الخرطوم : شيرين أبوبكر
تحفظت شرطة دائرة العمليات بالطوارئ في منطقة شرق النيل على اكثر من”500″ لاجئ بالجريف شرق الخرطوم وذلك منعا لأحداث دامية بين لاجئين من رعاية دولة جنوب السودان وأهالي منطقة الجريف شرق.
وحسب مجريات الأحداث من شهود عيان أن عصابة مسلحة بالسواطير يشتبه بانهم من رعايا دولة جنوب السودان هاجمت شباب من أبناء الجريف محاولين نهب ممتلكاتهم وقاوموهم أبناء الجريف وبعدها بدأت مطاردة العصابة واحتمت العصابة بالرواكيب الموجودة على شريط النيل وقامت العصابة بقذف الشباب بكمية كبيرة من الحجارة مما أدى إلى إصابة شابين من أبناء الجريف .
وتم الاستنجاد بالشرطة والتي أتت إلى موقع الحدث لكن سرعان ما رجعت وبعده دارت عملية كر وفر بين الطرفين.
و في المرة الثانية اتت الشرطة وضربت الرصاص الحي و البمبان وقامت بالتفحيط في ميدان الرابطة بالقرب من الشريط النيلي وانسحبت .
وبعد انسحاب قوات الشرطة للمرة الثانية قام شباب الجريف بحملة قوية علي الشريط النيلي وقاموا بحرق كل الرواكيب والسكن العشوائي وطرد كل العصابات وفي المرة الثالثة اتت شرطة دائرة العمليات بالطوارئ بشرق النيل وحملت رعاية دولة جنوب السودان في “7” دفارات ويقدر عددهم أكثر من”500″ لاجئ .
وسبق أن اشتكى سكان منطقة الجريف شرق بالخرطوم من السكن العشوائي في الشريط النيلي ووجود كمية كبيرة من العصابات ومروجي الخمور والمخدرات.
بلد الفوضى … بلد الحبش والاريتريين والجنوبيين والسوريين وللأسف يعاملوا بأحسن من المواطن السودانى … ماتنسوا يوم الإثنين الأسود وماذا فعل الجنوبيين بالمواطنين .
ديل لو كانو من السودانيين وفي الجنوب كان تم رميهم بالرصاص زمان، كلو من المخلوع
يجب على الدوله حصر جميع اللاجئين من كل دول الجوار والبدء فى اخراجهم بالحسنى وفرض رسوم اقامه عاليه بالدولار بواقع اليوم …وليس على الشهر او السنه …واى تاخير بالمغادره يفرض عليه غرامه كما هو الحال بالامارات
انا باعرف اخلاق الجنوبيون كويس لازم عملوا ليهم حاجة انتو لسا ما عايزين تتوبوا ادوا الناس حقها شغالين ليكم بعرقهم بعدين على نفسها جنت براقش