أسرار الصراع الثلاثي بين ندى القلعة و فهيمة و إنصاف مدني حول رحلة تشاد ..!!
كشفت مصادر مطلعة تداعيات رحلة الفنانين الأخيرة لتشاد لإحياء حفل زواج آدم نجل الرئيس التشادي إدريس دبي و ما صاحبها من أحداث مثيرة .
و تعود التفاصيل بحسب ما روتها مصادر مطلعة أن الدعوة وصلت للفنان مجذوب أونسة و ندى القلعة لإحياء الحفل ألا أن الأخيرة أصرت على اصطحاب ثمانية من أفراد أسرتها بجانب فرقتها الموسيقية و هو الشئ الذي رفضه المندوب ، و أكد المصدر ان الدعوة انتقلت إلى الفنانة إنصاف مدني و المطربة فهيمة عبدا لله ألا أن ذلك لم يرق لإنصاف مدني التي كانت تنوى المشاركة . فأخطرت المندوب بالحرف الواحد قائلة (فهيمة دى بتاعت مشاكل ما تسوقوها) ، ما جعل المندوب يحول الدعوة لإنصاف التي صاحبت أونسة إلى تشاد لإحياء حفل آدم دبي و من ثم عادا إلى الخرطوم فى اليومين الماضيين .
من جهتها أجرت (فنون) اتصالا بالفنان مجذوب اونسة لتقصى الحقائق إلا انه امتنع عن الحديث قائلا : (ده موضوع ما عندي فيه ناقة و لا جمل) إلا انه أضاف مؤكداً انه كان على علم بان الدعوة جاءت لندى ثم انتقلت لفهيمة التي تم صرف النظر عنها و تفاجأ مؤخراً بوجود إنصاف بالمطار ليغادرا معا إلى تشاد .
فنون
هذا زمانك يامهازل فامرحى
والحال فى السودان فى غير حاله
المال عند شحيحه ..والسيف عند جبانه
وكلاب الصيد عدت من الفرسان
الناس فى شنو والحسانيه فى شنو
يعنى مابين دبى والشريف ….. واونسه وحسين شندى … ياقلبى لاااااااااا تحزن
الغريبه حسين شندى ومجذوب اونسه الاتنين جعليين
يعنى جعليين الزمن ده بقوا قشره ساكت زى الجماعه الحاكمننا ديل
لالا عندو فيهو جمل
الخالة غارت من البنية الصغيرونة فهيمة
عملت امور طقاقات
انا عايز مندوب ندي القلعة عندي حفلة في مدينة المجلد تاني ايام العيد
الحمدلله ملان قروش من غنايم ابي بدل الاعلان يكتب في شريف و دبي يكتب في حمره
للمكرم الاخ عبدالكريم .. عاطر السلامات ..
أوجعتنى سخريته من ( الجعليين القشره ) …
فاليسمح لى بأرسال بعض المعلومات التاريخيه
(( تسمية مدينة شندي:
يقال أن أسم شندي اصلا هو اسم نوبى ومعناه ( الشفة ) لأن شندى جروفها على النيل عالية وتشبه الشفة ومع مرور الزمن اصبحت تنطق شندى وبالنوبية تنطق ( شُندى) بضم حرف الشين.
ويقال أيضا ان معنى كلمة شندى (هو البيع بالكاش) فهى كلمة اتت من شمال الوداى ، وكان التجار يستعملونها فى عملية البيع والشراء ، وبحكم ان المنطقة كانت مركز للتجار فى ذلك الوقت اطلق عليها هذا الإسم *شندى*
**** ***** *****
مدينة شندي تقع مدبنة شندي إلى الشمال من الخرطوم بحوالي مائة وعشرون كيلو متر وتقع على الضفة الشرقية من النيل ويصل بينها وبين الخرطوم العاصمة خط السكة الحديد المتجه شمالاً وكذلك طريق بري مسفلت. وهي كذلك تعتبر عاصمة محافظة شندي والتي تتبع لها العديد من المحليات منها محلية حجر العسل والتي تعتبر بوابة ولاية نهر النيل والمحافظة من الجنوب وتمتد إلى أكثر من 75 ك من شلال السبلوقة ( السادس ) إلى البسابير وتضم أكثر من ثلاثة وعشرون قرية منها حجر العسل والوادي السعيد والشيخاب والبسابير وكذلك محلية كبوشية وكذلك محافظة المتمة التي تقع جنوب غرب مدينة شندي وهي من أشهر المدن في السودان على الإطلاق. ومن أشهر القرى التي تضمها محلية المتمة الصلوعاب – الهوبجي – ود حامد وحجر الطير – ود الحبشي – وهناك محلية طيبة الخواض ومن أشهر قراها – المغاوير – العقيدة وهي منطقة الشهيد إبراهيم شمس الدين، وهناك قري كلي والمكنية. وتعتبر مدينة شندي من أهم مدن ولاية نهر النيل والعاصمة التاريخية لقبيلة الجعليين أشهر القبائل العربية في السودان وقد قامت بالقرب منها العديد من الحضارات مثل الحضارة المروية وكذلك توجد بالقرب منها العديد من الآثار ( النقعة والمصورات ومروي القديمة). وتعتبر من المدن الزراعية حيث توجد بها أكبر منطقة لزراعة المانجو وكذلك تشتهر بإنتاج الفول المصري والبصل والفاصوليا والعديد من الفواكه. وبها العديد من المصانع حيث بها مصنع النسيج والذي يعتبر من أوائل مصانع النسيج في السودان. وتوجد بها العديد من المدارس الثانوية وكذلك بها جامعة شندي والعديد من المؤسسات التعليمية. مما يذكر أن الرئيس عمر حسن البشير هو من مواليد شندي عام 1944م من قرية حوش بانقا (الحواره)جنوب شندي .كذلك بها عدد من المشاريع المروية ومن اهمها مشروع قندتو الزراعي، ومشروع كبوشية الذي تقع معظم أراضيه في قرية ديم القراي التي تعتبر من أكبر وأهم قرى شرق النيل التابعة لمحافظة شندي، وكذلك مشروع الزيداب وكلي وغيرها من المشاريع الحديثه مشروع الشهيد يمتد من العوتيب جنوبا حتي قري التضامن شمالا.اما جامعة شندي فهي من الجامعات الحديثه في عهد ثورة الانقاذ تشتمل علي عدد من الكليات(الطب -الصحة القانون اداب – تربيه الاقتصاد- تنمية المجتمع. أما من ناحية الفن لقد قدمت مدينة شندي عدد من الفنانين الذين عطروا سموات السودان امثال (الشفيع- علي ابراهيم -مجذوب أونسه – حسين شندي – محجوب كبوشية-الطيب عبدالله) أما في مجال الرياضة فبها عدد من الاندية التي مثلت في دوري السودان وهي (الاهلي النيل -سارديه – حوش بانقا- الهلاال-الهدف، ومن اللاعبين المشهورين عبدالمحمود-علي فليكو -معتصم صديق -ناصر ابراهيم.ومن اشهر المدارس مدرسة شندي الاهليه عبدالله الحسن حوش بانقا منذ عام 1976 تشهد شندي الان نقلة في مجال التعليم الخاص فأنشأت بها مدارس دار المعالي الخاصة من قبل أ- طلحة عباس محمد احمد ابو السعود لجميع المراحل التي تميزت بمستواها التعليمي والاجتماعي وتشهد ايضا تطورا عمرانيا كبيرا….
**** **** *****
(من الفنانين ومشاهير الفن بمدينة شندى
على راسهم الفنان عثمان الشفيع
الطيب عبدالله
على ابراهيم اللحو
حسين شندى
مجذوب اونسة
محجوب كبوشية
وكان هنالك المرحوم محمد خير قوار
والفنان على الامين
اولاد الاسيد ( رحمة الله عليهم )
والمرحوم عصام الجاك بادى
وعلى الزين احمد الزين ,,
واحلاص شطة
وحميرة والدودوا ,,
***** ********** ****
(اتحفكم ببعض قري ريف شندي الجميله شمالا وجنوبا وشرقا وغربا …
1/ ساردية الشقالوه وتتكون من القوز والموسياب وحلة الشايقيه والفضيلاب وبئر الطيب والنوراب والكونوز
2/ المسيكتاب وتتكون من العشرة والقوز وحلة الشيخ وبئر الشريف وبانت وهببنا
3/ التراجمه وتتكون من عتره والسدير والشقله والدوشين وبارميدو
4/ ديم القراي
5/ قوز الحاج
6/ البريراب
7/ الكبوشاب
8/ مدينة كبوشية
9/ البجراويه
10/ قدو
11/ جبل ام علي
12/ المحمية شرق
وجنوبا
1/ القليعات
2/ مويس
3/ حوش بانقا
4/ الطندب
5/ قري التضامن
6/ قندتو
7/ الفجيجه
8/ المدناب
9/ قوز المطرق
10/ السلمه
11/ البسابير
12/ قري حجر العسل
وهناك قري غرب النيل
شمالا
1/ السيال
2/ الكرده
3/ كمير العوضيه
4/ الجوير
5/ النوراب
6/ المغاوير
7/ الصُفر
8/ طيبة الخواض
9/ كمير الجودلاب
10/ المكنية
11/ بقروسي
12/ الحداحيد
13/ كلي
14/ قوز بره
15/ سقادي
16/ الكتياب
17/ الحُره
18/ العقيده
19/ الجابراب
جنوبا
1/ مدينة المتمه
2/ الصلوعاب
3/ الهوبجي
4/ وود حامد وريفها الممتد…
***** **************** ********
( نهديكم رائعة مصطفى مضوى ( يلا شندى نزور الحبايب )
( يلا شندى نزور الحبايب الفريع الهدلو الوضيب….
زاد حنينى لارض الشباب…
فر قلبى وزاد العذاب …
بى دمائى انا بكتب خطاب ….
انا وخيالى اليوم فى عتاب..
يلا شندى نزور الحبايب الفريع الهدلو الوضيب….
ياخ شندى مدنيه وجمال ..
فيها زولى انا سمح الخصال ..
ماحصل فى يوم قال وقال ..
ضاع منامى وتابع الخيال…
يلا شندى نزور الحبايب الفريع الهدلو الوضيب….
عايز اكتب لى شندى فوق …
قال لى اصبر بالله روق..
من عيونن ضاع العشوق ..
فر بسيمن شبه البروق ..
يلا شندى نزور الحبايب الفريع الهدلو الوضيب….
عايز اروح من شندى القرى..
من قريش راجع لى وراء..
فى القليعة الصيد ياترى..
والله فى مويس خيل الضرا..
يلا شندى نزور الحبايب الفريع الهدلو الوضيب….
برضى ماشى وانا لى امل ..
جو الحوش ازداد الوجل ..
جينا للعرقوق فى مهل ..
فى الدويمات ناير المقل…
يلا شندى نزور الحبايب الفريع الهدلو الوضيب….
الوصول لى بلد الحبيب ..
في الفجيجة أزداد اللهيب ..
فى المتمه ياخ الطبيب …
ارحمونى وفى القوز اطيب..
يلا شندى نزور الحبايب الفريع الهدلو الوضيب..
********* *********** ********
ولما يكون عندنا فرح نرقص ونغنى :
(عريسنا حالف يضبح (تور) وبكرا السيره (بالبابور) عريسنا سار سار ياعشايا عديله ليهو … حننوه وفرحت أمو والخالات فى بيتو أتلمو .. دا طعم العرس عندنا فرحه وزغروده ورقصه وشبال وعرضه وجلد بسوط ويجيك (جعلياً) شارب حبة عرقى ما سكران لكن مسنسن حبه والعيون حُمر والخشم ناشف عشان بنشرب السائل المزيل للكآبه دا بدون مزه وعشاء الغريبه أهلى (الجعليين) ديل بشربوا ويطفحوا فى النصيبه دى وبتعشوا ( بلبن بقر ) وهسا جانا ودكبوشيه وطور غناء الدلوكه وأخرجه بطريقه جميله للناس غايتو العرس سمح فى بلدنا فى قرى وحلال شندى بخليك تنس الهموم ويوم يغنى ود اللحو من قرية (مويس) ولا حسين شندى وحسن شرف الدين من قرية (الدويمات) تانى زول بقعد ليهو فى كرسى ماف خاصه اذا كان العريس والعروس من نفس البلد فرح تمام وبهجه تمام وغناء تمام .. للفرح طعم خاص فى السودان عموماً فى كل مدنا وقرانا طعم خاص ونكهه خاصه وطابع خاص لمشاركة الجيران والمعارف والاهل والاصدقاء وفى النهايه يجيبوكم فى برنامج ( افراح افراح) مع دعوات رائعات بأن يغلبا بالمال وتغلبو وتعمل ليهو غلبه بالعيال ونشكر كل من شاركونا الفرح من قرية الكريبه وأم عرديب والسريفا وأب قرع وكل قرى وحلال (الدندر القويسى) ونشكر ناس (قناة الراكوبا) الشاركونا فى الفرح ..
عموماً مبروك للعريس ولكل العرسان الجُدد فى العيد ….
انه من مدينة الدندر الطيب اهلها وراقِ زولا …
(الجعلىالبعدى يومو كلو خنق )