سحب لقب السفير من طه سليمان
أصدرت منظمة ينابيع الحياة العربية بالسودان قراراً يقضي بسحب لقب سفير النوايا الحسنة لمنظمة ينابيع الحياة من الفنان طه سليمان على خلفية قراره القاضي بعدم المشاركة في احتفالات الشباب المصري بثورة 25 يناير المقامة بالتضامن مع منظمة ينابيع الحياة العربية التي يمثلها الفنان كسفير لها بالسودان بجانب الفنان شكر الله عز الدين..
وكان الفنان طه سليمان قد تراجع في آخر لحظة عن قراره القاضي بالسفر إلى جمهورية مصر العربية برفقة عدد من زملائه الفنانين للمشاركة وتقدم باعتذاره للوفد المرافق وبرر قراره لانشغاله الفني بإحياء سلسلة من الحفلات المتواصلة طول شهر أبريل.
وأكد على صابر رئيس مكتب منظمة ينابيع الحياة العربية بالسودان في حديثه لفنون أن قرار المنظمة بسحب لقب السفير من الفنان طه سليمان نتيجة لعدم اقتناع الجميع بالمبررات والحجج الواهية التي تحجج بها الفنان حتى لا يشارك في احتفالات شباب الثورة بمصر المقامة بالتضامن مع منظمة ينابيع الحياة العربية التي يمثلها كسفير لها في السودان وتنوي المنظمة القيام بتكريمه شخصياً مع عدد من الشخصيات والرموز السياسية والإعلامية والفنية في الوطن العربي…
صحيفة فنون
يا علي رئيس ينابيع الحياه في السودان رحاب عبد الحميد ولا حامد كسلا ولا انت ولا منو بالضبط ؟بعدين لو طه مرتبط خليو يعمل تفويض لي فنان بدلو .
ما عليك بيطلع قرار رئاسى انشاءالله قريبا وبيتم تعينه سفير بالخارجبة وبودوه واحدة من دول اسكندنيفيا لانه مستوى الخارجية السودانية وشبه سفراءها .ويا حبذا لوكان ابوهو من الكبار
كل مرة جايب اسم جديد مرة السلطان .. ومرة الراسطة .
واخيرا السفير يسمي نفسه زي ما داير
مبروك الاسم الجديد وفي انتظار خروف السماية ;) :lool:
وعجبي
نحنه ما عارفين السفير طه سليمان ام كمال ترباس؟
المفروض ديل تسحبو منهم الجنسيه عديل كده
ابدا ابوه ليس من الكبراء ….
هو ابن الطبقة الكادحة ….
هو من الاعراب الاصلاء من ابناء البطاحين …..
هو ابن سائق بص عادى من شمبات ….
هو يسكن شمبات الاراضى …..
هو ابن الحى والحلة فله التحية …….
لكل الود صافيا ايها العزيز طه سليمان حماد ……
سبحان الله في واحد يجو يدو هديه يقول ماداير خلي بالك شكلو في ناس حولو يعانو من الغباء قالو ليو ماتمشي عشان البلطجيه كأنو ماف زول حيحرسو لأنو ارتباط شنو الحيمنعو دي الشهره ليو وللفن السوداني في حفل زي دا وماداير اعلق عن كلام المعلقين التحت لأنهم شكلهم بيعانو من نفس المرض
لو السفير مشغول خليهو يمشى القنصل ولا القائم بالاعمال عشان امور السفارة تستمر ههههههههههه قال سفير قال
لله درك يا وطن
ابـــــــــــــــــــوعــــــــــــمـــــــــــر
لقب سفير لطه سليمان دى غريبة
اه طلع ليكم اى كلام
يا جماعة الخير ما تفهموا السفير غلط …اصلوا هو صديق لمحمد فؤاد ومعروف انو محمد فؤاد مش من انصار الثورة ….آدي كل الحكاية
فنان القنبلة والكلاشنكوف يصير سفير!!!!! هزلت ولكن لا نقول إلا هذا زمانك يا مهازل فأمرحي قد عد كلب الصيد كالفرسان .
هههه في زمن كرتي وزير خارجيه ممكن تكون سفير عديل كدا ياود طه الدلاهه