قال الناطق الرسمي باسم حزب البعث العربي الاشتراكي، عادل خلف الله، إن نائب رئيس مجلس السيادة محمد حمدان دقلو (حميدتي) يُحاول أن يطرح نفسة مُخلصاً للسودان.
وجاءت تصريحات خلف الله عقب مُقابلة بثتها الـ”بي بي سي” مع (حميدتي) تحدث فيها عن الأوضاع التي تمر بها البلاد ونيتهم لتسليم السلطة وخروجهم من مضمار السياسة.
شدد خلف الله على ضرورة شروع نائب رئيس مجلس السيادة في اقناع من تحالف معهم على تقويض الانتقال بالاعلان عن خطوات عملية بتسليم السلطة لممثلى الشعب ودون مراوغه بدعاوى “اتفقوا” ـ بحسب تعبيرة.
وتابع “على حميدتي أن يقوم بذلك بدلا عن تقمص مشهدية المنقذ”، واشار إلى أن الخطاب الذي بثته فضائية بي بي سي حمل عدداً من التناقضات”.
نبض السودان
سلموها لحميدتي يمكن ينجح فيما فشلت فيه الأحزاب و العسكر
في النهاية حتمشي ليهو لانه اكثر زول واقعي وشغال صاح كان بقى ابليس عديل انتو حتعملوا شنو عشان توقفوا التقدم بتاع الزول ده، الما قاعد يشوف التقدم القاعد يحققه الزول ده الى اعمى ومابقول الحاجة دي حبا لكن فعلا الزول ده قاعد ينجز لنفسه كل يوم حاجه على عكس كل الاحزاب و الشخصيات حميدتي طالع بسرعة الصاروخ.
كل يوم الزول ده بتخ طوبه في البناء بتاعو وفي النهاية حيحقق مراده لانه زول شغال على نفسه صاح.
خطوات عملية لتسليم السلطة لممثلي الشعب
عن أي شعب يتحدث الخرف عادل خلف الله
ممثلي شعب غير منتخبين ولم يصوت لهم احد
عادل خلف الله خلي العوارة وكلام الهبل بتاعك ده
ماتخلينا نضحك فيك ساكت
من هم ممثلي الشعب
ابعدوا انتم البعثين من المشهد السودانى – وسيكون السودان بخير – حزبكم لا يتماشى مع ثقافة المجتمع السودانى ولا طرحكم سيحل قضية السودان فى يوم الايام وكذلك اخوانكم الشيوعيون – انتم سبب مشاكل السودان متى تصلوا الى الوعى و الادراك بانكم ليس لديكم قاعدة فى السودان تاهلكم لقيادة هذا البلد الذى يتكون مجتمعة من ثقافات و عرقيات مختلفة و اغلبها ترفض لمجرد عربى او شيوعى – كونوا سياسين سودانين بلا حزب سيتقبلكم الشعب