سيلفي غصبا عنك
بسم الله الرحمن الرحيم
داخل القاعة الرئاسية بقاعة الصداقة وتحت ضل الدليب قضيت مساء الجمعة بين كنف الطمبور ورائحة البركاوي والقنديلة بين أهلنا الشوايقة وسط غمائم المنى وهمس الأحبة …..
وحين يذكر اسم قبيلة الشوايقة فأنه يذكر المجد والعز والأنفة والشموخ والمروءة والرجولة والإقدام والشعر والحب والقماري والحباري والطورية والمنجل والجروف والطين وحميد .
الأمسية رغم عن أنها تدشين لديوان شعر الشاعر الشفيف محمد عثمان أبوشعب إلا أنها كانت اتكاءة على منحنى النيل وديار الشوايقة ….وحين صدح الطمبور تمايلت معه القلوب ولهثت الانفاس خلف النصوص .
أكثر ما استوقفني في تلك الليلة …..بعيداً عن أجواء التكريم والتدشين تلك …ظاهرة السلفي مع الفنانين أو تحديداً محاولة عشرات الشباب أخذ صورة سيلفي مع الفنان المبدع الملك محمد النصري .
لأول مرة في حياتي أرى شخصاً يحضنوه بالغصب ويتصوروا معه سيلفي بالغصب …..؛ السيلفي المغضوب عليه في السودان لم يعد هو التقاط صورة لتخليد لحظة للملتقطة لهم الصورة وإنما أصبح أنا وفلان خلفي ولا يهم إن كان فلان يشاركني تلك اللحظة أم لا .
فما الداعي لالتقاط صورة سيلفي مع شخص هو في ذمة سلام وونسة مع آخرين ، أو أنه غير مركز في صورتك السيلفي ، أو أنه مشغول بهاتفه ؛ أو حتى أنه يغني وعايش في كلمات تلك الأغنية وفي عالم آخر حتى أنه مغمض العينين ….فهل يسمى هذا سيلفي .
مصيبتنا في السودان أننا (نقوم في أية حاجة بي نمرة أربعة ) ، المهم الناس بتعمل كده وإحنا عاوزين نعمل كده .
لا وكلو كوم وحكاية الأحضان دي كوم تاني …..من الممكن أن أفهم سلام مطرب على معجبيه ومصافحتهم يداً بيد ولكني لا أفهم أن يكون كل فرد من الجمهور يرغب في حضن طوييل مع مطربه ……
شعبية الفنان النصري لا تخطئها عين …..من الممكن حتى أن يكون الآن هو الفنان الأول والأكثر شعبية في السودان ولكن تصرفات بعض معجبيه من الممكن أن تضايقه هو وتضايق أيضاً بقية جمهوره …….
ما ينطبق على النصري ينطبق على غيره من الفنانين ….هناك فرق بين الإعجاب بفنان معين وبين مضايقة ذلك الفنان وإزعاج جمهوره ……وصورة سيلفي رغم أنف الكاميرا .
الملفت في تدشين الديوان أن الاحتفال كان تحت رعاية أبناء نوري ومنتدى محبي الفنان النجار ……هكذا هم الشوايقة لاتدري من يكرم من …..ومن الممكن أن تجد منتدى محبي النصري يكرم صديق أحمد ……عااادي جداً …….انهم الشوايقة وكفى.
خارج السور :
شارك الفنان صديق أحمد وهو مريض ، مرض الفنان صديق أحمد يحتاج مبادرة قوية من أبناء الشمال قاطبة لاستكمال رحلة علاجه ….
.أتوقع أن نسمع مبادرة من النصري ومحبيه في هذا الخصوص …..
لا تنتظروا شيئاً من الدولة لتكريم عمالقة الفن ……فالتكريم والاحتفاء بمن يستحقون فن لا يجيده مسؤولو الثقافة لدينا
*نقلا عن التيار .
بقاعة الصداقة وتحت ضل الدليب قضيت مساء الجمعة ، بالله عليك دي كتابه زول فاهم حاجه ،تحت ضل الدليب ؟؟؟؟؟
يعني شنو
بقاعة الصداقة وتحت ضل الدليب قضيت مساء الجمعة ، بالله عليك دي كتابه زول فاهم حاجه ،تحت ضل الدليب ؟؟؟؟؟
يعني شنو
لا توجد قبيلة في السودان اسمها الشوايقة ولكن من خلال السرد اظنك تقصدين قبيلة الشايقية
سلام الكاتبة اول حاجة كترتي ذكرتي القبيلة اكثر مما يجب والكرم حال كل السودانيين (وحقيقة انا اول مرة اعرفك انتي شايقية لكن الحمدلله انك في كثير من الاحيان كنتي منصفه ام لانك تمثلي حواء السودانية)
ثاني حاجة حب الناس للفنان الكبير النصري لانو فنان عرف كيف يخاطب كل العقول السودانية بدون فرز وغني ضد حكومتك الضيع البلد (قضية مرام دليل واضح)
نصري يا رائع
حتى معنى ضل الدليب لا تعرفى معناهو لانه يعنى الشخص عديم الفائدة ظله غير مفيد الا الطيور المهاجرة و هذا ما قصده الشاعر صلاح احمد
ضل الدليب؟؟؟
بالغتي !!
اول حاجة الشايقية ما بيعرفوا الدليب و لا بيقوم عندهم..
بلاد الشايقية و شمال السودان تشتهر عموما بالنخيل.
تاني حاجة ضل الدليب هي ضرب مثل للزول الخيرو بيرمي بعيد لي غيرو زي ضل الدليب، أو كما قال الشاعر صلاح احمد.
مشكلة الصحافة الزمن دا انو زي المافي مراجع لغوي و لا مراجع من اي نوع.
أخطاء غريبة في اللغة و المحتوى.
يلا.. حنعمل شنو ؟؟ اهو دا حالنا !!
ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة .
شايقي لقو بدق في اولاده الاتنين – سالو مااالك – قال لقيتهم فاتحين المروحة في تلاتة وهم كلهم اتنين بسسس .
شايقي دخل مع ابليس في جمعية . . . شال الصرفة الاولى وقال بسم الله
شايقية عجوز في محو الأمية…. سألتها المدرسة: قولي لي جملة فيها إدغام بغنة ؟
قالت ليها : عمن يعميك
شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك
واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين قال ليهم قدو لي عيني.
شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي.
شايقي نذر لو جاله ولد يصوم خمسة ايام شكر لله ، بعد ايام الولد مات ، صاحبنا راح خاصمهم من رمضان.
واحد شايقي ابوه مات قالو ليه…..ادي الشيخ الغسل ابوك 10 الف قال ليهم ….ليه هو غسل Bmw.
عسكري شايقي لقي جعلي مقتول ما عرف القتله منوسجل القضيه علي فاعل خير.
امام شايقي في الركعة الاخيرة سمع واحد جاي يحصل الركعة ، سلم واقف .
شايق مشى يسجل ولده في المدرسة قالوا ليهو : المدرسة بي خمسمائة جنيه والبص بثلاثين جنيه ، قال ليهم خلاص سجلوهو لي في البص.
شايقي كتب في وصيتو ادفنوني جنب الجعلي . لمن سالوه ليه قلت كدا ؟ قال عشان يوم القيامة الجعلي بيقول حرَم الحساب علي.
شايقية فتحت جواز راجلها لقت مكتوب مهنته رجل اعمال ، قامت مسحت اعمال وكتبت عوضية.
داير تعذب شايقى قطع قروش قداموا.
شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
فى اتنين شـــايقى وجعــلى حكمــوهــــم بالأعـــــدام . بعــدين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو
سته شوايقة غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعزِبو بيهُم الكُفار
جعلي سألُوهو عن الغُربه كيف
قال والله الغربه شِدة ما حاره
تلاقي الشايقي في الشارِع تسلِم عليهو
شايقى قروشو وقعت منو بالبلكونه وقت نزل ما لقاها عارفين ليه لانو وصل قبلها…….!
شايقي داير ينزل نعي في الجريدة .. كتب :
الشايقي ينعي ابوه … ويوجد تمر للبيع .
شايقي دخل الجنه وفجاه اختفي …!
لما فتشوه لقوه بكب في بنزين لي ناس النار
شايقي الحريقه قامت فى بيتو عمل مس كول للمطافى.
الاستاذة سهير قصدها ايقاع الدليب ولا داعي للتجربح وسهير افهم منكم كلكم وانا افتخر اني شايقي وهي شايقية كمان
ضل الدليب بالمساء دي قويه ( دليبه ) زمان الزول لمن يكضب بقولوا ليهو( لا حوله دي دليبه ) إنت هسه ما دليبه واحده دليب الله يديك العافيه
تعرفي في مقدم البرامج المصري عمرو أديب نباح نبيح السواد في مرة من المرات لسانه سرقو قال مرسي ده صلاته غريبه وعجيبه صليته معه الظهر بقرأ بصوت رخم وفاكر نفسه حايبكي ( لاحظ الظهر وبقرأ وناسي إنه الظهر ده سر وليس جهر ) أخشى إنك لا كانت في جلسه ولا منظور مثيله في الأساس نجرتيها من رأسك