أخبار السودان
العدل: لن نسمح لأي أجنبي بأن يشتري ويصدر البهائم
الخرطوم: عبد الرحمن صالح
كشف وزير العدل مولانا عوض الحسن النور عن شروع وزارة العدل في تعديل «52» قانوناً لإصلاح الدولة. وأوضح عوض في تعقيبه في ندوة حول قانون الشركات أمس، أن التعميم الذي أصدرته الوزارة بحظر الأجانب من المساهمة في الشركات العاملة في مجال التجارة والاستيراد والتصدير ناتج عن سياسة وليس بقانون، وذكر أنها مسألة متعلقة بمشاركة الأجانب في السودان في أشياء لا تخصهم.وقال: «لا يمكن أن نسمح لأي أجنبي بأن يشتري بهائم ويقوم بتصديرها، أو يقوم بتجارة قطاعي في سوق من الأسواق»، مؤكداً عدم تدخلهم في أي عمل تم إنشاؤه بإجراءات قانونية.
اخر لحظة
حيرنا العالم مرة الاستثمار مفتوح للاجانب وتصريحات ووزاء استثمار يطاقشوا في المطارات بحثا عن مستثمرين ومرة لا نسمح للاجنبي يشتري بهائم !!! تخبط غريب شمل كل مؤسسات الدولة !!! العالم اتخطانا ونحن لسه في عقدة الاجنبي !! الله يستر بس
يا سلام صورة جميلة لدرجة عجيبة
اااااااااااااااااااااه يا السوادن اااه ما عرفناك كويس وما عرفنا ناسك الفيك في كل ربوعك ااااه لكن نقول شنو بس حريقة في الحكام كلهم هم سبب دمارنا ودمارك يا بلدنا الحلوه
بالله يا جماعة ممكن واحد فيكم يوريني الصورة دي وين والناس الطيبين ديل وين في السودان؟
أوقفوا تصدير أناث البهائم فوراً وإصدار قانون صارم ورادع على كل من تسول له نفسه في تصدير الإناث .
نريد تعريفا واضحا لكلمة اجني…. وهل البهائم تعني الضمائر الخربه… ام اهل…..( ان هم كالانعام بل هم اضل)
what about QATAR
قرار جميل ومتاخر جدا , والاناث فعلا مفروض ما تتصدر الناس البتكلمو عن المستثمر وعقدة الاجنبى , تعالوا السعودية وشوفو العقد على اصولها , وجودك اصلا لازم بكفيل يتحكم فى كل تحركاتك تقريبا , ما عندك حق امتلاك اى شى تفتح محل لاى حاجة ما باسمك باسم كفيلك والقائمة تطول , الوظيفة الانت فيها مثلا راتبها الفين ريال ومعاك سعودى فى نفس الوظيفة وفى نفس المكتب وطربيزتو لصق طربيزتك وبتعلم فيهو واصلا ما عاوز يشتغل طول اليوم سجاير وقهوة وسندوتشات وساعة عشان يقيف فى المراية يظبط الشماغ والقطرة راتبو تمانية الف ريال .
الصورة فى ولاية النيل الأزرق بالتحديد منطقة قيسان وفى قيسان بل قمنشو
ما كلكم اجانب الجديد شنو البشير ما معروف اصلو من جعل لا وجود لهم في تاريخ السودان وغندور مصري وغازي تركي وبكري اثيوبي جابوهم الفراعنة عشان يبنوا اهرامات الشمال والنئب التاني من شاد وهلم جرا — شدوا حيلكم وعيشوا علي بند الغنائم
يعني بتقصد أنه ما مسموح لأي واحد أجنبي يشترينا ويبيعنا أو يصدرنا- برضوا كويس يعني ح تحافظوا على كرامتنا من الأجانب علشان ما يصدرونا. أنا بصراحة كده كواحد من البهائم مبسوط جدا أنه أول مرة أعرف أنه في واحد من المسئول والمواطنين البهائمين يعمل لمصلحة وكرامة المواطن