المناصير يقررون نقل اعتصامهم للخرطوم الأسبوع المقبل..جهاز أمن حزب البشير يمنع قيادات معارضة من الوصول للمناصير المعتصمين

المناصير اصحاب قضية عادله ولا تحل الا اذا اسقط النظام حيث لا عدل الا بسقوط هذا النظام ولا تستقيم الامور الا بسقوطه

المظاهرات يا اخواننا المناصير ما بتحل ماوضيعكم المفروض ترسلو ناسكم الكبار يجو يقعدو مع الحكومة دي ويشوفو ليهم حل لكن ما تضغطو على الحكومة وتستغلو حكاية الثورات دي لانو والله حكاية الثورات دي اثبتت فشلها في كل الدول دي عشان كدة التفاهم احسن وانا ما مؤتمر وطني لكن انا بتهمني السلامة العامة

التحيه لأهلنا المناصير وهم يطالبون بحقوقهم المشروعه والمستحقه……كل السودان والرأى العام يقف معهم ومع عدالة قضيتهم التى لا يعترض عليها الا أسامه عبدالله عدو الشمال وعدو انسانه الكريم .
نبارك لهم نقل اعتصامهم الى الخرطوم ولكن نتمنى أن لا يرفغوا اعتصامهم فى الدامر الا بعد أن يتمكنوا من الاعتصام فى الخرطوم حتى لا تضيع قضيتهم بين نشالى الثورات فى الخرطوم من المعارضه وبين عسكر الحكومه وسدنته.

لا يضيع حق ورائه مطالب لو مؤمنين يقضيتكم الخرطوم ما بعيده وبتلقوا البقيق معاكم والبقيف ضدكم لكن انتوا اولاً اقيفوا مع نفسكم وامنوا بعداله قضيتكم وهو نضال حق وجهاد ايضاً.
ومثل اهلنا بقول القال حقي غلب

ايها المناصير الشرفاء السلام عليكم كما وعدكم الاخوان فى الخرطوم ولا اعيده عليكم بل ازيد ايها الناس ان هؤلاء الكيزان اعداء الحق واخوان الشياطين هم من صناع الفتن وآكلى الحق وما بطن.اذا أردتم القدوم الى الخرطوم فحللتم سهلا ومرحبا بكم فى عاصمة كل السودانيين نقف بجانبكم ونشد من ازركم لكن باحتجاجات سلمية وبمنهجية متحضرة حتى يعلم اخوة الباطل اننا لا نطالب بأكثر من حققكم وحقنا جميعا واحذروا من هؤلاء الاوغاد انهم كالجرزان موجودون فى كل مكان هم اقلية لكن اوكارهم كثيرة ويتبعون معنا اساليب عدة مثل الذهاب الي الشيوخ والفقراء والوداعيات والدجل عموما والشعوذة فكل هذا لا يفرق جمعنا ولا يشتت شملنا لأننا على حق ولله التوفيق