أخبار السودان
مقتل واصابة (40) شخص في انفجار مخزن ذخيرة يتبع لجيش حميدتي بنيالا – شاهد الصور
لقى خمسة أشخاص مصرعهم واصيب خمسة وثلاثين آخرين؛ في انفجار مخزن ذخيرة يتبع لجيش حميدتي المعروف سياسيا واعلاميا بمليشيا الدعم السريع بمدينة نيالا في ولاية جنوب دارفور.
وعلمت (الراكوبة) من مصادر مطلعة ان عمليات الحصر لم تشمل كل المصابين؛ وان عمليات الاحصاء لاتزال مستمرة.
وقال الناطق الرسمي للجيش الحكومي العميد د. احمد خليفة احمد الشامي في تصريحات صحفية بأنه وفي تمام الساعة السادسة مساء يوم الاحد أنفجر ، علي اثر التماس كهربائي ، مخزن للذخيرة بمدينة نيالا؛ مؤكدا انه يجري إحتواء الانفجار والحريق وحصر الخسائر .
[/CENTER]
وليه مايكون بفعل فاعل
ياعالم بقدر كراهيتي للحرب اكره النظام الحاكم واكره الحركات المسلحة
ياعالم انتهي زمن البندقيه خلاص . ياناس انتهوا الضعفاء خلاص
كدي شوف البيت المهدم ده صاحبه تاني حيبنيهو كيف ومن وين
هل يفتش عشان ياكل ولا يفتش عشان يبني ؟
ياعلم استهدوا بالله . بقيتوا اله تخدم النظام الحاكم في تدمير المواطن نفسيا وجسديا
ليه ماتساهموا في تطوير المنطقه بالطرق السلميه وفي نفس الوقت معارضين لسياسات النظام
حتقولوا لي ماخذ بالقوة لا يسترد الا بالقوة صاح.. ده الجهل بعينه
معقوله حفنة عساكر تقيف ضد دوله ؟ حتي لو قلنا دولة فاشله برضو ماممكن
ياعالم كفايه تنظير وتدمير للبنية التحيه التعبانه
نحنا مازلنا في مؤخرة الدول التعبانه وتااااني نرجع ورا لا لا لا كفاية خلاااااااااااص ياعالم.
سوء
الظاهر حميدتي ماعايز تستقيم وتدافع عن اهلك بدل تقتل فيهم وتشردهم
وهذه الان مجزرة جديدة والمسؤلية في رقبتك يوم القيامة لو اصلا انت عارف في يوم اسمه القيامة
نحن ابناء دارفور عامة نناشد فيك ونطالب منك ان تدافع اهلك وعرضك بدل ماتكون مرتزق لناس الخرطوم
بس انت جاهل وما مادي الموضوع اهمية والامس مشيت هاجمت اخوانك ناس الحركات والنتيجة دمار وخراب للاقليم وفقد مزيد من ابناءنا وتشرد اسرنا وهذا كله بسببك انت ياحميدي قاعد تقتل في اهلك مع الغريب وانت ماداير تفهم