مواطنو الثورة الحارة 48 ينتفضون ويغلقون الشارع ومواطنو مايو والازهري بالخرطوم يهتفون : يسقط يسقط حكم العسكر يا بشير غليت السكر.

29 يونيو، 2012

خرج مواطنو الثوره الحارة 48 بامدرمان واغلقوا الشارع وسط إنتشار كثيف لمليشيات حزب البشير ، كما خرج مواطنو منطقة الازهري ومايو بالخرطوم -سوق 6 وهم يهتفون : يسقط يسقط حكم العسكر يا بشير غليت السكر

شبكة رصد

29 يونيو، 2012

تعليق واحد

  2. تخيلوا..

    مذيعة العربية…إستضافت صحفى إسمو راشد مين كدا..قل أنه لم ير كوعاً ولا لحساً..حين سألته عن خروج المتظاهرين فى جمعة لحس الكوع..

    شباب لو سمحتو أدونا نبذة عن هذا المرجف المرتجف الذى..كان يتحرى الكذب…لكن..ماظنيتو تانى يكت حرف…بعد مانلحس أكواعنا

    رد

  6. ان لم نقتلعكم ونرسلكم الى مزبلة التاريخ لنكونن من التفاهين ونحن ابعد عن ذلك كما تعلمون وغداً نلتقي…..

    رد

  7. الله أكبر : سقوط أول شهيد سوداني يمهر بدمه العهد الجديد
    10:36
    حجم الخط:

    الشهيد الشاب ( أمير كمال عبد اللطيف بيومي ) يبلغ من العمر 39 عاما ويعمل فني أسنان بالسودان وله اثنان من الابناء ( 3 سنوات و11عاما ).

    وقد استشهد متأثرا بما عاناه من غاز سام ( بمبان ) سبب له أزمة صدرية قاتلة حيث صعدت روحه الطاهرة الى بارئها بعد دقائق من وصوله المستشفى .

    ويعد والده الراحل ( اللواء كمال عبد اللطيف بيومي ) واحد من الضباط السودانيين العظام .. حيث كان قائدا للقيادة الشمالية بحامية شندي .. لذا فقد كان من المفارقة أن يستشهد ابنه ( أمير) اليوم على يد العسكر .

    الشهيد هو ابن ود عمة الزميلة (عايدة) الحائزة على جائزة الأم العربية المثالية (دورة 2009) بدولة الامارات العربية المتحدة .

    وهكذا يكون ( أمير ) أول شهيد في ثورة الانعتاق والحرية والكرامة والتي لن تنطفئ جذوتها حتى النصر باذن الله تعالى .

    له الرحمة ولأسرته المكلومة أسمى آيات التعازي وكل أفراد عائلة بيومي بالسودان وخارجه

    رد

  8. راشد عبدالرحيم من المرجفيين وتحليله السياسى كان ضعيفا ولم تكمل معه مذيعة الاخبار اللقاء

    رد

  9. الله اكبر والعزة للسودان ولا نامت اعين الجبناء
    ي بشير امشى طير للنسوانك الشعب حالف يجرك من اضانك (اذنك)
    صبرنا صبرنا على الانقاذ القسموا بلدنا وسرقوا عرقنا

    رد

  10. راشد عبدالرحيم من طفيليات ارطة المصلحجية المتكوزنة وتربطه صلة نسب بحوش بانقا.
    بالنسبة لأسماء الجمع… ياخوانا مافي زمن نرجى من جمعة لجمعة حقو نسمي الايام ونستغل اهتمام الاعلام الخارجي عشان نحشد الآخر المهتم بالشأن السوداني ولتتوالى الادانات. لازم نفضح الكيزان. عايزين العالم يعرف ضباط 28 رمضان ومحارق دارفور والصالح (الضر) العام ومجدي وعوضية ودكتور فضل… افضحوهم واكسبوا العالم

    رد

  11. يا جماعة فى ناس بتعلق وتشتم فى الصادق المهدى والديمقراطية وهم مافاهمين ان النظام الديمقراطى ما حق الصادق المهدى ولا غيره النظام النحنا دايرنه وح يحصل بعد ذهاب الحثالة الاسمها الانقاذ(الحركة الاسلاموية بت الكلب) هو نظام فصل السلطات وسيادة القانون والدستور وحرية الصحافة واستقلال القضاء ومافى اى سلطة تتغول على الاخرى او تطلق يدها بدون كوابح وفى هذه الحالة الشعب هو البيختار البرنامج البيعجبه والبرنامج ده بيجى من خلال الاحزاب ما بيجى براه كده بدون حزب او تنظيم سياسى والشعب هو حر!!يعنى دولة مؤسسات وليس دولة فلان او علان بس ادو الممارسة الديمقراطية الفرصة عشان تنمو وتتجذر فى هذا الوطن العملاق المتعدد الاديان والطوائف والاثنيات عشان يقدروا يتعايشوا فى وحدة وانسجام ويخلقوا ثقافة سودانية وليست عربية او افريقية وتكونوا علم فى المنطقتين العربية والافريقية يعنى زى امريكا التى تقول انها امريكية وليست اوروبية او غيرها!!!بعدين فى الديمقراطية الما عايز حزب الصادق او الميرغنى يعمل ليه حزب براه ويقنع الناس ويفوز وفى هذه الحالة لا الصادق ولا الميرغنى او حزبيهماح يقدروا يمنعوهم او يختوهم فى السجن!!!! فى ناس جاهلة وما بتفهم عن الديمقراطية اى حاجة ويقعدوا يقولوا كلام الطير فى الباقير او انهم مغرضين!!!!!! ودايما اقول الله يلعن ابو الانقلابات العسكرية او الحزبية العسكرية العطلت التطور الديمقراطى فى البلد!!!!!

    رد

  12. فخوره جدا و حقا اعالي الكون تفاخرا انني سودانيه و انتمي لوطني الحبيب السودان  و اشيد بابنا وطني رجالا و شيوخا واطفالا و نساا الذين شاركوا في ثوره لحس الكوع   فعلا ثورتنا سودانيه و صيفها بركان والله تكاتفنا و هتفنا ضد النظام و اشكر الثورا في كل بقاع السودان الذين صنعوا الرعب في نفوس الامن و رباطه النظام  و بالاخص شباب ودنوباوي حيث كنت هناك و شهدت المظاهرات كانوا يغلقون الطرق بالحجاره و معهم اطفال يناولونهم الحصي فعلا الشعب السوداني شجاع من اطفاله وحتي شيوخه  و خاضت قوات الامن معنا كر و فر و لحسن الحظ القوا القبض علي رجل من اذيال الشير الديكتاتوري  و انهالو عليه بالضرب  … نعم نحن ننتصر والسودان كله يثور الان  في مختلف الميادين و المناطق شرقها و غربها شمالها و جنوبها نحن فعلا خرجنا يا البشير و  نافع فهل انتم خارجون!!!!!!!!! 

    رد

  14. الى الامام ايها الثواااار ثورة ثورة حتى النصر.
    الجمعة الجاية
    جمـــعة شذاذ الآفاق
    وبعدها جمعة الشحاديييييييين (وشحادين شديد كمان )
    جمعة بتاعين النسنسة
    جمعة المرجفين ودي برضو ليها وقع خـــــاص لابو وش محروووق دا.
    الى الامام ثورة ثورة حتى النصصصصصصصر.

    حتهرب منو جلدك وين ويوماً ما حتسكت وتم
    واخط رأسى وافارق دنيتى وناسى
    واخلى وراي كراسى
    فما تسود سطر بالشين
    وما تعود اساك العين
    وما تشمت عدوي فينى
    مريم ومى بنياتي وحشتّنى ولعبتن بى

    طريق الشعب اوسع من زحام الضيق
    وقلب الشعب ارحب من رحاب الضو
    ونبض الشعب كلو حلم بداهو بتم
    تطلع من شقوق الارض الاف المدن قامات
    ويطلع حتى من قلب الحجر والصى
    شجر متشابك الهامات وجيلاً جاى حلو الشهد
    صبايا وفتيه يمرحوا فى صباح الغد
    عيونهم برقهن لماح سؤالهم رد
    خفاف ولطاف وثابين اوان الجد
    دفاعا عن حياض السلم والافصاح
    سلمو لى عليهم == سلمو لى عليهم
    جملة حتى اللسه قبل الخلق والتكوين
    صناع الحياة اليوماتى ملح الارض
    نبض الشعر والموسيقى والتلوين
    هدامين قلاع الخوف
    كانت هذه الدراجة يوماً ما كلاشنكوف
    مابين منارات السمع والشوف

    رد

  15. فالنعد العدة الي جمعة ( شذاذ الافاق ) لطرد اكلي قوت الشعب
    ومعذبي اطفال السرطان ونجتثهم من وطننا الحبيب

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..