طالب سوداني يتفوق على طلاب (50) جامعة عربية ببحث علمي نادر
الخرطوم ? طلال اسماعيل
بعث المجلس العربي لتدريب طلاب الجامعات العربية بالتهانئ والتبريكات إلى جامعة النيلين بعد إحراز طالبها “محمد كمال” المركز الأول في الملتقى الطلابي الإبداعي الخامس عشر الذي عُقد بالتعاون مع جامعة الإمام “محمد بن سعود” الإسلامية في العاصمة السعودية الرياض. ونال “محمد” المركز الأول في الهندسة- الإبداع التكنولوجي ? بعد ترشيح (85) بحثاً من (50) جامعة من (13) دولة عربية برعاية الملك “عبد الله بن عبد العزيز”. وشارك من السودان (5) طلاب، وتفوق “محمد” ببحث عن تحضير ودراسة الخصائص البنائية والتركيبية لمادة فائقة التوصيل.
وتشير (المجهر) إلى أن إبداع طلاب السودان بتقديمهم بحوثاً علمية قيمة أدخل الدهشة وسط أساتذة الجامعات.
المجهر
الف مبروك والبلد بخيرها ونتمنى له الاستمرار والتقدم وان يرى مشروعه النور ويدخل حيز التنفيذ وكل عمل لم يسبقه تخطيط كفيف وكل تخطيط لم يعقبه عمل كسيح
ألف مبرووووك ودي الأخبار البتفتح النفس عن السودان تعبنا من اخبار القتل والإغتصاب الله يكون في عون السودان
ألف مبروووك للسودان والف مبروك ليك رفعت راسنا فووووق ربنا يوفقك يا رب اثلجت صدورنا
…بس حاول تم دراستك برة السودان ..وباى لغة غير العربية ..ان شاء الله سواحلى..اذا داير تمشى لقدام ..اما اذا بتحب الشعر والكلام الفارغ ابتعد بسرعة وممنوع الاقتراب ..وحاول اشتغل برة..ما تسمع كلام امك وابوك..قول ليهم حاضر لكن ما تنفذ اى حاجة…ما تعمل فيها وطنى وبحب بلدى والكلام الفاضى الزى دة..لانو ح يجيك احباط وحتبقى بتاع بنقو ومخدرات واحتمال بتاع اغتصابات…وانت زول عندك طموح جموح …او يمكن تفط صفحة كاملة…شوف ليك جنسية بلد تانى..ارشح ليك دولة قطر لانهم بحبو يشيلوا النوابغ الزيك..لانو بلدك طارد ..واصبح فى عداد المفقودين..مفقود ياولدى مفقود…!!
الف مبروك والبلد بخيرها ونتمنى له الاستمرار والتقدم وان يرى مشروعه النور ويدخل حيز التنفيذ وكل عمل لم يسبقه تخطيط كفيف وكل تخطيط لم يعقبه عمل كسيح
ألف مبرووووك ودي الأخبار البتفتح النفس عن السودان تعبنا من اخبار القتل والإغتصاب الله يكون في عون السودان
ألف مبروووك للسودان والف مبروك ليك رفعت راسنا فووووق ربنا يوفقك يا رب اثلجت صدورنا
…بس حاول تم دراستك برة السودان ..وباى لغة غير العربية ..ان شاء الله سواحلى..اذا داير تمشى لقدام ..اما اذا بتحب الشعر والكلام الفارغ ابتعد بسرعة وممنوع الاقتراب ..وحاول اشتغل برة..ما تسمع كلام امك وابوك..قول ليهم حاضر لكن ما تنفذ اى حاجة…ما تعمل فيها وطنى وبحب بلدى والكلام الفاضى الزى دة..لانو ح يجيك احباط وحتبقى بتاع بنقو ومخدرات واحتمال بتاع اغتصابات…وانت زول عندك طموح جموح …او يمكن تفط صفحة كاملة…شوف ليك جنسية بلد تانى..ارشح ليك دولة قطر لانهم بحبو يشيلوا النوابغ الزيك..لانو بلدك طارد ..واصبح فى عداد المفقودين..مفقود ياولدى مفقود…!!
الف مبروك يا محمد والله يوفقك
كسره
قول للشايل المنقة حاضر بس اوعك تسمع كلامه
الف الف مبروك محمد كمال الهدي ومزيدا من التقدم ..
اولآ لك التهنئة ومبروك عليك ولكن انصح بمحاولة تكملة دراستك خارجيآ وطبعا مفروض الدولة هى من ترعى مثل هذه المواهب ولكن يا حسرة علىبلادنا التى ابتلاها بالكيزان ولو كان هذا ابن كوز كان تمت رعايته ولو بصورة شخصية( رغم اقتناعى بانه لا يمكن لكوز أن ينجب عبقريآ لأن فاقد الشىء لا يعطيه)
للاسف نحن في دولة لا تقيم العلم ولا العلماء
سودانا فوق فوق فوق فوق رغماً عن البشير وقمامته.
يا الشايل الدومه بالله ده كلام ، اين الوطنية منعول ابو الكيزان يا محمد اوعك تسمع كلام الراجل ده السودان للكل طور نفسك والجماعه ديل اخرتم قربت
الف مبررررررررررررررروك ايهاء الشبل السودانى ناسف جداء لعدم تقيمك فى وطنناء الابى ولاكن حتما سوف تعود فى يوم وانت اكثر ابتهاجا وشعاعا كالشمس بس متين -عندماء يزول هزاء النظام الزى دمر المبدعين وعيش الشعب على وهم اسمو الواسطة والقبلية والتفرقة والعتصرية -لك التحية ايهاء الشبل بس حتما سوف تعود قوى انت وامثالك من حملة العلم فى الوطن الابى الحر
مبرووك يا هندسة
مبروك يامحمد ربنا يوفقك رفعت راس السودان عالياربنا يخلى عمر البشير ويمد فى ايامه
أحر التهانى ومزيدا من البذل محمد كمال وربنا يوفقك. السودان الحالى فى ظل حكومة الجهل والخراب لن يقدم لك شيئا وكثير من المعاهد الدولية يمكن أن ترعاك ويجب أن تبحث فى الحفاظ على ملكيتك الفكرية لهذا البحث لأنه يمكن أن يدفع بمستقبلك لمرتبةعالية ويفتح لك أبوابا من التطور والنبوغ ولئن ترفع اسم بلد فى الخارج أفضل من أن تذل وتهان فى دولة الكيزان
الف مبروك يا باشمهندس محمد واسمع كلام الشايل المنقه وخد الجنسيه القطريه ولا الامريكيه وتعال أشتغل هنا فى الخليج بس عشان الجنسيه الامريكيه تاخد الراتب التتمناهو
مبروك وألف مبروك وربنا يوفقك ويسهل أمورك .. وكنت أتمنى ان يتم استقبالك فى المطار استقبال رسمى وجماهيرى ليكون تشجيعا لك وتقديرا لمجهودك الذى رفع اسم السودان عاليا وتشجيعا للاخرين ربنا يوفقك وتهانينا لوالديك ونعم الولده والتربيه …
هذه بعض الاشراقات التي تبعث فينا الأمل وأن المادة الخامة الممتازة والموهبة موجودة بس نسأل الله ان يعجل بنهاية الكيزان حتى ينهض شباب السودان