سادومبا زمبابوي اتفقت حوله قلوب السودانيين – شاهد الهدف الرابع –
فرح غير متناهٍ عاشته الاراضي السودانية امس الاول بفضل الانتصار الكاسح الذي حققه الهلال علي كابس يونايتد الزمبابوي فرح كان القاسم المشترك فيه الزمبابوي سادومبا بعد ان جندل بني جلدته ثلاث مرات .
سا سا سا سادومبا هتافات شقت سماء العاصمة السودانية وتجاوزتها نحو كل مدن السودان التي قد يختلف كل شئ فيها سوى حالة الانقسام مابين شمال العرضة وجنوبها مابين الهلال والمريخ ، وهو اتفاق مصدره الاساسي الرياضة وكرة القدم علي وجه التحديد ، وكعادتها فان لجماهير العملاقين طقوسا خاصة في الاحتفال بالانتصار والفوز وتمجيد لاعبيها اصحاب الفضل الاساسي في الانتصارات الكروية
الاحتفالات الكروية تنتقل سريعا لتشمل كل مدن السودان مشكلة حالة من الوحدة مابين مكونات الشعب المختلفة في امدرمان وفي حلفا وفي نيالا وفي واو وجوبا وفي كل حتة من اجزاء الوطن مترامي الاطراف متحد الدواخل.
سادومبا عريس الليلة وفارس المباراة لم تمنعه جنسيته الزمبابوية من نثر الفرح في الربوع السودانية ومثلما اتفقت افريقيا في ايام مضت من شرقها لغربها ومن جنوبها لشمالها مع ابداعات النجوم الغانية في كأس العالم ومع نجمها جيان اساموا كان بالامس معظم السودانيين يتفقون حول الزمبابوي سادومبا وخصوصا مشجعي الموج الازرق والذي عاد للانتصارات في ملعبه بالدرة المقابلة النيل والعافية البتشد الحيل امدرمان السودان وسودان امدرمان وفي الحالتين الوحدة هي الاصل وهي المبتغي
اجمل مافي الليلة ان سادومبا استحق لقب الزمبابوي الذي اتفقت حوله قلوب السودانيين في لحظة كان التعبير فيها بلسان عشاق الازرق من غيرنا يعطي لهذا الشعب معني ان يعيش وينتصر بالكورة اليوم وبالوحدة في مقبل الايام.
الخرطوم : الزين عثمان:
الصحافة
فعلا من غيرنا يعطى لهذا الشعب معنى أن يعيش ويبتهج عفوا ينتصر