سناء الأيام الخوالي والخالدات ..مع ذكرى الراحل وردي..

أغنية (سناء الأيام )..

كلمات / محمد عبد الله برقاوي..
[email][email protected][/email]

اهديت للفنان العملاق الدكتور الفرعون الراحل/ محمد وردى فى عام 1993
ولكنها تاهت في ثنايا وركام بطافات رحلات العلاج التي أرهقت فنانا الراحل ..فلم ترى القصيدة النور كغيرها من الأعمال الكثيرة التي ستبقى ذكريات خلف الدموع ! له الرحمة ..وسيظل خالدا كالنيلين ، يجرى في شرايين الناس ويبلل تراب الوطن بعطائه الثر رغم الغياب ..
*** *** ***

صورتك فى الخيال فكرة ..
.وصفك زينة النبرة ..
بكتب فى غناك واقرا
.. اداوى الغصة بالذكرى ..
*** *** ***
حروفك فى دمايا هتاف..
وفى الاعماق صدى وموال ..
بحسك فى شعورى وتر.
. بيسال وين وكيف الحال..
بلقاك فى الليالى حلم ..
وفى صفحة نهارى مقال ..

*** *** ***
زمان كانت مواعيدك ..
مواسم بهجة زى العيد ..
لقياك ياسنا الايام..
مشاتل فى دروب الريد..
كانت لهفتك خطوة ..
و اقابلك وبرضو شوقى يزيد ..

*** *** ***
وفجأ ة البينا امسى حطام ..
وغابت ضحكة الأنغام..
اهازيج الفرح ماتت ..
ماعاد فيهاباقى كلام ..
مواعيدك بقت منية ..
طيوف مرسومة فى الاحلام ..

*** *** ***
مشيت اسال شواطى اللقيا ..
الشهدت زمانا الراح ..
لقيت قسماتها حزنانة..
لابسة العتمة توب ووشاح ..
رمالها الناعمة تتحسر..
وشبّ الموج قلدنى وصاح ..

*** *** ***
سألنى القمرة وين رحلت ..
وين راحت نجوم الليل ..
نورها الكان لجين رقاش ..
مسكوب فوق خدود النيل
وقفت افتش الجواب .
.كان تبريرى ناقصو دليل..

*** *** ***
سحبت النظرة منكسرة..
وحبست العبرة زى جمرة ..
و خذلنى الحيل ..
قلت الملم اشتاتى ..
اجاوب بى غناوى قبيل ..
ابت من تانى قدراتى ..
وصد غناى غلبني عديل..

*** *** ***

لقطة نادرة للاستاذ محمد وردي ومحمد برقاوي والطفل وقتها ماهر برقاوي عام 1983