أخبار السودان
وفاة شاب تعرض للتعذيب بـ “الشطة”
الخرطوم – لقي شاب مصرعه بعد تعرضه للتعذيب عند القبض عليه متلبسا بالسرقة، متأثرا بإصاباته في إحدى قرى ولاية الجزيرة، وكانت الشرطة قد أسعفت الشاب في حالة صحية سيئة بعد أن تعرض للتعذيب بـ(الشطة) إلى مستشفى سوبا الجامعي، وقال مصدر إن الأطباء قاموا بإجراء الإسعافات اللازمة للشاب بيد أنه توفي بعد يومين في المستشفى، وتم تحويل جثمانه للمشرحة للكشف عليه بوساطة الطب الشرعي لتحديد أسباب وفاته، وعدلت النيابة التهمة من تسبيب الأذى الجسيم إلى القتل العمد وباشرت الشرطة تحرياتها للقبض على المتورطين في القضية.
اليوم التالي
اسا ديل العملو العملية دى ورطوا نفسهم فى جريمة قتل و لو كان قتلو من اول لحظة كان ممكن يلقوا مخارجة بالدفاع عن النفس بس تجيب ليك انسان و تحشر ليهو الشطة حتى الموت دا ياتو دين و لا قانون و لا حتى انسانية
الشطه جاتكم أها عاد بتجروا وين ,,؟؟؟
الشرطة تقبضهم ليه؟ حرامي جاي يسرق من المساكين،، ويستاهل.
والله ناس صعبين جدا . السارق له عقاب محدد مش تعذيب لحدي مايموت . ياناس امكن جيعان امكن عنده عزر اجبروا على كدا القاضي هو من يحدد ذلك .
المشكلة المرحوم زاتو شرطي ..بس في النهاية الله يرحمه
ياليت يكون هذا عقاب لكل حرامي يأكل شطة لحدي مايتلحس في حدي قالو اسرق
التعذيب الزي دا مفروض مفروض يتعمل للمتفلتين العاملين عصابات زي عصابات النيقرز
https://www.youtube.com/watch?v=bgAzhm-R0hY
الخاتمة من جنس العمل….كان عمله سيئا لذلك كانت خاتمته….وياليت دا يخلى بقية الحرامية يتوبوا الى الله سبحانه وتعالى
انها ثقافة التعذيب . والقتل
دخيلان علي التقليد و العادات
ثقافه , معلموها ذو خبره : امثال نافع وقوش ووووووووووو
سوال , هل للقتله علاقه بالانقاذ
فعلوا به ما لم يفعله انس ولا جان ..فعلوا بانسان كرمه الله ونفخ فيه من روحه ، ما تقشعر منه الابدان عزبوه بوضع( شطة علي مؤخرته ) يحدث هذا في بلد يردد اهلها انهم اهل جود و كرم و شهامة ويتغنون بذلك ..علي شاكلة (الفينا مشهوده) ،(تصور كيف يكون الحال لو ما كنت سوداني!!!!!! ) نعم شهد العالم بالفيكم وتصوروا كيف سيكون حالهم لو كانوا سودانيين !! اكيد لا يستطيون رفع رؤوسهم امام الناس خجلا ..كيف لا والعالم باسره شاهد مؤخرة مواطن من بلدهم ملئ بالشطة ! تبا لكم
هم ما قاصدين يقتلوه قاصدين تأديبه لكن لو دخلو ليه شي في دبره يكون تعدي لانه كان في ماسورة بلاستيك خضراء ظاهرة في التصوير و التقرير الطبي يحدد , و ما ننسى انو لو الحرامي لقة فرصة في الزول الداير يقبضه ممكن يطعنه لانو كتير في حرامية طعنو الناس البمسكوهم / اتذكر قبل سنوات مضت في شاب شجاع عليه رحمة الله من قرية الصداقة جمب الحصاحيصا طارد الحرامي لحد ما مسكه لكن الحرامي طعن الشاب و قتله
عندما يأخذ المواطن القانون بيدة … انما يدل عن غياب العدالة …وليس هناك من يعطى كل ذى حق …. حقة ، تعم الفوضى …ويسود قانون الغاب …
النوبي وغيرة
قبل ادانتة علينا ادانت نفسنا السرقة مرض والسرقه عند بعض القبائل عاده اجتماعية السرقة حاليا اصبحت حوجة وليس بوبار ف ناس سرقت بلد سرقت حقك وحقي وحقة م رايك يوجد شئ اسمه القانون ولو استفحلت هذه الظاهرة ب الاشتباه نجد الشطة ولا موية النار ف عوراتنا هذه ليس من اخلاقنا امراة ف قطة دخلت النار م بالك انسان لا نعرف ظروفة وبعدين اين بذهبون من عدالة السماء ف لا تحرض علي الجرائم وتكون شريك فيها خاصة القتل
وف النهاية ففدان الشئ الخاص مال جوال سيارة نصيبك ومقطوع منك حريقة ولا سرقة ولا فقدان وهبها الله لك واخذها
لا يوجد قسم للحوادث بمستشفى سوبا الجامعي وكل الحوادث بما فيها حوادث طريق مدني توجه للمستشفيات الاخري مثل ابراهيم مالك و الخرطوم فكيف تم اسعافه في مستشفى لا يوجد به قسم حوادث اصلاً.
رحمه الله
السؤال المهم الآن
من الذى استفاد من قتله وما الذى استفاده
اذا سرق الضعيف طلعوا ايمان صليبو لاكين عاملين نايمين اذا سرق تماسيح الحكومة والكيزان الفاسدين..
العنوان مفروض يكون ( وفاة لص تعرض للتعذيب بعد القبض عليه ) !
تعزيب بالشطة كيف يعني ..ممكن توضيح
قصة تعذيب الحرامي دي ثقافة سائدة في الدول المتخلفة ما بس في السودان لكن حتى في معظم دول افريقيا وآسيا وامريكا الجنوبية لا عندها علاقة بالحكومة ولا بغير اذا كان البوليس بدي نفسه الحق في الاعتداء على السارق او المخمور الحاجات دي يا جماعة في البلاد المتخلفة الفيها القانون هش وتنعدم فيها حقوق الانسان وابسط مقومات الحياة صدقوني ما نحن برانا في السودان البنضرب السارق وبعدين الحاجة دي موروثة من نحن اطفال الحرامي لو اتقبض ووصل قسم الشرطة بكون محظوظ شعوب رجعية ومتخلفة للاسف ولسه بعيدين جدا من حاجات كثيرة وقيمة حياة الانسان تافهة في مثل هذه الدول للاسف ربنا مع أن في الدول المتقدمة الانسان ثروة قومية منتجة ده الفرق والمسافة الكبيرة البينا وبين غيرنا .
والله عندما شاهدت الفيديو اقشعر بدني لفظاعه العقاب وروح الانتقام
السرقه سلوك مشيت ومرفوض ولكن ليس من العدل تطبيق القانون من تلقاء المواطنين مع تأكيدنا بان ما فعل بالصبي امر غير قانوني وفير انساني علي الإطلاق
باريت لو كانت عندهم الشجاعه وأطبقوا العقوبه دي في موظف محليه ولا معتمد ولا موظف خدمه مدنيه لهط القروش وبنا العالي وركب الفاره وتزوج الأبكار مثني وتلات ورباع بدلا عن هذا اليافع الذي قتل بدم بارد وبطريقه خسيسه
حسبنا الله ونعم الوكيل
خلوا الشطة للناس السرقو البلد …هاذا واحد من افرازات الانقاذ …. الشطة دى وقتها جاى … و ناسها معروفين … ابقوا عشرة عليهم
اﻵن اصبح الامر اخيرا بيد القانون ولابد من وضع حد للفوضى وحتى تكون سابقة قضائية لكل من ياخذ القانون بيده ولننتهى من اساليب وافكار القطيع التى لا تدل الا على التخلف وعقلية القبيلة ….. رحمه الله
..
يستاهل واكتر .. الدولة الحرامي بتكرمو لمن يدخل السجن .. ماكل شارب مستحمي ومتعالج مرفه متونس .. ولمن يطلع من السجن تلاقاهو بقى زي الحصان، ونظرا لهذه المعاملة الطيبة بفكر تاني يتلب في بيوت الناس ، خاتي في بالو أما طلع بغتيمة كبيرة من البيوت أو رجع السجن حيث الاكرام. بالله فضونا سيرة من العواطف دي ،، وقت الدولة ما دايرة تطبف القانون الشرعي في اللص .. خلو الناس تاخد حقها بيدها … بس أنا خايف الشطة القبانيت بعد الحادثة دي تكون من السلع النادرة ههههههههههههههه
الجماعة السرقوا المليارات ديل يعملوا فيهم شنو
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
فات على الكثيرين ان من قام بهذا العمل هم اهل الجزيرة الذين تعرضوا لظلم كل الحكومات ولم يحملوا بندقية وكان سلاحهم الكفاح السلمي والآن تبدل حالهم فصاروا هم ادوات النظام القمعي وهذه هي مخرجات الحركة الاسلامية فابشروا بسورية جديدة ورواندة اخرى
القانون لماذا لم يظهر
في لائحة المتحللين
الذين ادانوا انفسهم بارجاع مايسمي بالتحلل.
بعدين الامنين في بيوتهم كيف ينامون ان لم يطمئنوا من هؤلاء المروعين؟
وانتا في اطيب نومة ومنامة تجد من يشهرلك الخنجر
بان تعطيه ماعندك ودون مقاومة.
هؤلاء جزائهم ان يقتلوا اوينفوا من الارض؟
بعدين الشريعة الانتخبناكم بيها دي وين دفنتوها والله في ناس كتيرين عايزين الشطططططة.
بعدين التشهير في الشرع بالقصاص لكي يتوب ويثوب من تسول له نفسه مايخالف الشرع.
ياولد
ياولد
ياولد
جيب الشططططة دي وشوف الحرامي دا
اكان ماعندو مصران ومااتعشي خلي اليجي يتعشي معانا
انتا عارف انا الاكل مابريدو بدون شططططة.
اياهو الفضل ولاغيرو.
بعدين المطبلاتية ديل اكانو وين ظهرو من وين
الصايل يقتل
انشاءالله الغيرو يتعظ
وياناس كتتتترو من الشطططة
بكرة بيصدرقرار بالدستور يمنع استعمال النووي السوداني(عفوا الشطططة السودانية الساريين)
لانو في ناس خافتالدورماش عليهم
الذين يحاربون الله ورسوله خطر يهدد الآمنين في بيوتهم ودائما تذكروا إنهم يتسورون البيوت ليلا وبأيديهم السواطير والسكاكين والسلاح الناري ز فهل هؤلاء لصوص فقط ؟ لا والله وإنما محاربين يقتلون من يعترضهم والسؤال هل محاكمت هؤلاء على أنهم لصوص من العدل في شيء ؟ لو كانت العقوبة الحالية مناسبة لاختفت هذه السرقات فيا أيها القضاة اقطعوا يد السارق تختفي السرقة نهائيا وتنالوا التاييد والثواب من الله تعالى انا معكم ايها الكرام لا لا لا للتعذيب
In America u steal u go to jail without any tortious but in Muslims world they feel like God gave them authority to hurt or kill someone omg
يستاهل اكتر
تلابين تلابين الحيط كلهم مجرمين
نرجع لغياب القانون البلد ما فيها قانون وتحكم بقانون الغاب وذلك ظهرت عادات جديدة على المجتمع السوداني ومنها ما حدث الآن؟
السودان بلا قانون هذا هو المحك فهل من مخرج او تطبيق للقانون حتى يستقيم الجميع؟
الدولة ما فاضية لاي شيء سوى جمع الضرائب ؟
وليس بها قانون ولو كان في قانون لما أصبحت حالنا بهذه الصورة المغززة.
اتحدي اي زول يثبت بان الحرامي مات
يا ناس خافوا الله في ما تنقلون من اخبار ملفقة وغير موثوقة المصدر
من نشر اشاعة موت الحرامي له غرض في ذلك
نعم الفعل الذي قاموا به الذين قبضوا علي الحرامي فعل مشين وغير مقبول البته
لكن لا يمكن يكون مات بسبب الشطة
ناس كثيرة تم تعذيبها في بيوت الاشباح وبصقع كهربائي ولكن لم يموتوا
ايه رايكم لو البلد مطبقة الشريعة وتم قطع يد الحرامي ؟؟
الحرامي يتسور البيوت الامنة ويكشف العورات وممكن يقتل وممكن يتسبب في عاهة مستديمة لصاحب المنزل وممكن يسرق شقي العمر كلوا من رجل كافح سنيين طويلة عشان يجمع مال ليعينه ويعين اولاده في الحياة يقوم يجي الحرامي بالليل وبكل بساطة يسرق هذا المبلغ الذي كلف صاحبه سنيين من التعب والكفاح
السلام علي من اتبع الهدى …… انا لله وانا اليه راجعون …………..
والله من المحزن والمشين والغير اخلاقي ان تظهر في بلدنا العزيز مثل هذه الافعال ولكن الكل في بلدي يدعي انه على علم ودرايه بالقانون ومن يطبق القانون ولكن فلنحلل الموضوع وليس القضيه.
في مثل بقول :(اذا كان رب البيت للدف ضارب فماشيمة اهل البيت ……..
ابدأ ببعض الاسئله :ـ
هل كان المجني عليه في حاجه لمثل هذه الافعال او (السرقه)؟
هل للشباب دوافع لقيامهم بالجريمه النكرا ؟
هل الشباب علي علم بمآلات هذه الجريمه؟
ما الذي دفع المجني عليه بارتكاب الجريمه؟
ولماذا قام هؤلاء الشباب بتصوير المجني عليه؟
هل مسرح الجريمه في منزل احدهم؟
وهل افراد الشرطه بمنئي عن ذلك؟
اين كانت دوريات البوليس؟
وهل الاداريين في بلدي بعيدين عن السرقه؟
ارجو الاجابه على هذه الاسئله فهي بيت القصيد.
اعتزار لاهل الجزيرة عن رد لي بخصوص الفيديو ارجو من محرري الراكوبة عدم نشر ردي لانني لم اتيقن من الفعلة وحسب ما فهمته وقراته انهم من اهلي في الجزيرة وقد ثبت انهم ليسوا من قام بتلك الجريمة البشعة فلاهلي العتبى وشكرا
ما قاموا به عمل بشع لا يقره دين و لا قانون و يجب محاكمتهم لانه اذا كان جرمه فردي فجريمتهم جماعية
للأسف الشديد لما شاهدت الفيديو شعرت فعلا السودان انتهى بغير رجعة الاخلاق والشهامة والمرؤة عند الحاجة. لم اجد غير الانتقام والتشفي كأنما المقبوض عليه هو من استولى على مشروع الجزيرة أو من دمر السودان طيلة الربع قرن الماضية وليس مجرد لص عملت به السياسات المتبعة التي حرمت الناس حتى من ابسط الاشياء الزراعة والاستمتاع بحصاد ما يزروعون. لقد تباري الجمع في التفنن لتفريغ ما في نفوسهم من كراهية وغرائز حيوانية.
أتمنى من الجهات القانونية أن تعمل على انفاذ القانون في الذين قاموا بهذا العمل الحيواني حفاظا على ما تبقى من السودان. وإلا على السودان السلام. سوف لن تجدوا في يوغسلافيا مثيل ويتشظى السودان إلى دويلات كثيرة لا يتخيلها عقل نسبة لضعف النسيج الاجتماعي الذي عملت فيه الحكومة عمايل. ولا تنسوا اللذين استولوا على الفشقة وحلايب ينتظرون الكثير في تفتيت السودان لكي ينال كل منهم نصيبه من الكعكة وربما يأتي يوم نجد نفسنا نتبع لدولة اثيوبيا وجزء آخر يتبع مصر وتشاد وليبيا.
لازم الدولة تسيب الانغماس في الفساد وتعمل على استباب الامن وحفظ اراضي السودان. ولو الرئيس اليوم دعا لتحرير حلايب لخرج الملايين لتحريرها يا ريت يخلي الرقص ويدعو لتحرير الاراضي السودانية من الاغتصاب الخارجي.
حليلك بتسرق سفنجة و ملاية
و غيرك بيسرق خروف السماية
و ناس لو تصدق بتسرق ولاية
والله صراحة فيديو تقشعر منه الأبدان لكن فات حد التاديب إلى التعذيب لكن ياخ الحرامية زاتهم مسخوها الحرامي زمان لو تنحنحت بجري هسه بقى بقوة عين يطلع ليك ساطور يعني بسرقة حمرة عين ولا شرط راسك وراس أهلك معاك ده بقى ما حرامي ده قاطع طريق ولو مسكتو الشرطة بعد كم يوم تلاقاه حايم في السوق اها نطير وين يا كوجا الشطة هي الحل مع السواطير
انا ماعارف الناس المتعاطفة مع الشاب السارق ليه متعاطفة يستاهل يعملوا فيه اكثر من ذلك لازال السرقات و نط البيوت لم تنهي اسالوا سكان العاصمة الخرطوم
عن السرقات و الحرامية اويد بشدة اي حرامي يقبوض عليه يتادب حتي لا يرجع مرة اخرة حتي الان ليس هناك عقوبات شديدة ضد السرقات لذا لم تنتهي السرقات
الشرع قال تدافع عن نفسك ومالك وعرضك
حرامي تعدى عليك في بيتك ويحمل في يده سكين او ساطور اذا قاومته حا يقتلك واذا تم القبض عليه فقتله واجب وين المشكلة ؟
الولد المسكين دا تلاقيهوا ما سرق حاجة زاتوووووو
بس الجبناء عملواا فيها اسود على الولد المسكين الضعيف (الضحية)
بالكتييير حتى لو افترضنا افتراض ساي انو سرق حيكون سرق شنو يعني
عندي واحد كوز صاحبي زمن الجامعة بعد فترة من الاغتراب رجعت اجازه لقيتو راكب برادو وبيت في الرياض وخدم وحشم قال لي ماسك مشتريات غذا تبع الجماعة اشترى شطة ب 3مليون سجلوها في فاتورة المشتريات ب 3 مليار والان المخدرات لعبة في مخو بقى مدمن والعياز بالله
ملحوظة عارف تعليقي ما حاينزل
عمل مشين وقبيح
هل حد السرقة وصل للقتل بعد التعذيب؟؟؟؟؟؟؟؟؟؟؟؟
اي قانون هذا
وهل نحن في غابة؟؟؟؟؟؟؟؟؟؟؟
اين الشرطة اين القانون اين وزير العدل بل اين رئيس الجمهورية
انه المسئول الاول عن وفاة هذا الشاب رحمه الله رحمة واسعه
وصبر اهله
وانا لله وانا اليه راجعون
ولا حول ولا قوة الا بالله
ان هولاء القتله يستحقون الاعدام
لقد ارتكبوا جرما اكبر من السرقة؟؟؟؟؟؟
شاهدت المقطع للاسف ما هم الا رعاع من البشر كيف تسمح لهم لانفسهم ان يضعوا الشطه فى مكان حساس اليسوا رجالا الا يوجد قانون
اها خمو وصرو حا تتحاكموا بالقتل العمد لو بقيتو 100 قتل عمد واعدام انا شاهدت الفيديو شخص واحد عاقل اردع الناس مافي ……الزمن الناس تحمل امراض مميته بداخلها بمجرد هبشة الزول يموت……..الصحيح كان تسلموه الشرطة تتولي امرو او تاديب معقول لكن شطة في دبره……….هو موضوعو خفيف سرقة وقال ليكم تبته انتوا بقيتو قتل
في ناس اتعاطفت شديد مع هذا الحرامي..بس يظهر انهم ما حصل ليهم مثل الذي حصل لبعض الناس سواء فقدهم لممتلكات ثمينه وحصاد عمر او خلق عاهه مستديمه اوقتل.
وكما ذكر بعض الاخوان الحرامي مهما سرق يحاكم وتجده خلال شهر يتضرع في الاسواق قبل ان يندمل جرحك واغلب الحراميه المفرج عنهم يتم بذريعة ان سلطات السجون ليس لديها الميزانيه الكافيه لاعاشة هؤلاء.والان اصبحت مواجهة الحرامي وانت اعزل فيها مخاطره كبيره ,وطالما ان هؤلاء اللصوص ممكن ان يرتكبو فيك جريمة قتل فانا اري ان تتم اجازة قانون يسمح بقتل الحرامي في حالة الدفاع عن النفس والعرض دون مساءله لانه هنالك جرجره في مثل هذه الحالات رغم شرعيتها؟
سؤالي موجه لكل من اعترض بشده على العمله اللي سموها سوده …..
بتعكل شنو لو نطه عليك حرامي وانت ما عارف السلاح العنده شنو وتايم انت بس وزوجتك واولادك ؟؟؟؟؟؟
وبدون معرفة نطه عليك لي شنو هل بتقدر تمسكو وتعمل من جماعة حقوق الانسان وتسلمو البوليس ولا بتدافع عن زوجتك واطفالك بكل ما اوتيت من معرفه وقوه ؟؟؟؟؟؟
ارجو الرد بدون الدخول في مسالة الدوله هي السبب او خلافه …
استنكر بشدة هذا الفعل القبيح وللاسف اصبح المواطن يطبق القانون بنفسه نحن ليست في غابة نحن في السودان يعني المروءة والكرم والضيافة وهذا الفعل لا يشبه اخلاق السودانيين وكفى
طيب حرامية المليارات محتاجين لي كم شوال
من الشطه بالخل والليمون والتوم.
انتوا ماتقولوا الشطة ختوها وين
يا اخي علي هولندا
عندي ليك رد بسيط من الاخ مسطول] 11-02-2015 02:33 PM
للاسف الشديد كلامك نظري اكثر منه واقعي … بلا شهامة بلا اخلاق بلا مرؤة بلا مثاليات وتنظير معاك … رجل حرامي اعتدي عليك وعلي حرمة منزلك ودخل متسللا بدون استئذان ولو وجد امك او اختك او زوجتك لوحدها لقام باغتصابها دون شفقة ولو وجد مقاومة منك لقتلك دون رحمة … عفيت منكم يا اهل القرية الصغيرة الذين اخذتم بحقكم وتاركم في ظل دولة ليس بها قانون او امن وامان .. وفقكم الله في حفظ منطقتكم واهلكم وشرفكم
رد علي من قال عفيت منكم …..
ربنا سبحانه وتعالى حرم قتل النفس ….
صاح هو غلط وانتهك حرمه بيت لكن ما معناها انك انت السلطه الرادعه التحكم والتطبق القانون … وأتمني انو الاشتركو في التعذيب دا ياخدوا جاءهم لأنهم كانوا همج والأمر التشهير. .. حسبنا الله ونعم الوكيل. …
اللهمّ إنّ رحمتك وسعت كلّ شيء، فارحمه رحمةً تطمئنّ بها نفسه، وتقرّ بها عينه.
اللهمّ إنّا نتوسّل بك إليك، ونقسم بك عليك أن ترحمه ولا تعذّبه، وأن تثبّته عند السّؤال.
اللهمّ اجزه عن الإحسان إحساناً، وعن الإساءة عفواً وغفراناً.
اللهمّ إنّ رحمتك وسعت كلّ شيء، فارحمه رحمةً تطمئنّ بها نفسه، وتقرّ بها عينه.
اللهمّ إنّا نتوسّل بك إليك، ونقسم بك عليك أن ترحمه ولا تعذّبه، وأن تثبّته عند السّؤال.
اللهمّ اجزه عن الإحسان إحساناً، وعن الإساءة عفواً وغفراناً.