داعية شهير : تعمّدتُ دخول اتحاد الفنانين برجلي اليسرى
في ما يُشبه التأكيد على العقلية المتكلسة للمتأسلمين، أظهر الأمين العام لمجمع الفقه الاسلامي البروفيسور عبد الله الزبير، واحدة من سقطات علماء السلطان، وذلك بعدما قال إنه احتار حينما كان يهم بالدخول الى دار اتحاد الفنانين، مشيرا الى انه تملكته الحيرة في كيفية الدخول الى هناك، وهل يدخل برجله اليمنى ام يدخل برجله اليسرى.
وحسب ” المستقلة ” اضاف “الزبير” الذي كان يتحدث في فعالية تدشين كتاب (عالم الافتاء وعثرات المفتين) للبروفيسور عصام احمد البشير امام مسجد النور ، بقاعة اتحاد المصارف، (ذهبت ذات مرة لإلقاء محاضرة في دار اتحاد الفنانين، وقلت في نفسي هل ادخل الدار برجلي اليمنى ام اليسرى، وبعد ان خيّرت نفسي في ذلك اخترت الدخول برجلي اليسرى).
وما ان تفوّه الرجل بتلك المعلومة العجيبة، حتى انتابت الكثيرين حالة من الامتعاض حتى من قبل بعض المحسوبين على مجمع الفقه الاسلامي، وسادت موجة من الاحتجاج واللغط على هذا الفهم القاصر، الذي جعل الامين العام للمجمع يتعامل مع دار الاتحاد كما لو انها منطقة خبيثة، او غير طاهرة.
غايتو ما بسالك يا راجل يا اهبل والرجل الشمال دى مشت برضو خلقا ربنا سبحانه وتعالى
غايتو محنكم محن
ما سكين ف مواضيع تافهة شمال ويمين
,اصلو الجابك شنو؟ فنان أبو الدنان؟؟
ولا كالن عندك قعدة ميح؟؟
وللا كايس ليك رجس من عمل الشيطان؟؟
وطلعت كيف – عل نقالة؟؟
وجنس دا بروفسير؟؟ زيو زي عبد الله الطيب والحبر يوسف نور الدايم عالم كالتجاني الماحي ؟؟ ما دايم إلا وجه الله.
ديل أنجاس مناكيد ما وضع الله في قلوبهم ولا عقولهم ذرة من الإنسانية ولا ال]مان ولا الرحمة. فجلال الخالق من جماله جل وعلا – وهم لا يرون في الوجود شيئاً حميلا – ولا يعون أن بعض جمال الخالق نجده في جمال مخلوقاته – فانظر لهم يديرون رؤوسهم ورقابهم الغليظة لكي لا يروا بعض جمال الخالق فهم صم عميٌ بكم محرومون ولا يفقهون.
الفنانين يا حقير اغلبهم بغنو من قبل اربعين سنة ولا يملكون بيوت ولا جالوص وكذلك العاذفين عندك عمارة وكم قطعة ارض عملتهم بين يوم وليلة السرقة حلا ل والغناء حرم تحرم عيشتك كاتل حليك اكتلت البلاء اللخمك ياحرامى انتو قالين بتقشو منو ياجزم واللة انتم النجسين
رجل متورم من اموال السحت ويتسائل ايهما اطهر،رجلي اليمني ام اليسري?
نفسي اسال الزول دا عشاف اكشف نفاق هؤلاء القوم ومتاجرتم بالدين لما عرس غنو ليهو والا عرس سكيتي؟
هذا المتخلف النكره المدعو عبدالله الزبير يعرف جيدا أن دخول المرحاض يتم بالرجل اليسرى وتصريحه القذر يضع دار إتحاد الفنانين بمثابة مرحاض الى أى درجة من الإنحطاط الفكرى وصلنا, شاكلة هؤلإ من البشر يشتم فى تراث و تاريخ فنى عايش فى وجدان كل سودانى من هذه الدار خرجت الأناشيد الوطنيه ضد المستعمر وأغانى تعكس مشاعرنا من عاطفة وحزن وفرح و فروسيه للبشر فقط أما أنتم دعاة السلفية الداعشيه مجرد دمى عديم الإحساس ونعتزر للفنانين ودارنا الذى نعتز به وليس غريب أن يأتى قول كهذا من سفهأ القوم و قد تبرأنا منهم
ههههههههههههههههههههه
عليكم الله عاينو زي دا
دا بكون ضيع من الزمن كم دقيقة عشان يعرف يخش بي ياتو كراع
كراعك بالتقطعة ليك يا مقطوع
وبأي رجل ستدخل اذا دعيت لزيارة بيوت الاشباح مثلا يا جاهل
علماء قاعدين في الفارغة …………..
دا تنطع وتجاوز الحد وتزكية لنفسك والمشكلة ليس في فعلتك التي فعلت وانت من الضالين المشكلة في كلامك عن الواقعة الآن وهذا الكلام ان فعلته متأؤلا بعض الاحاديث ولا يجوز لك التاؤل فيها بما يصل حد التنطع وتجاوز الحد ولكن المشكلة في كلامك الآن يعنى انت ارتكبت بدل الخطأ الواحد خطأئين الاول فعلتك التي فعلت والثاني كلامك الذي يقصد منه تزكية النفس والله سبحانه وتعالى يقول ولا تزكوا انفسكم هو اعلم بمن اهتدى …
المرحاض فى ظلام عقلك.
و تتساءلون لماذا من اين اتت داعش؟
أي قــوم نحن؟!!!!!
طيب يا مولانا دخول المرحاض بالرجل اليسري لأنه محل نجاسة….. ومحل النجاسة لا يذكر فيه إسم الله والقرآن ,,,, ماذا ذكرت أنت في ندوتك هذه؟؟؟؟….
اقولها مطمئنا والله ان هذا الرجل منافق ومتاجر بتدينه والا ما معني هذا الكلام !! اذا كان لك رأي في هذه الدار فمن باب اولي الا تذهب اليها مهما كان سبب ذهابك بدلا من ان تدخل نفسك في مأزق مع الدين الذي تجعله وسيله لأكل العيش ، ما صرحت به يسمى في مفهوم المسلمين طعن والرسول الكريم قال في الحديث الشريف , ليس المؤمن بالطعان ، ولا اللعان ، ولا الفاحش ، ولا البذي , فأنظر اين وضعتك كلمه قلتها ولم تحسب حسابها ، قاتل الله الجهل .
والله عجائب ….طيب ات يا الفالح الوداك شنو اساسا…في زول بعمل ليهو محاضرة عن الدين في حتة هو شايفة نجسة امرك غريب
علماء المهابيل ديل كل يوم عندهم هبالة جديدة
كنت أتمنى لو قال كلامه هذا في نادي الفنانين حينها لن يجد من يستمع لمحاضرته وإذا كان يظن ان نادي الفنانين دار سؤ فلماذا قبل ان يحاضر فيه
والله هو كلامو منطقي من منظور اسلامي لانو اصلا الاغني الطروبه حرام وفي احاديث حرمت الغناء والعزوف تمام ,اما اذا كانت اناشيد وطنيه او مدائح فلا غبار فيها تمام ,لاكن ناس انت احلي من القمر وانت ما عارف شنو شنو …فا دي حراح .مثال بسيط لو في فنان في التلفزيون بيغني اقفل الصوت وشوف الفنان ده حركاتو كيف غريبه بالجد …وكلنا مخطئون كلنا بنسمع الاغاني دي ,ولامن نسال الله الهدايه والرحمه
عبدالله الزبير للمعلومية هو من المحس وكان فنان مشهور يغني بالنوبية وفي حفلات الأعراس وبعد كذا سنة من الغناء فجأة سكت عن الكلام المباح وامتحن للجامعة وتخرج في جامعة امدرمان الاسلامية وأصبح داعية وخطيبا في المساجد ولا أدري عن أمواله شيئا ولكنه بدأ حياته مغنيا فكيف يقول مثل هذا الكلام سبحان الله مغير الأحوال من حال الى حال …
واها لمن تدخل على سيدك وولى نعمتك البشير بتدخل بياتو رجل يا وهم يامعرس؟
مثل هذا الكلام لا يحكي يا سلاطين الغفلة لأنه مخجل.
الناس ديل دينهم جايبنه من وين
الرسول صلى الله عليه وسلم قال لكفار مكة (أنما بعثت لأتمم مكارم الأخلاق )
وهم كانوا ناس يعاقرون الخمر ويدفنون بناتهم أحياء ويرثون النساء كرها .. يعني الواحد يورث نسوان أبوه بعد وفاته .. ورغم عن ذلك قال لهم بعثت لاتمم لكم مكارم أخلاقكم .
هذه هي أخلاق النبي الذي جاء بالدين الذي تتاجرون به الآن ..
ثم متى خليت مهرجاناتكم واحتفالاتكم من وجود هؤلاء الفنانون .. وكم مرة رقص رئيسكم على وقع أنغامهم .. هل ترددت يوما في مصافحة الرئيس بيدك اليسرى أم اليمنى ؟.
عشان كده قلنا ليكم الدين ده خلو في البيوت وفي الجوامع واي قرد بيتكلم في الدين قصو رقبتة طوالي، الطلع دينا شنو غير انه اي ككوية جاي ناطي وبيفتي لينا
لا لوم عليك لأنك من فقهاء السلطان … الله يهديك ويعيذك من النفاق؟؟؟؟؟؟؟؟؟؟
لا حول ولا قوة الا بالله…سقطة لا تغتفر
لا ينبقى لمثل هذا ان يتبؤ مركز الامين العام لما يسمى مجمع الفقه الاسلامى
صورة حية لنفاق علماء السلطان
ياخي تخش فيك ماسورة ما تطلع
الناس بتفكر في حلول لمشاكل الدنيا كلها وانتو اخش الادبخانة بياتو كراع، لمن اهر اغسل ق ن ي ك ي بياتو يد، لمن اكل اكل بياتو يد
ياخي حريقة فيكم وفي اهلكم
عبد الله الزبير لمن لا يعرفوه هو الفنان النوبي الذي تغني بالعديد من الاغاني وكان فنان لفترة طويلة من الزمن ولديه اشرطة بصوته وايضاء لديه كثير من الاغاني من تأليفه هو .. فسبحان الله مغيرالاحوال من حال الى حال
من لم يسمع لرقيق الاشعار….تتلى برنين الاوتار….فهو جلف الطبع حمار….شيخكم دا حمار ليس الا
وكت إتعقد كدا كان ينط بكرعيه الإتنين .
شوف ضحالة الفكر وقال قال الأمين العام .
ولما طلع برضو باليسار؟ يا مارادونا؟
وين نقابة المهن الموسيقية بل وين عمال السكة رماد كماتسأل ذلك العظيم
يعنى بشبش بتاعكم دة الزمن دة كلو برقص على انغام المراحيض
اعوذ باللة
تحيانى (( للحر)) شبونة
خسرنا عندما تركنا هؤلاء الإنكفائيين المتخمين بالجهل والتشوّهات الذين يغضون الطرف عن أفعال أكثر الديكتاتوريات ظلماً ووحشية تركناهم ليضربونا على قفانا حتى أوجعتهم أيديهم ولم نحرّك ساكناً.. سرقوا حلمنا بوطن خيّر ديموقراطي باسم الدين والوعظ والإرشاد رغم أنّ الإسلام لا يعتبر الوعظ حرفة ولا يجيز الاكتساب منها ولا يعترف أصلاً بشرعية رجال الدين، فتحوّلت لغة الإسلام على يد هؤلاء الأدعياء إلى لغة تتحدث عن عالم وهمي موجود فقط في مخيّالاتهم السقيمة وتصبح بذلك لغة غائبة منبتة تماماً عن واقعنا المعاصر مسفرة عن ثقافة خرساء، تتكلم عن واقع وتعيش في واقع مختلف ومتخلّف في ذات الوقت، وهذه المفارقة القاسية تتصاعد إلى مستوى المحنة في عقل المواطن المسلم البسيط.. نحن نمثّل أنفسنا ونختار طبائعنا ونباشر نيّاتنا.. لأننا حقائق وليست دُمى يتلاعب بها هولاء المتفيقهون.. فهلا مارسنا الإنعتاق أو التجاهل مرة واحدة وإلى الأبد..
سقطة علماء الشيطان سقوط مزل
يكفي ان يكون الكتاب صادرا من امام مسجد النور !! وهل كتب مقدمته الشيخ القرضاوي ام الشيخ الترابي ام فات عليه ذلك ؟؟ وهل هو مسجد العارف بالله ؟؟ وهل تم تغيير الاسم على نسق جبهة الميثاق الاسلامي مرورا الى المؤتمر اللاوطني ؟؟؟ وهل يفتي لنا عصام احمد البشير عن ما ورد في الخبر :
(الأمين العام لمجمع الفقه الاسلامي البروفيسور عبد الله الزبير، واحدة من سقطات علماء السلطان، وذلك بعدما قال إنه احتار حينما كان يهم بالدخول الى دار اتحاد الفنانين، مشيرا الى انه تملكته الحيرة في كيفية الدخول الى هناك، وهل يدخل برجله اليمنى ام يدخل برجله اليسرى.)
هل هو مرض عضال لا امل في شفائه ام هو نفي الشئ بالشئ ؟؟
ياجماعة العلماء ديل بجيبوهم من وين طيب ناس اميرة وبدرية ومشاعر الدولب وتهاني وامال البيلي المحننين ومدخنين ديل بسلموا عليهم بياتوا يد اليمين ولا الشمال
وبعدين الغناء والرقيص حق منو مش الريس وعبدالرحيم من قروب الرقاصيين وبرنامج اغاني واغاني بتاع منو مش تلفزيون الانقاذ
وعبدالله البشير مش من محترفي الغناء افيدونا
ما هي الرسالة التي يريد ان يوصلها بالله عليكم دعكم من الامور الانصرافية واذا هو كان نجس ماذا يهم اذا دخل باليسرا او اليمنى عدم الموضوع هو موضوع في حد ذاته
ياجماعة العلماء ديل بجيبوهم من وين
طيب ناس اميرة وبدرية وتهاني وامال البيلي وقمر وسامية ومشاعر واشراقة وما تنسوا وداد المدخنين ومحننين ومكبرتين بيسلموا عليهم بياتوا يد الشمال ولا اليمين
كمان ماتنسوا برنامج اغاني واغاني بتاع منو والفنانين المعرصين ديل زي جمال فرفور وعاصم البنا بيتعاملوا معاهم كيف والسلام كيف مش بالاحضان يا ………………
سمح يا ناس مجمع الفقه كان انا دخلت بيت عرقي بي رجلي الشمال ومسكت الكاس بالشمال ! اها كده حتخصموا لي كم من الاربعين جلدة !!؟ شان اكون عارف حقوقي الزمن مااا مضمون !!
الغريبة انو الفنانين الداخل دارهم ديل مورد رزقهم معلوم ومفهوم للناس لا سرقو ولا اختلسو …الكلام فيك يا اب جضوم القروش والعربات والعمارات واكيد اغلبكم له عدد من الزوجات من اين لكم هذا ….عمري ماشفته لي شيخ سمين ومكلبز ذي شيوخ اليومين ديل ودايما بتكلمو بره راسهم كانهم شاربين حاجة
احله ليك انا ما تحتار لاتدخل لابرجلك الشمال ولا اليمين …احبي احسن
السيد عبد الله الزبير والحرامى امام مسجد النور الذى دنسه بوجوده والارازل الذين معه من الكيزان الاغبياء عشان يعرفوك اكثر هوه عصام احمد الشير الحرامى والمنافق الاول على مستوى العالم الاسلامى والعربى والافريقى
اولا عبدالله الزبير غنى وتغنى وسكر وسكروه لما قال يابس تقول ماعرفت تدخل برجلك اليسرى ولا اليمنى يا اخ بلاش الضحك على الذقون انت وعصام احمد البشير حرام عليكم والله حرام عليكم الفانين اهم اسمهم فنانين وقدر العملوا من ثروة نقول بجهد منهم لما يتمتعوا به من معجبين ومناسبات باستمرار ما علينا انتو ياحرامية دخلتوا السلطة وكونتوا ثروة ماتحلموا بيها طول عمركم من وين ومن اين هذا انسيتم الدين الذى تدعونه ولا عندكم مبرر لثروتكم الحرام الدين ليس لعبة وحسابكم عسير والدرك الاسفل مسكنكم من النار
رئيسك برقص باليمن والشمال رايك شنو ؟
يا اخوانا اتركوا الكلام الانصرافي الكيزان كلهم مجرمين ومخنثين وبتركبوا من زمان
شوفوا موضوع الثورة وانقاذ السودان من الكيزان اللواي…………………………….ة
اي كلام تاني ما عنده معني هم يريدون الهائكم وشغلكم بقضايا انصرافية لتخفيف الضغط الواقع عليهم
وما تنسوا العيدان الكبار فقد حانت لحظة الحقيقة
اين المفر يا ابناء الزنا
قتل فى مصر السياسى المصرى اظن رئيس البرلمان فى التمنينات بواسطة مجموعة ارهابية…السبب انو وقعت فى يده مراسلات بين مجموعتين اسلاميتين احداهم رسمية حول ان كان فى الجنة غلمان ….وكان فى نفس الوقت امريكيا بتستعد لاطلاق الصاروخ دسكفرى الى الفضاء….فقال فرج فودة لوسائل الاعلام فى نفس الوقت الذى يستعد فيه الغرب الى غزو الفضاء علمائنا يتجادلون هل الجنة فيها لواط..لذالك تم اغتياله….التاريخ يكرر نفسه ويكرر…الطائرات الحكومية تقصف المدنين فى دارفور وجنوب كردفان والنيل الازرق…المعسكرات ملئة بالمواطنين…المحكمة تنعقد لاصحاب الراى والسياسة..200 شاب ماتو فى مظاهرات رفع الدعم ..التحلل …الفساد…ارهاب الخصوم….و…و….وشيوخنا لم يصدرو اى تعليق ولاكلمة سكوت ساى……والشيخ بختار كراعو عشان اعبر عن موقفو…نحن دارين شيوخ اشغلو محهم وقلبهم شوية …انشاء على الخفيف …مامكن اكونو ماتو خالص …
الفنان عبدالله الزبير
اصبح الداعية عبدالله الزبير
ده كان فنان نوبي غنى لماااااااااااااا شبع غنى ….. آخر مرة سمعتوا على خشبة مسرح احد المدارس الابتدائية في المحس عنى لينا بالطنبور ….
الظاهر مشى اتحاد الفنانين عشان يسجل اسمه في الاتحاد
اصلا الكيزان كدة من الفقر المدقع اصبحوا اغنياء عنى فاحش ..
ومن الجهل ازدادوا جهالة …
ومن مسح الجزم والنفاق اصبحوا …..
تعلمنا الدخول لمكان ما بالرجل اليسري هي للمرحاض اي اماكن القزورات ولكن لم نتعلم انها تصلح ﻷلقاء المحاضرا والراحيض ﻻ تليق بالدروس واﻻستذكار. فياتري ماهي تلك المحاضرة؟
ياخي كان تدخل “بالخلف “…
لكن ماوريتنا لما خرجت من الدار خرجت بتقديم رجلك اليسرى أم اليمنى؟ إنت دخلت نفسك في مطب ياهذا إذا خرجت بتقديم اليسرى فهذا يعني أن المكان الذي كنت فيه له مقام المسجد وإذا قدمت اليمنى فهذا يعني أيضاً كالداخل في المسجد. قال دخلت باليسرى قال.
والله انا عندى فكرة لجماعة اليسرى واليمنى اذا كان الجزء الايسر كله فيه الشيطان ماتقطعوهو وترتاحو من الشيطان ياجهلة
ما عشان كدا الفنانين كانوا فاتحين ليك اضنينم وسادين نخرينم..
الادبخانة بمعنى حجرة مخصصة لقضاء الحاجة لم يكن لها وجود في العصور الاولى وكان الناس يقضون حاجتهم في العراء (بيت الخلا) فكيف يقدمون او يؤخرون الارجل وهم في عراء فسيح لا مدخل له؟!!!
هذا كله كلام فارغ في فارغ وكثير من الامور التراثية التي تجد تقديس عند ادعياء الدين تحتاج الى مراجعة وشطب وكثير من الاحاديث في ما يسمى صحيح البخاري منسوبة للرسول (صلعم) تسئ الى الدين ويجب شطبها والبخاري ومسلم أتيا بعد حوالي مائتي سنة لوفاة الرسول وكلاهما من فارس – البخاري من بخارا ولغته فارسية ومسلم من نيسابور ايراني!!
مع ذلك يجب الاعتراف بجهل العرب وتخلفهم منذ العصور الاولى وحتى الآن والفرس ناس شطار واهل حضارة وهذا شئ واضح ويكفي انهم الآن موقفين العالم على كراع واحدة في الملف النووي…
جرذ قذر ليس الا
الشيخ عبد الله الزبير …
من العلماء الذين نحسبهم من الصالحين وربما أن الله يحفظ بلدنا بأمثاله!!..
يا جماعة اتكلمو بعقلكم انتو فنانين وعندكم حرية في نشاطاتكم وهو حر يقول العايزو وما فيها أي حاجة وانتو مكبرين الموضوع وهو لما قال الكلام ده كان من سبيل المزاح وأنا كنت حاضر…
والشيخ لا علاقة له بالسياسة إنما أختير أميناً عاماً لعلمه فهو من علماء وأساتذة الجامعة الإسلامية بالمدينة المنورة ومن يحتك به يلتمس ذلك العلم والتواضع واﻷدب واﻷخلاق ..
يا جماعة لازم نحترم أمثال هذا الشيخ وما ممكن من أسباب زي دي نسئ له ونجرح فيهو .. وهو محرم نجرح المؤمن والمسلم فما بالك بعلماء وصالحي المسلمين .
اعقلوا اعقلوا