إعلامي ليبي يتوجه بالشكر لحكومة البشير بسبب ارسالها طائرة لنقل أحد المصابين الليبيين وتكفلها بعلاجه
على صفحته بفيسبوك توجه الإعلامي الليبي عبدالحميد لابيرش الزوي، مراسل قناة “ليبيا الحرة” في الكفرة، بالشكر لحكومة السودان بسبب ارسالها طائرة خاصة لنقل أحد المصابين من جنود الجيش الليبي، وتكفلها بعلاجه.
وكتب الإعلامي الليبي على صفحته:
[frame=”2 80″] أقلعت قبل قليل طائرة عسكرية سودانية من مطار مدينة الكفرة قدمت من دولة السودان خصيصاً لنقل أحد الجنود الجيش الوطني الليبي الذي أصيب قبل أيام جراء حادث سير خلال مهمة عسكرية كلفوا بها قبل أيام على الحدود الليبية التشادية والجندي هو ” محمود عثمان لابيرش ” _ ” أبن عمي ” والذي لازال في غيبوبة لليوم الثالث على التوالي وحالته حرجة وتم نقله الى دولة السودان كحل بديل لبنغازي وطرابلس التي لا توجد طائرات تقلع او تهبط هناك وسيتم علاجه في المستشفى العسكري بالخرطوموبسبب تقطع السبل لبعض المرضى للسفر الى خارج الكفرة عبر مطارها سافر على متن نفس الطائرة 5 مرضى حالتهم متفاوتة بين الخطيرة والمتوسطة تتطلب علاجهم خارج البلاد كانوا يتلقون العلاج بمستشفى الكفرة وسيتم علاجهم بالمشتفيات بدولة السودان
نسأل الله الشفاء لجميع المرضى والمصابين ونوجه الشكر لدولة السودان على موقفها اتجاه مدينة الكفرة بشكل خاص وليبيا بشكل عام وتلبيتها طلب نقل وتكفلها بعلاج المرضى .
كما نشكر مستشفى الكفرة وطاقم الاسعاف لوقفتهم الجادة كما عودنا في السابق ونسأل الله ان تكون في ميزان حسناتهم.[/frame]
وقام بنشر الصور التالية:
[CENTER]
[/CENTER]
شفاه الله 00000 حكومه البشير انا اعتقد هذه الحكومه مريضه نفسيا لرجل الأبيض ، ما معني لديه آلاف في ليبيا تحاصرها الموت من كل الاتجاهات في ليبيا؟ بل الذي قتلوا وجرحوا في بنغازي أكثر من مائتان في مكان الواحد،، أريد ان هل هؤلاء الحكام يحكمون فلسطين وليبيا ولا السودان؟ الله في عونك يا بلدي!
يا فضيحتنا دم الغريب عزيز علي الحكومه ودم الشعب رخيص ارخص من مياه السيل
لانعلم نبكي ام نفرح ؟! السودانيين يموتوا في ليبيا والحكومه السودانيه تجلي الليبيين
حيرتونا في فهمنا وفي دينا
غلفاء وشايلة موسها تطهر ههههههههههههههههههههههههههههههههههههههه
تبا لبني كوز الملاعين
غلفاء وشايلة موسى تطهر في بنات الجيران على العموم مشكورين ما قصرتو؟
يا جماعة ده نسميه شنو … ابناء جلدتنا يقتلون ويحقرون ويسلبون بليبيا ولم تسال عنهم حكومة السودان ناهيك عن ارسال
طائرات لترحيهم … بس عاوز تفسير لهذا طائرة لشخص ليبي والموت والاهمال لابائنا علي ايادي الاوباش
يعني في جيش السودان يقاتل في ليبيا
بلد المحن و العجايب!!!!!!
لمن الواحد يقول ليك بيكره حكومة السجم دي ما ساكت!!!!!
حاقرين بينا حقارة شديدة
ناس معلقين في ليبيا باطفالهم مافي زول شغال بيهم
بلد غرقانة في سيول و امطار مافي واحد شغال بيهم
انت عارف حكومة السجم دب بتتنتقم مننا نحن
اي و الله صحي
نحن يدوسنا بالجزمة ( الله يكرمكم)
لكن لمن الاجانب يقول واي
تلقاهم اول ناس واقفين
و لا غرابة في ذلك
جرحي غزة مرحب بيهم في مستشفياتنا
جرحي ليبيا مرحب بيهم في مستشفياتن
ياخي الزاد لو ما كفى اهلوا حرررام علي الجيران
ياخي طيارة عسكرية خاصة؟؟؟؟؟؟
عليك الله دي كلفتنا كم
اهن يالبدافعوا عن حكومة السجم دي
و الله نحن مفروض ننتقم من الناس البيدافعوا عن السجم ديل اول شي
اخخخخخخخخ
اعوذ بالله منكم
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس مهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
نرقص نتعالى ونتشابا
على ظهر الغلابة
على كتف التعابة
ونقيف في راسا
وبي هتافات البساطة والسذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
بس مهم وفي الاساس
هم راس ونحنا ساس
وناس وناس ما سواس
شبت الحريق في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مافي حاجة
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكرىات واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
شعب صاحي
شعب راصد
شعب صابر ما هو فاتر
ولو الصبر لحدوده فايت
لا بجادل ولا بفاوض
يبقا مارق كل سارق
ويبقا راكز كل معاكس
يبقا واقف كل خايف
يبقا طالع كل بالع
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عاي
غلفاء وشايلة موسها تطهر !!!!!!!!
لا تشكرانا الفضل يرجع للقرضاوى وباقى علوج السودان
طيارة زي دي ما اظن عندنا وعلى افتراض لدينا قدرات زي دين مفروض ننجد السودانيين العالقين في ليبيا فيهم الجريح والمقطوع والمريض
لكن دا يا هو حالنا ماخدين الشغلة جعلية وبوبار ساكت اولاد المدارس بدرسوا في الشمس وفصول منهية وبتاع اتحاد الطلاب يتبرع بعشرين الف دولار لغزة وقس على ذلك كثير من الامثلة
وجعي عليك ياسودان
عريان ولابس سديري هههههههههههههه اخوتنا السودانيين عالقين في طرابلس ومدن اخري ولا حياة لمن تنادي بل وزير الدولة يقول الحالة لا تستدعي الاجلاء بعد
وهاهي حكومتنا الرشيدة ترسل طائرة عسكرية خاصة لنقل وعلاج احد الكوادر الليبية في السودان
اما حري بك ايها القائد الهمام نقل اخوتنا السودانيين
اما انها السياسة الملعونة قبح الله حالكم
لمن نقول الكيزان عملاء وماسونيين وماعندهم وطنيه مابتقول كده ساكت ولابس كرها فيهم
لكن افعال الكيزان كل يوم بتورينهم انه انسان السودان اخر شي في احندة اهتمامات بني قريظه ( الكيزان)
السودانيين بموتوا في ليبيا بالمئات والكيزان يرسولوا طيارات لعلاج اللليبين والسودانيين مالاقيين علاج والكيزان يفتحوا المستشفيات لعلاج الفلسطينيين؟
اكثر من كده في شنو عشان نقول انكم اعداء الشعب والوطن يابني قريظه
هذه الطائرة تتبع لجهاز الأمن والمخابرات
الإعلامي دا شكلوا من الكيزان
والجنس للجنس رحمة
أكبر مساعدة تقدمها حكومة الكيزان لو فكرت تقدم مساعدة
للسودانيين العالقين في ليبيا هي الدعاء
دي نفس الطياره الي كانوا لازنها في احدى المطارات الله يستر ماتقع
الطائره دي ما كان تشحنوا الباقي من السودانيين المقطوعين في ليبيا
دى طياره سودانيه ولا مصريه ؟؟؟؟؟؟؟؟؟؟
تفتكرو نعلق نقول شنو؟!!!!!!!!!!!!!!!!!!!!!
دا أصلا إذا استوعبنا الموضوع
جاء في الأخبار بأن 270 سوداني لقو حتفهم في ليبيا بسبب الصراع الأهلي الدائر هناك … هذا غير مئات الجرحي والعالقين في الحدود يعيشون أوضاع أنسانيه بالغة السوء … وقبل أيام صرح تاجر الأسمنت المسمي زورا بوزير خارجية السودان بأن الأوضاع في ليبيا لا تستدعي اجلاء السودانيين من ليبيا …. أحيانا أجلس مع نفسي وأفكر في أمر هؤلاء العصبه هل هم بشر مثلنا يحسون ويشعرون كما نحس ونشعر .. أم هم قوم من أسفل وأسوء عوالم الشواطين والأبالسه سلطتهم الله علينا بسبب ذنب عظيم أقترفناه .. ليفقعو مرارتنا والبنكرياس كمان ونزداد كل يوم مغص بسبب أفعالهم وسياساتهم الرعناء الغريبه علي البشر الأسوياء ولكنني متأكد من أنهم نوع من الكائنات غير طبيعيه ويجب أن يجتهد العلماء ومراكز البحوث في السودان والعالم عن ماهية هذه المخلوقات التي بلينا بها … أستغفر الله العظيم
الزيت كان ما،،،كفا البيت حرام علي الجار.
عريان من تحت ولابس صديري،نلوم عقليتنا السودانيه
وورثة أجدادنا الله يرحمهم ورثونا طبائع سلبيه النفخه الكضابه
إحترام الغريب علي حساب القريب،ندعي الكرم ليس للكرم بل شوفوني.
كل هذه الخصال موجوده في عقليتنا ونعذر الحكومه لأنها عقليتها
سودانيه بعد ما،،،نتخلص من هذه الطباع السلبيه ممكن نقول خطوه في طريق التطور.
الخبر صاح من الدكتور اللابس شبشب ده والطيارة الوسخانة دي..
لكن حقيننا التحت الحصار ديلك البنقذم منو ولا لا بواكي لهم..
يتوجه بالشكر لحكومة البشير بسبب ارسالها طائرة لنقل أحد المصابين الليبيين وتكفلها بعلاجه؟؟؟ والناس فى بلدنا الامطار هدت بيوتم و ما لاقين خيمة ينومو فيها.
لا حول ولا قوة إلا بالله
وناس صالحة وأمبدة المطرة مطلع ؟؟؟ وناس جعانة ما قادرين يوصلوا ليهم أكل ولا شراب .. وليبي يرسلو ليهو طائرة إغاثة علشان يجيبوه الخرطوم يتعالج..
سبحان الله باين عليهو الجريح دا مؤتمر وطنى ليبى اخوانى ……. اقسم صادقا لو كان سودانيا وغير كوز لما تم اسعافه . عالم تافهة لا تعرف الا المصالح ولا تخش الله
موقف انساني نبيل – بس الحكومة عاملة زي اللابس من فوق ومن تحت عريان – لمن عندكم طيارات تنقلوا زول واحد ولا السودانيين المزنوقيين في ليبيا وجدة – لك الله ياشعبي مع حكومة البوبار – اتحدي اي زول يقول لي واحد من ضحايا السيول في السودان حيتلقي علاج مجاني
الخبر صحيح مية المية وهذه احدى طائرات جهاز الامن والمخابرات الوطني والدعم السريع.انتهى البيان!!!! في اي مجمجمة؟
؟؟؟؟؟؟؟ !!!!!!!!
تخيلو معي ايها الشعب السوداني المسكين قتلاكم مدفونون باوحال الصالحة وبرك امدرمان وتحت انقاض البيوت في كل ركن من هذالبلد, واخرين تم دفنهم في مقابر جماعية بعد تم ان اغتصابهم او اغتصاب ذويهم امام اعينهم , اما الجزء الاخر فقد ماتو بعد ان نزفوا حتي الموت نتيجة لعدم وجود شاش الجروح باحدي اقسام الحوادث في احدي دور العلاج المسماة مجازا بالمستشفيات , اكثر من 24 سوداني ماتو والالاف منهم ما زالو عالقين بليبيا , اقتصاد البلد وقع في الهاوية وانتهي امرها ( التضخم المعترف به رسميا 46.8% ) , ملوة العيش ب30 ج سوداني ….و هلمجر,, اكبر بلد في العالم تتلقي الاغاثة , اكثر بلد في العالم بها نازحين , اكثر دولة لها لاجئين في جميع دول العالم , وفوق كل هذا كله حكومتكم تجود وبسخاء للجيش الوطني الليبي ويرسل طائرة خاصة لاجلاء مصاب واحد من الجيش الليبي, تخيلو معي ايها المساكي!!!!!!!
ارجوا ان تكون مثل هذه الاحداث حافزا للشعب السوداني حتي يصحو من سبات نومه ليثور ضد هؤلاء الابالسة ليقتلعهم الي مزبلة التاريخ ير ماسوف عليهم
مازال الاستعمار ماثلا ، البلد لم ينل استقلاله حتى الان ، اللذين يخصص لهم طائرات وعلاج على نفقة المال العام السودانى افضل من الجرحى السودانين في ليبيا حسب نظرية مخلفات الاستعمار
مازال الاستعمار ماثلا ، البلد لم ينل استقلاله حتى الان ، اللذين يخصص لهم طائرات وعلاج على نفقة المال العام السودانى افضل من الجرحى السودانين في ليبيا حسب نظرية مخلفات الاستعمار
ليشفنهم ربّي ويشملهم بعنايته ، نحن نسعد بمساعدة مرضاكم
( وربّماأنتم لا تعلمون) أنّ هذه الطائرات الّتي تحمل مرضاكم
هي ذات الطائرات الّتي قصفت وما زالت تقصف يوميّاالأبرياء العزّل
في غربنا وجنوبناوكل ركن بالوطن والّتي هدّمت دور العلاج في جبال النوبة
مئات الألوف من أطفال وكهول حرقوا وتفحّموا بنيرانهافي حقد(أخوانيّ)قبيح
لا يخدعونكم، نحن الآن بلا مستشفيات فقد باعوها وسرقوا معدّاتهاوكلّ ممتلكاتها
وهجّروا أطبائها وكافة كوادرها الطبيّة حقدا على شعبناالصامد الشامخ
إنّهم يعانون من عقد الدونيّة الأخلاقيّة والعزلة وسوء بيئتهم الساقطة المتعفّنة
سبحان الله 270 سودان ميت حتى الآن فى ليبيا والحكومة ترسل الطائرات لانقاذ جندى ليبي
ما فيها حاجة ما أصل ناس بشة وحكومته ديل هم أساساً ليبيين وحاكمين السودان!!!! أما السودانيين المعرضين للموت في ليبيا مع ما يحدث فيها فأحسن يشوفوا ليهم طريقة لأن الإنقاذ تهتم بمواطنيها الليبيين فقط لا غير. في حد يا إخوان عنده تفسير آخر؟؟؟؟؟؟
لا شك لدى بان حكومة السودان تستمتع بان تغيظ الأعداء (السودانيين)
لاحول ولاقوة الابالله كل يوم نحن في خبر يفقع المراره والشعب السودانى يغنى ,,,,,,,,(يابلال على )بالدلوكه …..,,,, خموا ,,, وصروا
كلام جميل .. لكن السودانيين المقطوعين في ليبيا اولي ياحكومة السجم والرماد .. الله لا بارك فيكم ..
نهر النيل
عاشق السودان
**************
على السودانيون العالقون في ليبيا الانضمام للجبهة الثورية .
طيب في الاف السودانيين عالقين في ليبيا
أولا ود عمك دا ما دام فى غيبوبة وجاء لمستشفايتنا دى التى يموت فيها من هم ليس فى غيبوبة نقول لك مقدما البركة فيكم
بعدين يا البشير من وين لقيتو الطائرات الزايدة حتى ترسلزها لليبا وأهلكم فى الصالحة لم يجدوا العون
إنتو ظل دوم البيرمى بعيد
والخبز المابيكفى البيت يحرم على الجيران
نريد أن نعرف من يخطط ويصدر مثل هذه التعليمات
الطائرة ليست سودانية بدليل انها لا تحمل شعار سودانير الماتت وشبعت موت مع شقيقها مشروع الجزيرة
واكيد الطائرة تتبع لشركة طيران خاصة
الشعب يريد أن يعرف كم كلفة تأجير هذه الطائرة ؟
من دفعها ؟
ولماذا ؟
ومتى ؟ وكيف يتم إجلاء السودانين المحاصرين داخل ليبيا بدل ما تنقلوا لينا ليبى فى غيبوبه ولو الشخص الفى غيبوبة بيعيش كان عاش شارون
بينما تتصــدق حكومة تجـارالـدين ، لتجار دين ليبيا ، بأمـوال دافـعـي الـضـرائب ..
هــناك الآن الآن وفـي هــذه اللـحـظـه الـتي أكــتب فـيهـا هــذا الـتـعـلـيق مـعـارك ضـاريه طـاحـنه تـدور رحـاهـا فـي أحـياء طـرابلس الـشـعـبيه الـمكـتظـه بالـسـكان والأســـر الســودانيه !!.
الآن الآن فـي يوم 10 / 08 / 2014 الـموافق الأحـد عـلي تمام السـاعـة الـعـاشرة بتوقيت قرينتش ، الساعـة الواحـدة بتوقيت ليبيا تدور أشـرس الـمـعـارك بطرابلس وهــناك الـعـديد مـن الاســر الـسـودانيه محـاصــره وعـالـقـه وســط هـذه الـنيران ، بالـتأكــيد هــناك مـوتـي وجـرحـي يحتاجون لأي نـوع مـن الـمسـاعـدة ، إجـلاء ، مـاء ، أكـل ، دواء ، غـاز ، ولاحــياة لـمـن تنادي !!.
اناشــد الـشــعـب الـفضــل إن مـا يحــدث للســودانيين بليبيا لا يمـكـن أن يصــدقـه عـاقـل ، بينما يمـوت المواطنيين السودانيين واســرهـم ، ترســل حـكـومـة السودان طائرات للإمـداد بالســلاح والـعتـاد ولإنقـاذ الجمـاعـات الـمتطرفه ..
نفـس هــذه الـطـائرة الـتي حـمـلـت عـضـو جمـاعـة أنصــار الـشـريـعـة الـمصـاب ، نفـس هـذه الـطـائرة أفـرغـت شـحـنات مـن الأسـلـحـه والـمـرتزقه لـدعـم جـمـاعـة تجـار الـدين بليبيا!!.
وبنفـس هــذا الـســلاح يتم إســتهـداف الأســر الـسـودانيه وقتلـهـم !!.
لايمكـن لـعـاقـل أن يـفـهـم كـيف أن الـوضــع آمـن كـما تقول حكومة الخرطوم ؟!.
بينما كـل شــعـوب الـعـالـم تفــر مـن ليبيا بما فـيهـم الليبيين أنفسـهـم ، عـلـمـا بأن بقـية الـشـعـوب لـم يتم إسـتهـدافـهـا كـما تـم إســتهـداف الـســودانيين ، والـ 18 ســوداني الـذين قصـفـوا بصـاروخ جــراد ، وقتلـوا جـميـعـا لـم يكـن قصــف عـشـوائي بـل قـصـفـوهـم عـمـدا مـع ســبق الاصــرار والترصــد لأن طــرف فـي الصــراع يـعـرف مـا تفـعـلـه حـكـومـة الـســودان ، ولـقـد شـاهـدنا جـميـعـا بـعـض الـقـنوات تحــذر مـن دور الـخـابرات الـسـودانيه الـقـذر فيما يدور فـي ليبيا ، وأصــبـح يقـال لـنا نحـن الـسـودانيين وفـي وجـوهـنا يامـرتزقه نهـارا جـهـارا .
وضـع الـسـودانيين بليبيا مأسـاوي ينطـلـب الـتدخـل الـدولـي الـعـاجـل .. الـحـياة متوقفه تماما بليبيا ، الـبنوك معظمـهـا مـغـلق ، أصـحـاب الأعـمـال فـروا لمناطقهـم وخـارج ليبيا ، حـتي مـن يـعـمل لا أجــر لــه ، لإنـعـدام الـســيوله ، المستشفيات شــبه متوقفه لـهـروب الأطـقـم الـطبيه لـبلدانهـا ، البنزين مـعـدوم ، الـمواد الـغـذائيه الأســاسـيه إرتفـعـت أسعارهـا للسماء ، لا مـاء ، لاكـهـرباء !!
عـلي زوي الـعـالقين بليبيا الـتوجـه للأمـم الـمتحــده ، ومنظمـات حـقوق الإنســان ، ومنظمات الـمجتمـع الـمدني لإنقاذ زويهـم .. لا أمـل فـي حـكـومه منـغـمسـه فـي هــذا الـصــراع حـتي أذنيهـا ، الـوضــع كـل يوم يزداد ســوء وكـارثيه ، إنقــذوا أهـلـكـم قـبل فـوات الأون ، الـقـتلي لايـستطـيـع أحــد الوصــول الـيهـم لـفرزهـم أو تحــديد جـنسـياتهـم لـتواصــل الـقـتال .. الـوضـع كـارثي ومـأسـاوي بكـل مـا تحـمـل هــذه الـكـلـمـات مـن مـعـاني !!.
اللـهـم إنـي قــد بـلـغـت فأشـهـد !!.
ربنا يشفي الكيزان العيانين ويخلصنا منهم ,بالله هس لو مليون سوداني محتاج لعلاج تفتكر في ليبي واحد بيتذكرنا؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ياخ نحنا شعب وهم تحكم حكومة ذي دي.
هذا الخبر لكي نهضمه قولوا لنا ان الطائرة ذهبت محملة بالذخيرة والسلاح للثوار واتت محملة بالدولار //// اما علاج ومواقف انسانية فان حكومتنا كما نخبرها جيدا لا تعرف شئ اسمه انسانية الا ورأها مأكلة للعصابة الحاكمة ,,,,تجار الحروب لا يعرفون كيف حال مواطنيهم ولا توجد في انفسهم ذرة رحمة للسودانين العالقين بليبيا ولكن كل همهم بيع ذخيرة وسلاح والاغتناء بالدولار الغذر
حسبي الله ونعم الوكيل . أنا عند كلمتي الكيزان حكومة ومواطنين ما يستاهلوا غير الموت ضربا بالنعال والنعال خسارة فيهم .
يا زول البركة فيكم .. كان ما وقعت الطيارة مستشفياتنا ما بتقصر
دا اسمو فيلم فاينال ديسنتيشن جزء يا ميت يا ميت
والله بقينا زي العريان “ميطي” ولابس عمة توتل سويسري جديدة لنج !!!!!
ليس لي الا أن أقول.. هنيئا للنظام طائرات الاخلاء الطبي.. وشكرا للبشير رجل البر والاحسان!!!!!
رغم أهمية ( حدث ) نقل جرحى ليبيين للعلاج في السودان ….
إلا أنني اعتقد أن أمر إرسال ( الطائرة والإجلاء ) ما هو ( إلا غطاء لأمر اكبر واجل) ….
السؤال ما الذي أوصلته الطائرة السودانية لليبيا ؟؟؟….
هل يستدعي نقل ( 6 ) أو ( 7 ) أشخاص إرسال طائرة شحن بهذا الحجم ….
وهل حملت طائرات ( الإغاثة ) إياها خياما وأغطية فقط …
الدول ( المحترمة ) ترسل الطائرات لإجلاء ( رعاياها ) ونحن نرسل السلاح القطري والتركي والإيراني …
وتعود طائراتنا محملة بجرحى ( إخوان ليبيا ) بدلا عن ( جرحانا السودانيين ) وبكل تأكيد حفنة ( دولارات ) بعد أن فشلت عمليات نقل الدولار ( عبر أكياس القمامة )….
إرسال السلاح إلى مدينة الكفرة يضع علامات استفهام كثيرة ….
هل الدعم ( لإخوان ) ليبيا أم( لأخوان مرسي )؟؟؟؟؟؟؟
فالكفرة اقرب للحدود المصرية منها لبنغازي أو طرابلس ….
تابعوا القنوات المصرية يوم ولا أتنين و حا تسمعوا الخبر اليقين ….
***رجاءا لاحظوا معى الصورة رقم 7 من أعلى الفيها الدكتور قاعد جنب المريض…لاحظ أسطوانة الأكسجين !!!معفنة ومصدية وقرف…لو كانت جوة مستشفيات حميدة الحكومية كان نقول ياهو الحال…لكن دى عنوان للبلد…انت ماشى تجيب مريض من بلد تانية…قدرت تودى طيارة بيغلبك تجيب أسطوانة أكسجين شكلها معقول…انشالله تتسلفوها من الزيتونة وبعدين ترجعوها ليهم أو رويال كير…الراجل الفى الصورة اللابس بدلة بنية وهونفسه فى الصورة رقم 9 فى الوسط متشيك ولابس كرفتة…الراجل ده فى الصورة رقم 7 من أعلى… بايدو الشمال ماسك حاجة تشبه البزازة ولونها من فوق أزرق…دى فى الطب اسمها شفاطة…تسحب هوائيا السوائل من الممرات الهوائية العليا حتى تسمح بتبادل الغازات وجعل الممرات الهوائية سالكة…أولا من شكلها ظاهر عليها نوع تعبان وطبعا حتكون صناعة صينية درجة تالتة لابتشفط لابتجيب الحجار …يعنى الدكتور ده مشى شايل معاهو (جونتى) واحد بس؟؟؟الراجل الماسك (البزازة ) دى ماسكة بايدو…لا جونتى ولايحزنون…طبعا الدكتور مفروض يقول ليهو: البس جونتى وبعدين أمسك لى (البزازة) دى..لأنو الحكاية دى خطرة على أبو بدلة ده…لاحظ السوائل المتجمعة داخل الشفاطة وهى مختلطة بدم المصاب ربنا يشفيهو …أبو بدلة أكيد لامس السوائل دى لأنو ما لابس جونتى…وبعدين يعنى الدكتور ده ماسمع بتفاحة نيوتن وقانون الجاذبية(الله يجازيك يا ابراهيم أحمد عمر)!! ياخى الشفاطة مستواها أعلى من المريض ح تشفط كيف وهى براها الضغط الفيها ضعيف…يعنى السوائل دى تاااانى حترجع جوة ممرات المريض الهوائية وتقفلها ليهو…اللهم لا اعتراض فى حكمك!!وبعدين لاحظوا الكراتين وهى أقرب لباب الطائرة من المريض..يعنى تم ادخالها بعد المريض…يعنى جاية السودان..وهى كراتين مربطة وملصقة…دى يمكن والله أعلم جواها (أكياس القمامة السوداء المحمولة جوا)..من أنصار الشريعة الى الاسلامويين بالسودان والمؤتمر الوطنى تمن (البضاعة!) المشت من الخرطوم!!لأنو تعامل كل البنوك الخارجية مع السودان موقوف!!وما حكاية بنك بى ان بى باريبا ببعيدة غرموهو 8 مليار دولار لأنو لقوهو بحول أموال للسودان..تانى فى بنك ح يتعامل معاهم!!فلازم ينقلو القروش الطالعة ولا جاية البلد شى بالقفف وشى بالشوالات وشى (بالأكياس العدية التى يستعملها كل السودانيين) كما قال الصوارمى …مع انو حاجة عالمية متعارف عليها الأكياس السوداء لجمع القمامة…مش للرغيف والعجور والدكوة والطماطم…!!منكم لله!!
لا انسانية ولا يحزنون, الكيزان يفعلون ذلك مقابل شئ من الليبيين ان لم يكن اليوم فغدا.