رغم تأكيد الصحف الاسرائيلية..مرة أخرى الناطق باسم القوات الحكومية المسلحة ينفي معلومات جديدة عن قصف إسرائيل للشرق
الخرطوم: رقية الزاكي – يحيى كشه
نفى العقيد الصوارمي خالد سعد الناطق الرسمي باسم القوات المسلحة، وجود أية معلومات لديهم بشأن قصف الجيش الإسرائيلي للحدود السودانية المصرية، وقال لـ (الرأي العام) أمس: لم يرد إلينا أن شيئاً وقع في المنطقة. وفي السياق، أكد مولانا أحمد ابراهيم الطاهر رئيس المجلس الوطني، أن إسرائيل تشكل مهدداً رئيسياً لأمن السودان في الفترة المقبلة، وكشف في مؤتمر صحفي أمس، عن شروع البرلمان في إعداد قانون لمكافحة التجسس الذي قال إنه يُشكِّل مخاطر أمنية على البلاد. وكانت وسائل الإعلام والصحف الإسرائيلية كشفت أمس، أن طائرات مقاتلة تابعة لسلاح الجو الإسرائيلي شنت قبل أسبوعين غارتين منفصلتين على منطقة في شرق السودان، استهدفت كل منهما عدداً من السيارات المحمّلة بالذخائر كانت متجهة نحو الحدود المصرية، وأوضحت أن الهجوم استهدف سيارة (تويوتا) كان بداخلها عدد من المنقبين عن الذهب في السودان، وأدت الغارة إلى مقتل جميع من كانوا في السيارة، وزعمت أن جميع السيارات كانت متوجهة إلى قطاع غزة لتزويده بالأسلحة. وفي السياق، قالت صحيفة (هاآرتس) الإسرائيلية، إنه في منتصف ديسمبر الحالي، شُوهدت مروحيات الأباتشي الاسرائيلية بالقرب من السواحل السودانية، وشُوهد أيضاً نشاط لغواصة اسرائيلية في المنطقة، وأضافت (هاآرتس) أن سفن البحرية الإسرائيلية والغواصة عبرت من خلال قناة السويس عدة مرات، بالتنسيق مع النظام المصري السابق.
الراي العام
عندي سعاااال لناس الحيكومه ….!!!؟؟
هل لو جات طياره ضربت أي جزء في السودان بتعرفوها ؟؟؟
والله كان عرفتوها تبقوا ما هينين …
بس مصنع الشفا لما إنضرب …. كتير من الناس …مره يقولوا صاروخ …ومره
يقولة ..طياره …. وما عرفنا حتي اليوم صاروخ ولا طياره ؟؟؟
والسؤال التاني : ليه نحنا ما عندنا رادار لكشف مثل هذه الهجمات ….ولكن عشان
الهجمه قريب المغرب وقت كل السودانيين بتغدوا … إمكن عشان الناس كانوا
بياكلوا …الجماعة غفلونا وضربوا المصنع …!!؟؟؟
وإلا سعمت في دول بيقولوا لو جات ضباناي داخله الحدود بعرفوها …وبضربوها
فوراً وبقتلوها …
والظاهر ناسنا عشان طيبين ….. بسامحوا الضربه الأولي …وبنتظروا الضربه التانية
كان جات الغيرة أو الهجمة ….
وإلا سمعنا وزير الدفاع قال بقينا نصنع السلاح !!!؟؟؟
وهل ماشاء الله أطورنا وبقينا بنتكلم عدييييل في وسائل الإعلام وما بنخاف …
الظاهر عشان ريسنا جعلي ووزير الدفاع جعلي …..
ربنا يوفقنا ويقدمنا عشان نشوف الراجينا …….
نكران فى نكران
ربنا يحمى الشعب
ديل ما ناس بحمو بلد
عينهم على الطريق الهرب بيهو نمر
اليوم سمعت فى الاخبار بأن السودان طلب من القياده فى مصر مساعدته لرد الاعتداءت الاسرائيليه على شرق السودان ,, ورد المعلق بأن مصر تمر بظروف صعبه ولايمكنها المساعده ,, وبى هنالك الجماعه ينكروا ده كلام يا عوض دكام ماقلتوا نوبه وأمريكا دنا عذابها :mad: :mad:
البلد الهـــــامــــل .. المــــاعـندو وجـــــيـع ، القــوات المســـلحـه مــافـاضـيه مـن المعــارك ضـد المــواطنين حــتي آخــر مــواطـن .. وحــتي آخــر ذرة تراب مـن باقـي الـوطـن .
هذا المدلس يمكن ان يغالط حتى في شروق الشمس من جهة الشرق
لا يجدي النعامة ان تدس راسها في الرمال… اذا لم تتعلم الانقاذ الاعتراف بالخطأ و مواجهة الحقائق بدلا عن نفيها و مغالطتها فانها ستدمر ما تبيقى من بلاد السودان و باقي شعبه الفضل
تعرفوا يا شباب لو الغارات الأسرائيليه ضربت هذا الصوارمى فى راسو العامل زى القونقليزه ده…برضو حيقول لينا لا أساس لها من الصحه.
ديل القتلوا ناقة صالح ونكروها
ديل ينكروا اساميهم
لكن ربنا دا بيفضح فيهم ساااااكت
ويفضحهم هم ذاتهم امام خلقه لدرجة لما يمشوا في الشارع يتضاروا بالحيط
ديل الله يورينا فيهم يوم الضيعونا الله يضيعيكم في الدارين يا جماعة المؤتمر السجمي ويا مجلس الوزراء ويا عمر والترابي