الجيش الشعبي شمال : خطة نظام البشير لغزو كاودة
خطة المؤتمر الوطنى لغزو كاودة
نكشف عبر هذا البيان خطة المؤتمر الوطنى لغزو مدينة كاودة والتى اكدتها المصادر الموثوقة و اكدت ايضا ان المؤتمر الوطنى يريد تنفيذ هذه الخطة مستعينا بالاضافة الى قواته ومليشياته بمليشيات المتحالفة معها من جنوب السودان منها التغير الديمقراطى وقوات حركة التحرير والعدالة التابعة للتجانى السيسى بالاضافة الى المرتزقة يتم الهجوم تحت غطاء جوى بطائرات ايرانية واخري من دولة شاركت قواتها فى بعثة الامم المتحدة فى ولاية جنوب كردفان/جبال النوبة، هذا وقد تحصل الجيش الشعبى لتحرير السودان على تفاصيل تحرك كل المحاور وساعت انطلاقها.
وهذا سوف تتحرك المحاور على النحو التالى (1)كالوقى ? تمبيرا- كلكدة (2)كالوقى ? الكوك- كلكدة (3) الليرى ?ام دوال ? مندى ?كودى (4)مفلوع ?شاورى (5)خور الدليب ?الازرق ? هيبان ?كاودة . وتفيد المصادر ان كل من اللواء ش م/ ادم النيل الفاو واللواء/دانيال كودى والعميد/مبارك كوتى من ضمن القيادات التى تقود هذه المحاور.
ونؤكد ان الجيش الشعبى لتحرير السودان-شمال يتابع عن كثب تحركات هذه القوات الغازية وعلى استعداد تام للتعامل معها بكل عزيمة وقوة وإلحاق هزيمة قاسية بها كسابقاتها ومطارتها حتى الخرطوم والقبض على مجرم الحرب والابادة الجماعية والتطهير العرقى عمر البشير وتقديمه للعدالة.
أرنو نقوتلو لودى
الناطق الرسمى باسم الحركة الشعبية لتحرير السودان
النشوف كلامك ده قريب
اصلو الموت ده واحد
شكلك يا ارنو بتبلع حبوب هلوسة
حدثي بقول ان كاودا طعمها مر
ياجماعة الزول دا جايي مخرم من ياتو تقاطع ؟ هجليج تقاطع الميرم ؟ ولا كادقلي تقاطع كاودا ؟
بس بلع وارجى الراجيك
هو زاتو في خطة حتى لو كشفتها بتنزلها في النت ؟!!!
ونؤكد ان الجيش الشعبى لتحرير السودان-شمال يتابع عن كثب تحركات هذه القوات الغازية.
حلوة غازية دي !!!. أما مطاردتها حتى الخرطوم الكلام ده سمعناهو كتير وترانا قاعدين منتظرين ورانا ايه ؟!!!!!.
مزيد من القتلى و الدمار
بما ان اولاد المرحوم خليل موجودين فان البشير لم ولن يصلي الجمعة القادمة في كاودا ونشوف الكذب دا
الجنوب انسحب لكم من هجليج طوعا نتيجة لضغوط اصدقائه واذ لم ينسحب طواعية لن تستردوا هجليج الي اليوم / اما موضوع كاودا دا اخر حاجة فكروا فيها
واراهن ان البشير يصلي الجمعة القادمة في مسجد وداد بالخرطوم.
قواتكم هربت وتركت في هجليج دبابات وسيارات ومدافع من مختلف الطراز والاسوا تركها للجرحي والقتلة وجاي تقول الجمعة القادمة نحن في كاودا / كاودا دي سوف تنقل الجمعة القادمة الي الخرطوم 2 ولا شنو
تنمنى ان تلحق الهزيمه بفلول المؤتمر الوطنى والى الجحيم انشاء الله
مزيد من القتل والدمار, يدفع ثمنه أولا وأخيرا الشعب السوداني, والمواطن المسكين المغلوب على أمره. لو بحثنا عن السبب الرئيسي فسنجده – اتفاقية فاشلة, من نظام فاشل, وحكومة فاشلة. خلت المناطق الثلاثة معلقة, الحدود معلقة, الديون معلقة, الجنسية معلقة, عشان يعلقوا الشعب السوداني في كل هذه البلاوي والمشاكل. نسأل الله أن ينتقم شر أنتقام في الدنيا وفي الآخرة من الكان السبب.
كاودا البشير يصلى الا يصلى صلاة الغائب هههههههههههههه الراجل ده جن و مجنون بالحلو وعرمان وعقار ياراجل ديل لايشتروا وسوف يأتوك فى عكر دار وداد او بيت ابوك اللى على الشيوع تبقى مثل المقبور القذافى زنقه قال جدول جدول
يا الناطق الرسمى فى زول بعرف معلومه زى دى بفتها فى تصريح شكلك لاقط شمار من واحد وعملتا منوبيان لو معلومتك صحيحه بتتعامل معاها بطريقه عسكريه إستخباراتيه مش جاى تتفلهم بيها فى المواقع الإكترونيه انت قايله الحرب زى لعب الكوشتينه والموضوع تعرصه ودوير ولا شنو واشك انك ناطق رسمى لجيش
انشاء الله يالبشير تشوف نور خاطف لونين.
النصر لقوات الجبهة الثورية باذن الله وليذهب فرعون وجنوده الي جهنم
ونحن لها يا موتمرجية هي الحرب وسوف نرى من هم الرجال احفاد علي دينار واحفاد علي عبداللطيف جاهزين امسح اكسح قشوا ما تجيبوا حي اكلو نيء
انشا الله لمن بكرة الرجالة يصبحوا في كاودا ما تجوا وتقولوا لينا انسحاب تيكنيكي
على فكرة أنت لم تكشف عن خطط الهجوم، ولكن ما فعلتموه سيجعل العدويعمل لتغيير خطته. من المفترض أن تعمل سرا والتصدي لخطط الهجوم، بدلا من الكشف عن هذه الخطة.
ا
I think all of this are realy folish and stubid too becouse they evalouate them self with Basir . and they dont know Bashir never tells layes and what ever he said he will do it so if he said he will pray in kawda bileav him he is going to make . but you all are layers you are saying we will comes till the khartoum air port and some aouthers saying and all is nothing so please if you are fool and folish dont think you are going to fool folish the aouthers
الثقه يا كمرد / ارنو انا واثق جيشنا ما بتحذم خليهم يستخدموا الطائرات الايرانيه والسوريه ? الحق هو الطريق الجيش الشعبى ويييييييييياى كاودا ويييييييياى كاودا ويييييييييياى عبد العزيز ويييييييييييييياى ارنو ويييييييييياى جبال النوبه وييييييييياى.
المعركة فيصل الكلام – ارمي قدم يا كمرد عزت كوكو -ارمي قدام يا كمرد جكوت -ارمي قدام ياكمرد اللواء ليونيل عنتر – ارمي قدام يا كمرد اللواء حبيب سرالدار جبونا – ارمي قدام اللواء سلام بومان قيدوم – اللواء دارجول – بلغوا الجميع وعلى المعلومية فان كاودا ليست كرمك وهجليج السابوها ودخلتوها فالنوبة غير يا البشير
الجمعة قرييييبه
سؤال : هو البشير ده ليه ما دخل هجليج بعد التحرير ,احنا عودنا لو في سماية الا يكون نجمها أهاليه ما رعى مناسبة اعادة ضخ البترول في هجليج و غاظ ناس الحركة جوة و برة
مشكلة النوبة عندهم وهم بانهم شجعان. يا اخوانا دا مازمن الشجاعة .الناس فى الخرطوم و المدن الاخرى يعلمون ابناءهم و يبنون العمارات. و انا شفت العمال و الحراس فى الخرطوم هم ابناء النوبة لانهم لم يتعلموا و فقراء يعنى مزيد من التهميش. و كل القادة الذين ذكروا اعلاه امثال جكود عزت كوكو هم مجرد عساكر اميين و الله لا يعرفون كوعهم من بوعهم . بهذه الحماقات حكمتم على جبال النوبة بالتهميش عدة عشرات من السنين اخرى .
SOME TIMES YOU NORTH PEOPLE FORGET THAT THERE IS ANOTHER WAYS WHEN FOE WAR WE COULD MOVE WAR HERE TO KHARTOUM BY KILLING VIP PERSONS
انما النصر مع الصبر وانهم يألممون كما تألمون وترجون من الله مالا يرجون , ولن تموت نفس حتي تستكمل اجلها
عليكم بدعوة اخوانكم النوبةالي السلام والرجوع لصوت العقل ومنحهم ادارة ولايتهم واستيعاب جميع مقاتليهم في الجيش , ومن خرج الي صفوف الجيش السوداني فهو أمن واذا اصروا علي الحرب فتوكلوا علي الله وان الله علي كل شي قدير .
مافي داعي لاقحام حزب التغيير الديمقراطي في صراعكم العسكري مع النظام وخاصة بعد انضمام معظم عضوية الحركه الشعبيه في جنوب كردفان لحزب التغيير بعد تسجيله كحزب في السودان (بطل جرس)
يا اهل الدار لا بشير و لا عرمان و لا غيره ح يصلح البلد دى و بعدين كل اهل السودان ضحايه للاطماع الشخصيه و عرض الحياة الدنيا الزائل و لهجة التفرقه العنصريه دى كلام فاضىانا فى الخرطوم وصديقى فى العمل من الجبال فى نفس الدرجه الوظيفيه و العلميه لانو كما قال المثل لكل مجتهد نصيب البلد دى دايره شغل اكثر مما يتصور المتهاترون ما كلام فى الفاضى التخلف فى كل بقاى السودان و التنميه مسئولية هذا الجيل و حيحاسبونا عليه الاجيال الجايه كتير