أهم الأخبار والمقالات

أبرز المغادرين وزيرة الخارجية ووزراء الصناعة والصحة والطاقة

الخرطوم: الراكوبة

قالت صحيفة محلية إن أبرز الوزراء المغادرين في التعديل الوزاري المرتقب، هم وزيرة الخارجية أسماء عبد الله، ووزير الصناعة والتجارة مدني عباس، ووزير الطاقة والتعدين عادل إبراهيم.

كما أوردت الصحيفة نقلا عن مصادر- لم تسمها، مغادرة وزير الصحة الاتحادي د. أكرم علي التوم، لموقعه في الوزارة.

وقالت الصحيفة أن التشكيل الوزاري الجديد سيشمل “تفكيك” عددا من الوزارات وتقسيمها، فيما يبدو هيكلة جديدة للوزارة لإستيعاب وزراء من الجبهة الثورية وقوى الكفاح المسلح التي تجري مفاوضات حاليا مع الحكومة.

‫37 تعليقات

  1. المليونية القادمة إقصاء الصادق المهدي ووزراء حزبة. ديل موقفين عجلة أهداف الثورة. الصادق المهدي بيعمل عمل الترابي, قابض علي وزارة المالية والبنك المركزي. أصحي يا ترس.

  2. احسن شيء وزيرة الخارجيه والصناعة والصحه. كلهما محل جدل ومرحبا بالجديد ان شاء الله يكون محنك لان
    وزير الخارجيه لازم يكون ذو حنك وخبره طويله في العمل الدبلوماسي لان السودان في الكيزان تراجع سهم السودان من الحنك وفضلت الدول العربية قطع راس السودان كورة وملعب الساحات الاقليميه تدار من داخله لي ادلجة النعرات السياسيه من أرضا دول بعينها وهذا هو نتج إدخال عناصر غير مرقوب فيها لتدار صراعات اقليميه من داخل السودان وهذا ضعف السياسات غير رشيده مما جعل السودان سرطان افريقيا مما سبب له عزله سياسيه وحرمان كل ما هو يتعلق بالتنميه نتيجة ضعف وهيمنة الحكومه السابقه ونهجت نهج مخالف لي الدين والدول والعالم ولا نريد وزير الا محنك وله حنكه وصرامه في المواقف التي تستحق الوقوف إليها بجداره لمصلحة السودان وااسودانين كما الان في التعامل مع سد النهضة ومحكمة العدل الدوليه والعلاقات الدوليه. ووزير الصناعة يجب حصر كل المصانع التي توقفت عن الإنتاج وما هو السبب لمعالجة وإدارة الإنتاج لتلبية القليل من إنتاج الدخل ويساهم في ترقيع الاقتصاد المتردي اصلا وإيجاد حلول جزريه لرفع دخل الفرد ويقلل من البطاله مما يقلل من بعض السلع التي تستورد حاليا في حين تم السودان عدد المصانع فوق الخيال ومازال الزول نستورد حتى الزيت والدقيق عيب مثل السودان يستورد سلع اساسا محلها مجري النيل وخصوبة التربه واتوقع ان يكون وزيري التجاره والخارجيه جديرين بوزارتهما التي هي محل استبدال وهم أجدر لكرسي الوزارة يكونون على قدر المسؤوليه لان من قدر الزمان ان يكون هنالك تراكم واستبدال والحال هو والسودان به كببر من هم أهل خبرات والعطاء في مجالات شتى في السياسه وفي التجاره وفي المقام السودان سوف ينهض ويقف ويلحق بركب وقطار التنميه متحرك وعاش السودان حرا مستقرا

  3. تشيلوا اكرم التوم عشان تجيبو مرتزق زي ابو قردة؟؟ عملتها يا حمدوك انت ذاتك حتتشات دي حكومتك انت تشكلها زي ما عايز اوع تجيب فيها محاصصات وسخافات

  4. والله أكرم لو مشي تبقى كارثة والعلة فى الحركات المسلحة التى أصبحت كالسرطان الله يلعنهم خربوا الثورة وماعندهم اى مؤهلات بلاء يخمهم. يا اخي خلوهم يدخلوا الغابة تانى ونشوف رجالهم هؤلاء علل. لكن أكرم خسارة والله خسارة هذا الرجل قلبه على السودان عشان كده عايزين مليونية لدعم دكتور أكرم لازم أكرم كنز لايمكن نتخلى عنه ياحمدوك.

    1. الاخ الباشا انا ايضا الباشا صدفة في الاسم ، نعم د.اكرم رجل ما ساهل مؤهل وثوري ابعاده حيكون ضربةصدمة لشباب ثورتنا ، كرونا هذه هزت اكبر العالم وفشلت في التعاطي معها ،

  5. أوعى الطرطور بتاع الثقافة والإعلام قاعد .. بعدين ناس الثورية عاوزين وزارات لشنو .. مش كفاية ذهب القشير وتنفسوا الحرية ! يجب أن يذهبوا بسلاحهم إلى الجيش والشرطة وينتظروا الانتخابات.. يجب أن يفهموا انهم جزء من نضال شعبنا ضد الكيزان ولن نصبح كلنا وزراء

  6. ما دايرين اي زيادة وزارات و اعباء مالية و ادارية ،،، بالنسبة لعواليق و صعاليق الجبهة الثورية دايرين اجو اجو ما دايرن اخليهم قاعدين في جوبا ما دارين اي محاصصات و صعلكة ،،، يجب تغيير و اعفاء رئيسة القضاء فورا و بل كل القضاة الكيزان قبل اي شي اخر ،،،،

    1. الترض للحركات المسلحه مجرب ولا يجلب السلام .. كلهم دايرين يكونوا زي دقلو..
      اول حاجه حلوا مشكلة جيش حميدتي.بعدين جيش واحد لوطن واحد..

  7. خبر لجس نبض الشارع, ضعف الوزراء من ضعف حمدوك.
    “البشير كويس لكن المشكلة في الحوالينو!” تاني؟ نلدغ من نفس الجحر؟ يصلح الرأس يصلح باقي الجسد,
    يستعدل حمدوك أولا, و يمسك خط الثورة, كل هؤلاء الوزراء اختارهم سيستم معطوب في “قحت” و حمدوك اختار من تلاتة خيارات كان فيهم من هو أصلح.
    الشارع يرفض الهبوط الناعم ووزراء عفا الله عما سلف, باستثناء أربعة وزراء فيهم د. اكرم و الاستاد مفرح – يمكن تجديد دماء الآخرين.

  8. وزارة الطاقة والتعدين هي اهم وزارة في الحكومة دي فرجاءاً شوفوا ليها زول كفاءه وخلونا من المحاصصات لان الغلا الحاصل في البلد سببه الاساسي عدم توفر الجاز الذي تسبب في ارتفاع تكاليف النقل بالاضافة الي اهمية هذه الوزارة في السيطرة علي قطاع الذهب الذي يمكن ان يدر دولار للحكومة بقليل من التدابير والافكار

  9. الثورة قامت من اجل كنس الاخوان و محاصصة الاحزاب و لكن هذه الحكومه بما فيها حمدوك مفروض تستقيل لانها ليست حكومة ثورة و حمدوك شخصيه ضعيفة ليس له كاريزما ان يقود حكومة ثورة و حكومة حمدوك مشت فى نفس المثار الذى سارت فيه حكومة الكيزان الاخيرة و السلطه بيد الشعب و ليس بيد اى حزب متخازل يتظر الى اسياده لو كانو طايفيين او عسكريين و الحكومة يجب ان تضع هيبة الدوله و ليس الخنوع لقتله مجرمين و يجب ان تصادر اموالهم و يدخلوا السجون و يقدموا الى محاكمات

    1. والله مؤسف جدا شغل المحاصصات والحركات اذا همها الوزارات وليس الوطن والمواطن فليذهبوا غير مأسوف عليهم.. كسرة: د أكرم من افضل وزراء الصحة الذين مروا على السودان على مر التاريخ

  10. اكبر مصيبة هو وزير المالية فى عهده انهار الجنيه وتضاعف التضخم و وانعدام مقومات الدولة خوفا من الصادق المهدى لن يتم تغييره

    1. فليذهب وزبر المالية و امام البوخة و الجبهة الثورية الي الجحيم ،،، ما دايرين اي هبوط ناعم معاهم ايضا موتمرجية حزب المؤتمر السوداني المرتزقة ،،،، اعفاء رئيسة القضاء واجب المرحلة ،،،،

    2. وزير الماليه المغروض اول واحد يمشي . جاي بعد سنه يقول ” سمعناكم بوضوح وباذن الله سوف لن نخذلكم ” في خزلان اكتر من اصرارك تطبيق تجارب البنك الدولي علينا . . . تخلي شعبك فئران تجارب للبنك الدولي!!!

      https://kenfm.de/sudan-as-guinea-pig-for-cash-abolition/

      بعد سنه يادوب سمعت !!! . . . . ماتختشي علي نفسك . . . الجابك الشعب ولا البنك الدولي. . . . حسبنا الله ونعم الوكييل

  11. مع الاسف ان عقولكم لم تتحرر بعض !!
    انتو محتاجين الي دنيا اخري بعض يوم القيامة
    ياخي منو قال ليكم حمدوك عايز يستوزر حركات ؟
    كذلك م كلكم بتبكوا بي ادمع اعينكم للوصول الي حرف س سايت من كلمة سلام
    ( مرتزق و متمرد الخ هذة هي مصطلحات الكيزان التي انتم تحملون طبق مفاهيمها اي يا ابا زيد كانك م غزيت !!
    علي اي حال النزعة العنصرية لا تصلح حال هذا البلد

    1. نحررها من شنو؟؟؟ والله الجبهة الثورية كلهم مرتزقة وبقايا كيزان وكلهم كانوا بفاوضوا في الكيزان لآخر يوم عشان يجوا وزراء ومستسارين ومساعدين للبشير فاجأتهم الثورة طوالي هرولوا نحو الإمارات وقبضوا كلهم عشان كده عينهم ما بقدروا برفعوعا قصاد حميدتي هسي بعد اعتصام نيرتتي دخل يومو الخامس حتين فتحوا خشمهم على استحياءوهم الفالقننا بكلمة هامش ما يجوا يورونا الميليشيات دي البتهاجم اهل الهامش منو؟ لا طبعا لبه يهتموا وهم عينهم على الوزارات والمجلس السيادي وتجارة الاسلحة والعقارات الجبهة الثورية مرتزقة ونص وخمسة كلهم نسخة بحر ابو قردة
      اكرم التوم وزير ثوري كفاءة بحارب في مافيا الدواء مافيا المستشفيات الخاصة والكيزان وشلة من الاتخادي المعارض البفتكروا انو وزارة الصحة حقتهم بفكر حزبي مريض

  12. رسالة هامة الي حمدوك..
    التغير مهم وذلك بناء علي تقييم الأداء….ولكن يحب أن يكون البديل مستوفيا لمتطلبات وشروط الوظيفة من حيث المؤهلات والقدرات…كما يحب طرح الوظائف لكل سوداني مؤهل بغض النظر عن انتمائه السياسي او الجهوي…..لان الهدف من شاغل الوظيفة هو أداء المهام بكفاءة بما يحقق أهداف المرحلة.
    خوفي عليك يا حمدوك من الجماعة (يركبوك الطرورة!!!)

  13. انتو حمدوك دا جايبنو طرطور ولا شنو … حمدوك هو اللى يفصل ويعين اى وزير ماشايف شقلو اخارجو طوالى هو المسؤل .. وانتو كشعب مفروض تخلوهو يشتقل .. ماعندنا تانى وزير بقدسوهو
    وان فى محل حمدوك بخارج كل قوى الحرية والتقيير ماادخلوا فى شقلو نهاى لازم حمدوك يكون شخصية قوية والشعب يوم من الايام اجمع عليهو .. واسى مفروض اخارج اى وزير ماشقال كويس .. اكرم ولا البدوى ولا اسماء القاعد ساى يخارجو طوالى ولايعاين لحزبوا شنو ولاتابع لمنوا ماعندنا تانى زول بقعد عشان ثورى ولا بتاع كل الشعب دا طلع وقلع الكيزان .. ثورى دى تانى مابتاكل معانا عيش كفاءة وشقلك تمام تقعد ولا بنقول ليك شكرا ولا بنقدسك لانو دا واجبك لوطنك

  14. فليذهب عبدالله حمدوك والكوز عمر مانيس ويبقى د. أكرم علي التوم. لا لمحاصصات البشير مع عواطلية وأرزقية الحركات كمساعد المخلوع مناوي والعاطل التوم هجو.

  15. كلنا اكرم (full stop)
    والله اكرم لومشي مواكب لجان المقاومة حتتحرك.
    اكرم مع سياسات العلاج الفي صالح الموطن..
    شيلوا وزير المالية خادم البنك الدولي

  16. الدكتور أكرم علي التوم أفضل وزير صحة مر على السودان ناهيك عن الفترة الإنتقالية وإزاحة الدكتور أكرم هو من قاتل وصرع مافيا الدواء وتجار صحة الإنسان قاتلهم الله . الدكتور أكرم علي التوم كما قال الوفد الطبي الصيني — القائد المقاتل.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..