مشي بإهمال – الفاتح جبرا
ساخر سبيل
تقول الأخبار أن أحد وكلاء النيابة بينما كان يسير في الشارع العام لم يعمل بمبدأ (نظرة لك والثانية عليك) فحملق في إحدي (الفتيات) دون خلق الله السابلة وأخذها إلى (القسم) بحجة أنها ترتدي زياً فاضحاً ولما مثلت الفتاة أمام المحكمة إتضح أن الزي (لا فاضح ولا حاجة) وهنا قام وكيل النيابة الشاكي بتعديل إتهامه إلى (المشي الفاضح) !
عزيزي المواطن .. عزيزتي المواطنة .. لأن من أغراض هذا العمود (التوعية) ما إستطعنا إلى ذلك فها نحن (نوعيك) حتى لا تتفاجأ فيغلي الدم في عروقك وتتعرض للإستفزاز الذي ربما يعرضك إلى فعل تندم عليه طويلاً ، فشوارع البلد قريبا سوف تكون مراقبة بالرادارلا للقبض على الذين يتجاوزون (السرعة المقررة) من سائقي السيارات فهؤلاء أمرهم هين إنما المعني بهذه الرادارات هو (ضبط الشارع) وحسم كل مواطن لا يلتزم بطريقة (المشي) التي تقررها الحكومة إنفاذا لمشروعها الحضاري الذي يهدف إلى (تنقية المجتمع) والعمل على إرضاء الله ورسوله ، نعم لا تتفاجأ وأنت تسير في معية زوجتك في أحد الشوارع الرئيسة بالسيناريو التالي :
? يا أخونا .. يا هوووي لو سمحتا
? (في إستغراش) : أيوه نعم في شنوووو؟
? إنتا ما عارف في شنووو؟
? طبعن ما عارف
? عارف ما عارف تمشو معانا القسم؟
? (في إستغراش أكثر) : قسم شنو؟ دي مرتي ولو عاوزين أجيب ليكم القسيمة؟ !
? في زول سألك من قسيمة؟ عارفنها مرتك !
? والمشكلة وين طيب
? مشيتا دي ما عاجباني !
بالطبع لم يكن المواطن المسكين يمكن أن يدور في خلده بأن الحكومة (خلت كل مشاكلا ومشاكل الناس) ووضعت (مواصفة) لطريقة مشي (النساء) والفتيات وأن كل (واحدة) لا تتبع ما جاء في هذه ا(المواصفة) وتضبط في أي حالة أخرى فسوف تعرض نفسها إلى بنود قانون المواصفات (الأخلاقي) في دولة (الهروب إلى الله) !
جاط صاحبنا وأمسك بتلابيب (الرجل) الذي إستعان بقوة من (مباحث المشي) التى قامت بوضع صاحبنا وزوجته في خلفية (البوكس) الذي إنطلق نحو القسم .
? سعادتك الراجل والمرا ديل كانو ماشين و(المرا دي) ما ماشة بالقانون؟
? كيفن يعني؟
? لا يا سعادتك أنا بقصد إنها ما ماشه بي قانون (المشي العام) ؟
? وثقت الحالة؟
? أيوه سعادتك الحالة (موثقة) .. أهو ده الفديو .. وممكن كمان تشوف الفديو الإتسجل بالرادار كمان
? (يمسك بالموبايل ويطالع الفديو ثم يوجه حديثه للمرأة) : إنتي ما عارفا المشي يمين وشمال ده مخالفة ؟
? (زوجها يتدخل) : المرا دي عاملة ولادة قيصرية وقالو ليها إتمشي!
? وكت عارفين ليه ما أخدتو ليها رخصة؟
? رخصة شنو يا جنابو؟ أنا عاوز أنزلا خط ؟
? شوف .. القانون واااضح .. أي مرا وللا بت لازم تمشي في خط مستقيم .. يعني شمال ويمين و(لولوة مافي) .. وبعدين ما ترفع (رجلها) وهي ماشة أكتر من (عشرين سنتي) .. ولمن تخت كراعا في الواطه تختها بضغط يوازي (55 نيوتن/م تربيع) ومسموح ليها تتلفت 3 لفتات في الدقيقة .. إنتو قايلننا مركبين ليكم الرادارات دي عبط ساكت؟
? يا جنابو دي (مرتي) وتمشي بالصورة البتعجبا وتريحا طالما (محتشمة) ؟
? اللبس حاجة والمشي حاجة تانية …
? كيف؟
? مادة (اللبس الغير محتشم) دي مادة براها .. ومادة (المشي الغير محتشم) دي مادة براها .. وكمان لو ما عاجبك عندنا مادة تانية (للضحك الغير محتشم) !
? وما عندكم مادة (للغف واللهط الغير محتشم)؟
? بتقول في شنووو؟
? لا بقول .. قانون محتشم !
? أيوه محتشم إنتوعاوزننا نخليكم (تمشوا على كيفكم؟) ثم موجهاً حديثه (للشرطي) :
? أفتح ليها (مشي بإهمال)
كسرة :
عزيزتي المواطنة أحرصي أن تكون مشيتك (مطابقة للمواصفات) !!
? كسرة تحرش : أخبار إنتهاء التحقيقات مع الدبلوماسي المتهم بالتحرش شنووووو؟ .. ليها تلاته شهور
?كسرة جديدة لنج : أخبار كتب فيتنام شنو(و) يا وزير المالية ووزيرة التربية والتعليم شنو(و) … (ليها أربعة شهور)
? كسرة ثابتة (قديمة): أخبار ملف خط هيثرو العند النائب العام شنو؟ 93 واو – (ليها سبع سنوات وتسعة شهور)؟
? كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو؟ 52 واو (ليها أربعة سنوات وأربعة شهور)
الجريدة
وكيل النيابة عبدالرحيم الخير لاخير فيه ورجل مخنث وقليل ادب ولازم يتادب من اهل الصحفية الشجاعة حاول اشاغل بي طريقة مبهمة ولمن تصدت له مهيره السودان حاول اسغلال القانون ضد المسكينة علي اي حال نحيّ القاضي الشجاع ونتمني ان يجد هذا المخنث عقابه ولو ان تحرق عربته
حقوا البت دي تعمل ليها بليلة كرامة انه ما عمل فيها زي ما عمل الكوز زميله للامريكية في البار، الناس دي عندها خلل سلوكي و اخلاقي.
عجبتنى هذه الابيات واهديها لمن كان السبب فى كل هذا الشقاء :
منقول
رسالة الباشمهندس ادم ود دارفور الي ام كبار الحرامية الوالدة حاجة الهدية محمد الزين بمناسبة تكريمها من قبل عيالها واحفادها الحرامية برئاسة سفاح البلد وحراميها نجلها عمر البشير
و قولي لي ولدك عمر اب عصاية
عمر الكرور
عمر العرور
عمر الطرور
يا هوي يا وليد خلاص وقف كفاية
وخاف الله في ناسا تعافر
مدفونة حية للرزق يا دوب تدافر
مضبوحة بشرع المجازر
مكشوشة في دين الكوامر
ومضروبة في جو المخافر
ومظلومة في جوف المقابر
ومطرودة في كل المهاجر
ومنهوبة بالدجل المشاتر
ومذلولة بصلف العساكر
ومغدورة بشرع الخناجر
ومرهوبة بكضب العناتر
قولي لولدك عمر
هذا العرور المعتبر
الكنت قايلاهو انضف من قمر
وكنت قايلاهو مهدينا المنتظر
أوكنت قايلاهو المك نمر
لكن يمـّة المولى ما قسملك ابدا ولد
ربما خلوا التبيعة
عكس قانون
الطبيعة
ودفنوا في الارض الولد
وجانا من سرق البلد
لم يلد ولم يفد
هذا الكرور المستبد
هذا الجبان المرتعد
عمر المشير المعتبر
عمر البشير الما بشر
عمر العساكر والكجر
عمر المفاسد والغجر
قولي ليهو يا وليد وقف كفاية
الوطن ماهو حوش بهايم للسعاية
وارواحنا ماها لعبة هواية
ودم الناس ماهو موية سقاية
يا وليد يا هوي كفاية
قولي ليهو:
ماعافية منك
ماني امك
وابرا منك
وكيف تداري الليلة ذنبك
يوم تموت وتلاقي ربك
وماني قايلاك سفاحا محنك
وماني قايلاك سراقا وليك فنك
يا ضنايا
قايلاك راجلا زول مكارم
شايل الناس في الحنايا
بفرح الايتام بعطفو
وبديهم الحب والعناية
وقايلاك راجلا
بشبع الناس الجعانة
بستر الناس العرايا
وقايلاك راجلا
حقاني في ساعة المظالم
بدي للمظلوم حماية
وقايلاك راجلا
ما بتكضب ما بتنافق
دينو اصلي مو دعاية
وقايلاك راجلا
في كلامك في سلامك
فنجريا فضلو باين بالعطايا
يا ضنايا
ضاع شقايا
وطال اذايا
ووب عليك من دم الضحايا
وحق يتيما انت شارب دم ابوهو
وانت اشنع من عدوهو
شوقو للعيد والهدايا
فاقد الريد والمحنة
فاقد الحب والرعاية
وبكرة برسب في القراية
ولكن ماهو ناسي دم ابوهو
وتارو والع في الحنايا
ووب عليك يا جنايا
من حق معذب في سجونك بالوشاية
ما بخلي حقو ابدا في النهاية
وحق مشرد بفنونك في الخطايا
وبكرة جاي من جمر المنافي
زعلو وافي وكيلو وافي
وديمة قادل في المنايا
يا هوي يا وليد وقف كفاية
ما عافية منك
ماني امك
وابرا منك
وماك طالع من حشايا
واسأليه يمة
عن كتلة الشفع صغار في العيلفون
وكيف دمعة ام فقدت حشاها شويفعا دريفون
والدمع سال مطر دافق هتون
مالي العيون
وكيفن ولدك كتال الرقاب عامل حنون
اهدى للشفع حلاوة
حلاوة من طعم المنون
هذا المشير هذا الحمار
رصاصو ولع في الدرافين الصغار
باسم الله كبر
وجاهد عمر الحمار
وسال الدم ركب والبحر زاد احمرار
واليوم قد كان عيد الضحية
وكانوا شفعنا الضحية
وليدك عمر اهدى للشفع ودار
شان رفضوا الحرب رفضوا الدمار
والليلة عامل فيها حمامة للحب والسلام
ونافش ريشو في نيفاشا فاروقنا الهمام
وصدق انو صانع الحب والوئام
بعد ماكان بشجع لعبة الموت الزؤام
يا سلام من كضب جاب الطمام
ويا سلام من دجل ساكن النظام
ويا سلام من عفن راكز تمام
ويا سلام يا سلام من هذا السلام
قولي ليهو : ماني امك
ما عافية منك
وابرا منك
***
اسمعيني يمّة الهدية
انت عارفة الدنيا فانية
ولينا مكتوبة النهاية
والله عارف والله شايف
كل ما كان في النوايا
والدين يا يمه قالوا النصيحة
والسترة ديمة بارياها الفضيحة
واتى يمة بتعرفي الله
وبتخافي الله
وبترضي بالكلمة الصريحة
وتب ما بترضي بالفعلة القبيحة
والليلة عندي ليك اخبارا ما مريحة
في دولة وليدك عمر هذا التليحة
دولة الدين المخستك والشعارات القبيحة
وفي كل يوم تغرب شمس
وفيها تسمع كم من فضيحة
وان شاء الله يمّة متابعة اخبار السياسة؟
وعارفة حالة البلد الليلة زي صاج العواسة
والشغلة لا طايوق لافهم
كسرة شايطة وحالة زايطة
جايطة زي كوم كناسة
ولا زلنا في سوق النخاسة
باعونا في كل المواسم
بالاحابيل والخساسة
والفساد والعفن الليلة قد طال السياسة
ونظام الزفت الليلة زايد في ا لنجاسة
عايز ليهو مشاطة وصندوق برنجي
وناس فايقة للحكي والكواسة
ويا ما ناس غنت عابدة للجاه والقروش
وبالسحت والربا الليلة عبوها الكروش
نهبوا العباد سرقوا البلاد اكلوها بوش
ناس والله من صنف الوحوش
وديل يا يمة شلة ولدك عمر الفشوش
***
واظنك يمة سمعت بالبتاع اب ريالة
عبدو البتاع سقط المتاع عبدو الحتالة
عبدو الوزير عبدو الحقيرفاقد الرجالة
بعد ما سرق ونهب البتاع بكل سفالة
ومن فضيحتو البتاع قدم عديل استقالة
والليلة وزيربتاعنا في الزمن الزبالة
وده وليدك عمرالبتاع رقاهو بكل هبالة
والليلة البتاع وزير دفاع وكمان زايد خمالة
وزير دفاع في بلد شبعت عمالة
بلد منكوحة بقوات اجانب في جنوبها وفي شمالها
***
وبدور اسألك فد سؤال امي يا حاجة الهدية
دحين (صراصر) نقلوها لكافور الغنية؟؟
وقالوا البنيات رطبّن فوق العمارات الجبهجية
والوليدات طاروا فوق العلالي و المقامات المنجهية
وقالوا اللبع اصبح حلال بالفتاوي المنهجية
وده كلو في جاه وليدك فاروقنا بعدالتو الهمبتية
عدلو بس للاقارب والبطانات والمعية
والشعب ياكل نارو ( سنة سنتين شوية)*
( ويا بلال عليّ النار والضيق والنار علي
وليك سلامي امي يا حاجة الهدية
واعفي عني ماني قاصدك يا هدية و يا رضية
بدور افش غبينتي الجوّه في الجوف والطوّية
وماني راكب دبابة وشايل بندقية
شايل قولة الحق والصدق بحسن نية
وشايل في كلامي ملامح من قضية
قضية ظلم واضحة فاتت الحد بل عصيّة
والصدق يا يمة ضايع الليلة في خوف الرعية
ما عمر العرور شايل عصا وقنبلية
والبفتح خشمو ما ليهو حق في الشكية
والشكية يمة قالوا لي ابو ايدا قوية
لكن ما في زول مات قبل يومو في الدنيا الدنية
والبقولو الحق قلال والله ما بخافوا الاذية
وكم شهيدا بدمو ناضل وهو ناضل للقضية
وكم مناضل في سجنو كاتل شامخ النفس الابيّة
وكم مهاجر في المنافي لسه ماسك في الهوية
وحواء والدة جابت التاية الشهيدة السمهرية
واقدلي وتلّي ايدك ياشهيدة يا عنيدة يا بنيّة
وسلام عليك امي يا حاجة الهدية
ودعتك الله
واديك صحة واديك عافية
وحجة لمكة العلية
وقولي للمجرم وليدك
ماني امك
وابرا منك
وانت سفاحا محنك
وانت لفاحا محنك
ماني امك
وابرا منك
وابرا منك
يا اذيّة … منقول من الواتس اب
تنمية الإيرادات.ممتاز.
خليك من حكاية النظام العام — الحكومة قصدها شريف من الحكاية دي بس هي عايزة تغيظ امريكا و منظمات حقوق الانسان و ناس مكافحة التميز و الاتطهاد الديني
المهم سنة 2018 هي سنة خمسينية بجدارة – – يعني الحكومة جرت الشعب السوداني 50 زي كوكان 14 في الكوشتينة – و الاسنا في لعبة الوست و اكل الدامة في لعبة الهارت–
نعود لموضوعنا الدولار حا يكون ب 50 جنيه — جالون البنزين ب 50 جنيه – صحن الفول ب 50 جنيه — المواصلات الداخلية ب 50 جنيه — نص ربع كيلو اللحمة ( القمرية ) ب 50 — سد المال للعرووسة 50 مليار جنيه —
الغريبة في زمن الحروب و المجاعات البنات بيرخصن في العرس لكن في السودان سعرن ماشي في زيادة —
50
وكيل النيابة عبدالرحيم الخير لاخير فيه ورجل مخنث وقليل ادب ولازم يتادب من اهل الصحفية الشجاعة حاول اشاغل بي طريقة مبهمة ولمن تصدت له مهيره السودان حاول اسغلال القانون ضد المسكينة علي اي حال نحيّ القاضي الشجاع ونتمني ان يجد هذا المخنث عقابه ولو ان تحرق عربته
حقوا البت دي تعمل ليها بليلة كرامة انه ما عمل فيها زي ما عمل الكوز زميله للامريكية في البار، الناس دي عندها خلل سلوكي و اخلاقي.
عجبتنى هذه الابيات واهديها لمن كان السبب فى كل هذا الشقاء :
منقول
رسالة الباشمهندس ادم ود دارفور الي ام كبار الحرامية الوالدة حاجة الهدية محمد الزين بمناسبة تكريمها من قبل عيالها واحفادها الحرامية برئاسة سفاح البلد وحراميها نجلها عمر البشير
و قولي لي ولدك عمر اب عصاية
عمر الكرور
عمر العرور
عمر الطرور
يا هوي يا وليد خلاص وقف كفاية
وخاف الله في ناسا تعافر
مدفونة حية للرزق يا دوب تدافر
مضبوحة بشرع المجازر
مكشوشة في دين الكوامر
ومضروبة في جو المخافر
ومظلومة في جوف المقابر
ومطرودة في كل المهاجر
ومنهوبة بالدجل المشاتر
ومذلولة بصلف العساكر
ومغدورة بشرع الخناجر
ومرهوبة بكضب العناتر
قولي لولدك عمر
هذا العرور المعتبر
الكنت قايلاهو انضف من قمر
وكنت قايلاهو مهدينا المنتظر
أوكنت قايلاهو المك نمر
لكن يمـّة المولى ما قسملك ابدا ولد
ربما خلوا التبيعة
عكس قانون
الطبيعة
ودفنوا في الارض الولد
وجانا من سرق البلد
لم يلد ولم يفد
هذا الكرور المستبد
هذا الجبان المرتعد
عمر المشير المعتبر
عمر البشير الما بشر
عمر العساكر والكجر
عمر المفاسد والغجر
قولي ليهو يا وليد وقف كفاية
الوطن ماهو حوش بهايم للسعاية
وارواحنا ماها لعبة هواية
ودم الناس ماهو موية سقاية
يا وليد يا هوي كفاية
قولي ليهو:
ماعافية منك
ماني امك
وابرا منك
وكيف تداري الليلة ذنبك
يوم تموت وتلاقي ربك
وماني قايلاك سفاحا محنك
وماني قايلاك سراقا وليك فنك
يا ضنايا
قايلاك راجلا زول مكارم
شايل الناس في الحنايا
بفرح الايتام بعطفو
وبديهم الحب والعناية
وقايلاك راجلا
بشبع الناس الجعانة
بستر الناس العرايا
وقايلاك راجلا
حقاني في ساعة المظالم
بدي للمظلوم حماية
وقايلاك راجلا
ما بتكضب ما بتنافق
دينو اصلي مو دعاية
وقايلاك راجلا
في كلامك في سلامك
فنجريا فضلو باين بالعطايا
يا ضنايا
ضاع شقايا
وطال اذايا
ووب عليك من دم الضحايا
وحق يتيما انت شارب دم ابوهو
وانت اشنع من عدوهو
شوقو للعيد والهدايا
فاقد الريد والمحنة
فاقد الحب والرعاية
وبكرة برسب في القراية
ولكن ماهو ناسي دم ابوهو
وتارو والع في الحنايا
ووب عليك يا جنايا
من حق معذب في سجونك بالوشاية
ما بخلي حقو ابدا في النهاية
وحق مشرد بفنونك في الخطايا
وبكرة جاي من جمر المنافي
زعلو وافي وكيلو وافي
وديمة قادل في المنايا
يا هوي يا وليد وقف كفاية
ما عافية منك
ماني امك
وابرا منك
وماك طالع من حشايا
واسأليه يمة
عن كتلة الشفع صغار في العيلفون
وكيف دمعة ام فقدت حشاها شويفعا دريفون
والدمع سال مطر دافق هتون
مالي العيون
وكيفن ولدك كتال الرقاب عامل حنون
اهدى للشفع حلاوة
حلاوة من طعم المنون
هذا المشير هذا الحمار
رصاصو ولع في الدرافين الصغار
باسم الله كبر
وجاهد عمر الحمار
وسال الدم ركب والبحر زاد احمرار
واليوم قد كان عيد الضحية
وكانوا شفعنا الضحية
وليدك عمر اهدى للشفع ودار
شان رفضوا الحرب رفضوا الدمار
والليلة عامل فيها حمامة للحب والسلام
ونافش ريشو في نيفاشا فاروقنا الهمام
وصدق انو صانع الحب والوئام
بعد ماكان بشجع لعبة الموت الزؤام
يا سلام من كضب جاب الطمام
ويا سلام من دجل ساكن النظام
ويا سلام من عفن راكز تمام
ويا سلام يا سلام من هذا السلام
قولي ليهو : ماني امك
ما عافية منك
وابرا منك
***
اسمعيني يمّة الهدية
انت عارفة الدنيا فانية
ولينا مكتوبة النهاية
والله عارف والله شايف
كل ما كان في النوايا
والدين يا يمه قالوا النصيحة
والسترة ديمة بارياها الفضيحة
واتى يمة بتعرفي الله
وبتخافي الله
وبترضي بالكلمة الصريحة
وتب ما بترضي بالفعلة القبيحة
والليلة عندي ليك اخبارا ما مريحة
في دولة وليدك عمر هذا التليحة
دولة الدين المخستك والشعارات القبيحة
وفي كل يوم تغرب شمس
وفيها تسمع كم من فضيحة
وان شاء الله يمّة متابعة اخبار السياسة؟
وعارفة حالة البلد الليلة زي صاج العواسة
والشغلة لا طايوق لافهم
كسرة شايطة وحالة زايطة
جايطة زي كوم كناسة
ولا زلنا في سوق النخاسة
باعونا في كل المواسم
بالاحابيل والخساسة
والفساد والعفن الليلة قد طال السياسة
ونظام الزفت الليلة زايد في ا لنجاسة
عايز ليهو مشاطة وصندوق برنجي
وناس فايقة للحكي والكواسة
ويا ما ناس غنت عابدة للجاه والقروش
وبالسحت والربا الليلة عبوها الكروش
نهبوا العباد سرقوا البلاد اكلوها بوش
ناس والله من صنف الوحوش
وديل يا يمة شلة ولدك عمر الفشوش
***
واظنك يمة سمعت بالبتاع اب ريالة
عبدو البتاع سقط المتاع عبدو الحتالة
عبدو الوزير عبدو الحقيرفاقد الرجالة
بعد ما سرق ونهب البتاع بكل سفالة
ومن فضيحتو البتاع قدم عديل استقالة
والليلة وزيربتاعنا في الزمن الزبالة
وده وليدك عمرالبتاع رقاهو بكل هبالة
والليلة البتاع وزير دفاع وكمان زايد خمالة
وزير دفاع في بلد شبعت عمالة
بلد منكوحة بقوات اجانب في جنوبها وفي شمالها
***
وبدور اسألك فد سؤال امي يا حاجة الهدية
دحين (صراصر) نقلوها لكافور الغنية؟؟
وقالوا البنيات رطبّن فوق العمارات الجبهجية
والوليدات طاروا فوق العلالي و المقامات المنجهية
وقالوا اللبع اصبح حلال بالفتاوي المنهجية
وده كلو في جاه وليدك فاروقنا بعدالتو الهمبتية
عدلو بس للاقارب والبطانات والمعية
والشعب ياكل نارو ( سنة سنتين شوية)*
( ويا بلال عليّ النار والضيق والنار علي
وليك سلامي امي يا حاجة الهدية
واعفي عني ماني قاصدك يا هدية و يا رضية
بدور افش غبينتي الجوّه في الجوف والطوّية
وماني راكب دبابة وشايل بندقية
شايل قولة الحق والصدق بحسن نية
وشايل في كلامي ملامح من قضية
قضية ظلم واضحة فاتت الحد بل عصيّة
والصدق يا يمة ضايع الليلة في خوف الرعية
ما عمر العرور شايل عصا وقنبلية
والبفتح خشمو ما ليهو حق في الشكية
والشكية يمة قالوا لي ابو ايدا قوية
لكن ما في زول مات قبل يومو في الدنيا الدنية
والبقولو الحق قلال والله ما بخافوا الاذية
وكم شهيدا بدمو ناضل وهو ناضل للقضية
وكم مناضل في سجنو كاتل شامخ النفس الابيّة
وكم مهاجر في المنافي لسه ماسك في الهوية
وحواء والدة جابت التاية الشهيدة السمهرية
واقدلي وتلّي ايدك ياشهيدة يا عنيدة يا بنيّة
وسلام عليك امي يا حاجة الهدية
ودعتك الله
واديك صحة واديك عافية
وحجة لمكة العلية
وقولي للمجرم وليدك
ماني امك
وابرا منك
وانت سفاحا محنك
وانت لفاحا محنك
ماني امك
وابرا منك
وابرا منك
يا اذيّة … منقول من الواتس اب
تنمية الإيرادات.ممتاز.
خليك من حكاية النظام العام — الحكومة قصدها شريف من الحكاية دي بس هي عايزة تغيظ امريكا و منظمات حقوق الانسان و ناس مكافحة التميز و الاتطهاد الديني
المهم سنة 2018 هي سنة خمسينية بجدارة – – يعني الحكومة جرت الشعب السوداني 50 زي كوكان 14 في الكوشتينة – و الاسنا في لعبة الوست و اكل الدامة في لعبة الهارت–
نعود لموضوعنا الدولار حا يكون ب 50 جنيه — جالون البنزين ب 50 جنيه – صحن الفول ب 50 جنيه — المواصلات الداخلية ب 50 جنيه — نص ربع كيلو اللحمة ( القمرية ) ب 50 — سد المال للعرووسة 50 مليار جنيه —
الغريبة في زمن الحروب و المجاعات البنات بيرخصن في العرس لكن في السودان سعرن ماشي في زيادة —
50
العمل على إرضاء الله وحده
يجوز ان تقول احب الله و رسوله و لكن العمل لارضاء الله عبادة لا تجوز الا لله وحده
يقول شاعر الشعب مخاطبا الشعب السودانى ويطلب منه ان بعلمنا كيف نمشى “علمنا الرماية …والحجى والقراية … والمشى بى مهابه … فى الضحى والظلام.) نحن تعلمنا من الشعب السودانى المعلم ان نمشى فى مهابة فى كل الاحوال والاوقات نمشى بثقة مرفوعى الرأس . اما هولاء الابالسة الاقزام الظلاميين فسوف تمتد ايد الغبش وتتش عين ظلامهم بالوضوء الساطع ضوء الثورة والوعى . الغد للحرية والجمال واطفال اصحاء.
طيب ما اهو بنات الفنون الشعبية بيرقصن ويقلبن
وناس الحكومة بيبشروا فيهن موثق في القنوات
الفضائية خليك من بنات الفنون الشعبية الرئيس
زاااتو قاعد كشف فاضحنا في العالم كله يعني شنو
واحده محتشمه ومشيتها فيها إثارة قد تكون
تركيبة جسمها هكذا وليس كما فسرها هذا المريض
الشعب ده بستاهل اكتر من كده لانه جزء من المشكلة
هههههههههههههههاالله يجازي محنك يا جبرا
في بداية عهر الإنقاذ تحرش النائب العام نمر بالأطباء في ولاية الجزيرة تحديداً في مدينة وادمدني . حيث تعرض أحد الأطباء للضرب داخل المستشفي أثناء أداء وظيفته بواسطة عاهرة مشهورة تدعي صفية كلاي في ذلك الزمان و تم فتح بلاغ بواسطة الطبيب فما كان إلا أن حضر النائب العام نمر و القي القبض علي الطبيبو ترك العاهرة تذهب لحال سبيلها !
نفذ الأطباء إضراب مفتوح مطالبين بسجن العاهرة و نقل النائب العام نمر فوراَ ولقد كان حيث تم نقل نمر و سجنت العاهرة
في حالة هذا النائب العام يجب وقفه عن العمل فوراَ و تقديمه لمحاكمة و سحب شهاداته إن وجد مذنباً وعلي المتضررة رفع قضية تعويض ليكن ذلك النائب العام عبرة لأنصاف الرجال .
يا استاذ قلنا ليك كسراتك دي ازبلها واشرب مويتها ما حد جايب خبر لو بقيت زي حسن عطية صاحب الكسرات ما في طريقه اللهم الا غترت مشيتك وكسرت تلج شديد للمسعولين !!!
(ودّعْ هريرة َ إنْ الركبَ مرتحلُ، وهلْ تطيقُ وداعاً أيها الرّجلُ؟
غَرّاءُ فَرْعَاءُ مَصْقُولٌ عَوَارِضُها، تَمشِي الهُوَينا كما يَمشِي الوَجي الوَحِلُ )
ياربي لو كان الاعشي في زمنا هذا كان الجماعه عملوا ليه شنو؟
ايها الاردوغان المحترم
تحية طيبة مباركة
لك منا كل الاحترام والتقدير
نشهد لك بانك مؤسس تركيا الحديثة وبالعظمة والشرف والامانة وكل ما هو جميل في ادارة البلاد والحكم الراشد…
لكن قبل اي اندفاع للتعامل مع السودان في ظل هؤلاء.. عليك مراجعة كل قضايا الفساد والتي عرفها القاصي والداني من ٤٠ مليون في ذمة ومسئولية علي الحاج وبيع خط هيثرو وقضية الاراضي وغسان ومكتب الوالي ونهب ملايين الدولارات من قبل شركات ادويتهم وقضية شركة الاقطان وسرقة ٢٥ مليون دولارات في ذمة المتعافي عند تأسيس مصنع سكر مشكور! وبيع الخطوط الجوية السودانية الي الشركة الكويتية وهذه القضايا وما وصل للراي العام وما خفية كان اعظم!! وتأكد أن اي إجراء مالي يخص هذه الحكومة وراءه فساد!
كل هذا دون مسائلة احد.. وأسأل كل فرد فيهم من اين لك هذا!! اسألهم عن ٧٠ مليار من عائدات البترول! اسأل دولة قطر عن التعامل مع هؤلاء..
شوف ملف حقوق الفقراء والانسان في السودان! شوف ملف القتل والظلم! اذهب الي السجون لكي تري الشرفاء في هذه البلد!!
تحقق بنفسك عن ما تدعيه المحكمة الجنائية وعن عدد القتلا والحرق في جنوب السودان أولا ثم دارفور ثانية مرورا بقتل المتظاهرين في 2013….
وانت الآن تتحدث عن ١١ مليار استثمارات سوف يتم سرقتها ايضا وسوف توزع لاتباعهم في شكل عطاءات ومناقصات وسفريات وسيارات وكورسات ورواتب الخ.. الدنيا فالته ومافي كبير ومافي مسئول ومافي ضمير ومافي قانون
نرجو التراجع بالكامل او الحذر وأسأل الصين ايضا من الاستثمار في السودان في عهد هؤلاء وأسأل وزير الاستثمار نفسه عما يحدث في هذا الملف……………..
وسوف تحسب كل هذه الأموال في النهاية علي هذا الوطن المغلوب علي امره………
قبل الاندفاع عليك أن تعلمهم معني الوطن والشرف والامانة وأن تستثمر في ضمائرهم أولا ……………….
(ودّعْ هريرة َ إنْ الركبَ مرتحلُ، وهلْ تطيقُ وداعاً أيها الرّجلُ؟
غَرّاءُ فَرْعَاءُ مَصْقُولٌ عَوَارِضُها، تَمشِي الهُوَينا كما يَمشِي الوَجي الوَحِلُ )
ياربي لو كان الاعشي في زمنا هذا كان الجماعه عملوا ليه شنو؟
ايها الاردوغان المحترم
تحية طيبة مباركة
لك منا كل الاحترام والتقدير
نشهد لك بانك مؤسس تركيا الحديثة وبالعظمة والشرف والامانة وكل ما هو جميل في ادارة البلاد والحكم الراشد…
لكن قبل اي اندفاع للتعامل مع السودان في ظل هؤلاء.. عليك مراجعة كل قضايا الفساد والتي عرفها القاصي والداني من ٤٠ مليون في ذمة ومسئولية علي الحاج وبيع خط هيثرو وقضية الاراضي وغسان ومكتب الوالي ونهب ملايين الدولارات من قبل شركات ادويتهم وقضية شركة الاقطان وسرقة ٢٥ مليون دولارات في ذمة المتعافي عند تأسيس مصنع سكر مشكور! وبيع الخطوط الجوية السودانية الي الشركة الكويتية وهذه القضايا وما وصل للراي العام وما خفية كان اعظم!! وتأكد أن اي إجراء مالي يخص هذه الحكومة وراءه فساد!
كل هذا دون مسائلة احد.. وأسأل كل فرد فيهم من اين لك هذا!! اسألهم عن ٧٠ مليار من عائدات البترول! اسأل دولة قطر عن التعامل مع هؤلاء..
شوف ملف حقوق الفقراء والانسان في السودان! شوف ملف القتل والظلم! اذهب الي السجون لكي تري الشرفاء في هذه البلد!!
تحقق بنفسك عن ما تدعيه المحكمة الجنائية وعن عدد القتلا والحرق في جنوب السودان أولا ثم دارفور ثانية مرورا بقتل المتظاهرين في 2013….
وانت الآن تتحدث عن ١١ مليار استثمارات سوف يتم سرقتها ايضا وسوف توزع لاتباعهم في شكل عطاءات ومناقصات وسفريات وسيارات وكورسات ورواتب الخ.. الدنيا فالته ومافي كبير ومافي مسئول ومافي ضمير ومافي قانون
نرجو التراجع بالكامل او الحذر وأسأل الصين ايضا من الاستثمار في السودان في عهد هؤلاء وأسأل وزير الاستثمار نفسه عما يحدث في هذا الملف……………..
وسوف تحسب كل هذه الأموال في النهاية علي هذا الوطن المغلوب علي امره………
قبل الاندفاع عليك أن تعلمهم معني الوطن والشرف والامانة وأن تستثمر في ضمائرهم أولا ……………….