لص يسطو على المسجد العتيق بربك ويسرق (40) مصحفاً جديداً
ربك: مختار مدير
في حادثة تعد هي الأولى من نوعها بمدينة ربك، فوجئ المصلون بمسجد ربك العتيق عند الساعات الأولى من فجر يوم أمس بتعرض المسجد لسرقة من قبل مجهول، حيث قام الجاني بكسر الأقفال الرئيسية للمسجد ودولاب تحفظ فيه المصاحف، وقام بسرقة (40) مصحفاً جديداً، وحاول سرقة المايكرفون الملحق بالمئذنة ولم يتمكن من إنزاله.. وترك علامة استفهام كبيرة لدى المصلين بمثل هذه الحادثة الغريبة والتي تحدث لأول مرة بأحد بيوت الله بالمدينة. وتم إبلاغ الشرطة التي اتخذت الإجراءات حيال البلاغ، ودون بلاغ بقسم ربك الأوسط ضد مجهول.
اخر لحظة
عادى فلوس الاوقاف انسرقت ده المشروع الإسلامي الحضاري وربنا يستر
حسبنا الله ونعم الوكيل , ولاحول ولاقوة الابالله
دي اغرب سرقة في العالم
ودي افرازات ونتائج وحصاد المشروع الضلالي
لعنة الله عليكم لم تتركوا حتى حرمات وحدود واجبرتم الناس على بيع اعضائهم وسرقة وبيع الاطفال
وبرضوا تقولوا شريعة
وصلتوا الناس لمرحلة الحيوانية الشريعة دي الا تطبقوها في افلام الكرتون
قاتلكم الله ودمركم
سيبوهوا يمكن ماشي يعلم منه الخلق
مسكين ماشي يبيع الكتب عشان ياكل اولادو…
افضل شئ فعل فى حياتو يدخل الجنة باذن الله
يمكن المصاحف مهجورة واراد ان يوزعها لمن يقراءها بعدين المايكرفون ما صعب سرقته لماذا لم يسرقه يكون عايز يذكر المصليين بقراءة القران الكريم
يعني المسجد سرقوا وهو مفتوح. ولا الناس كانو قاعدين يصلو
غايتو حرامى ود ناس ما بعملها الا اكون مربي انقاذ امنجي او ود نظامى بنقوهو كمل
و خاتين مصاحف جديدة ليه و مقفوله في دولاب كمان الناس دي ما قاعده تقرأ قرآن ولا شنو حتى لو سرقها و باعها فبدون شك سيستفيد المشترون
ربك ربك … والخط شبك ياناس .
يعنى ناس ربك وصلهم ( ارسين لوبين ) اللص الظريف ياناس .
يمكن يكون الزول ده ( توم صاحب جيرى ) بتاعين افلام الكراتين !!
وله اقول ليكم يمكن يكون اخو الحرامى الشديد السرق دفتر البلاغات .
غايتو لو ما لقيتو حل , اسال نفسك بينا وبينك ( امام المسجد ده تعيين حكومى ؟ وله اختيار رضائ اهلى ؟؟؟؟
واما تخلونى اغالط نفسى باصرار واقول يمكن انا النطيط !!
الله يهدي السارق ويرزقه حلالا طيبا
الله يعوض المسجد مصاحف اكثر ومصلين اكثر وقراء للقران الكريم اكثر