ثمن الحزب الإتحادي الديمقراطي الأصل القرار الذي إتخذته الدولة بزيادة مرتبات الفئات الفاعلة في الشعب السوداني من معلمين وموظفين ونظاميين وعمال، واعتبرها خطوة كبيرة في تحسين معاش الملايين وإنصافهم لمواجهة ظروف إقتصادية صعبة على المستويين الدولي والمحلي.
و دعا الحزب الاتحادى فى بيان صحفى أصدره اليوم السلطات للعمل بكل قوة لتطبيق حزمة سياسات إقتصادية راشدة تكبح جماح إرتفاع أسعار السلع الأساسية وذلك بإعادة شركات الدولة التي بناها الشعب بعرقه والتي كانت تسيطر على سوق السلع الأساسية للمواطن وأن توجه كل الدعم والتمويل المصرفي نحو القطاعات الإنتاجية بإدماج ملايين الريفيين في الدورة الإنتاجية بتيسير قروض الزراعة بشقيها النباتي والحيواني.
هههه
أسمع كلامك أصدقك @@@@ أشوف فعاليك( مع جماعة ال 30 سنة) اتحير
أول شي فتشو عن عرق الشعب فيما تملكون
@@@
لا تستهبلون … نحن الضقنا عضة الدبيب – تاني صعب ياكلنا زول حنك ساي
أشوف فعايلك
شعب شنو وحق شنو يا ناجي آل الميرغني وآل المهدي شيفننا مجرد رعية في مزرعة اجدادهم لا شعب ولا مواطنين.
طيب انتو رجعو أموال السذج الغشيتوهم باسم الله ورسوله يا لصوص يا دجالين
يا السلام علي الإنسانية والرفق بالمواطن السوداني الذين منهم انا !! يا ناس خلوني اعيط لا لا لازم اعيط . ما اعيط لازم اعيط
دا مُش مُستشار الطاغية من منازلهم في لندن، ولا وأحد غيرو ؟؟؟؟؟؟؟؟؟؟
ألم يسقط مع ولي نعمته يوم 04/11 ؟؟؟؟؟؟؟؟؟؟؟؟؟؟؟؟
متي سيُدرك هؤلاء القوم، أن عهد تقديس الزعامات، قد وَلَّي إلي غير رجعة، وحَلَّت مكانه، فقط، قدسية الوطن العزيز ؟؟؟؟؟؟؟؟؟؟
لعمري، لقد هَلَّت حقبة إنقراض الديناصورات 🦖🦖، وطبعاً، معها صغارها !!!!!!!!!!!!!!!!!!!!
مواهيم.
مولانا يعرف شعور الشعب السودانى الاصيل السمح تجاهه و ينتظر عودته سالما غانما مبيضا من القاهرة تعلوه نوره الأيمان ليعيد البركة الممحوقة لشعبه الاغبش الليمونى المحب.
و لسان الشعب الليمونى الصغير يلهج له فى غيبته مدحه فرفور التى يقول فيها :
حاولت تبدى الصد ،، عارف شعورنا جميل
رد الجواب قاسي ،، ولا عامل متناسي
عارف عدم جيتك بتمرض قلوبنا شديد
لو جيت ، ولو ، ماااااالو ،،، لو جيت
ااااه ،
(واه دى مشاعر سودانية اصيلة بالغباشة و الاغتصابات الحرى)
مرحبا بجعفورى الذى ذهب زعلان للاقامة بقصر ابيه بلندن علشان البشير ماغير ليه سيارة مساعد الرئيس بموديل جديد..
انتو مابتخجلوا يااولاد مولانا . كان زمان مولانا الكبير والحالى بتغشوا جدودنا وابائنا . ويمكن حسنة البشير الوحيدة انو كشفكم على حقيقتكم يااولاد مولانا انتو واولاد الامام يامساعدى المجرم الاكبر .
المفروض تخت لسانك الماظهر طوال 30 سنة الا الان فى خشمك وانطم .
تاني تلقوها عند الغافل ياارزقي يادجال,,,امشي اقعد لم الاتاوي من لندن ..جاي تسو شنو…مافي تاني مستشار ولا حمارر
هههههه خلاص ضميركم اصبح ينبض الوطنية بعد ما رضعتوا دم الشعب مع الكيزان
كنت تتصور وعيونك علينا عشان كل رواد الراكوبة يدخلوا الجنة. (نظره يا أبوهاشم.)
وهكذا هم .. الاتحاديين .. والختميية .. لما تجي الديمقراطية .. يتمسكون بوزارة التجارة وبعد ذلك .. يلخبطوها .. ويعوسوها عواسة .. ولما تجي العسكرية والشمولية .. يركبوا سرجها طوالي بدون خجل .. والدليل .. المستشار ( الحردان ) .. ومشاركتهم في حكم الانقاذ .. ومطبلهم الكبير الضخم الفخيم ( السر ) .. و الذي كان منافحا ومدافعا عن المؤتمر الوطني + البشير .. اكثر من ابواق الكيزان انفسهم ..كما انهم معروفون بأنهم ..اذا جاء الفرز .. فانهم يغلبون مصلحة .. مصر و المصريين على مصلحة السودان و السودانيين .. فهم خونة في خاصرة الشعب السوداني .. لصالح مصر .. اقرأوا تاريخهم .. و توقفوا عند المواقف السياسية المفصلية بين البلدين .. وموقفهم الواضح الما فاضح ميولا الى مصر .. حبيبتهم .. وان الاشارة دائما تأتيهم من مصر .. مستغلة املاكهم وموالهم هناك .. لتنفيذ ما يريده المصريين .. من عكننة و لي ذراع السودان .. لكي لا يرفعوا عيونهم و يحمروا للمصريين .. و بالتأكيد هم السبب الاساسي في عدم .. فتح النقاش .. و المطالبة الجدية .. لاسترداد .. حلايب و شلاتين .. من الاحتلال المصري .. و عشانهم السودان .. المسكين .. يقدم كل سنة ( شكوى خجولة جدا ) للامم المتحدة و مجلس الامن .. و ربما يكونوا كاتبنها هم ذاتهم .. لذلك المصىريين مرتاحين في حلايب و شلاتين .. و السودان دائما ياكل الشطة .. وبلحيل حارقاهو من حلقه .. الى دبره و السبب .. الحزب الاتحادي الديمقراطي + الختمية .
***************** يا حليل السودان ************
لمحة عابرة في هذا الوجه تكفي للغثيان أربع وعشرين ساعة