ملاحظات على النشيد القومي السوداني

ما عندك موضوع الناس في شنو والحسانية في شنو؟ هو في شنو ؟خلاص يعني حليتى مشاكلنا كلها بقت على كلمات نشيد العلم؟

انتي في اللغة الركيكة ولا في (ابو) داود البغني نشيد بلادي سنا الفجر للشاعر التني وبيقول نحن شعب الله من مضر !!! ربما التني يزعم ان قبيلته منحدر من قبيلة مضر طيب مافي قبايل منحدرة من ربيعة ومن جهينة ووائل الخ اشمعنى مضر وتعميمها على السودان كل وهل يقبل النوبة والانقسنا والفور واولاد ؟!كوش

عليك الله خلي الفلسفة يا آمنة وانشغلي بحاجات تفيد الوطن بدل انتقاد نشيد الوطن لانو دي بعتبرها في رأي قضية انصرافية. طيب لو انت لو عاملة فيها سليلة سيبويه حللي لينا خطابات بشة الخارم بارم دي ولا اب لغوفة اللمبي الاهبل دا.اقول ليك حاجة انو انحنا نفتخر انو نشيدنا رغم الأخطاء اللي فيهو دي فهو تمجيد للوطن و احسن من اناشيد دول مربوطة كلماته بتعظيم أسماء شخصيات معينة يعني بعد وفاتهم بكون مافي معنى للنشيد بتاعهم وإلا يشوفو ليهم طريقة يغيروا فالحمد لله ع كل حال

كلامك غير موضوعي وغير مرتب يدل علي حالة مزاجية عندك وهذة شي يخصك ممكن في عنون المقال (تقولي حالة مزاجية عن نشيد الوطن ) حتي لم تشرحي شي لغويآ واحد

لم تدرسي اللغة العربية جيدا وأعتقد انك من النقاد الذين ينتقدون اي شيئ، ليس لتصحيح معلومة أو مفهم.
وإنما يحبون النقد لأجل النقد لا غير

وبعدين….المطلوب شنو…..لجنة ثم انتخاب رئيس لجنة واعضاء…ثم مؤتمر يضم الموسقيين وجهابذة اللغة العربية..ومن ثم..انبثاق لجان فرعية..ثم استفتاء…ويدخل البرلمان..ويجى علماء السودان يقولوا رايهم..وناس الدستور..يعلقوا عليه…ويتم التصويت ..وتدين المعارضة وتستنجد بامريكا..وامريكا تهدد بعدم رفع العقوبات ..وتدعمها مصر…وتحتج الحركات المسلحة….وتدخل العروبة والافريقية..كلا من جانب ..ويتهم كلا من الآخر بالعنصرية..وتولع النيران..وتهيج التيران ..وترتفع الاسعار…والدولار..وتزداد العزوبية والعطالة بين الشباب ..,,,,,ووووو…..شفتى حاتودينا وين …ادمسى عليك الله ..نحن عايزنو كدة…؟؟؟

جهد مقدر … ونقاط مهمة تستحق المراجعة والتصحيح والإتقان … وآراء نيرة بشأنها … فلو كل أمورنا وجدت من يتفكر فيها لتحسينها وترقيتها بتمعن كما فعلتي ، لكنا في وضع مختلف الآن …
لا تسمعي قول المحبطين منا ، الذين لا يجتهدون في أمر ولا يتركوا الآخرين يجتهدون .تبقي عافية يا بنتي .

والله ماعندك موضوع يعني مشكلتنا صغيرة كدا بس الحل في اصلاح النشيد

بالله يا استاذه خليهو بي طمبجتو دي . يقوموا يغيروه بينا ب امريكا و روسيا قد دنى عذابها.

تحليل جيد وأعتقد أن اﻷمر قد فات علي كثيرين منذ الإستقلال وحتي اليوم.وفقك الله.

يعني انت يا بت مختار بسلامتك ، ماشاء الله تبارك الله بتصححي أستاذ. الجيل والعالم باللغتين العربية وإلا نجيليزية وصاحب ديوان مع الأحرار ، وشاعر

القصيدة الخالدة ” فينوس ” سبحان الله. عشنا لنري!!!!!!! وهل ه النص الذي اعملتى فيه سكينك الصدئة هو النص الأصلي ؟؟؟؟؟؟؟؟؟؟؟

لايوجد نشيد وكني يمجد الجيش فقط الا في السودان !!!! الجيش وبرغم اهميته التي لاجدال فيها بصفته حامي الوطن والدستور لكن ان تستبعد مكونات الشعب الاخرى فهذا لا يجوز .
كتت اتمنى ان يعبر النشيد الوطني عن الوطن بجميع اطيافه وفئاته
.
بلادي بلادي فداك دمي وهبت حياتي فدا فاسلمي
غرامك اول مافي الفؤاد ونجواك اخر مافي فمي

(1) وقام بتلحينه الموسيقار العقيد أحمد مرجان .. مقتبسا اللحن من معزوفة إنقليزية ..

(2) لأني وجدتها ( لن )* عند البحث عن كلمات النشيد أون لاين .

ما هذا التناقض والازدواجيه فى المعاير يا أختاه تستنكرى اللحن بأنه مقتبس من معزوفة إنجليزيه وفى نفس الوقت لم تجدى كلمه مرادفه فى لغتك العربيه لتحل محل اون لاين بتاعة الانجليز دى.
يا أختاه إنتى لم تتركى بلاغه او سجع او توريه او إعراب لتفندى كل الخلل الموجود وتناسيتى بأن هذا البلد الاسموا السودان نسبة الأميه فيه 78% عشان يجوا يفهموا كلامك ده……ما تمشى بعيد تعالى أدخلى الراكوبه وشوفى تعليقاتنا نحن المتعلمين هردنا فشفاش الزين والذال والغين والقاف كيف لما تدى ربك العجب.

موضوع أديبه خلاص إنتهى وناس الأمن رسلوك علينا عشان تونسينا شويه ولاشنو؟؟؟؟؟؟؟؟؟

اذا عندك نشيد غيره جيبيهو نحن ما ورآنا شئ يعني النميري أحسن منك وقت غير الخرتيت بصقر الجديان و العلم الثلاثي بعلم العرب و الحال يا هو زاتو الحال.

صراحه ملاحظات مهمه جدا? ومنطقيه? وذكيه للغايه ..
ومن ينتقد انتقادك فهو يمارس،عاده سودانية قديمة? اسمها (التشنيف )? .
اقنعني نقدك لهذا النشيد الكارثي لشعب يعشق الاهتمام بالتفاصيل? بعض التفاصيل? وكل التفاصيل? ولا يعرف للاسف التفرقة بين التفاصيل والعموميات?

يديك العافيه? وفي انتظار جديدك

ياناس ياهووووى
الشغلانة بقت على العلم ونشيد العلم
هو وينو الجيش..الدولة..

استشيروا (الفريق اركان حرب مليشيات) حميرتى..والله حميدتى ماعارف..