الخرطوم سعاد الخضر
طالب القيادي بمبادرة القضارف للخلاص جعفر خضر أحزاب المؤتمر السوداني والتجمع الاتحادي والبعث الاشتركي التي أعلنت عن مناهضتها بصورة سلمية لأي حراك يدعو لاسقاط الحكومة الانتقالية طالب تلك الأحزاب ، أولا بتحديد موقفها من المكون العسكري ، وقطع بأن الصمت حيال ما يقوم به أو التماهي والانسجام معه يعني أن تلك الأحزاب تقف في خانة مضادة للثورة.
وشدد خضر في تصريح لـ(الجريدة) على ضرورة أن تحدد الأحزاب الداعمة للحكومة الانتقالية موقفها من المكون العسكري باعتبار أنه العدو الأول للثورة ، وأردف اذا كان لدى تلك الأحزاب تكتيك لا يهدف لاسقاط المكون المدني فعليها توضيح ذلك.
ورأى أن أي حزب يصمت على أعمال المكون العسكري يضع نفسه في خانة التآمر على الثورة.
وقلل خضر من المخاوف التي أثيرت حول تباين شعارات وأهداف الأجسام التي شاركت في المليونية أمس بين الاسقاط والاصلاح، ووصف الاختلاف بالطبيعي الا أنه استدرك قائلاً:” مفروض نكون متفقين رغم التباين أن المكون العسكري عدو للثورة وقاتل وأي تعالي عن هذه الحقيقة يترتب عليه تصنيف الأحزاب مع أوضد الثورة بصورة تلقائية”.
واعتبر أن أي شخص يقترب من المكون العسكري يبتعد عن الثورة ويصبح ضد الشهداء واعتبر أن مساندة قضايا الشهداء بوصلة لتقييم قرب الشخص من الثورة ومساندته لها.
الجريدة
جاهل مهما كانت درجته العملية…ومُضَلّل مهما كان اعتقاده في رجاحة العقل…وربما ذو غرض …ذلك الذي يعتقد ان المكون العسكري ضد الثورة….المكون العسكري هو ضراع الثورة القوي وهو شريك الثورة الأصيل….وكل كلام سوى ذلك هو هراااااااااء….لكم ان تعيشوا فيه ماتشاؤون لكنه محض هراااااااء
تا الله انك انت الجاهل وليد ايضا
ومالو ياعزيزي خلي الأيام تقول منو المغشوش ومضلل فينا…..
وبعدين مش الديمقراطية الزول بقول رأيو؟ امسك في رأيك مع الملايين الزيك قوي…وانا بقول انكم غلطانين حتى لو دة رأيي براي…..
لولا القوات المسلحة وقيادتها الوطنية الرشيدة والباسلة كنا دخلنا في حرب أهلية ولولا وجودها حاليآ-وجود طبيعي- في قمة السلطة كان كيمان الأحزاب مزقت بخلافتها لحمة الوطن…
وبالعربي الفصيح لولا القوات المسلحة بقيادتها الرشيدة والحكيمة كان المخلوع اباد عشرات الآلاف…
ولو عندك موضوع غير فض الاعتصام قولوا لأنو فض الاعتصام دة مسخ بالتكرار ومحاولة التكسب السياسي البائس من وراهو…وهو فجيعة شارك فيها وادى اليها وعرفها ومررها المكون المدني في قحت الفاشلة….والجيش حمى المتظاهرين مرتين من محاولات اقتحام بالرصاص والنار….فض الاعتصام دة شاركوا فيهو ناس قحت لو ماعارف….
اكرر امسك في رأيك قوي وبكره انك معاك ملايين لكن انتو غلطانيييييين وماشين ورا القيادة الغلط بكل بلاهة
المكون العسكرى هذا هم مجرمو فض الاعتصام، و مصير هؤلاء القتلة هو المقصلة.
ومالو الأحلام مجانية والتخريف والهذيان برضو مجاني!
تمام يا عاشق الورد كل من يؤيد العسكر أما كوز أو من جماعة إبراهيم الشيخ والسنهوري.
مابلومك….لو شوية قريت تاريخ بلادك بتمعن…ماكنت ح تقول كدة…وانا لا كوز ولا تبع فلان ولا علان…انا تبع الوطن وبس…وافضل من يمثل الوطن حاليآ واعلاهم اخلاصا وفهما وانضباطا هم العسكر…
فهل ممنوع اقول رأيي؟ ولا قناعتي؟ التصنيف لي شنو؟ ياها اما اكون تبع الفشلة والا اكون كوز؟ مش زمان المخلوع كان برضو بصنف المعارضين على انهم شذاذ آفاق؟ وخونة وعملاء…الخ
شنو الاتغير الالفاظ بس؟
تمام ده الكلام الصاح عشان نفرز من مع الثورة ومن مع الهبوط الناعم والتفريط في دماء الشهداء من القتلة في لجنة الكيزان الامنية
كمان مابلومك…لأن واضح انك مامتذكر انو المرحوم سوار الدهب القاد الفترة الإنتقالية بعد انتفاضة ٨٥ كان وزير دفاع نميري….وما بلومك لأنك متناسي انو السيسي هو وزير دفاع مرسي “الحصل في مصر ٢٠١٣ ثورة وليس انقلاب” ومابلومك لأنك ماعارف تاريخ بلدك كويس ومنجرف بس بالعاطفة…..
مهما كان موقف الأمس هذا لا يغير من حقيقة ان نصر الثورة لم يكن ليحصل لولا انحياز القوات المسلحة بقيادتها….ومشكلة بلدنا في المدنيين مدعين السياسة واتذكر كلامي دة كويس…ولو بس فتحت قريت تاريخ بلدك منذ الاستقلال لليوم ح تعرف مشكلة بلدنا بالضبط وين؟ ….
يكفيك انو المخلوع “العسكري” جابوا للسلطة الترابي “المدني”…ولا الحقيقة مرة؟
اكبر كوارث السودان كان وراها المدنيييييييييييين!
وكان للمجازر والدم السوداني فأكثر مجزرتين في التاريخ السوداني هما مجزرة الضعين ومجزرة السلاطين وكلاهما حصلا في عهد مدني ديمقراطي منتخب! ولا فاكرين الذاكرة حقتنا سمكة؟ ولا الدم السال في القيادة اغلى من السال في كل مناطق السودان من الاستقلال لفض الاعتصام….
لو ماعارفين اعرفوا موضوع فض الاعتصام دة موضوع للضغط السياسي بيعملوه المدنيين عشان يضغطون على المكاسب السياسية وهم عارفين انو الموضوع ما ح يمشي لقدام لأنهم كانوا عارفين واتصلوا بناسهم تلفونات عشان يخلوا المكان….اصحوا يا حبايبي انا ماااااتبقوا مغشوشين سلاااااااااام….
لو اخوك مع الشهداء فض الاعتصام حتقول مسخ بالتكرار فقدت واحد من اسرتك كنت قلت كدا