لجيبوا بعد ان فشل في استهبال السعوديين وبيكون عينوا علي الميتين الف!!! وما تستبعد يجيبر معاهو المتعافي والخدر وعبدالله!! لانو الجناعة ما بيامنوا انو يديهم حقهم بعد ما يرجع!!!!
لون البدلة اخضر فستقي …
الشراب الأحمر يدل على ان السفير دلاهه ..