الخارجية : عدد من السودانيين في السجون الإماراتية ولا يملكون قيمة التذاكر.

كفاية فضايح . رسلوا طائرة سودانية لترحيلهم إلى السودان ( حتى ولو الطائرة الرئاسية ). فهذه كرامة بلد بحاله وليس اشخاص . متى نحترم انفسنا . اما انت يا سعادة السفير ألم تعلمك الدبلوماسية
متى تتحدث ومتى تصمت ؟ اراك تتنطع بالشماته على اولئك . ليتك لو فعلتها امامهم سرآ ، فهم اولاد بلدك يا قرف .

الاسر السودانية دي قاعدة بره عايزه تأكل حلال وتعلم أولادها وكلنا ماعندنا حق التذاكر ولاشايلين له هم لأننا ما راجعين وانتم في وقاعدين للقمة الحلال والله والبعد عن قلة أدب الحكومة ووزرائها البيستفذون فينا
وانتم السودانين البره ديل ماحلبتوهم من وين يجدون حق التذكرة نحن شغالين للمعيشة والسفارة ياسياتو

واستغرب واحد معلق في الراكوبة أن سليمان عبدالتواب الزين وصل كيف واصبح سفير وبقي كمان يحل ويربط….والله زمن

مدير الإدارة القنصلية بالخارجية يستغرب وجود مغتربين لا يمكلون ثمن التذاكر ، لماذ لا يستغرب هذا المحترم من:
– الجواز السوداني الذي يصدر لمدة عامين لا لشيء سوى تحصيل الجبايات والزكاه والفاضية السودانية ( آسف الفضائية السودانية ) .
– لماذا لا يستغرب المعاناه التي يانيها المغترب عند عودته للسودان .
– لماذا لايستغرب من مصاريف الجامعات التي يدفعها المغترب لتعليم اولاده بالسودان المتفوق علمياً وفاقت شهرة جامعاته هارفارد والسربون.
– لماذا لا يستغرب رسوم المغادرة ورسوم الوصول .
– لماذا لا يستغرب تضييع سنين من عمر طلبة الجامعات فيما يسمى بالخدمة الألزامية التي لا يفي راتبها قيمة المواصلات.
– لماذ لا يستغرب ويسأل اين تذهب كل هذه الاموال وكيف تنفق. وعلى من تنفق.
– هذه الخارجية وما يسمى بسفارات السودان في الخارج ما هي إلا نكاتب لتحصيل الجبايات.

– سوداني مسجون شنو يعني دي مشكلته وليست مشكلة الحكومة السودانية ، نرسل ليه طيارة ليه ولا نرحلوا للسودان ليه.
الحقيقة هي أن كرم سجون الامارات ابرك وافضل.

وياريت كان عندنا مثل حكام الامارات ، لكان هذا السودان أصبح بلد له قيمة.

مصداقا لتعليق الاخت سارة وكرم الدولة الاماراتية فقد حكى لى صديقى ان اخاه كان فى سفر وتقطعت به السب فذهب الى سفارة الامارات فما كان من السفارة الا ان دفعت له مبلغ التذكرة ومعاها مصاريف تكفيه ، هنالك اناس يحترمون الانسان اما سفراونا فنقول لهم خليكم فى اكل مال السحت مع الكيزان وتحصيل الجبايات— ياناس المغتربين قاعدين بره بس عشان ياكلو حلال ويربوا ابناءهم بصورة سليمة اما التوفير وغيره فده كان زمااان

الناس دي ما عندها تذاكر حق الرجعة الي السودان ودي ما مستغرب.ولكن السؤال المهم هل دور السفارة هو اخراج اوراق ثبوتية للناس دي وبس؟ وبعدين كيف الامارات تاكدت انهم سودانيين بدون اوراق ثبوتة ولا بقي السوداني بتعرف من رحتة لانو ما عندو حق الصابون؟ ووين قروش الضرائب و الزكاة ووووووووالدفعها زمان؟ ياناس ما عندكم الا رب العالمين لانو السفارة السودانية ممكن تنكرك عديل لو دخلتليها في جيبو. واخيرا ندعو كل الخييرين من ابناء السودان في كل دول الخليج الوقوف مع هؤلاء المساكين.

لااملك ا لا ان اقول لك خسئت يارجل … اذا كان هذا فهمك وانت في هذا المنصب … حسبنا الله ونعم الوكيل فيك وفي حكومتك

أين رئيس الجاليه السودانيه فى الإمارات , ولا هو ما فاضى من جمع الأموال و إستضافت الفنانين و الفنانات و حفلات الفضائح ؟

انا برد على سليمان اقول ليه هل وفرتو التعليم مجانا لابناء المغتربين ولا وفرتوا العلاج ليه مجانا اذا كان جواز المغترب السوداني بيجدد لمدة سنتين بمبلغ وقدره في حين ان جواز الهندي المغترب يجدد لمدة عشر سنوات وبنفس المبلغ يا اخي ما تخجلو على نفسكم كل المغتربين السودانيين في شتى انحاء العالم اغتربوا من اجل ان يساعدوا ابائهم ووالديهم واخوانهم في حين انكم اصبحتم انتم كحكومة عبْ على المغترب بكثرة الجبايات والضرائب التي تنالوها من المغترب بغير وجه حق .هل تعلم بان التوكيل في سفارتك الموقرة رسومه ب 110 ولا اريد ان اذكر العملة وهو عبارة عن ورقة بيضاء مروسه بترويسة السفارة وعليه الختم وباقي الكلام مكتوب بخط اليد اليس من المخجل ان ادفع هذا المبلغ على ورقة بيضاء مع العلم بان رسوم الفيزا لدولة الهند هي 150 فلماذا تستغرب اذ زجو بالسودانيين في السجون لعدم توفر مبلغ التذاكر او تجديد الاقامة

…عشان تعرفوا سفاراتكم و سفراءكم …

خلال فترة التسعينات كان لي زميل وهو رئيس اتحاد الطلاب السودانين بواحدة من دول اوروبا الشرقية و من فترة لاخرى يسافر لدولة مجاورة لاجل تجديد جوازات سفر الطلبة وعمل اي اجراءات مطلوبة لعدم وجود سفارة في نفس الدولة …. وفي زيارة من الزيارات دي دخل مكتب السفارة وال هو عبارة عن شقة في بناية فتح ليهو موظف سوداني كان بينظف المكان ..و قال ليهو انو القائم بالاعمال ما موجود مشى المطار يستلم الحقيبة الدبلوماسية الجاية من الخرطوم …. صاحبنا قعد ينتظر وقال الله يشوفني الحقيبة الدبلوماسية البيقولو عليها دي …بعد طول انتظار وصل القائم بالاعمال و معاهو السواق و بعد السلام فتح سعادتو الحقيبة امام صاحبنا …تخيلو الحقيبة فيها شنو ….!!؟؟؟؟

منقاقلب التور …جرايد سودانية بايتة .. و كيس كبير صاعووووود ….ولكم ان تقيسوا على ذلك !!

أصبروا بعد شهرين كمان تسمعوا عن الجماعة المسجونين في السعودية!

كر على حنيت عليهم اللهم فرج كربتهم واوصلهم لاهلهم سالمين

المشكلة حلها بسيط جدا تقوم مدام سند وتدق صدرها وتطلع من البنك ثمن التذاكر بالنسبة ليها بسيط جدا يساوى اصبع روج من النوع الفاخر على وزن روج احدى اميرات الخليج البتحب تحاكيها جد ياجماعة سند دى ممكن تسند السفارة فى فك الكربة وينوبها ثواب وممكن بالشراكة مع ام الفقراء ديل مواطنيكم وفقراء اسندوهم

يعني لو كان عندهم جمهور زي المرحوم محمود عبد العزيز كان رسلوا ليهم طيارة خاصة شان تنقلهم للبلد
نفااااااااااااااااق ولعب علي الناس . يمهل ولا يهمل

استغرب اكثر لما تعرف أن فى ناس ماعندها حق التذكرة ومديونين كمان وماشين للسودان وأنت عارف السودان والاستغراب على أصوله …