ضرب تيم لطوارئ الكهرباء ضربا مبرحا في إحدى نقاط التفتيش
الاعتداء سبب اصابات بالغة لمهندس وفني مساعد
الخرطوم: الراكوبة
قال وكيل قطاع الكهرباء في وزارة الطاقة والتعدين خيري عبدالرحمن أحمد, ان تيم لطوارئ الكهرباء تعرض للضرب المبرح في إحدى نقاط التفتيش مما تسبب في إصابات بالغة لمهندس وفني مساعد.
وذكر في بيان يوم الأحد, ان التيم كان في طريق عودته من الصيانة الطارئة ويحمل التصاريح اللازمة له وللسيارة الحكومية التي تنقله.
في حين نبه خيري, إلى ان الإصابات البالغة التي تعرض لها التيم استدعت الاستشفاء والتوقف عن العمل.
وطالب في الوقت نفسه أفراد نقاط التفتيش بالتحلي بأسمى آيات الصبر والتفهم للمهام الطارئة التي تستوجب على أتيام الصيانة للكهرباء الخروج لأداء عملها خدمة للمواطنين في كافة القطاعات والتي من بينها المراكز الصحية والتي في أمس الحوجة للتيار الكهربائي.
وأدان البيان لاحقا, ما حدث للتيم مساء الأمس, وطالب بإستكمال التحقيق حول ملابسات ذلك.
كما طالب بعدم التعرض لكافة أتيام الكهرباء وهي تؤدي خدمات الطوارئ طالما هي تحمل أوراقها المطلوبة.
وأضاف”أننا في قطاع الكهرباء كنا في غاية الحرص على إجراء كافة التدابير اللازمة لضمان إستمرار تقديم خدماتنا واستقرارها طيلة فترة هذا الوقت العصيب الذي يجتاح فيه هذا الوباء كل العالم بما في ذلك وطننا العزيز خدمة لأمهاتنا وآباءنا واخواتنا وأخواننا في كافة ربوعه العزيزة”.
وبعث بالتحية والتقدير لكافة أتيام صيانة الكهرباء المكافحين والمتقدمين الصفوف خدمة للوطن، وتمنى عاجل الشفاء للتيم المصاب.
ودعا الجميع إلى مواصلة عملهم وواجبهم المعتاد علي أفضل ما يكون.
للاسف التراخي الشديد في انزال العقوبات الرادعة حفز كثير من افراد مايسمونهم نظاميين وهم ابعد الناس عن النظام خرق القوانين والدوس علي النظم بابواتهم والاعتداء علي الكوادر الطبية ومهندسي الطوارئ واستمرأوا الحكاية فبجاحتهم وغرورهم حتي وصل لوزيرة اتحادية!!! انا اعمل مهندس بالسعودية لضرورة العمل نعمل ليلا في مكة حيث نتحرك من مكة لجدة لنعود عند الفجر حيث نمر بعدة مراكز سيطرة بمختلف مكوناتهم العسكرية , فقط يطلع علي تصريحك ولم تسمع منه غير كلمة حياك الله..تفضل
للاسف الشديد الذيت يعملون فى الشرطة السودانية فى معظمهم هم من قطاع (الفاقد التربوى) ومعظمهم يذهبون لقطاع الشرطة لانه لا سبيل لهم لاى عمل اخر , وفوق ذلك تجد لديهم مشاكل اجتماعية وخلفيات مشوشة , لا يحترمون الضباط لان بعض الضباط للاسف وخصوصأ الرتب الصغيرة لا يستحقون الاحترام فهم يدخلون معهم فى شراكات الرشاوى ..
أفراد نقاط التفتيش ديل ..شغالين بتعليمات ..هل من ضمنها ضرب المواطنين..دا تجاوز داير وقفة ..يا مدير الأفراد،افرادك حفظهم شغلهم ..ياخ بتاع الخضار و اللحمة..عندو كلمتين مع المواطن ..سعر الكيلو كدا..يفتح الله يستر الله .انت عندك نظرة للأوراق..تصريح رخصة وبس.الكلام الكتير ماليهو لزوم من اساسو.
يا اخوانا قلنا مليون مره وزير الداخليه ومدير الشرطه والبرهان بصفته رئيس المجلس الاعلى للشرطه عايزين كده والبيحصل للوزراء والاطباء وبقية الكوادر الطبيه وكمان جابت ليها إهانه وضرب لمنتسبى الكهرباء لا يمكن ان تتم إلا بعلم الذكرتهم وما معروف بكره الدور حيكون على منو وآكيد ما خفى اعظم وما كل البيحصل الاعلام بيلم بيهو والممكن اقولوا الظاهر ان وزير الداخليه ماسك ليهو زله على المكون العسكرى عشان كده ما قادرين يزحزو من مكانوا رغم إخفاقاتهم الباديه للعيان وده شىء متوقع مش اكلو عيش وملح مع النظام المباد وبرهان ما يغشنا بالكلام الدشاهو امس مع لقمان والبرهان تقول جابدو الصادق المهدى!! كلامو كلو كان كذب فى كذب فمن شابه رئيس تربى هو على يده ما ظلم ودليلى اللقاء كان مرتبين ليهو الاسئله وقسما بالله لو تركو للقمان احمد الاعلامى المحنك الموتق يسآله بدون سيناريو موضوع مسبق كان البرهان من الاستديو لبيتو طوالى ده إذا ما كان وقع مغشيا عليه داخل الاستديو لكن نقول شنو دى طبيعة الشخص الملاوع الكذاب ؟!! المهم الحصل لمنسوبى الكهرباء آخر إختبار لوزير الداخليه ومدير الشرطه وما يغشونا بحكاية قبضهم للشرطى الارتكب الجريمه ووضعه فى الحراسه وانا اعجب للبيان الفطير النى الصدر من الشخص المسئول فى الكهرباء مش امس سمع بحكاية الوزيره وقبليها بالاعتداء التم فى المستشفيات وانا مستغرب وبسآل وين النقابات حامية حمى منسوبى المرافق دى ؟ يا اخوانا البيحصل ده ما شجار فى الشارع إنما فعل ممنهج يقوم بيهو بعض افراد الشرطه بشكل مدروس يعنى ما صدفه والسكوت عليه جريمه !! ما لاحظتو بعد اى اعتداء تجد الكيزان بدلاليكهم وطاراتهم شغالين فى المواقع الاسفيريه دفاعا عن المعتدين وتحريض ليهم بمعنى امشو فى السكه الكنتو ماشين فيها قبل الثوره وانتو مطمئنين طالما وزير الداخليه ومدراء الشرطه معاكم !! ويا البرهان ربنا ما عرفناه شوف عين والبتعملو فيهو ده واضح وجلى سعادتك بتتستر على الكيزان لانك منهم ومعظم النار من مستصغر الشرر والبتعملو فيهو انت ورفقائك العساكر فى مجلس السياده نفخ فى النار وإذا كنتم وطنيين بجد لابد من حسم المسائل فى مهدها ولا مكان للمجاملات إنتو لا نُظار ولا عُمد إنما مسئولين امام الله عن وطن وشعب !!.
لا حولة ولا قوة الا بالله العلي العظيم حسبنا الله ونعم الوكيل
لاحولة ولا قوة الا بالله العلي العظيم حسبنا الله ونعم الوكيل على الظالمين
الخبر منقوص! لم يذكروا سبب الضرب شنو؟ ولم يقولوا بأنهم اُحتجِزوا! تلقى السبب أنهم لم يتوقفوا عند لب الوقوف! أنا لم أكن هناك لكن هذا ما يبدو
فرق الليل والنهار بين السعودية والسودان، هنا في السودان99٪ من العساكر امييييين مابعرف يقرأ حتي ناهيك عن انو يعرف يتعامل كيف ياخي ديل اهانو الطبيب والمهندس والأستاذ واهانو مريض الكلي ماشي يغسل واهانو المرأة بلد ماشة بالمقلوب من الرئيس لحدي البقلو ادبهم علي النآس ديل، ناس ضحت بدماها عشان تغير الحال ولازال الحال في حالو بل اسوأ نسأل الله السلامة
السبب الريسي هو المنهج المفهوم الذي يزرع في عقل أفراد القوات الأمنية من جيش وشرطة وامن ، وهو مفهوم ان الناس ينقسمون الي ملكية ونظاميون، الملكية فيهم كل النواقص لذلك قالنظاميين قوامون عليهم . الواجب إلغاء مثل هذه التعابير والمفاهيم وآن يدرك الشرطي اورالعسكري انه موظف شانه شان اي موظف اخر والمواطن هو من يدفع راتبه، كما يجب منع اي معاملة خاصة للمنتمين لهذه الجهات تحت مسمي قوات نظامية.
أيضا علي المواطنين عدم تعظيم هؤلاء وإعطاءهم الشعور بانهم فوق الآخرين ، يجب ان تختفي عبارات مثل سعادتك وجنابو وغيرها من عبارات التعظيم
نهج قوات البرهان في إذلال الإنسان