الهيئة المجتمعية لدعم ترشيح البشير تنظم ليلة الابتهال الكبري
الخرطوم (سونا) – نظمت الهيئة المجتمعية لدعم ترشيح المشير عمر البشير لرئاسة الجمهورية ليلة الابتهال الكبرى بالساحة الخارجية بمسجد الشهيد بالمقرن بمشاركة الحفظة والدعاة والقراء وطلاب الخلاوي تحت شعار ( ترشيح البشير ..من اجل الامن والاستقرار)
وقال دكتور عثمان السيد عمر الامين العام للهيئة المجتمعية لدعم ترشيح البشير ان هذا الابتهال هو حلقة من حلقات النشاط المتعدد بمشاركة 2000 من طلاب الخلاوي لتلاوة سورة يس والدعاء والابتهال لله سبحانه وتعالي ان يحفظ السودان وان تسير الانتخابات بصورة طيبة وان يوفق مرشحنا للفوز ومابعد الفوز بانجازات اكثر وان يكون السودان في امن ورخاء في دورة مرشحنا القادمة ان شاء الله .
[COLOR=#002CFF]وتشمل ليلة الابتهال تدشين المسرح المتحرك الذي يحوي علي شعر,ومسرح ,وتثقيف ثقافي .[/COLOR]
حتى يتمكن من الفوز على شعيب وفاطمة والبارودي
_____
اهع هع حتى الكومبارس بتاعنو ما قادر عليهم
خووووود آها،،،دي كم مليار من قوت المواطن
مشت للإبتهال وبعد الفوز الإستنكاحي المتوقع ليلة
النصر علي المعارضه ودي،،،كمان كام مليار طارت بلد سايبه ماعندها وجيع.
يمين بالله بالغتو في الفليم ده..بالغتو عدييييييل كده,, من ناحية التأليف والسيناريو و”المكياج” والمونتاج والانتاج.. جابت ليها “قنوت كمان”…
تلك صفحة أخري من جرائم الكيزان؟؟؟ تصور يريدون أن يقولوا للملأ أن الله شريك معهم في جرائم التزوير؟؟ و أن المواطن شارك في الإنتخابات حين ذهبت إليه مهزلتهم (مسرحيتهم) المتحركة وضايقته في بيته و مكان عمله..
وبعد يعلنوا فوز البشير يقوموا يجوا ناس الهيئة المجتمعية للبشير ويقولوا ليهو ادينا حاجه شان فوّزناك يقوم يقول ليهم : لييييه !؟ اصلو ياسين من كلماتكم !!؟
غايتو ناس الخلاوي ديل السنة دي تعبوهم تعب !! يوم سايقنهم تمومة عدد في ندوة ويوم مساهرين بيهم دعاء وابتهال ويوم شنو ما عارف .. ان شاء الله بس تتزكروهم بعدين وتودوا ليهم بيتزا بدل البليلة الهردت مصارينم دي .
هههههههههخههههههههههههههههههههاي
ابتهال لي شنو؟ ورونا ، خايفين جاد الله يفوز عليرالبشير؟
الموضوع كلو والله اعلم النظمو البتاع دا لهطو ليهم كم مية مليون علي حساب الفقراء الجابوهمريقروا يس ديل. وهم اصلا لا ليهم في العير و لا فيرالنفير و لا بفهموا سياسة.
غايتو السودان مشكلتو بقت رباعية و قدها خماسي.
ربما سيقودنا البشير للجنة ….اذا كان ذلك اختياري….فلا اريدها
نبتهل الى الله….شوف الكلام ده سمح كيف ؟
يعنى من شدة ما نزيهه وكده جابت ليها ابتهال .
ياربى تابيتا ما بتجى تبتهل معانا .؟
ما تجى نبتهل سوا .
كدا بالله يا جماعة الخير واحد يتبرع ويدينا معلومه عن الدكتور “عصمان السيد عمر”.. الامين العام للهئية المجتمعيه لدعم ترشيح البشير!!!ان كان هو عصمان السيد السفير السابق لا داعى للتعريف به فهو علم فى راسه نار من قديم الزمان منذ ان كان معلّما تحت التدريب فى الابيض الاميرية الوسطى عام 1962
*وليه عملية الابتهال دى ما تتم تحت رعاية سوار الذهب ؟ شنو النشاط الاعلى درجة ومكانة من قراية القرآن والابتهال عشان يكون تحت رعاية الامين العام وما تحت مسؤولية واشراف رئيس الهيئه!
*وقراية الفقرا ديل غيبى ولا من المصحف ..
*هل تم الاتفاق مع القارئين والمبتهلين على الاجر كل على حده؟ ام عبر وسيط فردا كان او منظمه؟ )
*ولا الحكايه فى الآخر عطية مزيّن متساويه! ومتين يتم الدفع؟ بعد القرايه مباشرة ولآ بعد الفوز!
يا ناس استهدوا بالله ..ووحّدوه!
ابتهال ضد شعيب وفاطمة والبارودي ،،، طيب لو جاكم بوش الاب زي ما جاء العراق ،، المشهد المسرحي السياسي الحاصل في السودان أسوأ من ايام السلاجقة ،،، والطرق الصوفية دي أحسن ترجع لخلاويها وما تكون نكبة على السودان ،،،
والله كل يوم تجونا بجديد_ الناس دي قمة فى التمثيل