«بالعكاكيز» علقة ساخنة لشاب تقدم لخطبة فتاة من قبل اشقائها
أم درمان: منال عبد الله:
تعرض شاب تقدم خطبة فتاة بأم درمان لرفض من قبل أهلها لطلبه بالاعتداء عليه بالضرب بالعكاكيز في رأسه وفي مواضع مختلفة من جسده مما أدى إلى أصابته بجراح بالغة الخطورة وكدمات متفرقة في رأسه على الرغم من محاولته الافلات من الاعتداء الذي وقع عليه من قبل (4) أشخاص من بينهم أثنين من أشقاء الفتاة التي تقدم لخطبتها، وتمكن المجني عليه من مغادرة المنزل والاستغاثة بالمارة لاسعافه إلى المستشفى في حالة صحية حرجة طبقاً لشهود عيان تحدثوا لـ(آخر لحظة) أمس وفي أثناء ذلك أبلغ الشرطة بالحادثة وتم استخراج أورنيك (8) جنائي له من قبلها ودون بلاغ تحت المادة (931) من القانون الجنائي في مواجهة الجناة والقت الشرطة بقسم المهندسين بأم درمان القبض عليهم وباشرت التحري معهم حول ملابسات الحادثة.
آخر لحظة
الزول دة بيكون جاهم عريان !!!! ولا عمل حركة ما جميلة قدام الجماعة أصلو دة اسلوب الكيزان
دا شكلو جاء يخطفها ويهرب بها ما جاء من الباب هههههه
العنصرية لعبت دورها هنا
منتهى الهمجية و الجهل .
يكفى أن يقال له معليش و اذا عندك موضوع اخر قله و شكرا على الزيارة و مع السلامة
الزول ده بكون عامل ليهو عملة مسوده ^_^ لانو السودانين معروفين لو جيت طلبت يد بت بدوك معاها بيت دي الحاجه المعرووفة في طيبة السودانين
المسكين دة حالته جاهم بالباب طالباً العفاف فضربوه… فعلاً عالم عجيبة
شئ غريب ,زول جا بالباب ياخد عكاز؟ليه قالوا بين البائع و الشاري يفتح الله(اسف للتمثيل)…لازم يكون الخاطب مش قدر المقام,الراجل عيبو جيبو (ان الدارهم كالمراهم تجبر العظم الكسير..اخشى ان يكونوا حكموا على اختهم بالبوره الابديه…( فى واحد قال لي بنتوا:ولد ناس فلان اتقدم عايزك,قالت انا موافقه ,لكن يابا ما فى خيارات ؟؟ههههه استراتيجية البنات الفاهمات,تقول موافقه و تضمن اولا ثم تبحث عن خيارات,قادر الله
ياربي الزول ده قصته الحقيقية شنو؟ لانه الزمن ده الناس مابتصدق يتقدم عريس وطوالي يدوهو الدامه- الزول ده وراهو كلام- خبركم زي الزفت وما تامي يا ناس الراكوبه
يبدو ليس هناك معرفة بين الولد والبنت، والا كانت ح تقول ليهو (انسى) مافي قسمة و تحذره من الاقتراب أو التصوير، لأنها بالتأكيد عارفة أهلها كويس ومتأكدة أنو لو (هوّب) ناحية بيتهم ح (يتردم) ويتكسر صاح..بس يبدو الولد على نياتو شديد، لأنو مفروض يتصرف صاح ويجس النبض وما يخت نفسو في موقف زي دا، شفاه الله !!
عدم تكافو النسب مشكلة كبيرة ـ وفي قاضي في السعودية طلق زوجة من زوجها لعد تكافو النسب والقصة مشهورة في الشرقية ( بيدا اني من قريش )
اامن تمامآ على كلام مهداوي
دا تلقاهو من النوع القال ليهم بنتكم أو أختكم موافقه وأنا عايز اتقدم ليها وأعرسها, شوفوا جنس المداخلة دي!!
أين أهل الخاطب او أصدقائه؟ و هل رتب امره مع الفتاة قبل الذهاب لخطبتها؟ فالذهاب للخطبة بصورة منفردة ربما استفز اهل الفتاة و كانه يسترخصها و الله اعلم.العنصرية ايضا قد يكون لها دور فنحن كسودانيين نعرف نظرة بعضنا لبعض.لكن الاسلوب برضه همجي للغاية. الخبر ناقص للغاية و يدعو للكثير من التأويلات. ان بعض الظن اثم
كما قالوا (ابو الدرداق خطب القمراء)….
يعني شنو يأتي ويخطب بنتهم وماالمشكلة في ذلك خاصة ان الراجل جاء بالباب ولم يدخل بالشباك والاصول بتقول (اذا جاءك كلب في بيتك فلا تطرده اذا كنت عاقل بل ارمي له بلقمة لعله يكون جائع فيكون سببا في دخولك الجنة) وكان من الواجب عليهم حسن الضيافة ثم الاعتذار للشاب بطريقة معقولة وفي ذلك قمة الادب واللياقة والرقي الاجتماعي وايضاً يشجع ذلك الخطاب الآخرين للتقدم لبنتهم (بدون ان يتحسس الواحد منهم رأسه) ولكن ما حصل يدل على ان اصحابنا ناس همج وخسارة صاحبنا يطرق بابهم يطلب القرب منهم وهو رجل هناك ملايين البنات في انتظاره اذا حسبنا ان جيل النساء يخرج 2 موديل في العام وهناك نسوان الشهداء وهم اكثر من مليون وهناك المطلقات وموديلات السنين الفاتت ودخلن في عالم العنوسة يعني ليس هناك مشكلة في عالم الحريم في السودان……
الحمدلله أخوان العروس الما طلعوا جزارين!!!!!!
عدم تكافو النسب في السودان ياخوانا ما تروقوا في علبكم… قال تكافو نسب قال وفي السودان .والله انتوا كلكم من فوق لتحت مفروض الموضوع ابدا ما تفتحوه لانكم واااااااااااحد
نقول لهذا الخطيب كفارة ليك يا زول والجاتك فى ” صنقورك ” سامحتك.. نصيحتى لك أن ترجع البلد فوراًبعد أن تتعافى وتتزوج بنت عمك..مالك ومال محن ناس المهندسين …واضح جداً أن هذا الخطيب يسكن جهة أم بدات وكدة وقد أتى به “الدرب ” فقط وفى كل الأحوال فقد اكتسب هذا الخطيب خبرةً مهرها بعرقه ودمه وهكذا يبدع أمثال هؤلاء العشاق ” من طرف واحد “…لك الله يا مضروب المهندسين !!!
دا أكيد لم جاء يخطب بنتهم قال ليهم أنا عايز أخطب بنتكم الشكلها كدا وعندها كدا.
دا تخلف والله تخلف الناس بدل تستر بناتهم تلقاهم بجرو للفارغة دا الجهل والتخلف وأصلهم ناس أمدرمان ديل كدا بعرف مواقف كتيرة حصلت في امدرمان بس ربنا يشفيهم قايلين كدا رجالة اوفتوة دي صعلقة وتخلف وحقد ما أكتر …..
السلام عليكم. احتمال يكون قال ليهم خليل ابراهيم قريبه !!!!!!!!!
بصراحة الخبر ( ني ) يعني ناقص ، لكين الشباب الحلوين ديل ادوهو بهارات انما ايه .
قال صلي الله عليه وسلم (إذا أتاكم من ترضون دينه ووخلقه فزوجوه، إلا تفعلوا تكن فتنة في الأرض وفساد كبير)
انتوعارفين يا شباب السودان عبارة مجموعة شعوب ذات عقول متحجر كل منهم يعتقد أنه الأفضل فلنكن صريحين إذا أردنا مناقشة الأمر بواقعية . . نادر ما تجد شاب من أصول عربية متزوج من فتاة ذات أصول أفريقية بيد أنك تجد الشاب الأفريقي متزوج من الفتاة المستعربة و سبب ذلك يرجع لخوفها من العنوسة ولكن لو أحببنا أن نكون واقعيين أكثر سنجد ان الذين يدعون العروبة سبب تلك القطيعة لأنهم دائمآ يعتقدون انهم هم الأفضل و يصل الأمر بأحدهم أن يقول خير له أن يتزوج أخته بنفسه من أن يزوجها لل. . . . .
يمكن يكون العريس كوز ( لامؤخزه )
يا جماعه الزول دا والله اعلم بكون حالق كاروابليش ومفلفل شعرو
ديل بيكونو من أهل العوض. ناس أمدرمان ما بعرفو ضرب العكاكيز
برية برية لية الناس دي تعمل فيهو كدا .كان بس يدوهو عنواني أنا شيلتي جاهزة مية المية حتي توب السرتي دفعت فيهو مليون جنية. زي ما بيقول المثل اللة بيدي الحلق للماعندو أذن.
يا اخوانا متاكدين الراجل ده قال داير يعرسها بس يمكن قال حاجة تانيةو نحنا ما عارفين
غايتو الصحفية منال عبدالله أحسن تشوف ليها شغله تانية غير الصحافة
ده خبر شنو واحد جاء يخطب ، قام أخوان البت ضربوا بالعكاكيز
نفهم شنو؟ أقل شيء مفروض تكون في تكملة من شاكلة ويقول أحد الجيران أن ….
ههههههههههههه والله حاجة تضحك ويا اخوانا ما تدو الموضوع اكتر من الازم خاصة وانكم اى معظم قراء الراكوبة وحتى مصدر الخبر مش عارفيين (العريس دا جلدو كدا ليةهههههه .. لكن اخدو الموضوع ببساطة ما (تعرقنو الموضوع ) ..احتمال العريس دا فكيها فى نفسو والبنت خاطبها ودعمها ( المجهجة فى بلاد الغربة؟ واخوانا اى اخوان البنت ما هان عليهم ودعمهم ويجى واحد يخت يدينوبفوق ود العم .. شخصيا حصل موقف زى دافى عائلتنا قبل 25 سنة ؟؟ البنت مخطوبة لود عمها وود عمها بقرا برا وفى واحد خاتى البنت فى راسو وهو زول جاهز تقريبا ومستقل حتة خطيب البنت لسا بقرا وما عندو حيلة للعرس وبدا ياثر على ام البنت ؟؟ بس (الماكان عارفو عريس الغفلة دا ( انو اصعب اخوان العروس دا صاااحب الخطيب الطالب البرا السودان ؟ وفى احدى المرات بعد جا زيارة المنزل فما كان منهم والا وانتظروة برا البيت وادوة المعلوم باعتبارها حقاااااارة عديل كدا خاصة وانة عارف البنت مخطوبة ؟؟ شفتو يعنى الناس عندها اسبابها وما تاولو المواضيع وتدخلو فيها العرقية .. واى عائلة عندها استايل يا عالم فى ناس لو بقيت نبى ما بدوك بنتهم الا ود عمها بس .. وفى ناس ممكن يزوجو بنتهم لاى جلابية ماشة فى الشارع .. وعادى مش قلتو ديمقراطية ههههه وقيل فى بداية فترة الانقاذ لما كان الطيب
(سيخة) واليا على دارفور (قلبة خفق لاحدى حسناوات الرزيقات من النوع المعقد خالص وانصارى مووت وطبعا شيخنا والى .. فطلب الفتاة ولكن اهلها رفضو رفض بات بحجة انها مخطوبة لود عمها فى (الفريق الفلانى) ؟؟ وبدا يشكل ضغوط على اهل البنت من خلال نفوزة طبعا لكن الامر تعقد واصبح فية تهديد ووعيد وتدخل اخوان الخطيب المفترض والعملية كبرت ( شدو ليها خيول وكلام غريب وكل جنجويد الرزيقات حينها فما كان من الحكومة لا وقامت بنقلة تفاديا لهذا الموقف الحرج والعهدة على زمة الراوى ..
دا يستاهل عشان عامل فيها راجل لو كلم ابوه او اخوه او عمو ومشو معاه اقل حاجه كان حجزوه و ما اخد علق ذي دي
ياخي كان يقول له البت مخطوبه ومع الف سلامه مسطول شامى مسطول تانى شمه شديده
جه قالي انت اختك شينه ومسمينها جميله لي شنو ؟
التاني قالي هسي انت اختك إسمها شريفه في زول سألك
البنات كملا من السودان ولا شنو بنسمع بكثرتهن يعنى كان رجعنا السودان ما بنلقى لينا عروس
والله التعليقات تضحك أكثر من الخبر .. !!
الله يفتح عليكم ، كتلتونا مكن الضحك .. !! هههههههههههههههههههههههههههههههههه
ههههههههههههاااااى قهقهقهقهقهقهقهقهقهقهقق .. !!
الخبر ده ضب بدون ضنب
الزول ده يكون سمع كلام عصام إحباط ومشى عمل ليهم فيها تفتيحه
قال ليهم ما تدوني ليها بقوم بفتح ليكم المواسير كلها
قاموا الجماعة قالو لبعض نردمو ده وقاموا ردموه
الموضوع ده شوقني شديد لمعرفة المزيد أخوان البت وعرفناهم والمعاهم ديل الحارقهم شنو وبعدين راي البت بعد ماعرفت الحصل بنات حواء كيدهن عظيم دي تلقاها مرتبه من البت
اتكوزوا يغنيكم الله الراجل فهم غلط قام اتجوز اهو اتعكز
يكون الخطيب غير كفؤ – وينبغى لكل من اراد الزواج ان يكون على قدر مقامه وجنسه ولا يحرج نفسه ويتجرا على خطوبة من هى اكبر منه مقاما ونسبا ؟؟؟؟؟؟؟؟؟؟؟؟؟؟
الجماعه ديل شكلهم كدة رباطة وشافو الزول دة في واحدة من المظاهرات