حميدتي: الفساد سبب رئيس في انهيار الاقتصاد
دقلو: "ما حدث من انهيار في بلادنا بسبب سياساتنا"
الخرطوم: الراكوبة
قال نائب رئيس مجلس السيادة الفريق أول محمد حمدان دقلو “حميدتي”، إن الفساد سبب رئيس في انهيار الاقتصاد.
ودعا حميدتي وفق ما نقلت وكالة السودان للأبناء, لمحاربته من أجل تطور ونهضة البلاد.
وأضاف “ما حدث من انهيار في بلادنا بسبب سياساتنا”.
وشدد على ضرورة تنفيذ اتفاق السلام في دولتي السودان وجنوب السودان، والعمل لتكامل اقتصاد البلدين.
واعتبر بحسب ما أوردت الوكالة الرسمية خلال مأدبة عشاء أقامها على شرف وفد حكومة جنوب السودان اللجنة السياسية الأمنية التي تضم وزراء وخبراء وعسكريين، مساء الثلاثاء، زيارة الوفد الجنوبي عملاً استراتيجياً وبداية تعاون اقتصادي على مستوى الموانئ والمناطق الحرة.
وأكد ضرورة تعاون البلدين فيما يتصل بالإنتاج لخلق روح عمل جادة لمصلحة بلدينا، وشدد على عزم السودان دعم اتفاق سلام الجنوب وتنفيذه، وأشار إلى ضرورة إكمال اتفاق سلام السودان، واعتبر استقرار الخرطوم وجوبا مدخلاً لتكامل اقتصادي لصالح نهضة وتطور البلدين.
في فساد اكتر من انو شركاتكم وشركات الجيش بتكوش على اكتر من تمانين في الدخل وخالين بقية الحرابيش لحكومة المدنيين المهلهلة وبدون خجل تطلبون بمرتباتكم من بقية الحرابيش؟ الفساد انو انت وعايلتك بتملكو مليشيا فوق القانون وفوق الشعب،، وكيف ما يكون مافي فساد مادام البلد الان بيحكما العسكر والميليشيات القبلية وبعض الأوغاد المنتفعين من رجال المال والاعمال
والله افسد منك انت واخوانك نافي قروش متلتلة وانت ابوكم جاء من تشاد في التمانينات مع المجاعة بسفنجة خضراء مقطعة وانت كنت رباطي في طريق الفاشر كتم لغاية ٢٠٠٢ انت واخوانك فتوا البشير واخوانه في الفساد والحرمنة بمراحل والبشير اقلاه اخوانه ما قتلة اي حرامية وفاسدين لكن ما قتلوا لكن انت واخوانك وعشيرتك قتلة سفلة انجاس
أنت أيها الجنجويدي اللص أنت وجنجويدك القتلة والعسكر المجرمين سبب بلاوي السودان وكل ثروات السودان ومقدراته تحت سيطرتكم بعلم الحكومة الضعيفة الهزيلة التي فرطت في مقدرات الثورة ولزمت الصمت لعمل تسويات لأعضاء متواطئون في المجلس الكيزاني والوزراء ولكن الشعب قادر على كنسكم جميعاً إلى مزبلة التاريخ وتقديمكم لمحكمات فساد وقتل فورية !!!
بالله عليك ياحميدتي في فساد اكتر من زول الابتدائيه ماكملها يدوه رتبة فريق اول في الجيش السوداني
والله دي لو لفيت الدنيا كلها مافي دوله بتعمل الكلام ده ..
فساد شنو البتتكلم عنه وانت أس الفساد …………..
أردمو الجنجويد….
# (انت الفساد بعينه).. هههههه…لقد صدقت وانت كاذب!!!
# (انت الفساد بعينه).. لأنك إمبراطور الفساد في السودان…وان كنت غير ذلك..وتملك الجرأة والنزاهة…فاجب علي تساؤلات الشارع السوداني التالية:-
# (انت الفساد بعينه).. من اين لك ..كل هذه المليارات من الدولارات؟؟ والتي قمت بإعطاء بعضها دينا لبنك السودان..وذكرت ذلك علي الملأ.. .وهو مبلغ (١.٧ مليار دولار امريكي)!!!
# (انت الفساد بعينه)..هل لديك إقرار مالي..وهل قمت بإيداع إقرار ذمتك المالية في وزارة العدل!!!؟؟
# (انت الفساد بعينه )…ماهي مؤهلاتك العلمية والعملية التي أصبحت بها (سعادة الفريق اول)!!!؟؟؟
# (انت الفساد بعينه).. ما هي مؤهلاتك العلمية والعملية التي اهلتك لتتولي المناصب التالية:-
@ نائب رئيس مجلس السيادة!!!؟؟؟
@ رئيس اللجنة الاقتصادية الطارئة!!!؟؟؟
@ رئيس وفد الحكومة لمفاوضات جوبا!!!؟؟؟
@ قائد قوات الدعم السريع!!!؟؟؟
# (انت الفساد بعينه)..كم عدد العقارات.. والشراكات التي تملكها في دولة الإمارات العربية المتحدة!!!؟؟؟
# (انت الفساد بعينه)…باي شريعة..واي قانون تستولي عنوة علي ذهب منجم جبل عامر منذ العام ٢٠١٢م…وحتي الان!!؟؟
# (انت الفساد بعينه)…واصبحت مفسدا لكل من حولك!!!
# وان كنت يا حميدتي غير ذلك…فاخرج للشعب السوداني المكلوم والمغلوب علي امره…ودافع عن نفسك…وضع النقاط فوق الحروف!!!
# اصحي يا ترس…لم تسقط بعد!!! بل ازدادت فسادا..واجراما..واحتقارا ..ومهانة!!! سبحان الله ..الفاقد التربوي الفريق خلاء..يتحدث عن الفساد!!!
# ايها الشعب الأبي الكريم….. هبوا اليوم…واصدعوا بكلمة الحق…لاستعادة وطنكم..وثروتكم…وثورتكم..قبل أن تجدوا انفسكم غدا في معسكرات النازحين واللاجئين بدول الجوار!!! وليس ماجري باهل دارفور..منكم ببعيد!!! فالعقل من اتعظ بغيره!!!
# اللهم اني بلغت فاشهد…اللهم اني بلغت فاشهد!!!
انت رأس الفساد، لكن في ثورة شاملة كاملة قادمة، جوع وفقر ومرض وعدم مواصلات، كده خلاص الشعب قدامه يا انتو يا الموت من التعب
يا المدعو منعم العوض تعليقك مافيهو صواب تقول انو حميدتي افسد من ال البشير،ماتخلبك عنصري خليك واقعي وبتعرف الحق،البشير هو افسد وافشل سياسي سوداني على مر التاريخ الم يصرح بعضمة لسانه انو قتلنا في دارفور عشرة الف فرد فقط ولم نقتل تلتمائه وقال كذلك ماديرين اسبر ولا جربج وهي بينه لفظيه ضده لدى المحكمه الجنائيه،والشئ الاهم من هو اللي جاب حميدتي مش البشير يا كوز يا وهم ومن هو اللي اسسه واسس قواته واعطاه هذه الرتبه مش البشير، انكلم كلام زي الناس يازول…
انت غبي؟
الآلاف القال البشير انه كتلهم ديل شال رشاشو و مشى دارفور كتلهم بي ايدو؟
النفذ القتل منو؟
العنصري و التافه البيساعد القاتل في الهروب من العدالة لكن الحق هو ربنا سبحانه و تعالى و كاتل الروح ما بيروح
واللهي ايامك ايام بقيت تفتي كمان في الاقتصاد والعلاقات الدولية ولبست البدلة الغريبة بعد ده كلو عقدتك الداخلية ما انفكت واقول ليك ياباش ما حتنفك . داير اقول ليك تتذكر زمان قصة (فرعون وقلة عقله)
الفي كتب المدارس الاولية اتذكرت انك بتفك الخط يا الله الله وكمان بتكون ما مسكت كتاب زمان .
اسمع ياود دقلو اكان ما عارف اعرف الفساد الوحيد الفي السودان انت ثم انت ثم انت ثم انحنا الشعب السوداني الفضل عارف ليه لاننا مخلينك لحدي هسة . ولو فاكر انو سلاحك وجنجوديك بدعمك السريع قادر علي قهرنا الله هو القادر القاهر وشبابنا ديل ماتنسي كلهم متدربين فك وتركيب سلاح وضرب نار الاهطل الجابك المرمي في السجن ده دربهم اجباري وانت مش جندت جزء منهم الباقين كتاااار
بطل الفهلوة ايامك قريبة باذن الله رجع حق الناس الغلابة الدهب الوديتو للامارات ده العالم بالاطنان راصدوا عالميا بنطرشك ليهو كلو وقروش مكافحة الهجرة غير الشرعية وحق المساكين الجندتهم ورسلتهم اليمن وسوريا وليبيا ديل تحارة بشر وانت التلفون الشايلو ده قايل كبانيتو في ام دافوق ها ها الحق روحك وصالح الشعب با رجاع حقوقو. واقول ليك ما بتحكم السودان كرئيس كان انطبقت السماء علي الارض وانت عارف كده والوضع الوصلتوا ده ابقي عليهو بمصالحة الناس بتوقف فسادك واخذ حق الشعب بالباطل .
الحق روحك .
تمام
لقد أسمعت أن ناديت حيا
نعم, لا خلاف على ذالك.
ويجب القضاء عليه بمن بيدهم السلطة، او يترك الامر لمن يستطيع، قبل ان نقضي عليكما معا.
والله قوة عينك يا حميدتي ما حصلت هو في لساد اكتر من انك تكون عندك قوة عسكرية وانت خريج تانية ابتدائي انت واخوك العنصري القاتل عبد الرحيم؟؟؟ في فساد اكبر من انك تمتلك مليارات الدولارات وانت المقطع انت واهلك؟؟؟
ياشباب بلاش التعليقات الغير موضوعية —-بلاء السودان فى متعلميه الذين أرسو قواعد الفساد منذ أيام سئ الذكر النميرى ودمرو بلادنا بالتنظير —حميدتى صنيعة البشير لااحد ينكر ذلك ولكن للرجل مواقف مشرفة مع الثوره بالرغم من عدم معرفة مدى تورطه هو شخصيا اوقواته فى فض الاعتصام —هو الوحيد العسكرى فى المجلس السيادى االذى موقفه واضح من نظام الجبهه ومغاير لحد ما لمواقف البرهان وكباشى
يا حميدتى لا تنـصت لآصوات الكيزان . هم اكثر الناس كراهية لك لأنك وقفت وقفة رجال وشرف وضربتهم بالشلوت وسوف يذكرها لك التاريخ . لا تـأمن هؤلاء الكيزان فهم يـدبرون لك المكائـد ولن يفرحـوا الا بموتــك . انت راجل بطل وما بيتخاف من الموت . لقد خلـدت ذكرى طيبة وسوف يذكرك بها الناس مدى الحياة عندما رفضت تعليمات البشير وانضممت الى الشعب . ثانيا : ادرت بنجاح عملية السلام وهذه ميدالية ذهبية وضعت على كتفك . ثالثا : رئاستك للجنة الأقتصادية وهى المحك الأكبر , انشاءالله سوف تعبر باقتصاد البلاد الى الأمام ومن بشريات ذلك , شطب السودان من قائمة الأرهاب وهذا يعنى الأنطلاق الى الأمام . والله سوف تعملها والسودان بعد سنة واحدة سوف يرجع زى زمان والأن الدولار يساوى 265 جنية وانا متأكـد بعد سنة من الأن سوف يصير الدولار 15 جنية . انا لا احلم من فراغ , بل لثقة الشعب فيك بالأضافة الى استقامتك وامانتك وشجاعتك سوف تحقق هذه الأمنية . توكل على الله والله لن يخـزيك ابدا ما دامت نيتك صافية ولا تنسى ان التاريخ يسجل وسوف يسجل لآبنائك ما يفخرون به والسلام .
# هههههههه…كاستروا وديجانقوا…التقي جيل الدكتوريات… بجيل العصابات!!!
# حقا…الطيور علي أشكالها…تقع!!!
# اصحي ..يا ترس لم تسقط بعد!!!
ياراااجل!!!!!!!