أكد رئيس الوزراء د. عبد الله حمدوك أن الدولة لم ترفع الدعم عن 4 من السلع والخدمات الأساسية بينما عملت على التدرج في رفع الدعم عن المحروقات والتي كانت تهرب إلى دول الجوار حيث يكون السعر في دول مرتفعاً جداً فيها مقارنة بالسودان مما يشجع على التهريب. ولكنه أكد استمرار دعم الدولة للعديد من الخدمات والسلع وتوفير الدعم المادي المباشر لبعض الأسر بواقع 500 جنيه للفرد و3000 متوسط الأسرة المكونة من ستة أشخاص.
وقال حمدوك في لقاء بثته الإذاعة السودانية الجمعة: (الدولة عشان تجيب البنزين والجازولين المدعوم دا محتاجة إلى أكثر من 2 بليون سنوياً حتيجبها من وين والخزينة خاوية؟. وأهلنا بقولوا مد رجلينك على قدر لحافك ما نقعد نتكلم عن مشروعات وقضايا قائمة على الشعارات أكثر من ما إنها عملية وحقيقية ممكنة التنفيذ يمكن أن نرتبها. خلونا نشتغل على الانتاج والانتاجية ورفع قدرات القطاع الزراعي وربطه بالصناعة وتصدير حقيقي يمنحنا عملة صعبة تكفل لنا معالجة ديون السودان).
وأكد حمدوك أن تصدير الذهب الذي ارتفع الآن إلى (4 طن) ومعالجة السيولة النقدية كانت من أبرز انجازات اللجنة العليا الاقتصادية. أن الثورة والحكومة الانتقالية ورثت اقتصاد مأزوم فيه كثير من التشوهات بما في ذلك التضخم والعجز المالي والديون خارجية وشح السيولة بالبنوك الأمر الذي دعا إلى تشكيل لجنة اقتصادية عليا لمعالجة تلك الاختلالات والتحديات الاقتصادية. ولفت حمدوك النظر إلى المساهمة الضئيلة للضرائب في الدخل القومي مقارنة بما يدور في العالم حيت يبلغ مساهمة الضرائب بالسودان فقط 6% فى الدخل القومى فى العهد البائد وكانت ولاية وزارة المالية والتخطيط الاقتصادي ضعيفة جدا على المال العام بينما انتشرالتهريب الذى اهدر مقدرات البلاد واضاع على الخزينة العامة موارد حقيقية. الانتباهة
يا حمدوك مش انت قلت العساكر حبايبك ومشاركنك ومبسوط منهم وحتعبر معاهم،
طيب ما تكلم حميدتي يديك ٢ بليون دولار زي القال اداها ليكم زمان .. حسع شيل منه
القروش وقول ليهو الحساب يجمع.
امم شركات القوات النظامية ونقص تعال قول كلامك دا
“وأهلنا بقولوا مد رجلينك على قدر لحافك”
وقت عارف الكلام دا ليه طلعته قروش يغيرو بيها عرباتكم؟ مش الاولي كان تشتري بصات تحل بيها مشكلة المواصلات؟
ميرغني إدريس سليمان مدير التصنيع الحربي اتفق مع الوزير المصري لزراعة أراضي السودان لصالح الحكومة المصرية. أين أنت من هذا يا حمدوك؟ الأموال موجودة في شركات التصنيع الحربي لما تدخل تحت تصرف وزارة الماليه نكون عبرنا والا الثورة مستمرة
طيب االنظام السابق القلتوا ترك ليكم اقتصاد مشوه دة كان بجيب الدعم من وين؟؟؟ وكان بدعم البنزين والجاز من وين وهو نظام فاسد ؟؟؟؟؟؟
رئيس الوزراء الدكتور حمدوك ولاءه للبنك الدولى والرأسمالية أكثر مليون مرة من ولاءه للشعب السودانى . بإختصار هو بيخدم فى مصالح خارجية
والمخجل إنه يقول الوقود بيتهرب دا كلام العاجز عن إدارة البلد !
وين الأموال بتاعت البلد تقلعوا أموال الشعب السودانى من السرقوها وإنت عارف
شغلك دا ما شغل زول مسئول إطلاقا
كلامك دا كل بتمهد على تنفيذ الخطة المرسل إنك تنفذها او إنت إقترحتك حتى ترضى بلاد الرأسمال.
ورجل لا يعرف بأنه لا يعرف فذاك الاحمق فأجتنبوه .
والبلاد أكتفت من العلوج و الطراطير ، فترجل لتلحق ركب من سبقوا ، على أن تتوافق قوى الحرية و التغيير و الدول الراعية ببديل قوى دون تزكية الشلليات و المحسوبية و المحاصصة.
خلاص نتفق مليار علينا ومليار عليكم ونكون حبائب
الشباب قاد الثورة و لكن لم يكن منظم فى قيادة الثورة لانو اى ثورة تقوم بتكون لها قياده حقيقيه من لجان ثوريهو الاحزاب ركبت حصان طرواده تحالف نداء السودان و هو نفس احزاب الفكه الذى يعمل مع الكيزان و اختطفن الاحزاب الثورة و لو كانت فى لجان ثوريه كانت مسكت البلد و كونت حكومتها بدون الاحزاب و هذا هو الذى سوف يحصل و العتره بتصلح المشيه .التصنيع الحربى اليوم دوله داخل دوله يملك 82% من دخل الدوله و لا يدفع فلس الى وزارة الماليه و من اين للحكومه ان تصرف على الدوله او تقدم اى خدمات؟؟ كان اول قرار بعد تكوين حكومة الثورة
1- الغاء العمله و طبع عمله جديدة تسيطر الدوله عليها
2-الغاء الدولار الجمركى الذى يخدم الحراميه
3- تكوين جيش وطنى به حرس حدود فى مناطق الالتماس مع الدول المجاورة
4-محاكمة القيادة للنظام البائد
5-تكوين برلمان وطنى لعمل دستور قايم للسودان
6-احكام عرفيه لكل من يخرب الاقتصاد السودانى بالاعدام
7- سيطرة الدوله على الذهب و الصادر السودانى من الموارد الاخرى
8-محاكمة كل من اسس شركة وهميه عمل بها تصدير و لم يتم ارجاع فلوس الصادر الى خزينة البنوك السودانيه
9-ابعاد الاجهزة الامنيه و الجيش و الشرطه من العمل التجارى و محاكمة المتورطين فى اختلاسات ماليه من الاجهزة الامنيه
10-تشجيع راس المال السودانى فى الاستثمار و التاكد من مصدر الاموال
11-اعفاء المعدات الزراعيه من الجمارك و المصانع التى تصنع المنتوج الزراعى حتى يصدر كمنتوج و ليس خام .
12- ايقاف تصدير الحى من المواشى الا اللحوم .
مقترحات ممتازه …نضيف لها :الاستفاده من اموال المغتربين والتى تذهب الى ايدى تجار العمله بسعر السوق الاسود.اعطهم بالسعر المتداول بالسوق الاسود بحساب مباشر لبنك السودان…ونؤكد للجميع ان المليارات ستتدفق على بنك السودان وسنتمكن من دفع فواتير المحروقات والادويه والقمح وخلافه.
# لقد أثبت يا حمدوك بكلامك هذا وبعد عام من الوزارة …انك قزم امام شعب عملاق!!! لقد أصبحت عبء علي الثورة وخنجرا في ظهر الثوار!!!
# فانت لا تشبه الثورة..ولاتشبه الثوار..فانت رجل حالم مكانك شلة المزرعة ..وصوالين الشعر والغناء!!!
# شباب لجان المقاومة اتوك في مكتبك لجرد الحساب في عز الظهيرة… وانتظروا ثلاثة ساعات تحت الهجبرة…!!! ولم تخرج إليهم..!!! هل شلتك وعصابته أهم من لجان المقاومة القابضة علي جمرة الثورة؟؟؟(اي خذلان هذا؟؟ اما تستحي من نفسك؟؟؟ شكلك وانت مطير عيونك بره الشبكة!!)..ثم كانت تحيتك لهم ضربا..وسحلا…وغازا مسيلا للدموع!!!
# حمدوك نصحي لك ترجل الان ..فالشعب يغلي..وستذهب حتما إلي مزبلة التاريخ!!!
# اصحي يا ترس لم تسقط بعد!!!
نصيحه فى محلها …عله يسمع وينتصح.