أخبار السودان
معتمد الخرطوم يتلقى شكاوي المواطنين مباشرة ويشرع في حلها (صور)
دشّن معتمد محلية الخرطوم الفريق ركن أحمد أبوشنب، خطته الرامية لتلقى شكاوي المواطنين مباشرة ودون وسيط. وذلك ضمن برنامج المائة يوم الذي أطلقته حكومة ولاية الخرطوم لتطوير الخدمات.
وتلقى ابوشنب عددا من البلاغات من المواطنين، وشرع في حل جزء كبير منها.
وشكل المعتمد لجنة مختصة لتلقي الشكاوى تعمل على مدار اليوم، وخصص يوم الخميس من كل اسبوع موعداً لتقلي بلاغات مواطني محليته وخصص مكتباً ثابتاً وخطاً ساخناً برئاسة المحلية لاستقبال الشكاوى.
البلد دي خلاص عدمت الشباب حسي عمنا ابو شنب دا فيه حيل يقعد فى الكرسي ساعتين !!!! ولا حتى يقدر يستحمل زحمة كوبري الفتيحاب وقت الزروة ليصل الى ميدان جاكسون مثلا عشان يشوف الوساخة والاكياس الطايرة وقشر الموز والكراكيب والبلاوي الموجودة امام عمارة الخطوم السعودية !!! ولا يقدر يلف على الافران مع ندرة الرغيف !!! نظام بقى مسخرة بعد ربع قرن رجعنا تاني لصفوف الرغيف والملاسنات ناس الافران يقولو ليك دقيق مافي وناس الهرتوم ) ( المسعولين ) مافي مسئول طبعا يصرحو ان الازمة مفتعلة ، مين البعمل كدا الجماعة الشغالين الماسكين البلد كلهم كيزان ، حتى الكيزان بتاعنكم ( كما قال رئيسكم ) اصبحو يرمو الدقيق فى البحر ( قال عجبوني اولا الكيزان الترسو البحر دقيق الافران !!!!!
يعني المعتمد دا حيقدر يحل المشاكل الفردية لملايين المواطنين! دي عايزة ليها مليون سنة, دا لو ما إنهار عصبياً. الحل وضع سيستم معين والناس تتبع, نظام الأصلاح نظام فاشل وما بنتهي.
فلسفه جديده ماجايبه حقها بس اعتمدناها ليكم ياسفاحين
هذا شو اعلامي فقط ؟ المشكلة هي من الذي يحق لهم مقابلة المعتمد وكيف يتم اختيار من يدخل على المعتمد حيث ان في السودان من الصعوبة جداً ان تقابل من يسمي نفسه مدير (اي مدير) كل الابواب مغلقة وناس شركة الهدف قاعدين حارسين كل الابواب ولا يستطيع احد الدخول الى احد (إن وجدناها ملئت حرسا شديداً وشهباً)..
الصورة المطلوبة كانت يجب ان تكون لأرتال الناس الواقفين على الباب وليس صورة المعتمد وهو يستلم خطاب من احد المواطنين وكل الشكاوى سيتم احالتها للبحث والتحري والدخول في سلك الإنتظار والنسيان فالمعتمد ليس دكتور يكتب روشتة بالدواء لصرفها من صيدلية المعتمدية.
اب شنب بتاع حركات لما يتزنق من ايام الجيش
في عمليات جنوب كردفان لما فشل عمل نفس الحركات
دجل وشعوذة يتفنن بها الانقاذيين. الا وكان المفروض الشكاوي تقدم للوالي ابو ريال أعلى سلطة.ابو شنب اللص قصد هذا الفعل الانصراف لمداراة مشكلة السوق المركزي.
يامعتمد الشغلانية دي ما دايرة جلسات وقعدات .. مشكلة الخرطوم ابسط زول ماشي في الشارع تسألو يوريك ليها .. تتمثل في النفايات والاوساغ والنفايات المكدسة بها الشوارع ليل نهار الما شايفها المعتمد للاسف وزحمة المواصلات والصرف الصحي ومياه الشرب وتردي البيئة من باعوض وذباب والكهرباء وفتح المجاري وتوفير السلع الغذائية باسعار تكون في متناول الجميع من خضر وفاكهة وخبز والبان … الخ .
والحاجات دي بسيطة جدا ومقدور عليه وما دايرة درس عصر يا أبو شنب !!!!!!.