الخرطوم : علي الدالي
كشفت متابعات الراكوبة عن هروب المدير المالي والإداري، لوحدة السدود عبدالعاطي هاشم الفكي هاشم، إلى دولة إسبانيا بتسهيلات من عناصر الدولة العميقة التي لاتزال تعمل في المؤسسات الحساسة.
وأبلغ مصدر عليم الراكوبة أن عبدالعاطي يمتلك قطع أراضي ومنازل فخمة، في مناطق مميزة كما أنه يمتلك مزارع بمناطق الخليلة والفكي هاشم شمال بحري .
وقال المصدر إن عناصر الدولة العميقة قامت بعمل تسهيلات لهروب عدد كبير من المتورطين في عمليات فساد مالي وإداري وغسيل أموال، بالتنسيق مع قيادات متواجدة حاليا بإسبانيا على رأسها محمد أحمد الشايقي مدير شركة زادنا الحكومية المقال.
* نستعيدهم و نحاسبهم إن شاء الله,,,
لماذا هرب
مش قالوا حا يقاضوا منظمة زيرو فساد التي تتهمهم باهدار المال العام واللاعب في سد مروى..
والشئ الغريب ان تراجي مصطفى تهاجم منظمة زيرو فساد كمان… كم دفعولك…
اولاد الحرام لهطوا اموالنا في اراضي الخليلة والفكي هاشم .الف متر حيازات. فوق المائتي قطعة .الالعنة الله تغشاهم في الدارين الدنيا والاخرة.
الانتربول وبس!!!!!!
طبعا قرار حضاري بالغاء تاشيرة الخروج للسودانين .. السؤال لماذا الان ؟ ومن وراء هذا القرار ؟ هل ممكن ان يكون لتسهيل هروب الفاسدين؟العسكر في السيادي بيقوموا بشغل الوزراء ونسوا شغل الامن المفروض هم خبرآء فيه وهذا علي الاقل كانو يدعون
لابد للعسكر ان يقوموا بعملهم ويبطلوا التدخل في عمل حمدوك
يا تجمع المهنين اعلنوا للشعب الخروج لاتمام الثورة الان
يا شباب السودان قوموا الي ثورتكم يرحمكم الله
قسما أينما توجهوا سيعودون صاغرين ذليلين ويا ويلهم يومها
هروبهم دا فى حد ذاته عقوبة
يعنى تلملموا فيها الزمن دا كله و هاك يا مبانى و مزارع و عربيات و اخرتها تجرى تخليهم
عمى الله بصيرتهم و لم يتحسبوا لمثل هذا اليوم
مـذكــرة للأنـتـربــول وخلال أســبوع يـحـضـروه مـكـلـبـش حـتى ولـو ذهــب الى جـزائر الواق الواق .
ما هرب ولا حاجة
الناس دي بتطلع عادي
اصلا مافي زول متهمم او داير يقبضهم
كل قلاداتهم قاعدين
وضباطهم في الجيش او الامن حاكمين
اما الاقاليم كانو ما قامت ثورةد
وبعدين ناس الراكوبة بقوا يحذفو التعليقات
بدينا نشك في روحنا
هرب لان البرهان وحميدتي عاملين اضان الحامل طرشا… لابد للشعب السوداني ان يخرج للشارع لايقاف المهازل والقبض علي الفاسدين المعروفين من هم.. ولابد من تسليم السفاح للجنائيه .. البرهان وحميدتي خايفين من تسليم السفاح لانه سوف يغرد ويورطهم مع المجتمع الدولي
لابد من استمرار الثورة للرجوع بها لمسارها الصحيح. نصف ثورة لن تنقذ البلاد من عفن الكيزان والثورة المضاده خاصة مثلث الشر
يعني هرب .. حيعيش كم سنة ؟ اتنين تلاتة عشرة عشرين … السحت ده بمشي بيه يوم القيامة يعمل بيه شنو .. النار دي ما بتذكروها طبعا .. صراحة الكيزان ديل اجمل مثال ربنا ادانا ليه في حياتنا .. عشان الواحد نهائي ما يمد يده على حق زول .. عبرة لمن يعتبر .. والله غالب