نظام البشير : خطتنا الجديدة صرف تحويلات المغتربين بالعملات الحرة.. بنك السودان سيصدر توضيحا للتسلم والتسليم والشروط
الخرطوم: سيف اليزل بابكر
وافقت الحكومة السودانية للبنوك التجارية على تسلم وصرف تحويلات المغتربين السودانيين بالعملات الحرة.
ومن المنتظر أن يصدر بنك السودان المركزي توضيحا وتعريفا للمنشور الخاص بالسماح للبنوك السودانية بتسلم وتسليم المغتربين العملات وفقا لنوعية العملة التي حولت بها، والشروط التي يجب أن يلتزم بها المحول والصراف.
ووفقا لمصادر في جهاز تنظيم السودانيين العاملين بالخارج، فإن بنك السودان أبدى تفهما كبيرا لرغبات الجهاز في استقطاب وجذب مدخرات السودانيين العاملين بالخارج، الذين يقدر عددهم بأكثر من خمسة ملايين، منهم ما لا يقل عن 40 ألف خبير ورجل أعمال يستثمرون أموالهم بالخارج، مشيرة إلى أن بنك السودان سيعمل على تنشيط وتفعيل الإجراءات المطلوبة للسماح للمغتربين بتحويل أموالهم وتسلمها بنفس العملة في بلادهم.
من جهته، أوضح لـ«الشرق الأوسط» مساعد محمد أحمد رئيس اتحاد المصارف السودانية ونائب رئيس الاتحاد العربي للمصارف، أن منشور بنك السودان يمثل الوضع الراهن حاليا بالنسبة لتحويلات المغتربين في بعض البنوك، والذين يسمح لهم بإجراء أي تحويلات من الخارج بالعملات التي يرغبون فيها، ويتسلمونها بالفئة نفسها، موضحا أن المغترب يمكنه حاليا فتح حساب بالعملة الحرة، وأن يودع فيه الأموال، أو يمكنه شراء الودائع التي تصلح ضمانات لأي طلب تمويل أو قرض للاستثمار في أي مجال.
واعتبر خبراء مصرفيون أن خطوة بنك السودان للسماح للمغتربين بتحويل أموالهم إلى ذويهم وأسرهم بمختلف وقرى ومناطق ومدن البلاد، سيعزز من قدرة المواطنين الذين يعتمدون في معيشتهم على تحويلات المغتربين، وسيقضي تدريجيا على السوق
السوداء للدولار، الذي يصل سعره إلى نحو 14 جنيها، بينما سعره في البنوك 6 جنيهات فقط.
وأوضح المهندس عوض التوم الخبير المصرفي السوداني لـ«الشرق الأوسط» أن قرار فك التحويلات يعني إعادة الثقة تدريجيا بين المغترب والدولة فيما يتعلق بالتحويلات وأهمية انسيابها للبلاد دون قيود، مما سيشجع المغتربين على فتح حسابات بالعملات الحرة في البنوك التي يحولون إليها أموالهم، بل الدخول في فتح ودائع بنكية تصلح ضمانات لأي استثمار يرغب فيه المغترب، بجانب أن الدولار الآن يعامل بوصفه سلعة، وكل سلعة تسري عليها قاعدة العرض والطلب، فعندما تزداد أعداد وكميات العملات الحرة في البنوك يقل الطلب عليها، وبالتالي تنحسر تدريجيا أسعار الدولار المرتفعة حاليا.
الشرق الاوسط
ما رأي الجهات الأخرى .كل جهة عندها قراراتها.والفرملة
والمقالب بعدين بتظهر.زي استيراد العربات. نشوف .
والله فعلا خبر مضحك كما هو موضح فى الصورة التى تزين الخبر . انتم ما زلتم تحلمون بأن اى مغترب سوف يقوم بتحويل ولو دولار واحد بواسطة البنك . يا اخى دا أمل ابليس فى الجنة . الجنية كل يوم يواصل السقوط وقبل نهاية هذا الشهر سوف يبلغ ال 20 جنية للدولار . وهو ينطبق عليه المثل : ” عايرة وادوها سوط ” لن يقف سقوط الجنية طالما هذا النظام موجودا . يعنى من كثرة حب المغتربين للنظام , يقوموا يحولوا فلوسهم بواسطة البنك لكى تستولوا عليها ؟ والله غباء لم تشهده البشرية من قبل . روحوا فى ستين داهية , ربنا يقصف رقابكم ويورينا فيكم يوم . لو انتم رجال , احضروا الفلوس والتى تقدر بمائتى مليار دولار من الخارج واستثمروها فى السودان . اما المغتربين فلأ تتعشموا يرسلوا ليكم ولو نصف دولار .
الروووووووووب
ما عايزين تحويلات بالعمله الصعبه ولا عايزين تسليم او تسلم .. انتو عباره عن حراميه اغبياء و رئيسكم جاهل غبى .. عمله صعبه تجيبوها من وين يا كلاب اذا كانت الشركات و المؤسسات الحكوميه ما لاقياها تلقاها بنوككم الكحيانه دى؟؟؟ كدى خلى بنك السودان المركزى اولا يقدر هو يستلم تحويلاته فى السودان بعد داك نحن هينين … عالم وهم
خلاص لحقتوا كل موارد السودان امات طه وقبلتو علينا . ياخي
وأوضح المهندس عوض التوم الخبير المصرفي السوداني لـ«الشرق الأوسط»
==============================
مهندس عرفناها .. خبير مصرفى ؟؟ يعنى اقتصادى ؟؟ عرفت مهندس اقتصادى .
الرابط أعلاه:
صرف التحاويل الواردة بالعملات الأجنبية يتوقف على رصيد خزينة البنك من الدولارات
——————————————————————
04-13-2016 12:53 PM
محمد وداعة
بجوار خزينة النقد الأجنبى وفى واحد من كبريات البنوك نجد الأعلان الأتى، إلى عملاءنا الكرام ( أن صرف التحاويل الواردة بالعملات الأجنبية نقدا بالدولار للعملات ، يتوقف على رصيد خزينة البنك من الدولارات ،وكما تعلمون فإن العملة المحلية الورقية يمكن الحصول عليها من بنك السودان فى أى وقت ،أما العملات الورقية الاجنبية فتعتمد فى الحصول عليها من مشتروات القادمين فقط اذ ليس البنك المركزى مسؤلا أن يوفرها لانه لايصدرها، وسوف يسعى البنك جاهدا لتوفير مايحتاجه العملاء من مشترواته ومما يمكن أن يحصل عليه من البنوك الاخرى ، أما اذا تعذر ذلك فاننا نضع أمام العملاء الخيارات التالية (1)الحصول على مايعادل التحويل بالريال السعودى أو الجنيه الأسترلينى أو أى عملة أخرى متوفرة لدى البنك (2) أضافتها لحساباتهم بالعملة الاجنبية (3) الحصول على التحويل بشيك مصرفى(4) تحويلها الى اية جهة يريدونها (5) بيعها لصرافة البنك بسعر شراء البنك السائد يوم الصرف (6) ونؤد أن نؤكد أن جميع هذه البدائل متاحة للعميل وأن أرصدة البنك من العملة الاجنبية متوفرة لمقابلة أى تحويل. ولكن قد يكون العجز فى العملة الورقية والتى نسعى لتوفيرها ما أمكن وإلا فالخيارات أعلاه مطروحة ،
الخيار الأول تسليم المبالغ المحولة بغير العملات الى تم التحويل بها والمتوفر من العملات لمقابلة التحويل بالدولارفقط ( الريال السعودى ، الجنيه الأسترلينى) ، الاضافة للحساب وعدم التمكين من السحب منها نقدا ، التحويل بشيك مصرفى غير قابل للصرف نقدا ، تحويلها لأى جهة يريدونها لايمكنها صرف نقدا ، بيعها لصرافة البنك بسعر شراء البنك السائد يوم الصرف ! ( حوالى 6.41 جنيه للدولار) ، مضمون هذا الاعلان تعتمده اغلب البنوك الاخرى ، و هو يتعارض مع أخر منشور معلن صادر من بنك السودان بخصوص تحويلات العملات الأجنبية ، ويبدو أن بنك السودان وصل مرحلة متأخرة فى اى إلتزام لتوفير النقد الأجنبى وفقا لتوجيهات الحكومة ، فلم يوفر البنك النقد الأجنبى لقطاعى الدواء والدقيق ، وبعد أقرار سياسة لاستيراد بدون تحويل قيمة وجه بنك البنوك بمخاطبة كل الموردين اللذين يوفرون الدولاؤ من مواردهم الذاتية لسحب أرصدتهم بالعملة الحرة( الدولار ، اليورو ، الدرهم ) المخصصة للأستيراد من حسابات الأستيراد وذلك يعنى أن بنك السودان لن يوفر اى أعتمادات بهذه العملات لاى عمليات استيراد ، وبهذا فإن بنك السودان يتخلى عن أهم وأجباته فى تنظيم سوق النقد الأجنبى وتوفير سقوفات التمويل لعمليات الاستيراد،
هذا باختصار يعنى أختناق الأقتصاد السودانى ومؤشر لعملية أنهيار بدأت معالمها ، وطبعا هذا لن يساعد على تخفيض سعر الدولار ، ويتفق الكثير من المراقبين أنها بمثابة تخفيض و ( تعويم ) غير معلن لقيمة الجنيه السودانى ، وتحوله الى ورقة لاقيمة لها، و تحذيرات من توقف الانتاج نهائيآ ، فى الاسبوع الماضى اعلن وزير السياحة ان النشاط السياحى وفر (930) ملون دولار ، وزارة المعادن تتحدث عن قرابة (2) مليار من مبيعات الذهب غير ذهب شركة ( سبرين الروسية) ، و حصائل الصادر الاخرى ، اين تذهب هذه المليارات من الدولارات ؟ و اين المساعدات العربية و الخليجية و الودائع القطرية ؟ البنك يستلم تحاويل بالدولار فكيف يعجز عن صرفها لمستحقيها بالدولار ، ايها الناس احترموا عقولنا و اوفوا بحقوقنا ، ان قادم الايام خراب و يباب، انها النهاية ،
الناس بتحول عبر البنوك عندما يكون سعر السوق هو سعر البنك وينتفي الفرق نهائياً
اما التحويل بالدولار قبل كده فتحوهو ولكن كانت برسوم عالية جداّ قضت على قيمه الدولار نفسه مفتكرين دا ذكاء منهم يعني !
المسأله ما بالبساطة دي ياجهلة المؤتمر الوثني شوية فاقد تربوي وأخلاقي عاملين منهم خبراء اقتصاديين
جرسة شديدةو تخبط شديد وحتدفعوا الثمن قريب انشاء الله
ثورة الجياع على الابوااااب يابشبش !! خلي الخبراء بتاعنك ينفعوك
ستحصدون مازرعتموهم من خراب خلال 26 عاماً تحصدوا الشوق بس …الشوق اليقدد عيونكم اللهم آميين
من الذى يصدق كم اذهب يا عمر الى القصر رييسا وانا ذاهب الى كوبر حبيسا لعن الله قائلها حيا وميتا كيف نثق فيكم يا انجاس وانتم من قتلتم مجدى ورفاقه فى اموالهم وحللتم أوكلتم الربا لعنة الله كليتكم
يا رييييت يا ريييت يا ريييييت .
يا رييييييييييييييييييييييييي ييييييييييييييي يييييييييييييييت.
بس أنا ماعارف صاحب الأغنية منو . سمعتها زمااااااااااااااااااااااااااان.
مش ياريت يسلمونا . ياريت لو أصلا في فلوسسسسسسسسسسسسسسس.
الحمد لله.
ونحن جاهزين افتحوا ابوابكم – كدا عدل للحكومة والمغترب رغم ان كدا حاتوفروا العرض للعملة الصعبة بالسوق
ثمح!!!!
السوداني عموما… والمغترب تحديدا… اصبح يلدغ من جحر واحد اكثر من مره..؟؟!..
اصبحوا يتجبطوا .لم يعد المغتربون يثقون بالنظام المصرفى فى السودان و ليس بينهم من هو على استعداد للمخاطرة بامواله لدى بلد تحكمها مجموعة حرامية . عملية فاشلة . شوفوا ليكم قصة غير دى ..
ياحلات لقلق
اموال المغتربين لحسة كوع…..
دي ماسورة من امها هههههههههههههههه
كان ليكم يا ناس الحكومة تلقوها عند الغافل … هاك الدولار دا !!!!!
نحول قروشنا عشان تشترو سلاح وتقتلو الطلبه في جامعة الخرطوم ولا لتروعين الامنين من اهلنا في النيل الازرق وجبال النوبه والله ما حتشوفو قرش مننا حتي لواهلنا ماتو بالجوع نحن شعب يعشق السودان ويكره الاخوان
نفترض تم التحويل ماهو المقابل الان نحن مغتربين اكتر من 15 سنة قطعة الارض اشتريناها العربية دفعنا جماركه الاولاد علمناهم من جيوبنا اهلنا سفرناهم برة السواد للعلاج عملتو لينا شنو قاعدين تنهبو وتبنو في القصور بالله اخجلو من نفسكم صحي شحادين وعينكم قوية
ماسورة كبيرة وقد تم تجريب الحسابات الحرة من قبل ولكن حكومة وبنوك الحرامية لم يلتزموا بما عاهدوا به المغترب وعادوا للمربع الأول مربع الاستهبال والجرجرة والمماطلة والمماحكة أولئك لا عهد ولا ايمان لهم انهم عبدة الدينار والدرهم والدولار وعلينا أن نحرمهم من الههم حتى يموتوا روحياً تجنبوا ايها المغتربين الاستماع لاكاذيب وأضاليل الكيزان للاستيلاء على مداخرتكم دعوا اموالكم في الدول التي تقيمون بها وحولوا لاهلكم ما يحتاجونه من مصاريف وحول عن طريق السماسرة ولو أنها في نهاية الأمر تصل عن طريق أولئك الاشرار ولكن أفضل من أن يستولوا عليها من غير مقابل وذلك مؤكد إن اودعتم مدخراتكم في بنوكهم المخادعة .
هاااااااااااااااااااااااع كاك كاك كاك كاااااااك
تلقوها عند الغافل بنحول سوق اسود بس ماف ثقه اصلا
المواطن اصبح لا يثق فى الحكومه
عندما تذهب للصرف مافي دولار اليوم تعال بكرة بكرة يقول لك موظف البنك بدلا ان تتعب نفسك خذ بالجنة وبذلك يسرقك الحكومة خلاص سرقتو كل السودان وبقى فقط جيب المغترب وعايزين تنهبوا الفي الجيب نحن المغتربين مابننخدع تاني كفاية غش صلاح دولار المؤمن لايلدغ من جحر مرتين
والله تشمها قدحة يا عمر البشير ..
لهفتوا قروش البترول 13 سنة مافي زول سألكم كمان جايين تشاركونا في تعبنا وعرقنا ؟؟
أولاً :
لا يوجد شخص من المغتربين أو من عامة الشعب يكن لهذه العصابه المجرمه مجرد ثقه . هذه العصابه همها أكل أموال الناس بالباطل وجمع الدولارات .
ثانباً :
من الذي أدى الى إنهيار للجنيه السوداني والتي صارت مكانتها أدنى من عملة زينبابوي ؟ أليس أنتم يا كيزان السوء !!!.
ثالثاً :
مهما تم تحويله من عملات صعبه حتى لو حولت لكم تريليونات أمريكا لن تجدي نفعاً طالما جميعها تذهب لجيوبكم وكروشكم .
رابعاً :
هذه الفريه وإن قمتم بعملها فلن تستمر إلا أياماً معدوده وبعدها نرجع لأسوء مما نحن فيه ويكون المغترب قبض الهواء وأنتم قبضم الدولارات .
ومن يضمن عدم قيام حكومة الحرامية باصدار قانون جديد يبيح لها الاستيلاء على العلملات الاجنبية ، للصالح العام، وصرف قيمتها للمغترب بالجنيه السوداني. وبعد ذلك قيام الحكومة برفع قيمة الدولار من جديد حتى يصبح هنالك جنية قديم و جنيه جديد و جنيه اجد؟؟؟؟؟؟؟؟؟؟؟؟
الافضل من هذا ان تكون هنالك حوافز للمغترين بتحديد مبلغ معين يتم تحويله في العام لتمتع بعدها بتسهيلات جمركية او شراء اراضي اعفاءات من بعض الرسوم الحكومية في مقابل الخدمات التي يتطلبها المغترب ولكن الخوف كل الخوف ان تحول هذه الي صالح جماعات الحكومة فهي لا تخاف الله
خلاص صدقناكم يا عرب بني أمية …وهسة المغتربين ديل كلهم واقفين صفوف عشان يحولوا ليكم العملات الحرة .
زى ما صدقنا نظرية الدفاع بالنظر .
والصيف دا آخر صيف لحسم التمرد…
وحلايب ما سودانية .
والجامعة دى القال منو أنحنا عايزين نبيعها ؟؟؟ أنحنا قلنا عايزين ندعمها … ندعمااااااا.
الرد الرد … كباري وسد .
العار العار يا أيتها الجقور العميلة التي خربت كبري المنشية ..
والله أكبر والعزة للسودان.
It is too late for taking such step. The mistrust has been accumulating for years till it become a mountains that no one can pass over. The question that impose itself is that (is such measure is healthy for the economy??
سبحان الله الحكومة معندها اى خطط غير انو تعيش على ارزاق الناس محليات وزكاة ومغتربين العن ابو دا اقتصاد يااخ ……
وتانى حاجة الحكومة دى اكتر جهة بتستسمتع بتعزيبهم هم المغتربيين تعزيب جوازات وضرائب وزكاة يتعاملو معاك كانك مجرم او متهم وبعدا بكل وقاحة وهم عررفين 3 ارباع العملة البتخش السودان عن طريق المغتربيين طيب يااخ انت بدل اناس برفد خزينتك بعملة صعبة وما مدافرك فى وظائف طيب شخص زى دا انت بدل تتعامل معاو باسوب مهذب وراقى لا تقووم تتعامل معاو كانو مجرم او متهم ؟؟؟ يا مغتربيين الحساب ولد ماف زول يحول دولار نهائى حولو بطرقكم المعرووفة خلوهم يعرفو الله واحد الكلاب
هيا يا مغتربين يا فالحين ندعم لصوص الانقاذ ونحول كل مدخراتنا في البنوك الاجنبية الشخصية بك صالح الكامل السعودي الاصل (بنك البركة) وبنك فيصل الحرامي اقصد الاسلامي ؟؟؟ وبنك ببلوس اللبناني وبنك السلام وهذه البنوك يا شباب خدمت سوداننا الحبيب وطورت اقتصاده الحر خالص وجعلت شعوبه مرفهة وهي فتحت خصيصا في السودان لمساعدته في النهضة والتطور حتي صار شعبه يستمتع بالهوت ضوق والبتسا وحكامه يستمتعون بالسفر والعلاج في الخارج وركوب السيارات الفارهة وصار السودان يتج السيارات والطيارات ويستورد الاجبان الفرنسية اللذيذة والشوكلاتة السويسرية الراقية والالبان من شركة المراعي وكما قال عراب اقتصاد السودان الحر اللص الكبير عبد الرحيم حمدي صاحب نظرية البقالات التي تدرس في الجامعات العالمية وهي ان كثرة البقالات تدل على تعافي اقتصاد السودان والله اكبر ! الله اكبر ! الله أكبر ! هي لله هي لله هي لله ولا لدنيا قد عملنا نحن لنسائنا فدا ؟؟؟
السماسرة احسن من البنوك للاسباب الاتية:-
– السمسار يجيك فى محلك لياخد المبلغ…البنك تقيف فى الصف لمن كرعيك يتعبن عشان تحول
-السمسار يمكن يوصل ليك المبلغ للبيت بى عشرة جنيه بس…البنك تركب مواصلات وتنشحط فى الصف لمن راسك يدوغ عشان تصل الصراف
-تحويل 500 درهم او 500 ريال بالنك تعبهن اكتر من قيمتهن
– غالبا ماتمشى الزوجة لاستلام المبلغ من البنك ثم تبحث عن السمارة لبيعه..وفى ذلك ضياع لوقتها كما انه فى خطورة على حياتها من الحرامية
-السماسرة صادقين لانهم من نفس البلد او المنطقة…موظفى البنك حرامية واكبر سماسرة ومابدوك حقك بالساهل
– البنوك كان ما عندها رصيد تقول ليك الشبكة طاشة…اها تمشى وتجى كل يوم لمن تحفى
طيب بعد ما استلم دولاراتى بالعملة الحرة فى السودان…. وبعد داك؟؟
كثير من المغتربين يفرحون بزيادة سعر العملات الاجنبية من دولار الي ريال و لكن في حقيقة الامر ان الزيادة اسعار العملات يتبعها زيادة كبيرة في السلع الاستهلاكية و هذا ليس في مصلحة المغترب… ايضا في حالة الاستثمار في السودان ان تحويل الجنيه السودان الي عمله أجنبيه و تحويله للخارج فيه خسارة كبيرة للمستثمر السوداني…
هنالك استحالة في استقطاب تحويلات المغتربين عبر القنوات الرسمية اولا فقد الثقة في حكومة الكيزان ثانيا لا توجد طرق ميسرة للتحويل…
بأذن الله بعد زوال حكومة الكيزان من الممكن فتح فروع لبنك السودان في معظم الدول التي يوجد بها عدد كبير من السودانيين و فتح حسابات بنكية في هذه الفروع و ربطها بحسابات في السودان فعندما يقوم احد العملاء بإيداع مبلغ في حسابه في بلاد المهجر يظهر ذلك في حسابه في السودان فيستطيع صرفه او تحويله الي حساب اخر اونلاين او من الصراف الآلي…
يكون سعر الصرف في البنك اعلي من السوق الموازي و يمكن لأي مستثمر شراء العلمة الاجنبية بنفس سعر الصرف في البنك يصاحب ذلك زيادة في الصادرات مع الاعفاء الجمركي لواردات معينات الانتاج… بهذا يختفي السوق الاسود و يتم التحكم في سعر الصرف و تحسين الانتاج و وفرة العلمة الاجنبية
زوال الكيزان ايضا يؤدي الي رفع العقوبات علي السودان و اعفاء الديون الخارجية و انسيان في التحويلات المصرفية…
لكن نقول للكيزان اصدروا ما شئتم من قرارات فلا احد سيستجيب لكم…
انتبهو يا مغتربين ده شرك ليكم سعر السوق000. 14وسعر البنك 6.000 جنيه صدقوني الكيزان ما عندهم امان نهبوا الخزينه وعاوزين يعبوها من اموال المغتربين ما عندهم مثقال ذرة من ايمان خلوهم يتكووا من نار ابوصلعة
لا خلاااااااااااااااااااااااااص
حد يأمن خروفه للذئب؟
الثقة في الحكومة صفر كبير
المضاربين في العملات للاسف مسئولين كبار امثال المتعافي ومن وجد في بيته 9 اصناف من عملات العالم وكلهم عندهم ناس بيشتروا لهم العملة في الخليج
ياخي السفارات ذاااتها بتضارب في العملات وسمعنا انه التحويلات التي تتم من سفارات الخليج العملات تذهب بالحقيبة الدبلوماسية ويستلمها اشخاص معينين ويروحوا يبيعوها بالسوق الاسود الريال او الدرهم مثلا ب 3000 وييمشوا يحاسبوا الخارجية او المالية بسعر البنك ب 1500
ياعصابة التدمير
العبوا غيرها دي
المغترب والحكومة مثل الماء والنار ضدان لا يجتمعان
تلقوها عند غافل ، يا حرامية يا أولاد ال…
بئس الحكومه ليس لديها نظره ابعد من جيب المواطن المسكين التائه في بلاد الغربه الباحث عن لقمه عيشه من خشاش الارض
هذه سياسة تخديرية يجب أن تتوفر العملة الحرة في الأسواق والبنوك والصرافات لكل شخص يريد أن يشتري أو يبيع عمله صعبة لا أحد يحجر عليه وتكون العملة في متناول اليد يعنى بنك السودان يوفر العملة في الأسواق بدلاً من أن يوفرها المغترب فإذا توفرت العملة من قبل بنك السودان فسوف تنخفض قيمة الدولار ويرتفع سعر الجنية السوداني .
وكذلك يجب أن تعطي الحكومة حوافز لك مغترب يحول عمله صعبة مثل إعفاءات جمركية من سيارات وأثاث ومواد بناء وكل ما يحتاجه المغترب بنسب التحويل يعنى إذا المغترب حول مبلغ عشرة الف ريال يسمح له باستيراد سيارة وإذا حول عشرين يعفي من الجمارك وهذا مبلغ التحويل ممكن يكون على دفعات يعنى ممكن الحكومة تشجع المغترب وتقف معاه وليس ضده . كما تنظر الحكومة للمغتربين الذين أمضوا في الغربة سنين طويلة من عشرين سنة وما فوق أن تمنحهم مشاريع تجارية وزراعية وأن تقف معهم وتوجههم لكي يستثمروا وتستفيد منهم البلاد .
كما آمل أن تتحرك وفود من وزارة المالية وبنك السودان وتصل للمغتربين في المهاجر وتشرح لهم سياسة جديدة تكون عايدة لمصلحة المغترب ولبلدة وتطمئنهم بأن أموالهم محفوظةولم تتعرض لخطورة . هذا كل ما اردت توضيحه .
كضابين .. وما حنحول عن طريق الحكومة لاننا لا نثق في الحكومة .. يعني معقول احول لاهلي 2000 دولار عن طريقكم وتسلموها ليهم 2000 دولار ؟؟ اكيد في رسوم بنكية وضريبة وتصوير ورق ووووووو الخ ..
ده طبعا لو اتوفر عندكم العملة الصعبة .. القرار او الخطة واضح انها استهبال ما اكتر ؟؟ اما حكاية القضاء على السوق الاسود دي فواضح انكم ما جادين وحتى كذبكم ما ذكي ..
لانكم انتو التاجر الاول والاساسي للدولار في السوق .. العبو غيرا ياكيزان ..
هع هع هااااع..هو لو اودعنا قروشنا في البنك بالسوداني ما بتدونا ليها تامة.. دايريننا كمان نودعها ليكم بالدولار !! قروشنا بنختها أمانة عند سيد الدكان…برجعها ليك في الصُرة بصمّتها..حتى ولا بعرفها يورو ولا دولار… قال بنك السودان قال!! منو الـ بخلي غنمو ترعى مع المرفعين؟!!!!
ههههههههههههه ….. و كمان ههههههههههاى … و كمان هههههههههاى .
الدولار تشمو قدحة … و الريال الا تشوفه فى المنام …
و اخيرا
هههههههههههههههههههههههههههههههههههههاى
الحكومة اذا عايزة عملة صعبة تخفض الجمارك علي العربات والمعدات الثقيلة الاخري وتلغي موضوع فرق الموديل ومستعدين كمغتربين ندفع الجمارك بالعملة الحرة …غير كده مافي ليكم ولا بنس ولا هللة …
انا كمواطن سوداني أحب بلدي أقترح علي الحكومة إلغاء الضريبة وإستبدالها بإلزام المغترب بتحويل سنوي قدره 2000 دولار يستلمها في السودان
ياحلات لِك لِك ..!!!
تشموها قدحة
كل إنسان مغترب قروشو في جيبو إن كترت أعملوا حفرة دسوا فيه القروش ..لكن بنوك الكيزان لا وألف لا ….
لن تنصلح العملة المحلية ما لم يتوقف النظام عن منح العملة الصعبة للكيزان بسعر مخفض فيبيعوها في السوق السوداء بسعر أعلى، أما المغترب الذي يرسل أمواله بالعملة الصعبة إلى بنوك الكيزان فهو يغامر بأمواله لأننا نعرف أن بنوك الكيزان بها من الكيزان الفاسدين من يأخذ من أرصدة من لا ينتمي إلى تنظيم البشير ويعطيها لكيزان آخرين فيتاجروا فيها ويأخذوا الأرباح وقد تستولي الحكومة على أرصدة المغترب نفسها بالعملة الصعبة ولا تعيدها إليه، فماذا يفعل في بلد تحكمها عصابة ولا يحكمها القانون؟
حتي لو بلقوها قروشهم ذاتها وبالعملة الصعبة مابحولوا ليكم نهائي..!! لأنه كل المغتربين تقريباً وخصوصا الفي دول الخليج اهلهم بستلموا قروشهم بتلفون بس وفي مكانهم وبدون هو يسلم مايقابلها في وقته كمان إذا ماصرف مرتبه ولا هو ولا هم بمشوا بنوك ولا مصاريف تحويل وقروش مواصلات ووجع رأس..!!!
الموضوع من جانب وطني فقط اقترح انشاء بنك خاص بالمغتربين فكروا كيف ننشي البنك وكيف وكيف وكيف ادق التفاصيل
بشرط الادارة تكون مستقلة من اي جهة سيادية (( مغتربين فقط))
ومن يصدق الحكومة تجارب كثيرة سابقة تجعل المغترب يرفع يده من حاجة فيها اسم الحكومة حتى الاراضى والمزارع كان فيها غش الثقة لن تعوم بالسهولة الا بعد سنوات وتجارب وحقائق صادقة
حلوة جدا …دي آخرتا…!!!
الخبير المصرفي….المهندس عوض التوم
ودا خبير في شنو كمان….يعنى ناس كبج …وكدودة…والكرسنى …ومنيف…والزيلعى…وكمال كرار…والبروفيسور بتاع أنا ما بفسر…وانت ما بتقصر…البقا بتاع طلبات ومغنواتية…البوني…الناس دي جات من وين…أصلو كلية الاقتصاد دي بتخرج شنو ياربي…أدونا بالله عليكم معلومات…عن …الفلتة…البروفيسور…الفريق…الخبير الوطنى الاقتصادي المهندس عوض التوم…!!
ولا أنا أكون غلطان في الراجل يا اخوان…ممكن يكون أسمو الضبحو ليهو فيهو الخروف وسموهو بيهو (المهندس)…أصلو الأسامي دي ما عايزا ليها تصديق من بلدية…ولا نكتوت وحساب جاري….وانا عندي بتى مسميها…(الجمال الاصلي في السودان)…أها ايه رايكم؟؟؟؟!!!
وفي الحالة دي نعتذر للاقتصادي الهلمة المهندس عوض التوم…ومن حقو أن يفيدنا بخبرته
ان شا الله ماتطلع مضروبة زي خبرة ولدنا ود ديم الزبيرية ربيع عبد العاطي عبيد أزرق الكرفابي ال…
طبيب أبزقة ونخائم وسنون وحنكات وضروس خبير في الديبلوماسية…وصفنا بالشحاتين!!…وطلع ضاربو هوا بارد..ديبلوماسية فشنك..!!!..الله يرحمك ياجمال محمد احمد
خبير اقتصادي قال بالفم المليان…(علينا الاستعانة بالجن الضكر…لحل مشاكل اقتصاد السودان!!!
وحكيمباشى بتاع سل وضغط وملاريات وتصدعات …وحاجات زي كدا(طلع دين الزراعة) لحس (عافيتا)…لي يوم الليلة زراعة الجن دي ماسكاها امسيسي….وعوارة القطن المحور مرة…والملخبت مرات!!!قال خبير زراعي…..ياخي انت طبيب…حكيم…مجالك غير كدا…الراجل حلف اليمين قدام بشة…!!!طيب ليه كدا يا…دكتور…قال …أنا من يومي مفتح…وأبوي كان صمد في الساقية…أنتو قايلني كيشة….(والله صحي…زي ما بقول الشيخ داك)
(سليل!!) (الدوحة!!!) (النبوية!!!)…(الحسيب!!!)…(النسيب!!!) جعفورى..ولا …حمودي الحسن…أنا ما متأكد ياتو في عيال (المافيا المرغنية) المدغلبين ديل…لاكين لو في لزوم للتشييك ///ممكن تسألو (المقاول شلة ونفرات الاسمو محمد لطيف)…نعم سبط دون كورليونى المرغني…قال (حأطفيها في 180 يوم كل مشاكل الدولة السودانية)…أها كل يوم نيرانا ملهلبة…طلعو كلهم مشايخ مضروبة ومخستكة..!!
حاجاتنا كلها في زمن الانقاذ دي شترا…الحداد بنا…الميت حي….والحي ميت…طبيب التفاف ديبلوماسي…والممرض فريق جنرال عدييييييييييل بي قمر ونجوموصقر فارد جناحو….والمهندس مركب ماكينة جون سميث وكارل ماركس يا ولد …والعمارة مشققة…والطريق ملحوس…والنقل الميكانيكى نشلو اسامة ود البلاط.وابوكم مين نميرى…وجبت اللقمة للجيعان…والدلقون للعريان….وجيفة تدخلن الجنة ..تعرس ليهم الحور العين ونفس الجيفة…تطلعن فطايس معفنة…لك الله يا الشعب السودانى…وبراكم شايفين يالمغتربين…نوعية الخبراء البيمثلو المرجعية والمصداقية….نوع المهندس عوض التوم…الخبير في مجال الاقتصاد والعملة الوطنية والبرانية…أخصائي التعويم…أها أعملو حسابكم…والبلد ما معروفة ماشة لى وين…!!!فخلونا نتفاكر في حالنا وحال البلد ومستقبل الوليدات…بالوضوح والصراحة…اني لكم من الناصحين.
مغتربين ودولار؟؟
والله نحن المحليين ديل قروشنا السودانية السجمانة دي بنلمها في البيت وما بنعتب بنوك الحرامية ديل
حكومة حرمنة وغباء
سبحان الله
سبحان الله
سبحان الله
أول مرة أقر تعليقات كلها بالجملة والتفصيل متفقة تماما…حتى يا كافي البلاء (معقول حتى الجداد والناس الكرور…والكتيبة الاليكترونية) واقفة كدا لت مع (مناضلى الكيبورد)
أها نوم قفا يا عووضة….ويا افندينا….مقنعين …ولا كاشفين كلمن نجييييييييييييييييض…ولا شنو
عفارم عليكم…يا ناس…المديدة حرقتنى…وبت السودان…والمجهجه الاممي…ونجاة ابوزيد…والكوز المدلدل تحت الزير الفي الراكوبة…كاسترو عبد الحميد…ويا أخونا المتغرب الأبدي (قناعك دا خوفنى) اللهم ردو من غربتو الابدية
نصيحة للمتاسلمة
مفترض تتشكل لجنة ذات مصداقية وخبرة (حقيقية) لتحليل مدلولات وانفعالات هؤلاء البشر تجاه هذا الخبر الذي أرادت به المتاسلمة وحلفاءها من (جماعات النار ولعت)أن تبعث برسالة مسرة وتطمين …لماذا النتيجة معاكسة تماما وغير متجاوبة!!!؟؟؟
مرة أخرى مبرووووووووووووووك ليكم يا مناضلى الكيبورد….!!!!
5 مليون لاجئ والامغترب…..دي اخر اكاذيبكم ؟ نحن بنعرف نحول لاهلنا كيف…حتي لو قفلتو الصرافات…قبل ماتفتحوها كنا بنحول لاهلنا…كمان بنجمع للمستثمرين قروش بالعملة الصعبة بالخارج وهم يسلموا اهلنا في السودان…اها دي تحلوها كيف ؟