حكومة البشير تعرض (55) ألف جوال ذرة فاسدة للبيع
اتهم قطاع عريض من تجار سوق المحاصيل بولاية القضارف جهاز المخزون الاستراتيجي بإغراق أسواق المحاصيل بالذرة الفاسد. وقالت مصادر إن جهاز المخزون قام بطرح أكثر من (100) ألف جوال ذره للبيع المباشر فى الفترة السابقة، وأضاف أن نصف الكمية غير صالحة للغذاء وأرجع فسادها إلى التخزين غير الجيد وتعرضها للتلف لطول فترة التخزين، وأشار إلى إن الكميات الفاسدة المعروضة في السوق تم بيعها لملاك مزارع الدواجن عقب رفض المواطنين لها. وكشفت المصادر عن طرح هيئة المخزون الاستراتيجي (20) ألف جوال للموظفين والمواطنين بأسعار أقل، قدرت الكميات الفاسدة منها بأكثر من (5) آلاف جوال ، وأشارت المصادر إلى فشل سياسة تركيز الأسعار التي يتبناها المخزون بطرح تلك الكميات ، مشيرة إلى سعر أردب الذرة الجيد من الفتريتة لا زال (350) جنيها فى وقت يباع فيه أردب الذرة الفاسدة (240) جنيها.
المجهر السياسي
بالله يا ناس الحيكومة دى فيها فرد زول عاقل مافى ولا كيف ؟
دواء انعدم وما تعشم تلقى ليك مضاد حيوى ولا حبوب فيتامينات من اى نوع كان جاك فقر فى فيتامين سى مع البرتقان الغالى دا والله الا تشتغل شيالى لمدة يومين علشان تطلع ليك يدسته واى كلام .
حكاية الذرة دى كمان شنها يا ناس انتو ما بتخافوا الله فينا خلاص بقينا رخاص للدرجة دى و نحن لاقين منكم شنو بالله ما صامين خشيمنا دا و ساكتين و نعاين بى عويناتنا ديل البقن ادمعن بدون مناسبة واضلمن براهن من غير ميعاد وكان قاطع شارع الزلط قول ياساتر .
يعنى نموت فطيس علشان ناس الانقاذ تعيش ؟
حرم ما اتهنيتو بيها تانى ولملمو عجاج كرعينكم و ارجونا نحن مرقنا و ذاد قرفنا و ما بنخاف من العسكر و كلاب الامن المابتشكر وكان رباطى خلو اجينا بى قادى و لا سيادى نقدو قد وينضرب جنس ضرب ودايرين الضار ولحس الكوع و معه البوع كيف عاد بتسوى .
لاحول ولا قوة الا بالله العلى العظيم هذا زمانكم يا مهازل الكيزان انكم تتاجرون فى موت الماطن الغلبان حسبيا الله و نعم الوكيل
الغرض من فك الذرة الضاربة تثبيت الأسعار….طيب الحكومة ما تفك ليها كم كيلووات كهرباء عشان تثبت لينا سعر الكهرباء ….قادرين علي محاربة المساكين تجار العيش هم فضل فيهم شئ!!!!!!
يبيعون الذرة الفاسدة والادوية الفاسدة والمبيدات الفاسدة والاسمدة الفاسدة لان اخلاقهم فاسدة