طلبية “دولارية” لقيادي من النظام البائد تُشعل سوق الدولار مجددا

الحلول الامنية هي ضمادات مؤقتة. عايزين سياسات اقتصادية و مالية مدروسة.

اولا لما عرفتوهو من الكيزان ليه اتحفظتوا على اسمو؟؟؟ ثانيا معقولة بس ٦٥ الف بس ترفع سعر الدولار؟؟؟؟؟

محرت إهمال المواطنين تزيد الاصابات

كلام ما يدخل العقل.
اولا لو علم هذ االشخص حسب هذه التفاصيل لماذا ترك الرجل رغم الحملة الامنية الكبيرة المعلنة. كلما زاد عن جده انقلب ضده، فمشجب لانظام البائد أصبح مملا ولا يقنع أحد لأنو ما معقول عمرنا كله نعيش تحت هذه الفزاعة
ثانيا من هو البائع وما دام معروفا لماذا ترك ليمارس هوايته
ثالثا وهل 65 ألف دولار ترفع سوق يتعامل بمئات الالاف؟
رابعا : تغيير العملة هو الحل.
التغيير او الطوفان

هههههههههههههههه خمسة وستون الف دولار دى بحولها واحد بس ، يا جماعة ارحمونا من البالونات الفارغة دى و جيبوا شئ يدخل العقل ، بتاعين العملة ديل شغالين بعشرات الملايين من الدولارات يوميا تقول لى 65 ألف دولار ، للأسف الاعلام بعض الثورة اصبح اعلام هتافى وفوضوى وهذا بمرور الزمن سيفقد مصداقيته و سيجد أنه يخاطب نفسه وممن شاكلته بينما الشعب سيخاطب من جهات اخرى ستؤثر فيه ، يجب ان يكون الإعلام اولا صادق و مصدر ثقة فى نقل الاخبار وليترك الطبخ والإثارة لكتاب الرأى والمحللين ليكون آراءهم هم وليس اخبار صحيفة مثل الراكوبة.

القيادى فى النظام البئد ده اسمو منو ولا برضو عندو حصانه ما قادرين توضحو للناس هو منو والدوله عملت لبهو شنو ؟؟؟

ياناس الراكوبه …بقيتوا تعملوا زي جداد الكيزان الالكتروني اخبار مفبركة ومضحكه في نفس الوقت..٦٥ ألف دولار تولع السوق؟ والكوز ماعندو اسم ؟

الزول الكتب الخبر دا حصل شاف دولار ، ياخي خمسة وستين الف دولار دي ما بتاثر في اقتصاد سوبر ماركت ، تاثر في اقتصاد دولة ؟
يعني نبطل نقرأ الراكوبة ولا شنو ؟