الخرطوم: الراكوبة
إطلع رئيس مجلس السيادة الفريق أول ركن عبدالفتاح البرهان، على مجمل الأوضاع الأمنية والسياسية بولاية وسط دارفور وجهود حكومة الولاية في توفير الخدمات الضرورية للمواطنين وتحسين معاشهم وبسط الأمن والإستقرار بالولاية.
وأوضح والي الولاية أديب عبد الرحمن عقب اللقاء في تصريح صحفي أن اللقاء تطرق إلى موضوع نقل مقار الوزارات الجديدة بمدينة زالنجي وتوفير الإحتياجات والأثاثات اللازمة لذلك، إضافة إلى مشروع طريق “زالنجي _ نيرتتي”.
وقال الوالي أنه قدم تنويرا لرئيس مجلس السيادة حول خطة الولاية فيما يتصل بالمشروعات التنموية والخدمية والأمنية مبيناً أن رئيس مجلس السيادة رحب بخطة الولاية الرامية لإحداث التنمية المنشودة.
وأكد والي وسط دارفور ضرورة تضافر الجهود لإكمال مسيرة السلام والإستقرار والتنمية بالولاية.
خلاص يا السيد الوالي بديت تخبص من قولت تيت. اساس شنو ومقار شنو ياخي شوف ليك قطية همبريبة ضارب واعملا مقر للحكومة بتاعتك ولا عايز تحاكي ناس الخرطوم. حسع الاساس ده يجيبو ليك من وين الصين ولا تايلاند. ياخي ارجو انك تستحي شوية وتشوف اهلك المجدعين في معسكرات الذل والهوان ديل بدل تصرف القربشات البسيطة المخصصة لي ولايتك في حاجات فارغة زي الاساس والمقار . اساس ومقار عشان تحكم بيهو منو. لو كنت في مكانك كنت شفت لي حمار عاتي الف بيهو اليوم كلو اتفقد الناس واشوف الناقص شنو واتمو ليهم من هذه الاموال. اوعك تقع في نفس غلطة ناس الخرطوم ركزو على البرستيج والفشخرة الفاضية والنتيجة كما نراها الان.. لو عايز نخدم بلدك ركز في الناس وحاول تنميهم كبشر واوعدك انو في ظرف خمسة وعشرين سنة زالنجي حتتفوق على لندن.
المحتل الانجليزي كان المدراء تبعه بيركبو الحمير والجمال من الخرطوم لدارفور، اما ده عايز يصرف شوية القروش في الفشخرة الفارغة، عايزين مكاتب فاخرة عشان اليوم كله يكونو قاعدين فيها لا شغلة ولا مشغلة، الخدمة المدنية في السودان عايزة رئيس يكون حايك بسوذ عنج واليوم كله تفتيش وجلد نضيف لأنهم كلهم متسيبين ومرتشين ولصوص