وزير المالية والقرض المالى الضخم
مدحت عروة
[email][email protected][/email]
انا ما خبير اقتصادى لكن مراقب للاوضاع!!!
هذا القرض يا وزير المالية ح يمشى معظمه لدعم الانتاج وحلحلة مشاكله؟؟؟
ولا ح يمشى معظمه للجهاز الحكومى الضخم والمتحركات العسكرية واجهزة الشرطة والامن؟؟؟؟
طيب ما كان عندكم صادر للبترول قبل انفصال الجنوب لماذا لم تعملوا به نهضة زراعية او انتاجية للصادر والاستهلاك المحلى وقلتوا خلاص بعد اتفاقية السلام الشامل خلاص كل شىء ح يبقى عال العال؟؟؟؟
البيحل المشاكل يا سيد وزير المالية هو ليس القروض او ايرادات البترول او غيرها بل تحل كالآتى(حضر ورقة وقلم واحفظ الكلام ده):
وفاق وطنى من خلال حكومة قومية انتقالية تحضر لمؤتمر قومى دستورى ليؤسس لاساس متين لاستقرار سياسى ودستورى بتوافق اهل السودان كلهم!!
بهذا تتوقف كل الحروب والمشاكل وتستغل كل الامكانيات فى نهضة تنموية بشرية(تعليم وصحة ورعاية اجتماعيةوخلافه) ومادية زراعية وحيوانية والصناعات التحويلية المرتبطة بهما مع عدم اغفال امر التنقيب عن النفط والمعادن واى ثروات اخرى كالسياحة مثلا!!!!
تقليص الصرف الحكومى لاقل مستوى ممكن وزيادة الصرف على التنمية مع حفظ اسعار السلع الاساسية الضرورية(ليس كل السلع) لحياة الانسان وعلف الحيوان!!!
بهذا البرنامج يا السيد وزير المالية يمكن لاى دولة فى العالم ان تعطيكم قروض وتضمن انها ستذهب فى الاتجاه الصحيح وان فائدتها مضمونة!!!
وستمتلىء البلد بالمستثمرين لان البلد واعدة وبها استقرار سياسى مستثمرين وطنيين واجانب واستثمار مشترك!!!!
اى حاجة غير هذا الحل لو لقيتوا قروض الدنيا دى كلها ح ترجعوا لنقطة الصفر وتهدر الاموال فى الحروب وجهاز الدولة الضخم والتنمية البشرية والمادية ما تلقى غير الفتات!!!!
يعنى باختصار الحل السياسى وليس العسكرى وفرض الراى الواحد من تتنظسيم واحد على اهل السودان هو المخرج للسودان وعندها تستدق ساعة العمل والعرق للنهضة الكبرى!!!!
معقول مافى واحد فى الانقاذ دى كلها عارف وفاهم الكلام ده؟؟؟
ولا طظ فى اهل السودان والسودان ذاته اذا لم ينخرط الناس معكم فى افكاركم وتوجهكم وان حواء السودانية لم تلد مثلكم؟؟؟؟
هى لم تلد مثلكم فعلا فى قلة الفكر والخيال الخصب البيخلى دولة كبيرة وغنية بالموارد مثل السودان ان تكون دولة غنية قوية موحدة رائدة فى المنطقة ولا ينقصها شىء مادى او بشرى ولكن تنقصها ادارة واعية وحكيمة تضع الوطن ومستقبله فى اولوية تفكيرها!!!
يعنى السودان عايز رجال دولة وليس رجال حكم والانقاذ طيلة هذه ال23 سنة انا ما شايف لى زول واحد فيها رجل دولة !!!
ممكن تقولوا حكمنا 23 سنة ومافى زول قدر يقلعنا لكن ما ممكن تقولوا حكمنا 23 سنة وخلقنا وطن موحد حر ديمقراطى مزدهر بتنوع اهله وموارده!!!!
معقول لحد هسع وبعد 23 سنة من الحكم شايلين قرعتكم وتشحدوا فى الشركات والدول؟؟؟
الجنوب انفصل وجاب معاه مشاكل حدودية وابييى ودعم معارضة فى الجانبين وحروب فى الشمال وعايزين تقنعونا ان الحل فى قعادكم فى السلطة وبدون حل سياسى وفاقى والامور ح تتحسن فى جميع المجالات؟؟؟؟
البيصدق كلامكم الا يكون زول متخلف عقليا وريالته كآبة!!!!
حل مشاكل السودان هو حل سياسى وفاقى بالتراضى ولا يستطيع كائن من كان ان يفرض رايه على الجميع!!!
معقول بعد اكثر من 23 سنة ما قادرين تفهموا النقطة دى؟؟؟؟
ولا فاهمنها لكن بتكابروا وتحاولوا ان تكسبوا فى الزمن ولحد متين؟؟؟؟
تعطيل الحوار الوطنى والممارسة الديمقراطية عمل اجرامى كبير لا يغتفر حتى ولو بنيتوا الطرق والكبارى والسدود وغيرها لان بناء الانسان الحر الديمقراطى واشاعة ثقافة الديمقراطية والحوار والراى والراى الآخر هى البتبنى الدول ومش طرق وكبارى فقط بل تبنى وطن باكمله وفى جميع المجالات!!!!
معقول الانقاذ دى مافيها زول بالغلط فاهم سياسة وطالعين فى الكفر ساكت؟؟؟؟
لا حول ولا قوة الا بالله العلى العظيم.
الناس ديل بفهمو احسن منك ومنى لكن مسخوطيين والعياذ بالله حديثى نعمة ومخلوعيين الواحد من قطية قش لى عمارة فى قلب الخرطوم . اقسم بالله البلد دى لو جبنا ليها تاجر أمى يخليها افضل اقتصاد فى افريقيا .
يا أخوي مدحت
وين مشكلة العنصرية!! قايل الموضوع بيتحلا كدا بأخوي وأخوك.. إذا كان كدا اكيد الثعالب ديل كانوا حلوه.. ولكن عارفين هم حجم المشكلة الزرعوها في الناس..كلامك دا كان قبل ما يجو الرمم ديل والناس تتفق على شيئ..ولكن ديل فرقو الناس شيع وقبائل..
وبعدين يا أخوي مدحت ومنو القال ليك هم عاوزين زاتو البلد تتصلح.. ديل بينفذوا في مخطط الحركة الاسلاموية العالمية والكلام دا قاعد تقولو انتا وحفظناهو وتبين لنا من تعليقاتك.. عشان يتفتفت السودان دا.. اقليم اقليم..وهم ماشين.. معليش لكن بقول ليك هم عارفين الحل ولكن اما مصهينين وخاتين راسهم مع الصهاينة او اغبياء لدرجة البلادة المزرية..
بسم الله الرحمن الرحيم
افضل لهم الصمت كل كلمه تفضح الكذب وتنم علي الجهل
الكلام البلدى دة عشان هم يفهموها لألا ديل ناس يا فيها يا اطفيها
معقول الانقاذ دى مافيها زول بالغلط فاهم سياسة وطالعين فى الكفر ساكت؟؟؟؟
لا حول ولا قوة الا بالله العلى العظيم.
يا اخي رد مختصر لونستك دي كل القلتو دا بردد فيه ولد المهدي بس انت ناسي الجماعة دول محاصرين اليست هذه حجة محاصـــــــــــــــــــــــــــــــــــــــرين وما تقول لي من مين ؟؟؟؟؟؟؟؟؟؟؟؟
كلام منطقي ولكن ناس مالطا ممكن يسمعوه ديل عاملين اضان الحامل طرشة وبيعملوا في الدايرنوا رغم الاذى الذي سببوه لنا ولانفسهم …. يا مدحت ديل ما بتنفع معاهم الا العين القوية والضرب المميت
دى عمايل الماعارف يعمل شنو وهم قاعدييين يفتشو فى خشم البقرة هو بالله لو بيفهم اقتصاد يقول ابشر الشعب السودانى انه فى قرض ضخم !!!!!! دى شي بيبشرو بيه ده بيفتحو ليهو فراااش بكاء يابوالعليم انت قال قرض كفاية قروض ومار لاهل السودان معقول انسان عاقل يشيل قروووض عشان يقتل بيها ابناء وطنه وفى النهاية الدين فى رقبة الضحية حسبنا الله ونعم الوكيل فيكم امشووووووو