التدخين يرفع نسبة الطلاق
الخرطوم: عيسى جديد:
جاء في الحديث «ان أبغض الحلال عند الله الطلاق» ولكن يصبح الخيار الصعب عندما تتعثر الحياة الزوجية بين الرجل والمرأة لعدة أسباب كانت مألوفة!! وإن ظهرت في المجتمعات بعض الأسباب التي جعلت من الطلاق ممكناً بفعل رفع الدعوى بالمحاكم.. فالأخبار حملت طلب طلاق من إمرأة ضد زوجها بسبب عدم تقليمه لأظافره.. وأخرى طلب الطلاق لأن زوجها لا يغسل يديه فهو دائماً متسخ.. وطلق زوج زوجته لأنها مشغولة بالواتساب، وغير مهتمة بالبيت، وهكذا تعددت الأسباب وكثر الطلاق وأصبحت الحياة الزوجية المقدسة في مهب رياح الأسباب الواهية، مما جعل المجتمعات العربية في حالة تيه وتوهان وعدم استقرار
بالأمس على صفحات الصحف السودانية حملت الأخبار أن هيئة علماء السودان قد افتت بجواز طلب المرأة للطلاق باباً جديداً لأسباب الطلاق خاصة وأن نسبة المدخنين في السودان بحسب احصائية أخيرة بلغت 45% من الرجال المتزوجين، وأصبح الخبر حديث الشارع السوداني. وتحفزت بعض النساء وابتسمن في الظلام فهذا سلاح جديد يضاف اليهن حين الضيق أو النزاع مع الزوج ويمكن استخدامه تحت قانون الخلع. بعد جوازه دينياً بواسطة هيئة علماء السودان ليصبح الشعار (التدخين ضار بالزواج).
اخر لحظة
*********** بعد ده الرجال الما فكر يدخن في حياتو ح يكون مدمن ******* طالما الشغلانة بتحلو من النقة هع هع هع ******** هذا الاعلان يصب في مصلحة شركات السجائر ******** اكيد نسبة البيع وصلت 100% ونسبة المدخين 95% ****** شركة علماء السودان لتجارة الاديان المحدودة **********
الناس دي قاعده تجيب قروش من وين عشان تدخن؟ الدخول قفة الملاح ما تكفيها
عقبال طلاق الصعود
فهو الاخر يستجب الطلاق
وبعدين صراحة الزواج فى السودان بقى غلطة شطار
الناس ماعندها ثقافة الزواج الراجل بتزوج عشان يقولوا راجل وعرس والمراة بتزوج عشان تنفى قولة عانس
لو كل واحد وواحدة قعد فى بيت اهله معزز مكرم اخير من البشتنة وراقاد الواطة قال زواج قال
علماء بلدى سكتو عن الظلم وأكل الربا وعمليات ازحاق ارواح المؤمنين فى كل بقاع السودان فى دار فوروفى شمال وجنوب كردفان والنيل الا زرق حتى فى قلب الخرطوم وعمليات الاغتصاب والنهب المسلح من قوات النظام ومليشياته الجنجويد والدعم السريع وغيرها من زبانية المؤتمر الوثنى.تجو تقول لينا المرأة تطلب الطلاق من زوجها المدخن. اتقوا الله فينا يا ؟؟؟؟؟؟؟؟؟؟؟؟؟؟؟؟؟؟
وانا حالتى اتفقت مع شريكة حياتى اترك التمباك واتحول للدخان من اول يوم للدخلة عشان هى بتكره التمباك وانا زاتى بكرهو لكن كان دقست ليكى يا مرتي …
ياخ مايدخن هو لما يرقد معاي ويبوس بيطفي السجارة ام مولعها ياخ ماتتكلمو في الفارغه انا تزوجته بيدخن وانا مرتاحه ايش حشركم دينكم بقي ملطشه ياسودانيون الله يهدي الجميع