عمر الأمين: لو لاقيت طه سليمان حأقول ليهو (أرحم نفسك من كلام الناس)
إعداد: وسام أبوبكر
عمر الأمين يقول: (لو لاقيت الفنان الشاب طه سليمان حأقول ليهو الشكل الظهرت بيهو السنة دي في (أغاني وأغاني) شكل غير مقبول اجتماعياً لأنه اللبس بتاعك ما بتناسب مع نظرة المجتمع ولا الألوان كمان بتتناسب وحتى إستايل شعرك أمر مرفوض ولا يتناسب مع سنك، كمان يا ريت تكون متابع الحديث الذي يكتب عنك في الوسط الإعلامي وجميع وسائل التواصل الإجتماعى الأخرى عشان تقدر تستفيد، وكمان حاقول ليك: ارحم نفسك من كلام الناس).
السوداني
وبرضو ما تنسى تقولّو “العقد الملوّن” اللابسو فى ايدك اليمين دا شنوووو!تكونش “سبحه” لذكر الله واستغفاره فى رمضان الكريم..(بعد انتهاء الفاصل الغنائى)
* يا ناس يا شر بطّلو أرر” كفايه بأه..الراجل تقبل نصيحة الناصح وهيبطّل يعمل كوول الانتو موش عايزينو! ان شاء الله.
وأنا لو كنت طه سليمان( مع أنى لا أعرفه ) حأقول ليهو طظ فيك وفى الناس, عالم عايشة فى خواء عجيب.
وهل يحكم على المرء بما يلبس؟ وهل أولئك اللابسون القفطان والعمامة و السروال الطويل و الذقن الكثة … هل هم بالضرورة من أفاضل الناس كما نرى كل يوم؟
المظاهر بقت خداعه انظروا الى جوهر الانسان لانو كثير من الناس صاروا يستفيدوا من تقيمنا لبعضنا البعض بالمظهر وصار المظهر نوع من انواع النصب والاحتيال على البعض الذين ينخدعون به وما اكثرهم لذا يجب التركيز على الجوهر وليس المظهر حتى لا ننخدع ونقع فى مالايحمد عقباه وكما ورد فى الحديث ( حديث أبي هريرة -رضي الله عنه-: “إن الله لا ينظر إلى أجسامكم، ولا إلى صوركم، ولكن ينظر إلى قلوبكم”
نعم الجوهر مهم ولكن المظهر المحترم مطلوب ويعكس ضخصيتك
ياجماعه الخير قسم بالله الى الان مالاقاني ولا فنان سوداني من الفنانين الشباب بفهم في لبس الماركات والدليل ركزو في لبس طه اللي في الصورة معليش على الكلام ياجماعه السودان بلد مستجد نعمه واللي بلبس احمر واصفر ناسنا المساكين بيتخيلو إنّو توب ورقم واحد في اللبس فأنا رأيي إنّو الناس أحسن يكونو في هم معاناتهم اليوميه ناس الكهربا جات والمويه قاطعه ويسيبو اللبس لي ناسوا وشكرا
عمرالأمين دا منو كمان !
عمر الأمين ده منو؟
السودانيين بطبعهم معقدين وبحشروا نفسهم فى كل شئ….أنا شخصيا لا أحب المدعوا طه سليمان كفنان ولكن هو حر يلبس كما يشاء.
فى السودان اذا لبست بدله وكرفته يقولوا ليك شوف ده خانقها كيف واذا لبست عادى يقولوا شوف المقطع ده بالله…..ولو مشيت عريان يقولوا البلد إتملت مجانين.
اللبس شئ شخصى حتى لو الواحد لابس الوان غير متناسقه لا يحق لنا ان نصححه.
يا شباب إستثمروا وقتكم فى المفيد
يا جماعة الخير الراجل مطرب وفنان وصاحب مزاج لا هو مداح ولا هو منشد ديني ولا هو يتلي القرآن .. دائماً الفانانيين لهم مزاجهم الخاص .. خلوهو على راحتو ما دام هو مرتاح .. ولو ما عاجب زول أقفل التلفزيون .. عمر الأمين دا منو؟
السلام عليكم
رمضان كريم
إخوتي الدنيا رمضان و ما لازم عشان موضوع انا شخصيا بشوفه تافه نقعد نشتم في بعض من هو طه سليمان و من هو عمر الامين ؟
و بعدين موضوع اللباس ليس حرية شخصية كما يقال
لا و الله مظهرك جدا مهم امام المجتمع .. ما ممكن البس لي بنطلون احمر و قميص اصفر مرسوم فيه ميكي و لا تويتي و أقول انا راجل
المعذرة في هذه الحالة عليك بمراجعة نفسك .. اما بالنسبة للاخ الببقول على الجلابية قفطان و يسخر من الذقون و السراويل
اقول له الله يهديك في مصيبتك و يبعدك عنا إنت و أمثالك من المتعولقين
سلام
ياخي هو حر يلبس زي ما عايز
السودانيين ديل معقدين بشكل
الدكتور منصور خالد بلبس قمصان مزركشة الفنان ابراهيم الصلحى بلبس قمصان مزركشة جيل السبعينات والثمانينات بكامله كان بلبس شارلستون وقمصان أفريقية صارخة الالوان وآخر خنفسة وآفرو واليوم الجلاليب والعمم والطواقى بقت ملونة ومزركشة دراويش حمدالنيل لابسين مزركش وعاملين شعرهم راستا زى بوب مارلى, أها العالم دى كلها فقدوا رجولتهم بعد ما لبسوا مزركش وملون !!, على العموم هذه أفضل وسيلة لقياس تدنى الذكاء لدى بعض الناس.
ياخ عليك الله انت كمان ارحم نفسك السودان ده انا لفيتو كلو في ناس بلبسو حزامة بس يعني حاجة زي الوزار وفي ناس بمشو عريانين وفي ناس بلبسو حاجات فيها مية لون وفي ناس شعرهم زي الخرفان الواحد من ولدو ما بكون حلوقو وريحتو تشملها من مسافة فرجاء خلي بالك انو في حاجة اسمها حرية شخصية وهم جابوهو في التلفزيون كده زي ما بجيبو الناس الهدومهم المرقعة بستين لون وشعرهم مفلفل للكتوف وياريد تخلينا نشوف صورتك انت شكلك كيف ورمضان كريم