اشتباكات بين الجيش السوداني ومليشيات أثيوبية بالحدود واستشهاد قائد القوة السودانية
توغل مليشيات اثيوبية للحدود السودانية والجيش يدفع بتعزيزات عاجلة
شهدت الحدود السودانية الأثيوبية بولاية القضارف توترا جديدا صباح اليوم حيث توغلت قوة من المليشيات الأثيوبية واعتدت على بعض المشاريع الزراعية بمنطقة بركة نوريت وقرية الفرسان وتواصل الاعتداء ليشمل الاشتباك مع القوة العسكرية السودانية فى معسكر بركة نورين.
وقد نجم عن التصدى للمليشيات استشهاد قائد القوة السودانية النقيب كرم الدين متأثرا بجراحه في مستشفى دوكة عاصمة محلية القلابات الغربية وجرح عدد من العسكريين والمدنيين.
وقد وصلت تعزيزات عسكرية عاجلة من عدة محاور فى المنطقة للمعسكر فى بركة نوريت حيث تم التصدى ومطاردة الفلول الأثيوبية لما وراء الحدود المشتركة.
يذكر أن فترتى الأعداد للموسم الزراعى والحصاد تشهدان دائماً اختراقات وتعديات متواصلة من المليشيات الأثيوبية الخارجة عن سيطرة السلطات الأثيوبية بالمناطق الحدودية والتى سبق أن أعلنت رفضها وعدم التزامها بأى اتفاقيات مع الجانب السودانى لاستقرار المنطقة.
و لم يصدر حتى الان تعليق رسمي على هذه التطورات
اثيوبيا اخت بلادى
انت مش كان في يدك ملف سد النهضه عشان تقيف مع إثيوبيا. ليه ما فتحت ملف ترسيم الحدود مع إثيوبيا. ؟!!
مفاوضين فشله.
ما يفضل واحد فيهم- يلا ورونا مرجلتكم- فلاحتكم مع الشباب السلمي
الى متين هذه الاعتدائات و الجيش السوداني ساكن
ٌقلنا زمان العدو الاستراتيجي للسودان هو اثيوبيا وحيقعدو يقرمو في ارض الشرق حبة حبة ومشهورين هم بسياسة النفس الطويل وتمددهم الزراعي حيكون غربا تجاه ارضنا لانو اغلب اراضيهم جبلية غير صالحة للزراعة
مزعلني الناس الكانو بقولو نقيف مع اثيوبيا ضد مصر كية بس لمصر
منتهي قصر النظر ماممكن تكون واقف مع عدوك ضد عدوك خليك مع مصلحتك بس
مافي حاحة اسمها مليشيات إثيوبية بل دي قوات حكومية إثيوبية تتبع لاقليم الامهرا المحاور للسودان.
والحكومة الإثيوبية بتغض البصر لأنها تصدر سنويا 700 مليون دولار من زراعة السمسم في هذه المنطقة، وعشان كدة مع بداية موسم المطر والزراعة بيجو يتهجموا على المزارعين السودانيين عشان يطردوهم وتخلو ليهم المنطقة الأيوبيين انانيين جدا ويرون فقط مصلحتهم عشان ما تنخدعوا ساي باثيوبيا يا اخت بلادي.
إثيوبيا عمرها ما قدمت للسودان خدمة مجانا ولن تقدم وحتى الكهرباء نشتريها منهم بالدولار وبالمقابل بنبيع ليهم بترولنا المدعوم بسعر مدعوم.
نحن شعب خائب للأسف وعايشين في وهم كبير.
رد على الاخ احمد الزاكي:
احييك على وعيك بقضية الفشقة وسردك المليء بالحقائق..
اتمنى ان السذج جماعة (اثيوبيا يا اخت بلادي) ومن يدعون ان الاشتباكات (مؤامرة مصرية) ان يقرءوا مجرى الاحداث وان الاثيوبيين هم من هاجموا السودان وليس العكس.
انا غايتو ما عارف القوات العسكرية وحركاتها الاستعراضية الداخل الخرطوم دي ومراجلاتهم أمام النسوان تمتد لمتين ،،،،،وين الدعم السريع ووين الناس العاملين فيهم ارجل رجال ديل ……بعد الاعتداءات المتكررة الفيكم بانت يا ….سفلة الوطن