الحزب الشيوعي : المؤتمر الوطني يريد تمليك مصانع السكر لمنسوبيه.
الخرطوم :
اعلن الحزب الشيوعي رفضه بيع مصانع السكر لحل الأزمة الإقتصادية واتهم المؤتمر الوطني بالتخطيط لتمليكها لقياداته وقال إن 10 % يستحوذون على ثروات البلاد .
وجدد الناطق الرسمي بإسم الحزب الشيوعي صديق فى حديثه بالمؤتمر الصحفى لقوى الاجماع المعارضة رفض حزبه للسياسات الإقتصادية التي تتبعها الحكومة بإعتبار أنها تساهم في زيادة الأعباء على المواطنين .
وكذب يوسف دعم الحكومة للبترول وقال إن السودان ينتج البترول والحكومة رابحة من بيعه ووصف قرار إغلاق أنبوب النفط الجنوبى العابر للاراضى السودانية بالخاطئ وحذر من خطة زيادة الضرائب التى ستلجأ إليها الحكومة لسد الفجوة أو بيع مصانع السكر .
واتهم المؤتمر الوطني أنه يريد تمليك المصانع لقياداته وتابع : المصانع رابحة وهي ملك للشعب السوداني، وأكد أن التحالف سيعمل على إزالة السياسة الإقتصادية للنظام بتسخير كافة إمكانات الدولة لخدمة المواطنين .
وكانت الحكومة اعلنت قبل ايام نيتها بيع الحصص الحكومية فى اربع مصانع للسكر ممكلوكة للدولة ووجه القرار بانتقادات ورفض واسع داخل البرلمان ودافعت الحكومة عن اتجاهها ذلك وقالت انه خصخصة للمصانع وليس بيعا من اجل رفع الكفاءة التشغيلية لتلك المصانع .
صحيفة التغيير الالكترونية
الكيزان أثبتوا بما لا يدع مجال للشك أنهم (مجرمين) و(حرامية) ، ديل علشان يجمعوا الثروات بياكلوا أموال الناس بالباطل ، طبعاً (السكر) سوقوا (حااااااار) و(كاشو تقيل وفوري) !
والله انا خايف يكونو بايعننا نحن كلنا
الكيزان أثبتوا؟ يادوووووووووب؟ الكيزان من يومهم حرامية وقد استولوا على كل شيء وليس في السوق غيرهم وتجار المؤتمر الماسوني هم الذين يخلقون الندرة ويرفعون الاسعار ويحركون البشير وبقية المغفلين من الوزراء من وراء الستار! الكيزان يريدون حالياً تمليك كل المصانع وليس مصانع السكر فقط، وجميع الممتلكات الحكومية الرابحة يريدون تمليكها لمنسوبيهم
يااحبابى ديل باعوا الفى البحر وداخل الارض وحتى السمك يمين الله باعوه لشركه !!! (وفى السماء رزقكم وماتوعدون) وزى ماقال ود جبره ديل الفى السماء باعوه (خط هيثرو) وايام كنا طلبه كانت المظاهرات فى عهد الاحزاب سكر سكر ولا العسكر*** عيش عيش ولا الجيش بس المره دى ما لينا حيل الا نقول الرووووووب عديييييييييل كدا !!! ولااحد يستجيب .. والعاوزين تعملوا اعملوا حريقه فيكم ولعنه عليكم دنيا واخره كل الحكومه من البشير لغاية اصغر منتفع وطنى بما فيهم ……..
عملية الخصخصة بتقوم بيها الحكومات بهدف تخفيف عبء ادارتها وتشغيلا على ميزانية الدولة وامكاناتا ما لانها مؤسسات منهارة او غير منتجة كما يفعل الكيزان اللصوص بل لانو تنافسية القطاع الخاص وكفائتو التشغيلية (بمقابل الترهل المادي والبيروقراطية التنفيذية التقليدية للقطاع الحكومي) ودقرتو على التجاوب مع احتياجات السوق بترفع مستوى اداء المؤسسات الناجحة مسبقا بما ينعكس ايجابا على نوعية وتنافسية المنتجات الخدمات المقدمة للمواطن او المستهلك يعني حتى في حال الخصخصة المستهدف بكون الصالح العام اما في حالة بني كوز فهم بعمدو لتدمير المؤسسات والمشاريع المنتجة والمملوكة اساس لشعب فقير وغير نامي اقتصاديا واي حاجة تاني عشان يخصخصوها بزعم التطوير ويتملكوها هم واصحابم المستثمرين الاجانب بابخس الاثمان ذلك انو الجزئية الاعظم من الصراع بين الشعب والكيزان هي صراع بين الصالح العام والصالح الخاص الحصري جدا
انا خايف على ولدنا سمعه الظاهر اصابة الخرف وهولسع صغير من شنو ده يارب/// عمرك سمعت بيع مصانع رابحة
اي بيع تحت ما يسمى بالخصخصة فهو باطل وهو موضوع للنفض والمساءلة القانونية
قال الرسول صلى الله عليه و سلم فى امر الولايه لمعاذ بن جبل انها لامانه و من اخذها بغير حق يسأل منها يوم القيامه , و الحق هنا يقصد به العدل و امانة النفس بين الرعيه و التقوى و الوازع الدينى , لذلك اوصى سيدنا عمربن الخطاب ان يكون الخليفه من بعده يختار من السته الباقين احياء من العشره المبشرين بالجنه و هم عثمان بن عفان و على بن طالب و الزبير بن العوام و سعد بن وقاص و عبيدة بن الجراح و عبدالرحمن بن عوف و رفض دخول عبدالله بن عمر و قال الا يكفى ان يسأل يوم القيامه من بنى الخطاب عمر , اين عمر من عمر بن الخطاب , هل زار الرئيس النازحين من دارفور و هم ٢ مليون و كيف يعيشون؟ الا يعلم انو المنظمات الانسانيه تصرف عليهم , اليس هذه الغفله من الله , اليوم التاس تتعسر على بيع مصانع السكر و هى اخر المصانع التى سوف يتم بيعها و اذا لم نعالج الامر و بسرعه سوف نجد انفسنا فى الشارع حتى بيوتنا بيعت للاننا شعب مسكين و جاهل و جبان
و ديل حسموا امرهن من زمان و وجدونا نحن فى الدين جهلاء و رفعوا شعار الاسلام و ضحكوا علينا و نحن منتظرينا شريعه و نحن عليكم الله منتظرين منو , ناس دارفور لما يخلصونا منهم ؟ و لا ننتظر ناس الجبهه الثوريه ؟ ناس الجبهه الثوريه لما يصلوا الخرطوم بكون هلكنا لانو هرمنا و الله العظيم زنقة يومين الا تسمع بيهم فى روسيا و الانجليزى بيرجع لبلده و الامريكى لانو كل الفلوس التى نهبوها خلاص امنوها و البلد بيفضل فيها البطانه التى كانو يسرقوا من خلالها و يبطشونا بها هذه لازم تقطع و تقلع من جذو رها دا سرطان
* سيبونا من مصانع السكر.. السودان كله تم بيعه. موضوع الساعه هو إسقاط النظام:
ما هو موقف الحزب الشيوعى من الجبهة الثوريه، لإسقاط النظام بقوة السلاح؟. بوضوح شديد.