حزب البشير : نرفض وساطة سلفاكير بين الحكومة وقطاع الشمال،، هذا المسمى غير معترف به لدى الأوساط المحلية والعالمية،
الخرطوم (smc)
رفض حزب المؤتمر الوطني الوساطة التي تقدم بها سفير دولة الجنوب بالخرطوم بقبول سلفاكير للتوسط بين حكومة السودان وقطاع الشمال بالحركة الشعبية، موضحاً أن قطاع الشمال غير معترف به سياسياً وتنظيمياً وعسكرياً لدى السودان.
وقال الناطق الرسمي باسم المؤتمر الوطني البروفيسور بدر الدين أحمد إبراهيم في تصريح لـ(smc) إن أي وساطة من أي جهة داخلية أو خارجية تجاه قطاع الشمال غير مقبولة باعتبار أن هذا المسمى غير مدرج لدى السودان في التصنيفات السياسية والحزبية وغير معترف به لدى الأوساط المحلية والعالمية، مبيناً أن حزبه رفض التفاوض من قبل مع قيادات قطاع الشمال بأديس أبابا.
وأضاف أن قضية التفاوض مع دولة الجنوب أو ما يتصل بها قد حسمت في أديس أبابا إبان اللقاء الذي جمع الرئيس عمر البشير وسلفاكير، مشيراً إلى أن قضية قطاع الشمال وغيره من الجهات الحاملة للسلاح أدرجت ضمن الترتيبات الأمنية بين الجانبين.
ودعا إبراهيم دولة الجنوب بالإسراع في تنفيذ الترتيبات الأمنية وفك الارتباط مع قطاع الشمال وعدم دعم الجماعات المسلحة على الحدود فضلاً عن ضبط تهريب السلاح وغير
يا اخوانا الغباء ده نهايتو متين . اليس بينكم رجل رشيد . ارحمووووووووووووووونا كفاية .
” باعتبار أن هذا المسمى غير مدرج لدى السودان في التصنيفات السياسية والحزبية وغير معترف به لدى الأوساط المحلية والعالمية، ”
ماذا يقصد هؤلاء الجهلة بالاوساط المحلية؟
خلاص نرجو من سيلفاكير التعامل مع الجبهة الثورية بالعدالة وهو يعرف أمر ابناء النوبة والنيل الأزرق . نريد سيلفاكير أن يهتم بقضايا الجنوب و يطور الجنوب ويرجع أموال بلده .. هذا يجعلنا جدا فرحين
أما أن ينجرف فى الإحتفاظ للبشير ونفسه بالكرسى
فيذهب هو كما ذهب نميرى و منقستو
ويستمر نضال الشعب السودانى الى أن ينتصر جنوبا وشمالا
يا سلفا كير
ما لسودانين باتن فى سعير تتقلب
وإنت يا المشير
ترتدى ثوب عزوف وأنت فى الخفية ترغب
انتو لا معترفين بقطاع الشمال و لا بالمحكمه الجنائيه و لا بالجبهه الثوريه و لا باسرائيل ، و لو واصلتوا في حاله النكران العايشين فيها ما بعيد تنكروا وجود رب العالمين والعياذ بالله ، بطلو دجل و نفاق ، غصبا عنكم حتتفاوضوا مع الناس ديل زي ما فاوضتوهم قبل كده و حتي لو افترضنا انه مافي قطاع شمال و مافي حركات دارفور و مافي ( شيوعيين ) من اصلوا برضوا اهل الهامش و المظاليم في كل السودان حيثورا و يحملو السلاح ضدكم لانهم اصحاب حق و ربنا بنصر الحق حتي و لو بعد حين ، اذا كنتوا اديتو الناس ابسط حقوقها و ساويتوا بيناتهم في الحقوق و الواجبات ما كان في زول اتمرد و ترك اهله و حياته و مستقبله و دخل الغابه ، لو انتوا ما انانيين ما كان احتكرتوا البلد لفئات معينه تحكم منفرده 23 سنه مره باسم الجيش و مره باسم الدين لكن نفس الملامح و نفس الشبه ، نفس العقليه الاقصائيه المريضه لم تتغير و لن تتغير مادام انتو حاكمننا ياجهلاء يا عبده الكراسي ، و الحل الوحيد يتمثل في تغيير النظام لايقاف مشروع الانقاذ التدميري ، علي الاقل نحافظ علي باقي البلد من التقسم و الخراب .
فلنتعلم من الزمن مني اركو وعبد الواحد قطاع طرق ثم ماذا حصل (والله سأقود مقاومة فى دارفور خيراًًر لى من ان أوافق على دخول قوات )ماذا حصل (سوف نؤادبهم بهذا العصا ه لأنهم لا يفهمون الا بهذا)لا نحاور هم لأنهم حشرات ماذا حصل يا اهل القطاع كونوا وفدكم وكمان برئاسة مالك المطلوب من منبر مسجد النور ومعه الحلو خم
يا جماعة حا تثبت ليكم الايام نقضهم لهذا الكلام وحا يجلسوا معاهم وبوساطة سلفا … وهذا عن تجارب وتصريحات ……. وزوغاااااااااانات….. سابقة>>>> هم نسوا هيلاري كلينتون… الجعلية طابرة .. جعلية اخر زمن البخافوا من النسوان ديل
قبل كدا شتمتو الحركة الشعبية وسميتوها ( الحشرة) ولم تعترفوا بها ثم ذهبتم صاغرييييييييين ووقعتو الاتفاقية الاخيرة في انبطاحية بائنة!!!!
والآن أحسن من بدري تشوفو ليكم حل مع حركة قطاع الشمال قبال (الفاس يقع في الراس)وان وقع القدر كتر البتابت عيييييييب
وانتوا المعترف بيكم منو يا مؤتمرجية. جالسين على رقاب الشعب غصبآ عنهم يا حرامية انتم اللزين لفظتهم الشعب ياخونا .انتم مكروهين من قبل الشعب السوداني يا اسلاميين يامتاسلمين .
تعترفوا ام لم تعترفوا هذا مشكلتكم يا انجاس .الحركة الشعبية حركةسودانية واكثرمنكم سودنا ياداخلين يامهجنين. متى دخلتم لكي تعترفوا بالسودانين الأصلين يا ناقدي العهود ياكبس .الحركةالشعبية سوف تكنسكم من ارض السودانين
وتعودكم الى مزبلة الزبالة يا عديمي الأصل والتاريخ .
العين لا تقاوم المخرز…!!
وجود اشعة الشمس دلالة على وجود الشمس نفسها
يحاولون انكار كل ذلك ……………..!!!
المؤتمر الوثني فاوض دولة الجنوب لثلاثة اسباب رئيسية :
1/القضاء على قطاع الشمال وخصوصا الفرقتين التاسعة والعاشرة والتي تمثل اشرس واقوى عناصر قتالية على الاطلاق بدليل سيطرتهم على 70% من ولاية جنوب كردفان والحاق هزائم كبيرة بمليشيات النظام بالخرطوم , وان اصرار البشير واعوانه على الاتفاق الامني أولا دليل ثاني على الرعب والفزع وخطورة قطاع الشمال على نظام البشير
2/ الانهيار الاقتصادي بعد فصل الجنوب وذهاب 70% من مصادر الاقتصاد في شمال البلاد تلقى الاقتصاد ضربة موجعة جدا ولذا كانت الهرولة على الجنوبيين لحل الازمة
3/عصا المجتمع الدولي والمهلة الزمنية
ولذلك مهما حاول نظام المجرمين في الخرطوم انكار عدم وجود الحركة الشعبية قطاع الشمال سيظل حديث للاستهلاك الاعلامي ومن باب الفهلوة والعنتريات الجوفاء التي لا تنظر الى ابعد من انوفهم
اكل الربا يتخبط كما يتخبطه الشيطان من المس
ناس المؤتمر الوطنى لسه بيفكروا بالعقلية الامنية لبقاء نظامهم وليس لبقاء السودان الذى لا يمكن ان يبقى ويستقر مهما ناورت الانقاذ ولفت ودورت الا بالحل السياسى التفاوضى من خلال مؤتمر قومى ستورى وبدون شروط ولكل مكونات المجتمع السودانى وحتى الحركات المسلحة!!!ناس بروفسير فلان ديل ودكتور علان وناس سعادتو وجنابوا والصحفيين الانقاذيين العاملين فيها انهم فاهمين فى كل حاجة لحد هسع ما درسوا الواقع والتجارب المرت بها الانقاذ مما جات وانها 23 سنة من المفاوضات الثنائية والمناورت وانهم لا يجلسوا مع متمردين وصيف العبور وكسر شوكة التمرد الخ الخ الخ وفى النهاية الجلوس ومن خلال الضغط الاجنبى يصلوا الى نيفاشا والتى من يومها الاول الناس كانت بتعد فى الايام ليوم الانفصال الواقع لا محالة!!! لماذا لا تريد الانقاذ الحل الوطنى وبدون اجانب حتى سلفاكير نفسه من خلال المؤتمر الجامع؟؟؟ الاجابة بسيطة انه لا تنازل عن السلطة ولو ادى ذلك لانفصال مناطق اخرى واشعال حروب اخرى الخ الخ الخ !!!اصلا وكو كلو مافى زول فى الانقاذ بيفكر بالعقلية السياسية الوطنية تفكيرهم كله بالنظرة الامنية لبقاء النظام!!!فترنا من تكرار القول انهم رجال سلطة وليسوا برجال دولة لكن الحاجة المستغرب ليها ان ناس الصادق والميرغنى وهم سساسيون مخضرمين لحد هسع ما وصلوا لهذه النتيجة؟؟؟؟؟ السودان بلد منكوب ليس فى امكانياته الكبيرة العملاقة ولكنه بلد منكوب بسياسيه الاقزام!!!!
WE WILL SEE
….
طالماأنت طرف في هذا الصراع كيف تكون وسيط لحلها؟!
إن كان لدولة الجنوب دورا يمكن أن تلعبه في هذه القضية فليس مطلوبا منها سوي تنفيذ بنود إتفاقية أديس وفك إرتباطها بالفرقتين وعدم التعامل مع أي مجموعة مسلحة تعمل ضد مصلحة السودان عندها فقط ستنتهي المشكلة ويمكن للحكومة بعد ذلك توفيق أوضاع هذه المجموعات.
مبيناً أن حزبه رفض التفاوض من قبل مع قيادات قطاع الشمال بأديس أبابا.
حكومة السودان أم الحزب ؟ آآآآآآآآآآآ….آسف مرات الواحد بنسي انو حزبكم والحيكومة سيم سيم
تابوها ممعوطة تاكلوها بصوفه
بغض النظر عن اعترافكم بمسمى قطاع الشمال أو لا وبغض النظر عن ادراج هذا المسمى في تصنيفاتكم ام لا!
يظل هذا المسمى موجودا على أرض الواقع ولة أتباع كثر ويملك قوة عسكرية ضاربة ومؤثرة وان كان توقيعكم لاتفاق الترتيبات الامنية مع دولة الجنوب كان بقصد ان يشترك جنوب السودان معكم في محاربة قطاع الشمال فهذة واحدة من احلام يقظتكم , وان كنتم تعتقدون بانكم سوف تنتصرون عليهم بقوة السلاح فانتم واهمون , غصبا عنكم ستتفاوضون معهم عاجلا ام اجلا وستبحثون عن كل وساطة خارجية ام داخلية , ليس بقوة الراس تحل المشاكل , ياما رفضتوا واتحديتوا و(كاجرتوا) من قبل وفي النهاية اتيتم مذلولين خاضعين مطاطاي الرؤوس هكذا علمنا المؤتمر اللاوطني دروس في (المكاجرة والانكسار).
سوف نرى في المستقبل[img]http://s07.flagcounter.com/mini/DymW/bg_FFFFFF/txt_FCFCFC/border_FFFFFF/flags_0/.jpg[/img]
فى البداية يتجاهلونك ثم يسخرون منك ثم يحاربونك ثم تنتصر ….. الكلام دا لادير زيادة ولا نقصان …وفروا تعليقاتكم
يا سلفا كير
ما لسودانين باتن فى سعير تتقلب
أنا لا أرى لماذا لا تسمح له المساعدة. أعتقد أن أي مساعدة هي موضع ترحيب.[img]http://s03.flagcounter.com/mini/FMv/bg_FFFFFF/txt_FFFFFE/border_FFFFFF/flags_1.jpg[/img]
الناس ديل تفوقوا على الحرباء في تغيير الجلد و هاكم الادلة و البراهين بدءا بالترابي الكان شيخهم و ملهمهم و عرابهم و مفكرهم قلبو عليهو في يوم و ليلة و سموهو الوسواس الخناس … الحركة الشعبية الكانت مرتزقة و اجيرة وعميلة بقت شريك نيفاشا ورجعت تاني بقت الحشرة الشعبية و تااااااني بقت شريك اديس و الحليف و الجار الحبيب … احزاب الامة و الاتحادي زمان قالوا طائفية و بغيضة و الان بقت الاحزاب الوطنية المشاركة في حكومة القاعدة العريضة … اركو مناوي كان قاطع طريق ورباطي ثم تحول الى مستشار للرئيس ثم ما ان لبس ان تحول الى رباطي تاني !! … جنيهنا المعروووووف دة ضبحو ليهو سماية عدييييييل و سموه الدينار تيمنا بدولة الخلافة و رجعو تاني قالو لا جنيه احسن !!
اول ما جونا في ليلهم الاسود قالو اول اهدافنا الشريعة الاسلامية ونحن طبعا ناس طيبين صدقنا وقايلنهم حاكمننا بي الشريعة لنتفاجأ بعد 23 سنة الرئيس يقول يا دووووب دايرين نطبق الشريعة ! طيب يا ريس يعني ال23 سنة كنتو بتكوو في الشريعة ويا دوووب حتطبقوها؟؟؟؟
تعرف زي العبيط الاسمه بدر الدين مريح جدا…
بمعني اخر زي التصريح دا، بيدي الحركه الشعبيه شمال
كروت سياسيه هي في أمس الحاجه ليها خاصة بعد توقيع الاتفاق مع الجنوب
القرار الاممي بتاع مجلس الامن نص بوضوح علي التفاوض بين
الحركه الشعبيه شمال وبين الحكومه علي اساس اتفاق نافع / عقار
هسي ( زعمطي)(بضم الزاي وتشديد العين وضم الميم وتشديد الطاء) الاسمه بدر الدين .. بقول لي مجلس الامن طز في قرارك
لانه نحن ما معترفين بحاجه اسمها الحركه الشعبيه شمال !
اللي حا يحصل إنه الحركه الشعبيه شمال حا تشيل تصريحات ( زعمطي )
وهو الناطق الرسمي للمؤتمر الوطني وتوديها لمجلس الامن
كدليل علي انه الحكومه رافضه التفاوض ولا تترك لها خيار غير الاستمرار في
القتال… ببساطه لانه الطرف الاخر يرفض مبداء التفاوض ابتداء
يعني ( زعمطي) برر بغباء شديد للحركه الشعبيه شمال
استمرارها في القتال..المجتمع الدولي ما حيقدر يقول بغم
شكرا لزعمطي… وعليك الله واصل في التصيحات الممتازه دي
لانه والله بصراحه شديده الحركه الشعبيه شمال مكرهه جدا علي مفاوضاتكم
صدور قرار المجتمع الدولي 2046 ختاها في حته ضيقه جدا بفرض التفاوض عليها
دون حلفائها في الجبهه الثوريه
هسي ( زعمطي) حل ليها المشكله واداها فرصه تتخلص من قرار مجلس الامن
وتواصل في تحالفها مع الجبهه الثوريه دون اي حرج او مشاكل مع المجتمع الدولي
الله يخليك لي أمك يا بدرين ( زعمطي)
ليه بتخافوا؟؟
ومن منو بتخافو ؟؟
من الشعب المسكين المستكين !!
قولوا بس امريكا ما قالت لينا اتفاوضوا ..
كملوا عواستكم وكضبكم للاخر عشان الزمن الاضافي انتهى خلاص
نحنا عارفين كل حاجة يا ….
أخخخخخخخخخخخخخخخخ
المشكلة ، إن هذا النظام البليد ، لا يتعّظ من تجاربه الفاشلة السابقه ، فتراه كل صباح في ورطه ، وهو يحاول (المخارجة) من تصريحات بروفسيراته الطُرُش هؤلاء .
سنرى .. غداً .
الرجال معهم السلاح
(يقرر ان يقوم السودان والحركة الشعبية لتحرير السودان- قطاع الشمال- بالتعاون الكامل مع الفريق الرفيع المستوى التابع للإتحاد الأفريقي ومع رئيس منظمة الايقاد من اجل التوصل إلى تسوية عبر المفاوضات على اساس اطار عمل اتفاق 28 يونيو 2011م حول الشراكة السياسية والتدابير الأمنية والسياسية في ولايتي النيل الأزرق وجنوب كردفان.)
من قرار مجلس الامن الدولي الصادر في أبريل الماضي والذي بموجبه تم توقيع اتفاقيات أديس بين حكومة الجنوب وحكومة الشمال .
فبا ترى البروفيسور بدر الدين أحمد إبراهيم سمع بقرار مجلس الأمن دا وللا ما سمع بيهو ؟؟؟
“” يتمنعن وهن الراغبات “”