أصدر الأستاذ عمر الخليفة عبدالله والي ولاية النيل الأبيض أمر الطواريء رقم ( ١ ) لسنة ٢٠٢٤م بمنع وحظر اي نشر لمعلومات بأي من الوسائط او وسائل التواصل المختلفة داخل ولاية النيل الابيض بما يهدد امن واستقرار الولاية .
ونص الأمر بحظر اي شخص أو جهة تقوم بنشر او نقل او نسخ معلومات او موضوعات باي وسيلة من وسائل الاتصال او الوسائط المختلفة بما يضر او يهدد الامن العام والسلامة والطمأنينة بالولاية كما نص الأمر على حظر ونشر ونقل وإرسال اية معلومات أو أخبار تتعلق بالقوات النظامية أو تحركاتها أو حكومة الولاية وأي من أجهزتها أو وحداتها المختلفة دون الرجوع للجهات المختصة بأمانة الحكومة أو الأجهزة النظامية.
وحدد أمر الطواريء عقوبه للمخالفين للأمر بالسجن خمسة سنين وغرامة مالية لاتقل عن اثنين مليون جنيها وفي حال تكرار المخالفة تضاعف العقوبة مع مصادرة أي وسيلة نقل أو غيرها مشاركة في إرتكاب المخالفة.
ووجه الأمر الجهات ذات الاختصاص والأجهزة النظامية والعدلية وضع القرار موضع التنفيذ .
المصدر: وكالة السودان للأنباء
ده عوير ولا شنو ؟؟؟؟
طيب الناس الحتخالف امر الطوارئى ده الاصدرو سيدنا هبنقة ده حيعرفوهم كيف ؟؟؟ اكيد الوالى العبقرى ده حيعمل شرطة نظام عام لضبط وتفتيش موبيلات المواطنيين المخالفين امر الطوارئى!!! راجل نبيه جدا وعند حس امنى عالى … ياخ ياريت كل الولاة كانو زيك كده …كان الدعم السريع اتهزم شر هزيمة!!!
غايتو ولاة الفلول ديل حار بيهم الدليل كل واحد يطلع قرار أعبط و أسخف من التانى, واحد عاوز يسلح المواطنين و واحد عاوز يطرد كل المنتمين للاحزاب الضد الحرب من ولايتو و واحد عاوز يمنع استعمال وسائل التواصل و واحد عاوز يقود المعارك بناسو ضد الدعامة( لكن طبعا هراش ساى) وهكذا دهنسة لاثبات وجودهم و ولاءهم لأباطرة الحرب من الفلول.
هسع طلقه واحده كلهم بيجروا
دكتاتورية تموت ما ح نقد ونسكت ساي. نقول و نكتب هذه بلادنا يا والي السجم.
قمة الهبل الحرب دى ربنا قومها عشان نتخلص من أمثال هؤلاء الولاة الذين يعيشون في العصر الحجري والله يا جماعة السودان دا كان ماشي بالبركة ساكت بالله ديل ممكن يكون ناس بديروا دولة حسبنا الله ونعم الوكيل.
هؤلاء الولاة المكفنين يعيشون خارج التاريخ
لعنة الله على الكيزان إلى يوم الدين
طيب اها انا نشرت فى الفيسبوك ومنصة اكس عن ولاية النيل الابيض حا تعمل لى شنو