ساخر سبيل – النهج (المكاوي)
الفاتح جبرا
في ندوة بثتها قناة النيل الأزرق بعنوان (مستقبل النقل في السودان) عبر برنامج سبت أخضر جاءت ضمن يومها المفتوح للنقل تحدث المهندس مكاوي عوض المكاوي (وزير النقل) عن الجهود التي تبذلها وزارته تجاه تطوير الخطوط الجوية السودانية ولم يخفِ سعادته وهو يتحدث في تلك الندوة عن عدم رضائه لأداء سودانير حيث ذكر أنه ومنذ سبعينيات القرن الماضي بدأت سودانير في التدهور وما ماشة لقدام.. (قالا كده)، وقد سكب سيادته الكثير من (الإنشاء) ليغطي بها هذا العجز الواضح والتدهور البين والفساد الذي ضرب بأطنابه والسرقات التي لم ينجُ منها (موكيت الطائرات) ناهيك عن (محركات الطائرات)!
تحدث سيادته مسوقاً أمانيه وكأنه يعتلي سدة الوزارة منذ أيام لا (سنين) قائلاً (إننا سنبدأ (لاحظ ح يبدأ) برؤية جديدة مبنية على تنمية الموارد البشرية عبر هيكلة سودانير وتغيير نظام التعيين الذي كان يتم عن طريق العائلات ولن تحل مشاكل سودانير إلا بنهج مركب سيدنا نوح)!
أها العبد لله (حتة) نهج سيدنا نوح ده قدر ما وداهو جاي وجاي ما عرف المقصود منو شنووو؟ قلت لنفسي الأمارة بالسوء أن (عمنا مكاوي) ربما فكر وقدر ووجد أن أسباب تدهور (سودانير) يعود إلى عدم إتباعها لنهج الأنبياء وتحديداً (سيدنا نوح)؛ لذا فإن الحل عنده هو أن يحمل في متن (سودانير) من المضيفين والمضيفات زوجين ومن الملاحين الجويين والملاحات زوجين ومن الطيارين والطيارات زوجين إلخ (من المؤمنين طبعن) لتنطلق سفينة (مكاوي) لا تبالي بالرياح ولا تقف إلا وقد بزت نظيراتها من شركات الطيران!
ونحن على هذا الحال والدعوة إلى إتباع نهج الأنبياء في تسيير مرافق الدولة ربما يحذو حذو (مكاوي) آخرون يرون أن حال وزاراتهم ومؤسساتهم لن ينصلح إلا بتفعيل هذا النهج فيدعو وزير الثروة الحيوانية إلى إتباع نهج (النبي صالح)، كما يدعو وزير المالية إلى إتباع نهج (النبي سليمان) ووزير المعادن إلى إتباع نهج (النبي داؤود)!
? إلى هنا عزيزي القارئ ما قصرنا معاك وونسناك وجاءت لحظة تناول الدواء (الاحترازي) فقم وتناول حبوبك وعد لمواصلة قراءة ما صرح به (سعادتو مكاوي) عندما تم سؤاله عن خط هيثرو!
? خلاس؟ متأكد إنك بلعتا حبوبك؟ أنا شخصياً ما مسؤول…
طيب.. السيد الوزير رد قال: بعد أن نعمل طائرات أولاً «بعدين أسالونا عن خط هيثرو»!!
? ما قلتا ليك لو ما بلعتا الحبوب كنتا رحتا فيها!
أنظرو بالله عليكم إلى هذا (الربط) العجيب بين شيئين لا رابط بينهما البتة… هب يا سعادة الوزير أننا قد تركنا (الطيران ذاااتو) فهل يعني ذلك تتركوا أمر استعادة (خط هيثرو) وبالعدم (قروشو) التي دخلت (جيوب قريش)؟!
طيب موافقين.. إنو نجيب طيارات أول وبعدين نسأل من (هيثرو) أها يلا ورينا يا سعادتك نسأل (بعد الطيارة الكم؟)، السيد مكاوي يا سادتي الأفاضل يرى بأن (هيثرو) لا فائدة منه ما لم تكن لدينا طائرات (وكان الاتسرق الينسرق) وهذا لعمري نهج جديد في إدارة ممتلكات الدولة (نموت ونعرف) لأي من مناهج الأنبياء ينتمي.
إن كان هذا رد وزير النقل فلن (نستغرش) إن تمت سرقة و (لهط) أجهزة إحدى المستشفيات (الجديدة) وكان رد السيد وزير الصحة:
? كدي خلو أول حاجة المستشفى يقوم!
كسرة:
بعض الذين هم في سن السيد الوزير (كم وتمانين سنة) يجعلون لهم وصياً.. أما هنا فهم أوصياء على شعب بأكمله.. (هو أنحنا متخلفين من هين؟)!!
? كسرة تصريح النائب العام: (لا حماية لفاسد ولا كبير على القانون)… في انتظار ملف هيثرو!
كسرة جديدة لنج: أخبار كتب فيتنام شنو (و) يا وزير المالية ووزيرة التربية والتعليم شنو(و)… (ليها خمسة شهور)
? كسرة ثابتة (قديمة): أخبار ملف خط هيثرو العند النائب العام شنو؟ 94 واو – (ليها سبع سنوات وعشرة شهور)؟
? كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو؟ 53 واو (ليها أربع سنوات وخمسة شهور)
الجريدة
يا استاذ خلى الناس فى لهطه، تلقى قروش هيثرو دى زمان راحت و لهطوا غيرها كتيييير، سمعت بى قميص عامر اقصد جبل ،
يا استاذ الفاتح ما تعمل لينا كسرة جديدة تورينا قروش البترول والذهب التى
لا تدخل ضمن الميزانية بتمشى وين ؟
وكسرة أخرى هاتك عروض العزارى الذى هرب خارج الدولة بمساعدة نافذ واخبار
الذى ضمنه شنو؟
وكسرة أخرى اخبار المليون سائح الصينى والذى اتضح انهم اصحاب سوابق وسجون
والان هم يعيشون فى وسطنا دى سياحة ولا استوطان عديييييل كدا؟
وكسرة أخرى اخبار ميناء بورتسودان شنو والتى قيل انها بيعت وقبض ثمنها واين
ذهب ثمنها ؟
والله يا اخوى الفاتح الكسراة فى زمن الانقاذ مفروض تعمل ليك مجلد تسميه كسراة
المؤتمر الا وطنى
ولو عملت كسرة حلوة كدى وتسأل هل بقى فى زول قاعد فى حوش بانقا حارس الخرابات
ولا كلهم خلاص بقوا فى (كافورى ) لو فى واحد قاعد هناك لسه اعمل فيه خير ووصلوا
للبقية فى تكية العم كافورى ربنا ينوبك ثواب فيه!!!!!
ياخ كتاباتك دي بطريحنا جنس راحة ، بتفش غبائنا فش ……..
ناس كم وتمانين سنة ديل فى كل قطاعات الحكومة وكذلك المعارضة ،،، ما عارف متوسط أعمار ناس الحركات المسلحة كم !
فعلا نحنا ما متخلفين من هين ….. جزاك الله خير كاتبنا العزيز جبرا
الله المستعان
يا سيد / الفاتح جبرة بعد التحية والأحترام , يا اخى فى موضوع له كسرات ولا كسرات ابوعلى وهو لو تذكر كان ” حسن عطية ” لأعـب الهلال فى الستينيات والذى كان مشهورا بالمراوغة التى لا يسلم منها اى لاعـب يواجهه وكان الجمهور يستمتع بمراوغاته للأعـبين وكانوا فى ذلك يهـتـفون ويطلـبون منه مرة اخرى واخرى ان يعاود مراوغة اللأعـب الخصم بـ ” كـسرة يا ابوعـلى ” والكسرة التى اطلبها منك ان تـتـحـفـنا بها هـى كــسرة الصيـنـيـن الذين اسـتـوطنـوا فى السودان وبلغ عـددهـم ملـيون مزارع آسف مليون سـائـح . اول مرة نسمع بأن السـواح بـيـسـتوطـنوا فى الـبلد وما يمرقوا منها وكمان بيزرعـوا فيها.
ههههههههه وبعدين لما كرروا عليه سؤال خط هيثرو قال سيادته الموضود ده لدى المحاكم وعشان كده ما داير اتكلم فيه طيب يا سعادتك من كام سنة الموضوع ده شغال عند المحاكم انتو بتموتوا القضايا بالمحاكم والناس بينسوه ده اسلوب الحكومة
سلام يا فاتح يفتح الله عليك
الكل يعرف ان الذين يمسكون برقابنا مخرفين ولا يدرون ماذا يقولون.. وشبابهم يتمسكون بهم حتى يسرقوا كل خزينة الدوله فى ظل وجودهم. وبعد ان يخرب البلد الكبار ويغنى الصغار ثم بعد ذلك سيردون على أسئلة
الصحافة عن الملفات المطلوبه.
عمك مكاوي ده (كم وتمانين سنة) شكله شويه محترم؛ ما عصرت عليه شديد ياجبرا.
يا استاذ خلى الناس فى لهطه، تلقى قروش هيثرو دى زمان راحت و لهطوا غيرها كتيييير، سمعت بى قميص عامر اقصد جبل ،
يا استاذ الفاتح ما تعمل لينا كسرة جديدة تورينا قروش البترول والذهب التى
لا تدخل ضمن الميزانية بتمشى وين ؟
وكسرة أخرى هاتك عروض العزارى الذى هرب خارج الدولة بمساعدة نافذ واخبار
الذى ضمنه شنو؟
وكسرة أخرى اخبار المليون سائح الصينى والذى اتضح انهم اصحاب سوابق وسجون
والان هم يعيشون فى وسطنا دى سياحة ولا استوطان عديييييل كدا؟
وكسرة أخرى اخبار ميناء بورتسودان شنو والتى قيل انها بيعت وقبض ثمنها واين
ذهب ثمنها ؟
والله يا اخوى الفاتح الكسراة فى زمن الانقاذ مفروض تعمل ليك مجلد تسميه كسراة
المؤتمر الا وطنى
ولو عملت كسرة حلوة كدى وتسأل هل بقى فى زول قاعد فى حوش بانقا حارس الخرابات
ولا كلهم خلاص بقوا فى (كافورى ) لو فى واحد قاعد هناك لسه اعمل فيه خير ووصلوا
للبقية فى تكية العم كافورى ربنا ينوبك ثواب فيه!!!!!
ياخ كتاباتك دي بطريحنا جنس راحة ، بتفش غبائنا فش ……..
ناس كم وتمانين سنة ديل فى كل قطاعات الحكومة وكذلك المعارضة ،،، ما عارف متوسط أعمار ناس الحركات المسلحة كم !
فعلا نحنا ما متخلفين من هين ….. جزاك الله خير كاتبنا العزيز جبرا
الله المستعان
يا سيد / الفاتح جبرة بعد التحية والأحترام , يا اخى فى موضوع له كسرات ولا كسرات ابوعلى وهو لو تذكر كان ” حسن عطية ” لأعـب الهلال فى الستينيات والذى كان مشهورا بالمراوغة التى لا يسلم منها اى لاعـب يواجهه وكان الجمهور يستمتع بمراوغاته للأعـبين وكانوا فى ذلك يهـتـفون ويطلـبون منه مرة اخرى واخرى ان يعاود مراوغة اللأعـب الخصم بـ ” كـسرة يا ابوعـلى ” والكسرة التى اطلبها منك ان تـتـحـفـنا بها هـى كــسرة الصيـنـيـن الذين اسـتـوطنـوا فى السودان وبلغ عـددهـم ملـيون مزارع آسف مليون سـائـح . اول مرة نسمع بأن السـواح بـيـسـتوطـنوا فى الـبلد وما يمرقوا منها وكمان بيزرعـوا فيها.
ههههههههه وبعدين لما كرروا عليه سؤال خط هيثرو قال سيادته الموضود ده لدى المحاكم وعشان كده ما داير اتكلم فيه طيب يا سعادتك من كام سنة الموضوع ده شغال عند المحاكم انتو بتموتوا القضايا بالمحاكم والناس بينسوه ده اسلوب الحكومة
سلام يا فاتح يفتح الله عليك
الكل يعرف ان الذين يمسكون برقابنا مخرفين ولا يدرون ماذا يقولون.. وشبابهم يتمسكون بهم حتى يسرقوا كل خزينة الدوله فى ظل وجودهم. وبعد ان يخرب البلد الكبار ويغنى الصغار ثم بعد ذلك سيردون على أسئلة
الصحافة عن الملفات المطلوبه.
عمك مكاوي ده (كم وتمانين سنة) شكله شويه محترم؛ ما عصرت عليه شديد ياجبرا.
يا اخوانا نقول و نكرر انو النمو العقلي و العاطفي لجماعة المشروخ الحضاري يسير عكس الطبيعة بتناسب عكسي… كلما الواحد فيهم كبر في العمر جهله وطيشه يزيد و كلما زين اسمه بالالقاب و الدرجات العلمية جهالته تكبر …. بس راجعوا تصريحاتهم و سلوكهم …كلما زادوا في العمر زادت الشتارة و زادت البصبصة للسكرتيرات و ضم زوجات جدد …
الشئ الوحيد البزيد و يتناسب طرديا هو الفساد و لهط المال العام
يا اخوانا نقول و نكرر انو النمو العقلي و العاطفي لجماعة المشروخ الحضاري يسير عكس الطبيعة بتناسب عكسي… كلما الواحد فيهم كبر في العمر جهله وطيشه يزيد و كلما زين اسمه بالالقاب و الدرجات العلمية جهالته تكبر …. بس راجعوا تصريحاتهم و سلوكهم …كلما زادوا في العمر زادت الشتارة و زادت البصبصة للسكرتيرات و ضم زوجات جدد …
الشئ الوحيد البزيد و يتناسب طرديا هو الفساد و لهط المال العام