الاتحاد الاوروبي يطالب باطلاق سراح المعتقلين في احتجاجات “الخبز والحرية”
حثَّ الاتحاد الأوروبي، يوم الاربعاء، الحكومة السودانية على الافراج الفوري عن المعتقلين لأسباب سياسية.
واعرب سفراء الاتحاد الأوروبي بالخرطوم، قلقهم الشديد حيال احتجاز سياسيين ونشطاء، من دون تقديمهم إلى المحاكمة، بسبب احتجاجهم السلمي على الغلاء.
ويتوزع مئات المحتجين منذ اسابيع في معتقلات الأمن وسجون النظام بعد مشاركتهم في الاحتجاجات التي دعت إليها المعارضة السودانية.
وقال البيان “أبدى سفراء دول الاتحاد الأوروبي المقيمين في السودان قلقهم الشديد من الاحتجاز المطول دون توجيه تهمة لعدد كبير من القادة السياسيين، وناشطين في مجال حقوق الإنسان وغيرهم من المواطنين، والمصادرات المتكررة للصحف”.
وتضم قائمة المعتقلين سكرتير الحزب الشيوعي محمد مختار الخطيب واعضاء اللجنة المركزية صدقي كبلو وصديق يوسف. بجانب الأمين العام لحزب الأمة القومي، سارة نقد الله، ونائبي رئيس الحزب محمد عبد الله الدومة، وإبراهيم الأمين.وقبيل اندلاع الاحتجاجات اعتقلت السلطات رئيس حزب المؤتمر السوداني عمر الدقير.
وطالب بيان الاتحاد الأوروبي الحكومة السودانية، بجانب دعواته للافراج عن المعتقلين، بعدم إساءة معاملتهم، واحترام حق الشعب السوداني في حرية التعبير السلمي والتجمع، بما في ذلك حرية وسائط الإعلام.
واضاف البيان “نحن ندين العنف المستخدم ضد الاحتجاج السلمي، كما ندعو الذين يمارسون حقوقهم الأساسية الى القيام بذلك سلمياً”.
لا نريد قلق ب افعال قلقاتكم تتكسر
سلميه سلميه ضد الفسادوالحراميه
سلميه سلميه ضد الغلاء والمحسوبيه
سلميه سلميه من اجل العيش والحريه
فك الله اسر الشرفاء جميعا
Ken Macdonald and Rodney Dixon
الأسماء عاليه لإثنين من المحامين البريطانيين الناشطين في مجال الحريات وحقوق الإنسان.
نرجو من كل المهتمين الثوار وبالأخص ناس بريطانيا التواصل مع هؤلاء المحامين وإبلاغهم بالقمع والانتهاكات التي تقع على المعتقلين والرافضين سلميا لسياسات النظام الإجرامي بالسودان.
همتكم وشكرا
الحكاية اصبحت ظاهرة وواضحة وضوح الشمس بقت حكم عبيد واستعباد للاحرار. معلوم أن العبد هو عبد لما يقوم به من اقوال وافعال منكرة وليس لان لونه اسود. وصلت المسالة لاعتقال النساء من بيوتهن. فقد اعتقل الأمن كما جاء كريمات ابراهيم الشيخ وقريباتهن من منزل الأسرة بعد إعتقال الوالد الذي كان رئيسا المؤتمر السوداني والرئيس الحالي عمر الدقير المناضل الجسور. واضح انو لا دين ولا ايمان ولا نخوة ولا شهامة ولا سودانية ولا عرف انما عبوديت واستعباد
صفوف# الوف _من _اجل_الوطن
بالله يا جماعة عاوزكم بروااااقة ..نتناقش ونتفاكر في الامر دا @@
كلكم ملاحظين حجم الركود الاصابنا وقلة الحماس مهما ادعينا واظهرنا حماس زايف والتكرار المملل في المواضيع لاظهار سوء العصابة الحاكمة العارفنها كلنا …
واكيد ملاحظين انه (الجداد ) شغال قرف في شغلهم الخبيث في العمل على الاحباط والتثبيط باساليب اقل ما يقال عنها بانها مكشوفة وخبيثة وماكرة وعقيمة ..
يعني يا شباب هم مواصلين في حراكهم وخططهم ونحن لا زلنا في اتباع نفس الطرق والاساليب والتي لم تصعد احتجاجاتنا لاعلى مستوياتها وصولا لاقتلاع هذا السرطان الجاثم على جسد الوطن قراية ال 30 سنة ..!!
الوقفات والاحتجاجية والمظاهرات ال دعت لها المعارضة في الخرطوم /وام درمان/ وبحري نجحت بشكل محفز حتى اكثر المتشائمين مندهش وما مصدق ..
وانا عندي اسئلة ليكم اسئلة ليكم كلكم واجابات على الاسئلة بالسنتكم شنو كان الهدف الاساسي من تلك الدعوات ؟؟
*هل كان اسقاط النظام بالقاضية ؟؟
ج/ طبعا لا ..
*هل هي لزيادة الضربات المتتالية على النظام المتهالك المتشقق ؟؟
ج/ اكيد نعم ..
*هل الضربات دي موجعة و بتزيد التشقق والتفكك حتى ينهار ؟؟
ج/ ايوة طبعا ..
*هل حققت تلك الاحتجاجات التوحد والالتفاف والتلاحم ؟؟
ج/ نعم كبيييييرة ..
*طيب شنو المطلوب بعد دا ؟؟
نتراجع ونتغالط ونرجع بيوتنا عشان نجحنا في تحقيق اهداف كانت منتظرة من الاحتجاجات دي !!
*الحديد عشان يتشكل بالصورة العاوزنها مفروض نعمل شنو ..؟؟
طبعا لازم نضرب عليه وهو ساخن لسهولة تشكيله في الحالة دي وعشان نحن العاوزين الشكل النهائي ليهو ..
*لكن لو برد حيكون من الصعوبة نشكله كما نود حنبدأ من الصفر لغاية ما نصل درجة الغليان والسخونة .
كلكم لاحظتوا الحماس والتفاعل والانتشار الرهيب لما تم الاعلان عن تلك الاحتجاجات وكان التجاوب فوق الخيال والحماس كبير جدا ومواقع التواصل في تفاعل وحراك بلغ مداه وكل العالم عرف اننا ناوين على عمل وشغل كبير ..
نحنا في حاجة لفعل قوى وجماعي وحماسي ..
المظاهرات بشكلها المعلن مسبقا بمكان وزمان محدد فيه سلبيات كثيرة رغم نجاحها في توحدنا وحماسنا ونعتبرها تمرين جيد للقادم وحنرجع ليها لانها ضرورية وبتشكل اكبر الضربات في وجه العصابة وعشان كده (جعيرهم وصراخهم وجقلبتهم) كلها كانت خوفا من خروج الناس للشوارع ..
بس نحنا اذكى منهم بالتاكيد واقوى منهم واكتر منهم بمراحل ..
طيب المطلوب شنو .؟
في فكرة طرحتها من بعد العصيان وحاعيدها اليوم تاني والفكرة بصراحة وجدت نجاح وقبول منقطع النظير وفي خلال ساعات انتشرت بشكل كبير خلى الدجاج يشن هجوم على صفحتي ونجحوا في قفلها واعدت الفكرة بحساب جديد وعملوا نفس الشيء ثلاث مرات …وانا متوقع ان يتم نفس الحصل معاي عشان كده بطلب من الشباب دعم صفحتي باي شكل..
وياريت يقوم بعضكم بنسخ المنشور واعادته مرات ومرات في حال تعرض صفحتي للهجوم المتوقع ..
ويا ريت اخوانا في القروب يتبنوا الفكرة بشكل جدي وعاجل لانه الزمن ما في صالحنا..
طيب بعد المقدمة الطويلة دي الفكرة شنو …؟؟
**الفكرة كانت وقفة جماعية في الشوارع الرئيسية بشكل سلمي بلا هتاف .. ***
صفوف# الوف _من _اجل_الوطن
وحاطرح الفكرة بشكل اوسع وازيد في شرحها واكيد هي قابلة للنقاش الى ان نصل للشكل والاتفاق النهائي..
الفكرة ما جديدة قبل كده تم تنفيذها من قبل المحاميين الديمقراطين والصحفيين الاحرار واسر المعتقلين في وقفاتهم الاحتجاجية المعروفة وعملوها بعض الشابات الراقيات الغيورات في شارع المطار ايام اعلان رفع الدعم عن الادوية ..
طيب كيف مكن نطور الفكرة ونوسعها ؟؟
*حنقيف وقفة( صاامتة ) في صفوف طويلة وممتدة على جوانب الشوارع الرئسية في كل الاحياء ..
*حنطلع حتى الاطفال معانا وحنشركهم في الهم الوطني ..
(أي شارع رئيسي من أي بيت في الحي لو بعيد خالص ما ببعد اكتر من 500 متر ..)
* الشوارع الرئيسية المقصودة هى الشوارع الكبرى في كل حي (مثلا وليس تحديدا ..(شارع الشنقيطي) لسكان الثورات ? (شارع الشجرة ) لسكان اللاماب والشجرة والعزوزاب ? (شارع عبيد ختم) لسكان البراي والرياض واركويت ? (شارع الصحافة ظلط) لسكان الصجافات والامتداد ? (شارع االجريف شرق) لسكان الجريف – وووو…..)
* ما ح نهتف ولا ح نكورك ولا حنسد الشوارع ولا حنوقف حركة المرور..
*الوقوف حيكون على بعد مترين من الشارع في صفوف ممتدة ..
*أي واحد ح يقيف في الصف الاقرب والمقابل لبيته ..
*ح نشبك الايادي ونضع كمامات على الفم (دلالة على انها وقفة صامتة) مكتوب عليها عبارات متفقة عليها لزيادة السلمية في ممارسة حقوقنا الدستوربة ..
*الوقفة حتكون قبل المغرب بنص ساعة وينفض الناس بعد اذان المغرب مباشرة بشكل هادئ ..
* الوقت المحدد ما وقت عمل عشان يفصلوا واحد مننا ولا وقت مدرسة عشان يجلدوا طلابنا .
*في الوقت المحدد أي صاحب مركبة عامة او سواق ركشة يجنب في اقرب وقفة ويقيف مع شعبه لمدة نص ساعة وممكن بعد داك يوصل البعيدين (مشوار مضمون بحقه ) ..
*في الوقت المحدد أي صاحب متجر او محل يقفل محله ويقيف مع شعبه قصاد محله في الشارع لمدة نص ساعة بدون خسارات او مضايقات ..
*في الوقت المحدد أي واحد مار بالشارع وشاف الناس واقفين ياخر مشواره لمدة نص ساعة عشان الوطن .
* في الوقفات دي مستحيل نتعرض لمطاردات او كر وفر وجرى وبمبان واطلاق نار وغيرها من وسائلهم المعروفة في تشتيت التجمعات (وحنكون كتلنا ليهم الدش في ايدهم )وحتى لو حصل حنتفرق بهدوء وسلامة لبيوتنا القريبة ..
* وح نحرص على الدفاع على سلمية الوقفة وما ح ندى فرصة للمخربين ح نحافظ على سلميتنا عشان معانا اطفال واسر..
* كضاب وستين كضاب الح يقول اننا حنتعرض للخطر وحنعرض اطفالنا للخطر بالوقفات دي .
* طيب واحد ممكن يسأل ايه الهدف المرجو من هذه الوقفات ؟؟!
الاجابة مختصرة جدا ما ننسى يا شباب بانو الثورة فعل تراكمي بتزيد بقوة الارادة والحماس والابتكار في طريق شاق ملئ بالمتاريس والاشواك وكل ما نفتح باب في طريق الثورة بنصل للهدف المنشود واكيد هذه الوقفات ان نجحت حتثبت للعالم كله مدى تحضرنا وسلميتنا ..وبالنسبة للجماعة المنبوذين الهنا حنوريهم مدى رفضنا لهم باستفتاء ظاهر وباين بدون انتخابات مخجوجة وبطيخ …
عاوز اكثر من الفين ( لايك) لزيادة الحماس واضمن ليكم الترويج للفكرة على اوسع نطاق ..
عاوز (تعليقات) مؤيدة او معارضة (عدا الدجاج بنعرفهم من ريحتهم )…
عاوز( شير) عشان نطرح الفكرة على اكبر عدد من المهتمين بامر الوطن …
صفوف# الوف _من _اجل_الوطن
اكرر دعم الفكرة ونسخ المنشور في حالة تعرض صفحتي للهجوم المتوقع …
وحنبنيهو البنحلم بيهو يوماتي …
وطن شامخ وطن عاتي ..
صفوف# الوف _من _اجل_الوطن
اولا عمر الدقير الحالق شنبو ده اخوانه اللي في الحكومة ما قادرين يتوسطوا ليه ويفكوه بضمانة شخصية ؟
لا نريد قلق ب افعال قلقاتكم تتكسر
سلميه سلميه ضد الفسادوالحراميه
سلميه سلميه ضد الغلاء والمحسوبيه
سلميه سلميه من اجل العيش والحريه
فك الله اسر الشرفاء جميعا
Ken Macdonald and Rodney Dixon
الأسماء عاليه لإثنين من المحامين البريطانيين الناشطين في مجال الحريات وحقوق الإنسان.
نرجو من كل المهتمين الثوار وبالأخص ناس بريطانيا التواصل مع هؤلاء المحامين وإبلاغهم بالقمع والانتهاكات التي تقع على المعتقلين والرافضين سلميا لسياسات النظام الإجرامي بالسودان.
همتكم وشكرا
الحكاية اصبحت ظاهرة وواضحة وضوح الشمس بقت حكم عبيد واستعباد للاحرار. معلوم أن العبد هو عبد لما يقوم به من اقوال وافعال منكرة وليس لان لونه اسود. وصلت المسالة لاعتقال النساء من بيوتهن. فقد اعتقل الأمن كما جاء كريمات ابراهيم الشيخ وقريباتهن من منزل الأسرة بعد إعتقال الوالد الذي كان رئيسا المؤتمر السوداني والرئيس الحالي عمر الدقير المناضل الجسور. واضح انو لا دين ولا ايمان ولا نخوة ولا شهامة ولا سودانية ولا عرف انما عبوديت واستعباد
صفوف# الوف _من _اجل_الوطن
بالله يا جماعة عاوزكم بروااااقة ..نتناقش ونتفاكر في الامر دا @@
كلكم ملاحظين حجم الركود الاصابنا وقلة الحماس مهما ادعينا واظهرنا حماس زايف والتكرار المملل في المواضيع لاظهار سوء العصابة الحاكمة العارفنها كلنا …
واكيد ملاحظين انه (الجداد ) شغال قرف في شغلهم الخبيث في العمل على الاحباط والتثبيط باساليب اقل ما يقال عنها بانها مكشوفة وخبيثة وماكرة وعقيمة ..
يعني يا شباب هم مواصلين في حراكهم وخططهم ونحن لا زلنا في اتباع نفس الطرق والاساليب والتي لم تصعد احتجاجاتنا لاعلى مستوياتها وصولا لاقتلاع هذا السرطان الجاثم على جسد الوطن قراية ال 30 سنة ..!!
الوقفات والاحتجاجية والمظاهرات ال دعت لها المعارضة في الخرطوم /وام درمان/ وبحري نجحت بشكل محفز حتى اكثر المتشائمين مندهش وما مصدق ..
وانا عندي اسئلة ليكم اسئلة ليكم كلكم واجابات على الاسئلة بالسنتكم شنو كان الهدف الاساسي من تلك الدعوات ؟؟
*هل كان اسقاط النظام بالقاضية ؟؟
ج/ طبعا لا ..
*هل هي لزيادة الضربات المتتالية على النظام المتهالك المتشقق ؟؟
ج/ اكيد نعم ..
*هل الضربات دي موجعة و بتزيد التشقق والتفكك حتى ينهار ؟؟
ج/ ايوة طبعا ..
*هل حققت تلك الاحتجاجات التوحد والالتفاف والتلاحم ؟؟
ج/ نعم كبيييييرة ..
*طيب شنو المطلوب بعد دا ؟؟
نتراجع ونتغالط ونرجع بيوتنا عشان نجحنا في تحقيق اهداف كانت منتظرة من الاحتجاجات دي !!
*الحديد عشان يتشكل بالصورة العاوزنها مفروض نعمل شنو ..؟؟
طبعا لازم نضرب عليه وهو ساخن لسهولة تشكيله في الحالة دي وعشان نحن العاوزين الشكل النهائي ليهو ..
*لكن لو برد حيكون من الصعوبة نشكله كما نود حنبدأ من الصفر لغاية ما نصل درجة الغليان والسخونة .
كلكم لاحظتوا الحماس والتفاعل والانتشار الرهيب لما تم الاعلان عن تلك الاحتجاجات وكان التجاوب فوق الخيال والحماس كبير جدا ومواقع التواصل في تفاعل وحراك بلغ مداه وكل العالم عرف اننا ناوين على عمل وشغل كبير ..
نحنا في حاجة لفعل قوى وجماعي وحماسي ..
المظاهرات بشكلها المعلن مسبقا بمكان وزمان محدد فيه سلبيات كثيرة رغم نجاحها في توحدنا وحماسنا ونعتبرها تمرين جيد للقادم وحنرجع ليها لانها ضرورية وبتشكل اكبر الضربات في وجه العصابة وعشان كده (جعيرهم وصراخهم وجقلبتهم) كلها كانت خوفا من خروج الناس للشوارع ..
بس نحنا اذكى منهم بالتاكيد واقوى منهم واكتر منهم بمراحل ..
طيب المطلوب شنو .؟
في فكرة طرحتها من بعد العصيان وحاعيدها اليوم تاني والفكرة بصراحة وجدت نجاح وقبول منقطع النظير وفي خلال ساعات انتشرت بشكل كبير خلى الدجاج يشن هجوم على صفحتي ونجحوا في قفلها واعدت الفكرة بحساب جديد وعملوا نفس الشيء ثلاث مرات …وانا متوقع ان يتم نفس الحصل معاي عشان كده بطلب من الشباب دعم صفحتي باي شكل..
وياريت يقوم بعضكم بنسخ المنشور واعادته مرات ومرات في حال تعرض صفحتي للهجوم المتوقع ..
ويا ريت اخوانا في القروب يتبنوا الفكرة بشكل جدي وعاجل لانه الزمن ما في صالحنا..
طيب بعد المقدمة الطويلة دي الفكرة شنو …؟؟
**الفكرة كانت وقفة جماعية في الشوارع الرئيسية بشكل سلمي بلا هتاف .. ***
صفوف# الوف _من _اجل_الوطن
وحاطرح الفكرة بشكل اوسع وازيد في شرحها واكيد هي قابلة للنقاش الى ان نصل للشكل والاتفاق النهائي..
الفكرة ما جديدة قبل كده تم تنفيذها من قبل المحاميين الديمقراطين والصحفيين الاحرار واسر المعتقلين في وقفاتهم الاحتجاجية المعروفة وعملوها بعض الشابات الراقيات الغيورات في شارع المطار ايام اعلان رفع الدعم عن الادوية ..
طيب كيف مكن نطور الفكرة ونوسعها ؟؟
*حنقيف وقفة( صاامتة ) في صفوف طويلة وممتدة على جوانب الشوارع الرئسية في كل الاحياء ..
*حنطلع حتى الاطفال معانا وحنشركهم في الهم الوطني ..
(أي شارع رئيسي من أي بيت في الحي لو بعيد خالص ما ببعد اكتر من 500 متر ..)
* الشوارع الرئيسية المقصودة هى الشوارع الكبرى في كل حي (مثلا وليس تحديدا ..(شارع الشنقيطي) لسكان الثورات ? (شارع الشجرة ) لسكان اللاماب والشجرة والعزوزاب ? (شارع عبيد ختم) لسكان البراي والرياض واركويت ? (شارع الصحافة ظلط) لسكان الصجافات والامتداد ? (شارع االجريف شرق) لسكان الجريف – وووو…..)
* ما ح نهتف ولا ح نكورك ولا حنسد الشوارع ولا حنوقف حركة المرور..
*الوقوف حيكون على بعد مترين من الشارع في صفوف ممتدة ..
*أي واحد ح يقيف في الصف الاقرب والمقابل لبيته ..
*ح نشبك الايادي ونضع كمامات على الفم (دلالة على انها وقفة صامتة) مكتوب عليها عبارات متفقة عليها لزيادة السلمية في ممارسة حقوقنا الدستوربة ..
*الوقفة حتكون قبل المغرب بنص ساعة وينفض الناس بعد اذان المغرب مباشرة بشكل هادئ ..
* الوقت المحدد ما وقت عمل عشان يفصلوا واحد مننا ولا وقت مدرسة عشان يجلدوا طلابنا .
*في الوقت المحدد أي صاحب مركبة عامة او سواق ركشة يجنب في اقرب وقفة ويقيف مع شعبه لمدة نص ساعة وممكن بعد داك يوصل البعيدين (مشوار مضمون بحقه ) ..
*في الوقت المحدد أي صاحب متجر او محل يقفل محله ويقيف مع شعبه قصاد محله في الشارع لمدة نص ساعة بدون خسارات او مضايقات ..
*في الوقت المحدد أي واحد مار بالشارع وشاف الناس واقفين ياخر مشواره لمدة نص ساعة عشان الوطن .
* في الوقفات دي مستحيل نتعرض لمطاردات او كر وفر وجرى وبمبان واطلاق نار وغيرها من وسائلهم المعروفة في تشتيت التجمعات (وحنكون كتلنا ليهم الدش في ايدهم )وحتى لو حصل حنتفرق بهدوء وسلامة لبيوتنا القريبة ..
* وح نحرص على الدفاع على سلمية الوقفة وما ح ندى فرصة للمخربين ح نحافظ على سلميتنا عشان معانا اطفال واسر..
* كضاب وستين كضاب الح يقول اننا حنتعرض للخطر وحنعرض اطفالنا للخطر بالوقفات دي .
* طيب واحد ممكن يسأل ايه الهدف المرجو من هذه الوقفات ؟؟!
الاجابة مختصرة جدا ما ننسى يا شباب بانو الثورة فعل تراكمي بتزيد بقوة الارادة والحماس والابتكار في طريق شاق ملئ بالمتاريس والاشواك وكل ما نفتح باب في طريق الثورة بنصل للهدف المنشود واكيد هذه الوقفات ان نجحت حتثبت للعالم كله مدى تحضرنا وسلميتنا ..وبالنسبة للجماعة المنبوذين الهنا حنوريهم مدى رفضنا لهم باستفتاء ظاهر وباين بدون انتخابات مخجوجة وبطيخ …
عاوز اكثر من الفين ( لايك) لزيادة الحماس واضمن ليكم الترويج للفكرة على اوسع نطاق ..
عاوز (تعليقات) مؤيدة او معارضة (عدا الدجاج بنعرفهم من ريحتهم )…
عاوز( شير) عشان نطرح الفكرة على اكبر عدد من المهتمين بامر الوطن …
صفوف# الوف _من _اجل_الوطن
اكرر دعم الفكرة ونسخ المنشور في حالة تعرض صفحتي للهجوم المتوقع …
وحنبنيهو البنحلم بيهو يوماتي …
وطن شامخ وطن عاتي ..
صفوف# الوف _من _اجل_الوطن
اولا عمر الدقير الحالق شنبو ده اخوانه اللي في الحكومة ما قادرين يتوسطوا ليه ويفكوه بضمانة شخصية ؟