عناوين الصحف الصادرة الأحد 05 فبراير 2017م
علي مسؤوليتي
عناوين الصحف الصادرة الأحد 05 فبراير 2017م
📰 الجريدة
🔹 مطالبة بقوات قومية لتأمين جبل عامر
يعني انتو قصدكم القوات القالت حارساهو دي مليشيات ساي 😂😂
📰 الجريدة
🔹 عاملون سابقون بالخطوط البحرية يتهمون رئيس النقابة بالتصرف في اموالهم
اصلا البلد دي اي زول يمسك رئاسة حاجة فيها بتصرف زي ماعاوز لانو مافيها محاسبة 😡😡
📰 الجريدة
🔹 غرق بدروم برج الجزيرة بمياه الصرف الصحي
ماتبقوا ناس نيتكم كعبة احتمال عاوزين يزرعوا فراولة في البدورم 😝😝
📰 الجريدة
🔹 الازالة تهدد 400 منزل (بالحسانية والسليم) ونداء لوزير العدل
وزير العدل دا الا يدخلوكم الحراسة بجيكم بالليل لكن ازالة ما معاهو 😅😅
📰 الحريدة
🔹 ضبط 18470 حبة مخدرة و 1858 راس حشيش
انتو الحبوب المخدرة والحشيش ديل بتحركن براهم ولا في ناس بوردوهن ويوزعوهن 😬😬
📰 الجريدة
🔹 المالية تطالب بتسريع تسجيل الادوية منعا للاحتكار
لكن الكلام دا يابدر الدين بنفع مع ناس عاشميق ولا بعمل ليكم مشاكل ساي 🤔🤔
📰 التيار
🔹 بعد اعلانه انتهاء ولايته في 2020 : التيار تفتح ملف السودان مابعد البشير
انت يا باشمهندس ملف الاقطان ال باللفة وقفك سنتين عاوز تقيف نهائي ولا شنو 😳😳
📰 التيار
🔹 80% من اللحوم بود مدني مذبوحة كيري
والغريب شنو اذا كان 100% من الحكومة والتشريعي جاية كيري 😡😡
📰 التيار
🔹 المالية تخصص موارد للمجلس القومي للأدوية والسموم
يعني المجلس كان برفع سعر الدواء عشان يجيب الحوافز والبدلات 🙄🙄
📰 الانتباهة
🔹 عبد الرحيم لـ(عضوية الحزب الحاكم) : تأكدوا من ألا يبيت أحد جائعاً
طبعا يا سعادتك قاصد لا يبيت احد من الحزب الحاكم جائعا 😬😬
📰 الانتباهة
🔹 الصحة تقر بعجز ضخم في (الدايات)
عشان كدا السدود ماقادرة تولد كهرباء 🤔🤔
📰 الصيحة
🔹 وزير العدل : سنجري تعديلات على قانون النظام العام
والله انتو بعد شوية ستجروا عديل من الشعب لو دي طريقتكم 😡😡
📰 الصيحة
🔹 التجاني السيسي : الوظيفة العامة أصبحت مدخلاً للثراء
تصدق يا سيسي في موظف عام بعد سنتين بس عرس دكتورة في عمر بناتو ودفع مهر نص مليار وتوسان وكمية دهب تخلع 😬😬
📰 الصيحة
🔹 كشف عن تخصيص 220 مقعداً برلمانياً لقوى الحوار.. (شورى الوطني): الحكومة ستضم 84 حزباً و37 حركة مسلحة
ديل الا تلعبوهم في الليق ما اظن تلقو ليهم استادات تشيلهم بي سلاحهم دا 😂😂
📰 السوداني
🔹 (الوطني): ما يتردد عن تهميش البشير للحزب غير صحيح
هو القال ليكم تهميش منو دا الغاء عديل يا شباب 😅😅
📰 السوداني
🔹 (الدعم السريع) : نرحب بعودة المهدي ولسنا دعاة حرب
بترحبوا بيهو حتي لو قال لي جدادة المك تك 😳😳
📰 السوداني
🔹 ولاية الخرطوم تعتزم طرح 125 ألف وظيفة العام الجاري
تطرح في البرد دا لو جاء الصيف بتعمل شنو طيب 😝😝
📰 المجهر السياسي
🔹 قاضي أمريكي يوقف قرار (ترمب) وخطوط الطيران تسمح بسفر المحظورين
هسي القاضي دا لو هنا ووقف قرار الرئيس الفراش بتاعو كان بكون اترفع ياربي 🤔🤔
📰 المجهر السياسي
🔹 (السجاد) : المنظومة الخالفة أقرت حل (الشعبي) و(الترابي) رهن نجاح الحوار بتنفيذها
لكن يا سجاد انتو التكتيك العالي دا بتقدروا عليهو بعد الشيخ رحل وبتقدروا تبلعوا السلطة بالمنظومة دي 😂😂
📰 الرأى العام
🔹 غندور لنظيره الأمريكي : الخرطوم وواشنطن تتقاسمان المقاصد والتحديات
بالله ياغندور بعد 27 سنة مسيرتكم القاصدة طلعت ماشة ورا ورا زي القونات 😡😡
📰 آخر لحظة
🔹 إلغاء قرار حظر سفر السودانيين إلى أمريكا
في دولة القانون لا يمكن للرئيس أن يتخذ قرار مخالف للدستور وفي دولنا الرئيس هو من يحدد مايريده من الدستور 😬😬
📰 الوفاق
🔹 الجمارك تحقق نسبة أداء 96 % العام الماضي
وال4% دي مشت حافز للناس الطلعوا النسبة دي ولا شنو 😳😳
📰 الوطن
🔹 البشير يوجه بتوظيف القابلات في الخدمة المدنية
في وظائف مرضعات في القضارف ومركز المايقوما مليتوها رجال شوفوها ليهن 😅😅
📰 الصحافة
🔹 الدعم السريع : التمرد انحصر في قمة جبل مرة
يعني ممكن تدوهو شلوت يدردق تحت الجبل وترتاحو منو 😂😂
📰 سودان فيشن
🔹 البنك المركزي يؤكد التزام الرئاسة بمكافحة غسيل الأموال وتمويل الإرهاب
وانتو تمشوا توقعوا القروض البتصل ناقصة 100 مليون دولار بس وتجو راجعين 😡😡
📰 سودان فيشن
🔹 عبود جابر : لا خلافات داخل لجنة متابعة مخرجات الحوار الوطني
وانتو ح تقعدوا تتابعوا وتدودروا وتعاينوا كدا خايفين (ود ابرق) دا يهبر ليكم الشرك ولا بتتكلموا 😂😂
📰 أخبار اليوم
🔹 القضاء الامريكى يعلق قرار حظر مواطنى الــ “7” دول وترامب يصف الامر بالسخيف
يعني ماحلف طلاق ولا عرض وقال تحت جزمتي 😳😳
📰 أخبار اليوم
🔹 السودان يدين عملية مهاجمة دورية أمنية في متحف اللوفر ويصفها بالإرهابية
غايتو بعد فكوا ليكم الحظر دا تاني الشوف رهاب رهاب ممكن تدينوهو 😝😝
📰 المستقلة
🔹 الصادق المهدي : نتطلع لنظام لا يهيمن ولا يعزل
يا امام النظام حتي في المعارضين بعزل البنفع معاهو بس 😅😅
📰 المستقلة
🔹 نفي ادخال سلع مصرية بشهادة منشأ مزورة
يعني عاملين فيها متابعين شديد انتو السلع ذاتها لو ما السعودية وروسيا ماعارفنها فاسدة 😡😡
📰 الوان
🔹 الدعم السريع : حدود السودان تحت السيطرة ودارفور خالية من الحركات المسلحة
والناس البهاجموا في الفرقان وبغتصبوا المعلمات وبقتلوا رميا بالرصاص ديل تابعين لناس جبل عامر برضو 😳😳
📰 الميدان
🔹 الشيوعي : اجندة مشبوهة تحاول الدفع بدارفور نحو الانفصال
اجندة لجماعات معروفة يارفاق ويجب مقاومتها حتي لو بانفسنا ✌🏻✌🏻
📰 الميدان
🔹 استمرار تفشي الاسهالات المائية بالبحر الاحمر واحتجاجات جماهيرية
وكمان الحكومة قررت تزيد ليكم اسعار الادوية زي ماسمعنا تحت تحت 😬😬
📰 الايام
🔹 الحكومة تجدد مطالبتها برفعها من قائمة الارهاب وتشدد علي رفضها الارهاب
خلاص كان لحستو التوبة احلفوا قولوا تاني ما بنعمل كدا 😂😂
بشير اربجي – فيسبوك
