حزب الأمة القومي : بيان اللجنة العليا رقم (١)

البند رقم واحد المهم والاهم المطالبة ب اطلاق الحريات قبل اطلاق رمسيس الثاني و ي تري ال بيان رقم 2 لاسرة رمسيس الثاني امل ان لا يكون كالاول للعلم زمن الادانات والاستنكار والشجب ولي الزمن زمن سلاح كن او لا تكن مافيش حد افضل من حد والا انتظروا 50 عاما اخري ورسالتي للجميع لو تعرفون قيمة الزمن والعمر للانسان والبلاد

حزب كسيح مخترق

اوكى ياناس اللجنة العليا ده رايكم لكن راى سيدكم شنو ما وريتونا رايكم فى كﻻمه مع احمد عبدالرحمن قالوا وﻻماقالوا

حزب الانبطاح القوومي

* و بعدين؟ حا تعملوا شنو؟
* حزب الأمه لم يحرك ساكنا، عندما تم تصفية 270 شابا و شابه و كهل على يد “شبيحة” العصابه المجرمه فى وضح النهار ابان هبة سبتمبر المجيده.
* حزب الأمه لم يحرك ساكنا و طائرات المجرمين تقصف اهلنا الابرياء العزل فى دارفور و ج.كردفان و ح.النيل الأزرق. فيموت و يتشرد مئات آلآف من الرجال و النساء و الأطفال.
* حزب الإمام لم يدعو لمسيره إحتجاجيه عندما قتل المجرمون ابناء الوطن فى بورتسودان و سوبا و كجبار و النيل الابيض و مدنى و كوستى و الخرطوم و غيرها من المدن.
* حزب الأمه لم يعر الشعب السودانى إلتفاته و كثيرون منهم يموتون من المرض و الجوع و الفاقه و الفقر و التشريد، بسبب ظلم و استبداد العصابه المجرمه.
* حزب الامه لم يابه قط، و مئات بل آلآف الشرفاء الأبطال من طلاب و كتاب و صحفيين و مثقفين و مناضلين تم اعتقالهم عدة مرات، و لفترات تطول و تقصر، و البعض تمت محاكمته بالسجن و الاعدام.
* حزب الامه لم يقف قط بجوار سكان “الهامش” الذين ايدوه و ساندوه و شدوا من ازره على مر التاريخ، و منذ الحكم التركى و الإنجليزى.

++ و ألان، و بعد 25 عاما من الكبت و الظلم و القتل و الترويع، فإن لجان الحزب تقول: إنها تسعى للتعبئه “تحقيقا للحريات العامه لجميع المواطنين”!!و طبعا “الحريات العامه لجميع المواطنين” مقصود بها حرية الإمام الحبيب النسيب ، رئيس حزب الأمه، اولا و تحديدا. اليس كذلك ، يا سيادة اللواء فضل الله برمه؟ و هل هذا معقول؟

هسة ليكم كم يوم كان دايرين تطلعوا الاسري الفلسطينين من سجون اسرائيل كان طلعتوهم بلابلا شجب وادانات وبيانات الشارع ده كان خايفين منو قولوا لينا وكان منتظرين الناس تمرق ليكم بالغتوا هو ناس الوجعة ما بكوا اللي يجيجي ليكم باكي منو ارحمونا ياخ

عبيته لكم لكن الكلام ما عجب المحرر وهو قانوني وليس سياسي

(على لسان صديقه احمد عبرحمن الى قال قبل كدا ان الصادق كان عارف بانقلاب ألأنقاذ قبل حصولو وهو كلّمو بيه)
اليوم ألأمام الحبيب الرمز اكد ليهو(لصاهو احمد اللى مشى زارو فى كوبر؟) تفهمو لأسباب اعتقالو واشار كمان للظروف والملابسات اللى ادت الى اتخاذ ألأجراءات القانونيه ضده (ألأسباب حسبما قال الحبيب الركز)ذلك لرد اعتبار وهيبة الدوله والقوات المسلحه!!! وان وجوده (وجود ألأمام الحبيب) فى السجن هو دليل براءتو من تهمة التآمر مع المؤتمر الوطنى ضد القوى ألأخرى.
(1)هل ياجماعة الخير الكلام دا عاوز ليهو شرح؟.. موش يشرح نفسو .. ألأمام متفهم ومقتنع بالظروف والملابسات وبما اتخدته الحكومه ضدو .. يعنى ما كان حقو يقول الكلام اللى قالو ودخّلو كوبر!! وكمان حاول يوجد تبرير للحكومه (لأعتقالو)أنها عاوزه ترد هيبة الدوله والجيش!! شوفتو كيف ألأمام متضامن مع الحكومه اللى خاوزه ترد للدوله هيبتها عن طريفو وهو متفهم للموضوع دا وكمان مقتنع بكل ظروف وملابسات ما جرى له..
والله مشكور مساعد الرئيس “عبرحمن الصادق الصديق عبدرحمن محمد احمد” قطع زيارتو لدولة قطر وجاء راجع يقيف مع اخوه البشرى اللى برضو قام بالواجب وزياده.. “سايق الفيات” وصّل بيها ألأمام لأستجوابو عند ناس ألأمن!! آخر انضباط والتزام وما بيدغمس العام بالخاص.. انضباط ؤسمى مندغم فى ولاء اسرى متنوع المرتكزات!!” بر منقطع النظير بوالدو”
اها فى حد بيعرف احسن م الحكومه؟

لا بالله الصادق خلوهو في السسجن احسن ما منه فايدة للجوعي والفقراء او المرضي وسكت دهرا من الزمن علي كل جرائم النظام القديمة والمتجددة كل يوم وابناؤه في الحكم الاااااااان ,,,, رجاء كفوا عن الضحك علينا ياخرب امة

لا بالله الصادق خلوهو في السسجن احسن ما منه فايدة للجوعي والفقراء او المرضي وسكت دهرا من الزمن علي كل جرائم النظام القديمة والمتجددة كل يوم وابناؤه في الحكم الاااااااان ,,,, رجاء كفوا عن الضحك علينا ياخرب امة