الموانئ تستعد لزيادة عودة المغتربين خلال الصيف
بورتسودان: بحث جهاز السودانيين العاملين بالخارج مع هيئة الموانئ البحرية سبل الاستعدادات لموسم عودة المغتربين فترة الصيف الحالي.
وأكد مدير الهيئة جلال الدين شلية خلال الاجتماع الذى عقده مع مدير فرع الجهاز بالبحر الأحمر ، التعاون التام في تجهيز الصالات وسبل الراحة بجانب تبسيط الاجراءات للعائدين عبر ميناء عثمان دقنة بسواكن خلال فترة الصيف.
من جانبه ، أبدى مدير فرع الجهاز بالولاية عبدالحليم صديق، الاستعداد لخدمة المغتربين العائدين، مشيرا الى ان تحضيراتهم المبكرة للعودة الصيفية قد بدأت فى أول يونيو الجارى، واكد جاهزية فروع الجهاز بسواكن وبورتسودان.
في السياق ذاته، عقد جهاز المغتربين، بحسب المركز السوداني للخدمات الصحافية، اجتماعا مشتركا مع شرطة جمارك البحر الأحمر ، وأكد مدير عام الجمارك اللواء الحاج الإمام قسم الله تذليل الصعاب وتسريع الاجراءات وانجاز المعاملات للعائدين وزيادة قوة الضباط لتسهيل سرعة إجراءات الإفراج المؤقت بصالات القدوم .
وتفيد المتابعات الى تزايد حركة العودة، إذ استقبل ميناء عثمان دقنة فى النصف الأول من الشهر الجارى 6955 راكبا الى جانب ادخال «540» سيارة، ومن المتوقع ازدياد حركة عودة المغتربين مع دخول فصل الصيف.
الصحافة
زمن الاستنكاح بدا يا ناس الجمارك
الله في عون المغضوب عليهم ( المغتربين)
اعلام بس لكن تمشي هناك يمرمطوك يطلعو عينك – جبايات بس مافي غير كده – لينا الله بس وربنا ينتقم منكم يا حكومة المخانيث
أجلوا الاجازة هذا العام أتركوا الهموم الذاتية لا تسندوا هذا النظام لتزيدوا من فترة بقاءه ،،، أي جمارك،،، فضيحة البرادوا ،،،، أي راحة سوى حلب المغتربين دون تقديم خدمات لهم،،
الوادي الأخضر جاك بلاء
الاسعار حا تطير السماء
أههههههههههههه الجماعة جاهزين ومنتظرين على احر من الجمر وما قادرين اقعدوا, اتحاوموا شمال يمين زى الزول الزانقو بول , وبفركو فى يديهم عشان اعدوا الدولار والريال , والحلابات ذاتا جاهزة .. اها يا مغتربين جاهزين للحلب؟ انا غايتو ما جاى تانى, مكانى فى السودان ختو فيهو طوبة.
نسبة المغتربين الذين لم يسافرو السودان عاليه جدا بدأت الذيادات من شركات الملاحه تذكرة الدرجه الاولى اصبحت خمسمائة والسطح اربعمائة رىال ونولون السيارات ذاد كذلك العجيب فى الامر سمعت احد الاخوه يتحدث عن التربتك قال عند حضوره يسجل مابداخل السيارة وعند دخول السياره الجهاز اذا وجد اى شئ غير مسجل يتم تفريغ السياره وطالما انه يوجد جهازفلماذا التسجيل والتفريق وياليت جهاز المغتربين يذهب ويراجع البوفيه الذى هو تابع لهية الموانى ولم ينزل فى عطاء وحسب علمنا ان المستاجرايده نافذه
أيها المغترب
إذا كنت تقوم بتعبئة سيارتك فى المملكة ( فُلْ تنك) 50 ريال أى مايعادل 70000 جنيه..فسوف تكون تعبئة التنك فى السودان ب150 ريال أى مايعادل 210000 جنيه..
لموا قروشكم ولمو عيالكم وماتنسوا ح تلاقوا رمضان هناك والبعوض والشواية
وأنا نصحتكم
ميناء سواكن بداية رحلة العذاب واستنزاف كل ما دخره المغترب المغلوب على أمره ..فقط اعلام.. فالمغترب غير مرغوب فيه، لان طريقة المعاملة فيها أساءة كبيرة لبني البشر.. أفضل ليك تقضي اجازتك في اي دولة غير السودان أوفر واحسن بكثير.
والخبر الجديد فرض ضرائب جديده علي المغتربين وتلتله وعذاب وأسعار غاليه أين جهااااااز المغتربين
من هذه الكوارث الله يمون في عونكم يا مغتربيين
يعنى مانجى ولاشنو ؟؟؟؟ غريب وحيد فى غربتو ,, حيران يكفف دمعتو ,, حزنان يغالب لوعتو
إلى العقلاء
سل مجرب
أولا بكسروا ليك العفش المسافر عشانو دا
ثانيا بدفعوك دم قلبك على عفش مكسرر
ثالثا العتالة ببهدلوك يعتبروك زول عوقة ساي وحيبو مليان قروش
رابعا بتاعين التاكس ( لو جاز نسميه تاكس ) بقول ليك ما في مشكلة
مشوار أقل من عشرة كيلو قال داير 200 ألف بالقديمي طبعا بعد تلتلة شال 120
خامسا ناس البصات يرفع لك القطعة ليس بحسب وزنها بل بحبس قيمتها. يقول لك عاين سعرها بي كم
ويكتب ليك على الشنطة الجديدة بخط خلي ساسي ما يزول . كل مرة تشوف الشنطة في البيت تتذكر رحلة العذاب ديك
سادسا ناس المرور. المخفي أو التظليل العملتو جديد بقروش لزوم السفر بقلعوك ليهو بقروشك وعينك تعاين وكمان تدفع .
سابعا لاتنس تشيل خطاب من السفارة لو ذاهب بسيارة ( بعدين ما تقول سيارة ) بزيدو عليك الغرامات
لو ما شلت معك خطاب بحجزو منك السيارة في المينا لأنها احتمال تكون مسروقة.
ثامنا ما ترفع صوتك مع أي واحد لابس كاكي حتى لو كان عامل نظافة مع احترامي لعمال النظافة
تاسعاعا لو حاولت تبيت في بورسودان يا ويلك من الحر نوم مافي ( تصبح عيونك كانها بايتة معاك )
عاشرا الطريق خطر شديد أنا كسرت عجل حديد وربنا سلم الحمد لله
( حداشرا ) الحرامية سرقوا منيي الاسبير حق الوكالة ما مشى عندي على الأرض لحظة
( اتناشرا ) أولا الجيران كسروا لي الزجاج بتهاظروا بالعصا الولد رفع العصا كش جات في الزجاج
( تلتاشرا ) في موقف المغتربين القاعد دا دفعت رسوم موقف موقف قال مع حراسة . لملن جيت سلك في السيارة طويل مستقيم وقوي . نظرت فإذا بي أجد الزجاج الخلفي مفتوح على قدر سنت . الحمد لله على شوية كان بسرق السيارة كلها
( اربعتاشرا ) سفرا بالميناء عودي فيو عود مرا
( خمستاشرا ) كل ما ذكرت حدث معي شخصيا . والحمد لله
يا ناس كونوا عاقلين وخلوا البهدلة وإذا كان لابد من سفر البر شيل معك فقط حقيبة يد غياراتك بس
كل ما تقول رخيص بالمحصلة تلقاه أغلى
وربنا يكتب السلامة للجميع