تطبيق صحيفة الراكوبة الالكترونية أصبح متاحاً الآن لهواتف اندرويد .. يمكن التنزيل من سيرفر الراكوبة

تسلموا….تسلموا…ياغاليين.

مبروك يا راكوبة .. بس شوية توضيح بالاندرويد يعني البرنامج البشغل الجوالات زي الجلاكسي عشان الناس ما عارفا الموضوع ده ويا ريت كمان رسم وصور وخطوات توضيحية للوصول الى هذه الالعاب … يا ريت

يا سلام يا رائعين … الراكوبة الوجه الصادق المستنير لكل و اللإعلام اللإلكتروني ..الصدق في الطرح ودقة المعلومة والخير ….كل ذلك جعلكم رائدين في هذا المجال …. وها هي الصورة تكتمل برفع التطبيق على الاندرويد … يا سلام عليكم نحن في غاية الامتنان لكم على ما تقومون به ودائما إلى الأمام

الرجاء رفع البرنامح فى رابط مباشر علما بان القوقل بلى محجوب من السودان

ارفعو في mobile1market
لانو في السودان صعب تنزل برنامج من قوقل بسبب انها ممنوع تتعامل معا السودان التعبان المتهالك دا وشكرا

ملييييييار مبروك راكوبتنا الحبيبة لا أقرأ أيى موقع ءاخر من المواقع الالكترونية الا انت … أتمنى لك مزيدا من النجاحات والتقدم والنزاهة ونبذ العنصرية والجهوية والقبلية ومزيدا من تنوير الناس ولمهم وعدم تفرقتهم وشتاتهم وشكرا لادارتك والقائمين على أمرك وكتابك ومعلقيك وزوارك … الى الأمام وربنا يحفظك … تحياتى …

مليار مبروووووك الي الامام الي الامام ،لكن شخصي الضعيف مقيم في حلال بعيدة اسمها (خلعوها الجماعة) ،
وعندي تلفون (تلاتين عشرة) 3310 فقط لا غير، أها دحين (شنطرويط) ده أشغلو كيفن ،يا راكوبتنا
الحنينة ،كرهتونا الجلاكسي بالفكسي!!

نرجو رفع التطبيق في mobogenie لانو دي منصة تنزيل سريعة وامنة جدا نحو المزيد من التقدم.
وشكرا

******** التحية للمارد العملاق “الراكوبة” ****** بعبع الكيزان ******** مزيد من التقدم و الازدهار ***** الميل يبدا بخطوة ***** ان شاء الله ستصبح الراكوبة يوما ما موسسة كبري للديمقراطية ******** التهنئة موصولة الي جميع الركوباب بما فيهم الجداد اللاكتروني بهذه المناسبة السعيدة ****** و دمتم ******

حتى الراكوبة اندرويد
يا ناس ما حرام عليكم
اها انا شايل نوكيا لوميا في الحالة دي اعمل شنو

يا زول فيها ورق مكان ؟؟؟؟؟؟؟؟؟؟

ما تكون مطبوعة بالحزم المعروضة فوق دي ؟؟

ولا ورق سنار وسنجة داك ؟؟؟؟؟؟؟

نعم الراكوبة فى الايباد مشكلة نتمنى من الإدارة معالجة الأمر …فائق التقدير لتيم الادارة

شكرا راكوبتنا الحبيبة …. و مزيد من التطور. و بشكر الراكوباب الدلونا على مواقع آمنه ننزل منها التطبيق لأنه فعلا قبل يومين حاولت أنزل تطبيق من Google play ما نزل معاي

الراكوبة على الاندرويد بس ياريت لو تورونا كيف سيتم التعامل مع خصوصية المستعملين خاصة الامن المعلوماتى يمكن اختراقه اذا لم تتوفر الحماية الكاملة للمشتركين. فنريد من الراكوبة التوضيح عن الAPP وهل تم تصميمه بصورة لاتحتفظ بمعلومات المشتركين.

ونحنا ناس 3310 ديل نعمل شنو يعنى

شكرا كبيرا” بحجم الوطن اهلنا في الراكوبة , بس رجاء” تطبيق الايفون مهم صراحة في معاناة كبيرة
دمتم ودام نضال الشعب
حرية وسلام وعدالة

قوقل بلى غير متاح فى السودان نسبة للحظر الاميركى وعلى ادارة الراكوبة التعامل مع هذه المشكلة

الرجاء من الاخوة من اراد تثبيت التطبيق من قوقل بلاي ومن الموكد ان الموقع محجوب من السودان استخدام برنامج hotspot shield لكسر الحجب وهو متاح في الماركت بكل سهولة

تممام التمام

نداء هـــــــــام لإدارة الراكوبة
لكم التحية والاحترام ايها الجنود المجهولون لما تقدمونه من خدمة للوطن والمواطن
مزيدا من التقدم والتطور نتمناه ابدا لراكوبتنا وارفة الظل
ندائي لكم اساتذتي :
تعلمون أن الانقاذ بسياساتها الرعناء قد مزقت النسيج الاجتماعي وعمقت في النفوس السودانية الانتماء القبلي و الجهوي والعنصري .
ارجو أن تركز صحيفتنا الراكوبة على إعادة رتق النسيج الاجتماعي وإعادة العلاقات بين افراد الشعب السوداني على ما كانت عليه قبل الانقاذ وذلك بعدم نشر أي مقال أو تعليق به مجرد اشارة لعنصرية قبلية .
كما اوجه ندائي لقراء الراكوبة الأعزاء خاصة الذين يقومون بالتعليق على الاخبار والمقالات ارجوكم الالتزام بالجدية والموضوعية في الطرح والنقد حتى تعم الفائدة .
انا اعلم تماما أن إدارة الراكوبة المحترمة منتبهة تماما لما ناديت به .
دامت الراكوبة ظلا حرا يستظل به كل شرفاء العالم . . . مزيدا من التقدم حتى نحقق غايتنا جميعا

راكوبة
مظلله حياتنا وفوقنا واقفة منصوبة
جوّه القلب قاعدة كلمة حب من رزاز الدم مكتوبة
راكوبة لا عايبة لا معيوبة
قوية في المضمون واقفة علي حيلها مصلوبة
حارينها يوماتي وعندنا مرغوبة
فيها الشاي والقهوة و(كيّف) الرأس المعطوبة
(أزيارا الباردة) منها نشرب بلا (كيزان) مخروبة!
راكوبة
فيها الحق دائماً واضح ..
وصورتو عديل بنشوفها ما مقلوبة
والكلمة فيها زي سيفاً ستيت تجِزْ الرقاب المضروبة
راكوبة
حبناها حب المحب لأحلى محبوبة!