وزيرة العلوم والاتصالات تناشد علماء وخبراء السودان العمل على قيادة نفرة لدعم برنامج الفضاء السوداني

اول حاجة انسينا من كلمات الكيزان دي التي فقدت معناها تماما فكلمة نفرة تعنى هجمة قوية من الكيزان على ما تبقى من القيم السودانية واستمرار الظلم وهي مشابهةتماما لكلمة وثبة

يا وزيرة الهنا خليك مع الانترنت والواتسب وابراج الاتصالات
بلد وزير تجارتو ما قادر يفرق بين المليون والمليار
الحمد لله انو الصمغ دا جاي من ربع العالمين والاشجار مزروعة قبل الانقاذ
بلد ما قادر يحل ازمة الحكم
ولا قادر يحقق العدل بين مواطنييه مع استمرار التمكين
وبلد لا تزال حكومته تشن حروب ضارية على المواطنين
وبلد لا يزال شعاره فلترق كل الدماء فلترق كل الدماء
وبلد فيه مليون جنجويدي ومليون واحد حامل سلاح
وبلد حكامه حاكمين لمدة اربعة وعشرين سنة تعادل ثلاث حكام امريكيين كل حاكم بولايتين تامتين
وبلد كل الوزراء ساكنين في قصور تجري من تحتها احواض السباحة واسماك الزينة
بلد ما عنده وجيع ولا شفيع ولا حميم يطاع
بلد تقطع اوصاله تقطيع الكوارع وجزء من اراضيه محتلة
بلد رئيسه واربعة من كبار مسئوليه مطلوبين للعدالة الدولية
بلد ما قادر يحق ربع عشر اكتفاء ذاتي من القمح ويستورد السكر والشاي والبن
ولا قادر يحل مشكلة ديونه
تتكلمي عن فضاء ومعهد فضاء وحتى ان وجد ما حتخلوا كوز الا وجاء فيه
تلمي على ربيع عبد العاطي

يا مرا هييييييييي هسي القله القليله من العلماء المتواجدين بالسودان الان استجارو بالرمضاء من النار لنيل مرتباتهم لشراء حليب ل اطفالهم – ادوهم مرتباتهم اول – ثم بعد داك نشوف موضوع الفضاء داك ثم اقول ليك شي اخر !! ما جايين عديل كـــــــدا و الفضاء دا اطلعيهو براك !!!! نحن في شنو والحسانيه في شنو

تصحيح
حمد لله انو الصمغ دا جاي من رب العالمين والاشجار مزروعة قبل الانقاذ
جل جلاله

الاخت تهاني .
ما بسالك ولا بقول ليك حاجه لكن لو زول صدق كلامكم وجاء لقى البلد تعبانه ربنا ح يسالك عنه .
انا مهندس مدني سمعت تصاريح (تصريحات) زي دي ندمت علي الوداني تلفزيون السودان.
كدي بدور اسالك
انتاج الكهرباء من الشمس خارج الغلاف الجوي دي كيف؟؟ يعني قولي طلعنا فوق نربط كيبل كيف ما قادر افهم ؟ ؟
يا بت استلمي مرتبك وبطلي جوطه. انا داير ابقا وزير وقدمت طلب توظيف لبريد القصر الجمهوري عليك الله تابعيه لي البريد موجود في موقع القصر الجمهوري الا ما في زول برد.
تابعيه لي وسلمي علي النابغه س شوفيها دمرتوها كيف مع انها كوزه بس محترمه وما الكيزان الحراميه .لو قدرت اقعد مع اي كوز بسيبكم . رايك شنو؟ نجيكم ولا انت من احزاب الفكه؟؟؟

نحن قروشنا الفي الارض عرفنا فيها شنو لمن ندفع ليكم لفوق في الجو!!؟

والله بس عريان ولابس طاقية يا اختي الناس جيعانة ومرضانة وما لاقية تتعالج ولا تتعلم انتي عايزة تمشي الفضاء ؟
وبالمناسبة لسه ما وقفتي الواتساب والفيس بوك ليه ؟؟ هو زول داير يمشي الفضاء ويحارب الفيس بوك والواتساب ؟

ياتهانى ادارة البلد مابالامانى سجع مش كده

ورجاء اولا شوفى موضوع تنظيف سوق لفة الكلاكلة القبة من الوسخ الوسخ والكرور وبعدين نشوف موضوع برنامج ناسا السودانى الكيزانى …. آل فضاء آل